سلام دوستان (رنگ ایمانیمی مانند کلاه ایلمدیم) شاکرم آللًهیما عمری تباه ایلمدیم ساخلادیم نفسیمی دنیاده گناه ایلمدیم گوزله دیم گل کیمی پرونده مین هر صفحه سینی آللهین لطفیدی و مخدوش و سیاه ایلمدیم آلانوب فانی بودنیایه و یا اینکه دونوب هرگلن هرزه و نامرده نگاه ایلمدیم اللی ایل باشیمی دوتدوم یوخاری بنده لیگون حقین الحق که ادا غیر اِله ایلمدیم چوخ گره دوشدی ایشیمده دولاشیخ گلدی ولی قاباقیندا دایانوب ناله و آه ایلمدیم دئدیم آللهه توکل هاموسی حل اولاجاخ شاهدآللهی دوتوب خلقی گواه ایلمدیم باخمادیم کیم نه دیور دوز یولومی طی ائلیوب ساخلادیم پاک ئوزیمی کج رو راه ایلمدیم راضی اولدوم متوسط یاشیام جامعه ده آبرومی گرو ثروت و جاه ایلمدیم اعتقادیم یولومی باغلادی هر فاصله ده رنگ ایمانیمی مانند کلاه ایلمدیم که قویام هرباشا هررنگ اولوراولسون نه اولار ایل به ایل قالسون هله ماه به ماه ایلمدیم قویمادیم جلدیمه شیطان فرومایه گیره چون اونون سایه ی پستینده پناه ایلمدیم گونده اوچ دفعه وضو ایلدیم هنگام نماز متداوم اونیدا ، گاه به گاه ایلمدیم دستمازین سویی پاک ایلدی اندیشه میده حرکت نفسیمیلن میل به خواه ایلمدیم اوخودوم سوره ی توحیدی آچیلدی اورگیم نفس اماره نی تامین رفاه ایلمدیم آللهی یادائلیوب دوگدوم حسینون قاپوسین ئوزومه غیرحسین ئوزگه نی شاه ایلمدیم

اوخشامالار (آنا فراقینده) قرآن سؤزی یالان اولماز بو دنیادا قالان اولماز بیرده ائویوه گئدنده بیزی یولا سالان اولماز من بالاوام اویانموسان من یانیرام سن یانمیسان نقدری سسلورم سنی اویادیرام اویانمیسان دردون دئنن بیلیم ننه دانیش شیرین دیلیم ننه هایاندا قالدون آی ننه یرون دئنن گلیم ننه زحمتیمی چکن ننه گؤز یاشینی تؤکن ننه بالالارون آغلار قالوب ائویندن ال چکن ننه با نوای: فرزاد عالی #آنا

نه دن ای یتیمه نازنین /پوزولوبدی انجمنون سنون /هامی بیر سنه باخوب آغلیور /نه دی دلده کی محنون سنون /نیه اهلشامون اورکلرین /بو یانقلی آهیله داغلوسان /گجه ده سیزیلتی سسون گلور /یوزه سیل اشگوی باغلوسان /آتاسی ئولن بله آغلاماز /دی گوروم کیمون ئولوب آغلوسان /سارالوب یوزون بو خرابه ده /اریوبدی گل بدنون سنون /اولا هر نه قاضی سنگ دل /باخار استقامت عامله /بوراخار صغیره مقصری /یتیشینجه حد تکامله /یو صغیره سنیله بوینوا /وریلوب دوشاخه لی سلسله /نه گناهه کیفر اولوب مگر /بو قولونداکی رستون سنون /نیه توز باسوبدی بو زلفوی /سنون ای یتیمه خونجگر /بو وفالی عمه لرون آنون /ساچوی یویوب داراماز مگر /منیلن گیدک بو کنیزلر /دیرم هر امروه باش اگر /که یویوب گلابیله زلفوی /دئیشلله پیرهنون سنون /باخ او قصر سلطنتیده وار /منه چوخ جلال و مقاملر /ساق و صولدا رومی کنیزلر /ال ال اوسته قاره غلاملر /گییروق تمیز لباسلر /ییروق لذیذ طعاملر /بو خرابه نون داشین آت گیدک /قوتاریم غم و محنون سنون /گوزوین قاداسین آلوب ئوزوم /آچارام بو قید اسارتون /منی چون اسیر ایلیوب سنون /ادب و کمال و نجابتون /اوجا قصر و جاه و جلالیدن /الیمی سوؤتدی بو صحبتون /نقدر یانقلی سوز ئورگدوب /بو شیرین دیل ئورگدنون سنون / گورورم که قاره گینموسن /اوره گون یانوبدی عزالی سان /توزا توپراقا بلشوب یوزون /قولی باغلی قلبی یارالی سان /دانیشقدا لحنون حجازیدی/دیله گل ئوزون دی هارالیسان /ندن اولموسان بله دربدر /یوخیدی مگر وطنون سنون /من ایشیتمشم که سویولموسان /اودی رخت عیشوی سویموسان /گتیرن زمان بیری بوش بشیک /توکوسن سرشگوی دویموسان /قوجاقندا کیم صود امر گلور /اونی بو خرابیه قویموسان /چون آنون رباب علی وای دیور/آلشور بو جان و تنون سنون /قوری تپراق اوسته ندن اولوب /قوری نی تک آه و نوا ایشون /نه گلیم و فرشه گمان وارون /نه ده واردی بیر کسه خواهشون /بو خرابه منزلی آلموسان /هانی بسترون هانی بالشون /یانوا مگر الی بوش گلور /هامی دیدوه گلنون سنون /اوره گیمی یاندیروب ایلدون /منیده ئوزون کیمی باغریقان /اوجا بویلی بو خانم عورتین /منه آدینی ایده سن بیان /گورورم فقط سنه گوز تیکوب /دیه سن آنوندی بو مهربان /که دولوبدی,قلبینه گوئیا /غم و محنت علنون سنون مرحوم استاد منزوی

🙏🏼مناجات 🎼سبک ：چوگیسوی تومن ... الهی گلمیشم شرمنده درگاه عطایه یوزوم قاره الیم بوش باخ نوالی بینوایه خطا مندن الهی عطاسندن الهی علاجسیز دردمندم دواسندن الهی نظر قیل منه دخیلم سنه قسم ال عبایه الهی دفتر اعمالیمون تعریفی یوخدی باخا کیم دفتره سویلربونون عصیانی چوخدی الیمده چاره یوخ نیلوم گناهیم قلبه اوخدی بو اوخلی قلبه درمان ایتمگه گلدیم دوایه خطامندن الهی ... الهی واقفم بیراهه یوللار گئتميشم من سراپا عمرومی کج یوللارا صرف ائيتمیشم من الیمدن دوت الهی نفس الینده ائيتمیشم من بو نفسین چون الیندن گلمیشم اه ونوایه خطا مندن الهی... گنهکارم اگر، ایندی پشیمانم الهی سینیق قلبیله گلدیم چوخ پریشانم الهی جوان عمروم گئچوب غفلتده نالانم الهی نئدیم غفلتده عمروم گئتدی چون باد فنایه خطا مندن الهی... منی عفو ایله یارب شاه عاشورایه خاطر چوخور یرده عزیز حضرت زهرایه خاطر الیمدن دوت ئوزون السیز قالان اعضایه خاطر باغیشلا بنده وی الله شهید کربلایه خطا مندن الهی... قسم ویرّم الهی یوم عاشور بلاده حسینون قالدی قانلی نعشی میداندا اراده قالوب اوچ گونلریله نعشی دشت کربلاده داش التندا تاپوب زینب،چیخوب اهی سمایه دیدی ایوای حسینیم منه ویر های حسینیم یاتوبسان یات یارالی دیوم لای لای حسینیم سوسوز قارداشیم بلالی باشیم یارالی جسمه قربان سوزوم یوخ امتحان ویردون حسین چیخدون محکدن ولی زینب ایدر شکوه ئولونجک بو فلکدن نئجه اوخدی بو اوخ قلبه دگوب چیخموش کورکدن قوشون گور نیلیوب دلبند پاک مصطفایه یارالی جان یارالی اولوب زینب عزالی سنه وابسته زینب نئجه دوشسون ارالی  ئورک اولدی قان یارالی اویان  لب عطشان یابن الزهرا الهی"متقی"بحر گناهه غوطه وردی الینده خیر عمل یوخ بوسببدن دربدردی ئوزون رحم ائت سنی زهرا دعاسی بی ثمردی جواندی دوت الیندن گر گئدوب راه خطایه خطا مندن الهی... ✍متقی تبریزی

در شهادت حضرت علی علیه السلام #گریز به #قتلگاه . . #سبک_کوفه_را_ماتم_گرفته . حاج علی زلفی تبریزی . شورش محشر بپادی قدسیان غرق عزادی . ماه رحمت دوشوبدور خسوفه آغلاشوللار یتیمان کوفه . یاعلی یا علی یا علی جان (2) . . . باش آچوب جنتده طاها ذکری دیلده واعلیا عالمین بو عزا پوزدی حالون سولدوروب اهل بیتون جمالون . . . گویلره قاره چکیلدی زینبون قدی بوکولدی قلب زاری گلردی نوایه سسلنردی آنا گل عزایه . . . جان ویروب روح مناجات بیرده مثلی گلمز هیهات . بولمدی قدرینی اهل عالم غصه دن اولدی چوخ حالی برهم . . . چوخ جلالیله نهایت دفن اولوب شاه ولایت شیعیان جسم شاه شهیدان قالدی گونلر قباقینده عریان جان یارالی یارالی یارالی ... . . #گریز به قتلگاه . گرچه حیدر دلشکسته جان وئروبدور زار و خسته . اوغلی اما او میدان ایچینده قالدی گودالیده قان ایچینده . . . بیر طرفده شمر ملعون بیرده زینب گلدی دلخون . ال آتوب قاتلین خنجریندن تا دوتوب قان آخوب اللریندن ...

مناجات امام زمان(عج).........💚 مثل هرجمعه هوای نفسم سنگین است خبری از تو ندارم که دلم غمگین است مثل هرجمعه پراز ندبه ی دلتنگیهام عجل الله و فرج ذکر لبم آمین است خوب میدانم از اعمال بدم رنجیدی دلت از بسکه گنهکارشدم چرکین است مثل شعری شده ام خالی و دوراز احساس نام زیبای تو در این غزلم تضمین است گرچه تلخ است که عمری ز غمت گریه کنم نوکری کردن درراه شما شیرین است دفتر شعر مرا عطر شما پر کرده کوچه های دلم از یادشما تزیین است

#حضرت_ابوالفضل بُلوت کیمین گوزوم آغلار آدی گلنده حسینین بهار فصلی او خاصیتی صحاب دوتانماز بولار نه سوزدی دییلر کی شمر زینبی سوید شغال بی هنر عالمده شیرغال دوتانماز یازلار سالدی یوزه زلفنی علی قیزی زینب علی قیزی یوزونه زلفونی نقاب دوتانماز فقط علی قیزی بیر دفعه باشینی ئوزی آچدی گوروب باش آشماسا دل سینه سینده تاب دوتانماز (هاواخ اولدی زینب الین آتدی باشنا) (گوردی قارداش آیرلر گیدیر،دییم نجور آیرلور باخ منه،امام اله آیرلور اله بیر هیچ بالالارون تانموردی،گوردی یواش یواش دییر سین بیر دایان گوروم ؛حسین ئوزومه گوره دیمیرم دایان؛ئوزومه گوره سوزوم یوخ؛حسین آنام وصیت ایدوب زینب ال اله دی باشنا اوبالاجابالا خیمه ده باخردی دییر گوردوم عمم ساچلارین اله یولور ؛حسین هارا گیدوسن قارداش ؛ رقیه دییر گوردن ععم ال اله دی بابامیم محاسینینه بیر الین قویدی حسینین آننا گوزادی باشین گویه دییر گوردوم عمم دوداقلارین قویدی بابامین بوغازنا)

اوخشامالار (آنا فراقینده) قرآن سؤزی یالان اولماز بو دنیادا قالان اولماز بیرده ائویوه گئدنده بیزی یولا سالان اولماز من بالاوام اویانموسان من یانیرام سن یانمیسان نقدری سسلورم سنی اویادیرام اویانمیسان دردون دئنن بیلیم ننه دانیش شیرین دیلیم ننه هایاندا قالدون آی ننه یرون دئنن گلیم ننه زحمتیمی چکن ننه گؤز یاشینی تؤکن ننه بالالارون آغلار قالوب ائویندن ال چکن ننه با نوای: فرزاد عالی #آنا_فراقینده

احوالات حضرت خدیجه (سلام الله) خلق ایلینده خالق یکتا خدیجه نی خلق ایلمشدی گل کیمی زیبا خدیجه نی هر حیثیدن ایدوبدی برازنده خلقتا پروردگار حی و توانا خدیجه نی خوش طیب ، خوش سلیقه و خوشبخت و مالدار مردم ملقب ایلدی کبرا خدیجه نی اندازه سیز غلام و کنیز و خدم حشم ایتمیشدی سرشناس و هویدا خدیجه نی هشتاد مین یازولا شتر بارکش تمام مشهور ایدوب تجارت و سودا خدیجه نی بیر سبز خیمه سی واریدی ایپلری حریر حاصل تانوردی عالی و ادنا خدیجه نی بیوِیدی قرخ یاشندا و لا کن قیافه سی گوزده نشان ویروردی دل آرا خدیجه نی چوخلار اونون تمایل اولوب ازدواجنه حتی رجال ایتدی تمنا خدیجه نی از بس واریدی ثروت دنیاسی بیکران پول و ریاست ایتمدی اغوا خدیجه نی هر خواستگاره لا بویوروب ، رغبت ایتمدی خود رأی بیلدی اهل تقاضا خدیجه نی پیغمبرین واریدی هله ایرمی بش یاشی ایتدی تجارت ایتماقا پیدا خدیجه نی توضیحی چوخدی چونکی مفصلدی داستان تعریف ائدنمورم و لهذا خدیجه نی دلدن و لیک عشق یتوردی پیمبره عشق و علاقه ایلدی شیدا خدیجه نی پیغمبر اولدی یوسفه تشبیه فی المثل فرض ایلسم بجادی زلیخا خدیجه نی بیر گون چاغوردی پرده سین آچسون بو مطلبین کشف ائتمیوبدی اِسمله اما خدیجه نی سویلوب که بیر نجیبه حرم تاپمیشام سنه ائتسن مخیر آلماقا مولا خدیجه نی شرم و حیا یولیله اشاقه سالوب باشین چکدی سوال و پرسشه طاها خدیجه نی آلدی خبر خانم کیم اولا سیز بویوردوقوز وادار ائدوب تبسمه در جا خدیجه نی عرض ایلدی گوله گوله من گورموشم اونی باخسا گورن گوزون گوره جاق تا خدیجه نی هیچ عیبی یوخدی سیدی ، اولسا بیر عیبی وار بیر آزجا سندیروبدی او معنا خدیجه نی بیر نچه ایل تفاوت سنی سنیله وار سووسَن برابرونده دی حالا خدیجه نی الله اکبر ایشلره باخ گور هایاندادی نیلور ندور خدای تعالی خدیجه نی تصمیم باغلیوبدی مشیت معاینه ویرسین قرار مادر زهرا خدیجه نی باش دوتدی ایش خلاصه اولوب عقد ازدواج تزویج قیلدی سرور بطحا خدیجه نی دوران دولاندی گون گیچوب آی گیچدی ایل گچوب زهرایه بویلی گوردی بو دنیا خدیجه نی قهر ایلدی بیر عده غرض ورز بانوان ئوز منزلینده قویدولا تنها خدیجه نی بطننده کن آناسینا مانوس اولوب بتول قویمازدی غصه چکماقا اصلا خدیجه نی هنگام زایمانیده اما یازور صدوق دوتموشدی اضطراب و مهابا خدیجه نی ناگاه دوت خانم هاموسی هاشمی لباس تشریف گتدی قویمیا تا تک خدیجه نی کلثوم و آسیه ، بیری مریم او حین ده تک قویمیانلارین بیری سارا خدیجه نی اگلشدی دوردی دورت طرفینده مخدرات رافتله دیندیریردیله گویا خدیجه نی نور بتول ناگه اولوب گوزده جلوه گر ایتدی احاطه نور و تجلا خدیجه نی پاکیزه و مطهره ، میمونه ، مشک بو بیر قیز که شاد قیلدی سراپا خدیجه نی فوراً گییندیروبله ویروبلر قوجاقنه ایئتدی جمالی غرق تماشا خدیجه نی دقتله باخدی گوردی کی خیردا خدیجه دور بیلمور دی کی بالانی گورور یا خدیجه نی گوی سمتینه دولاندیروب یوز عرض ایدوب خدا چوخ شکر تاپدی نعمت عظما خدیجه نی روحیمدی بو ، اگر بونی مرد و زن اینجیده البته اینجیدوبدی خدایا خدیجه نی افسوس یاندیروب قاپوسین قوم مشرکین ایتدی دچار زحمت و ایذا خدیجه نی شاعر : مرحوم حافظی تبریزی

‍ 🌴🌴🌴🌴🌴      نوحه،،،زبانحال حضرت زهرا(س) درفــراق حضرت خدیجه(س) ✍شعراز: محمدرضامحمدی(ناعم) 🥀🥀🥀       شب وفات حضرت خدیجه(س) 🖤🖤🖤🖤🖤    ای وفاوشرفون کانی ننه یاندیران قلبیمی هجرانی ننه باخورام بوش یرووه اودلانورام دردیمون یوخ داخی درمانی ننه یوخدی هجرانه دوزوم سینه ده چوخدی سوزوم 🌴🌴🌴🌴 ننه سیزلیق غمی بیرغمدی ننه محنتیمدن نه دئسم کمدی ننه چاره یوخدوربویارالی اوره گه گوزیاشیم،دردیمه مرهمدی ننه قلبیمی غملر آلیب   گل عمروم سارالیب 🌴🌴🌴🌴 ننه سندنصوراتک قالدی بابام دردهجرانووه یوخ دلده دوام غم ومحنت بوریوب خانه میزی داخی خوش گونلریمیز اولدی تمام بابامون رنگی سولوب قلبینه غصه دولوب 🌴🌴🌴🌴 گورزمانه منی سالدی نه غمه قالمیشام دهریده حسرت ننمه فاطمه آغلاساقان واردی یری یوخ دوامی بئله درد واِلمه آچ گوزون حالیمه باخ غملیاقبالیمه باخ 🥀🥀🥀🥀🥀 ✅ قابل توجه مادحین محترم این نوحه را،بایکی دوتغییرجزئی،میشوددرمجالس ختم مادر و پدر خوانده میشود

ماه رمضان 🌹🍀🌺🌿🌷🍀🌹 خداوند آستانیدن عنایتدن ندا گلدی صفالی قلب تاپ بندم مَه صُوم خدا گلدی قوناقلیق ایلیوب الله مه ذکر و عبادت دور تلاوت ایله قرآنی یتوب وقت دُعا گلدی بو آی نازل اولوب قرآن و ما ادراک لیل القدر لَیال قدرافضل دور مین آیدان برملا گلدی ملک لرروحیلن با هم گتیرسون هر نه فرمان وار امام عصر اولا آگاه امورات و قضا گلدی بو آیدا حیدر کرار نماز اوسته قلجلاندی اولوبدی قانینه غلطان گوروبلر مجتبی گلدی قیلوب تکمیل ایدوب صبحون نمازین زادۀ زهرا گوروب زخمی اولان باشدان حزین سس بیرنواگلدی دیور فزت و رب الکعبه رخساره آخور قانی آچوب قانلی گوزون گوردی شه کربو بلا گلدی بویوردی هاردادی عباس گویول ایستر اونی گورسون او دمده الده شمشیری اوشیربا وفا گلدی گوربلرگوز یاشی گوزده بابام ایوای دیورآغلور او جالدوب ناله افلاکه صدای آه و وا گلدی بویوردی آغلاما اوغلوم بیله گوز یاشیوی توکمه علمدار حسین منصب سنه صاحب لوا گلدی یاخین گل ال اله ویرتا شه کرب و بلائیلن حمایت ایله تا جان وار حسیندن تا بلا گلدی ایکی قارداش او مسجده قوجاقلاشدی هم آغلاشدی حسین سویلوب یتیم اولدوخ بیزه ظلم و جفا گلدی صدای جبرئیل سالدی گویه یراهلینه شیون بو لوبلربو تراب اولدی نوایه مصطفی گلدی یاتانلار اولدولاربیدار به عشق حضرت مولا دولوبدور مسجد کوفه تمام اهل ولا گلدی دوتوبلار ملجمی معلون دایاندی چون حضوریده دیوب مولا نه ایتموشدوم بو ظلم سندن روا گلدی حسن جان بو اسیروندی آپارلیکن مدارا ایت عدالت قوی اولا حاکم گورر بیرگون جزا گلدی من ئولسم گر بونی اولدورعدالتدن قصاص اولسون دیری قالسام اولارآزاد بونا بلکه رَسا گلدی گوروبلر ایسته دی گیدسون سوروندی دیزلری اوسته یاپوش سونلا صاق و صولدان تمام اقربا گلدی یتش جاق منزله مولا بویوردی زینبیم قورخار گرگ من اوز ایاقیمله گیدم گورسون آتا گلدی ایشیدّی بو سوزی زینب حیادن چیخمادی دیشره ندن کربو بلاده بس ایدوب محشربپا گلدی گلوب گوردی حسین باشسیز دوشوب گودال عشق ایچره نه ال لر وار نه ده کوینک دله لفظ اخا گلدی دیدی هانسی شل اولموش ال الون کسدی باشون کسدی آنام عطری گلور بوردان یقین زهرا بورا گلدی یارالی قارداشا باخدی بسان ابرتک اشکین توکوب سانسیزیارااوسته دیسون مرهم دوا گلدی دوزر زینب دیله گلمز آلار بو سینیه قارداش گورنده هر نه دردو غم باشا هر نه قضا گلدی حسین آسوده یات زینب گیدور شامه علم ویروسن حجابین ویرمیوب ویرمز دیله گر ابتلا گلدی شب قدری ایدر احیا ویرار باشه دئیر «عدلی» قلجلاندی نما ز اوسته علی روز عزا گلدی عدلی تبریزی 🍀🌹🌿🌷🌺🍀🌹

دمه لی سوزلردن حاج اصغر فرشچی( عدلی تبریزی) یاران باشوز ساغ اولسون بایرام دوباره گلدی سالسون عذاب و فکره جانه شراره گلدی ایستور اوشاق لار ایچره بیر اضطراب اولونسون هر زاد خیالدا آلسون دونسون سراب اولونسون انصاف دور بو یوخسول روحی عذاب اولونسون عرض ارادت ایتسون سرمایه داره گلدی وار دولتی اولانلار چاتدی گینه وصاله ساقی ویروب شرابی مست اولماقـا پیاله امّا دوشـوبدی بی پول مین فکریله خیاله آخدیرماقا یتیمون اشکین عذاره گلدی غـوغا سالوب بـازاره امریکانون دلاری زالو کیمی سورورقان رنگین ایده بازاری ظلمت اولوبدی دوزگون بو ملتین نهاری یـوخسول لاری الیله قـویسون مـزاره گلدی مین حیله وار بازاردا باخ خلقه آه و زاره قیمتلر اون برابر مردم دوشوب فشاره نـه لذتی بو عیدین لعنت بو روزگاره بایرامدی بـاعث اولدی هر زاد بازاره گلدی پس مانده شی ساتانلار شکر ایلوری قازاندیم هر کس آلور دیورکی ایوای خدا تالاندیم من بـو آلیش ویریشدن یاران بونی ایناندیم بیع و شرا زماندا هر ننگ و عاره گلدی باخ کوچه و گذر ده اوخشور هامی خماره چوخ عدّه یه گلیر بیر خرجی چیخوب هزاره امـا بـوعید نوروز باخماز گلیرچیخاره سالسون چوخ ایوده دعـوا بو آشکاره گلدی پولسوز آتا یانوندا دورت قیزگلوب بازاره معصوم اوشـاق ثمینه سیمین سیما سـتـاره حسرتـده دی النگو تاخسون یـا گوشواره مین آرزو اورکـده ایتسون نظـاره گلدی جمع ایلدی بازاردان پول کیمده وارآپاردی بیر قرقی تک نه لروار ایتدی شکار آپاردی همسایه لر دیوللر بش تاکسی بار آپاردی ویرسونلا یاره اوستـه بیرتـازه یـاره گلدی شیطان آلوبدی ایمان بیر عده ده تاپولماز دولت ویـرن بـهـایـه جنس و متاع سـاتولماز بس ارخی گن قازوبلارقورخوری چوخی آتولماز الده آلوبدی بایرام اوغین قناره گلدی مندن سـنـه وصیت مهمان گله گوروشسون یوز ویرمه ایلده بیر یول اجباریله اوپـوشسون نه شیرنی قوی نه میوه آجی چای ایچوب سوروشسون بولسون که بو گوروشلر وارلی نگاره گلدی (عدلی) بس ایت گرکدی حرمت اولا قوناقه بایرام بیزه قوناقدی گولماق گتیر دوداقه روحیه ویر بـهاردی گل شاخیه بوداقه گون گیچممیش گورور سن بایرام دوباره گلدی کهنه یاران دیشیلسه کیمسه سنه یار اولماز بو شعری کی یازوبسان کیمسه خریدار اولماز چون حشره تک بو یاتموش ارواح بیدار اولماز اشعاریوی بـو بـایرام ایتماقه پـاره گلدی پیشا پیش سال خوشی و فراوانی وصحت و سلامتی برای همگان آزرمندم اصغر فرشچی (عدلی تبریزی) .

#استغاثه_از_امام_زمان_عج گل گل هایاندا قالموسان ای پور بو تراب هجران اودیله قویما اولا قلبیمیز کباب گوز تیکمیشوخ گلن یولوا مین امیدیله امّیدیمیز عنایت ایله اولمیا سراب آخر ندن نهاندی یوزون پشت ابریده انصافیدور مگر آرامیزدا قالا حجاب رد ایت حجابی ای گل گلزار مصطفی جانلار فدا مگر ندن ایلورسن اجتناب لطف ایله چشم جان سالا عکس عذاریوی عاشقلره او هدیه اولا یادگار ناب قاب ایلیه او عکسی وورار خانه دله داغ فراقون ایتمیه تا قلب ایوین مذاب شوره گله بو نوعیله عاشقلری تمام بیربیرلرین گورنده بئله ایلیه خطاب آز قالدی که بهار اولا چوخدا دارخمیون یارین گلن یولوندا، اکین گُل، سپون گلاب یا صاحب الزمان گورسن بیر ایله گونی عاشقلره هاچان اولاجاخ حقدن انتخاب الله بولور که آیریلقندان نه چکمیشوخ روحاً چکور محبّلرین جمله سی عذاب هر چند چوخ فضیلتی وار انتظار اولاق اما سیزون فراقیزه وار هانسی دلده تاب قربان اولاخ گلن یولوا هاردا قالموسان گل لطف قیل ظهوریده ایله بیر آز شتاب بیر عمردور که گول آدوی سسلروخ مدام دلدن بو نوعیله ایدروخ رفع اضطراب آیا ندن بو سسلره بیر سس یتورموسن سالما سکوتیویله دل عالمه شهاب تعجیل ایله اماندی جهان ظلمیله دولور شرحی یازیلسا، دوتمیا ممکندی مین کتاب سنسیز چتین ایشقلانا بو تیره روزگار پرده دالندا قالما عیان اول ای آفتاب ظلمت سرای دللره سال نور ذاتیوی ای نور حق ندن یوزیوه دوتموسان نقاب حقدن ظهوریوه گر اوزون ایتمسن دعا اولماز دعای خلق جهان جمله مستجاب بیر چاره قیل بو اُمّته ای فاطمه گُلی ائتمه بیزیم دعالرین اوستونده چوخ حساب فانی جهاندا غرق گناه اولمشوخ نه چون اعمالیمیز ایدوبدی اورک ملکونی خراب دریای غمده غرق اولوروخ هاردا قالموسان اهریمن آز قالور اولا دنیاده کامیاب عطرون هاچان مشامیلره گوندرر صبا ایلر خمار و نشئه آچلسا اگر او باب ای ((ساده)) دوتمیونجا بشر حق دامنین حقدن چتیندی صادر اولا حکم انقلاب #طهمورثی_ساده

📄 شعر مداحی ابراهیم رهبر ای قلم سوزلرینده اثر یوخ همراه ترجمه فارسی📄 ◣◥◣◥◤◢◤◢◣◥◣◥◤◢◤◢ ای قلم سوزلرینده اثر یوخ / آشنادن منه بیر خبر یوخ ای قلم در حرفهایت اثری نیست، از آشنا برایم خبری نیست ….. ♬◉❁◉♬ ….. گلدی بو جمعه ده گِده آلله / فاطمه یوسفینن خبر یوخ ای خدا این جمعه هم آمدو بگذشت، از یوسف فاطمه باز خبری نیست ….. ♬◉❁◉♬ ….. یاندی پروانه لر شمع سوندی / آیریلیقدان اوره قانه دوندی پروانه ها سوخت و شمع خاموش شد ، از جدایی دلها همه پرخون شد ….. ♬◉❁◉♬ ….. شانیده رتبه ده بی بدلسن / هر گوزلده اقا سن گوزلسن در شان و رتبه بی همتایی، آقا جان زیباتر از هر زیبایی\\\\\\\" ….. ♬◉❁◉♬ ….. کیم دییر آیریلیق درده سالماز / عاشقین صبرینی الدن آلماز که میگوید که جدایی مبتلا نمیکند، صبر را از عاشق جدا نمی کند ….. ♬◉❁◉♬ ….. ای گوزوم یوللارا باخ داریخما / گون همیشه بولوت آتدا گالماز ای چشم به راهها نظاره کن و دلتنگ مشو، چونکه آفتاب همیشه پشت ابر سٌکنا نمی کند ….. ♬◉❁◉♬ ….. غنچه گوللر نه اندازه سولسون / قلبیلر گویما قانیله دولسون غنچه ها تا چه اندازه پر پر شود، مگذار قلبهای منتظران پرخون شود ….. ♬◉❁◉♬ ….. گلدی بو جمعه ده گلمه دین سن / گون ساییم جمعه ی دیگر اولسون این جمعه هم آمد اما تو نیامدی ، روزها را می شمارم تا جمعه ی دیگر شود ….. ♬◉❁◉♬ ….. ای «صفایی» هَله دوز فراقه / یول سالاغ بیزده بیرده عراقه ای «صفایی» صبر کن هنوز بر فراق، تا بلکه مسیرمان افتد به عراق ….. ♬◉❁◉♬ ….. قلبیلر غصه دن داغلی گالدی / یا امام زمان گََل اماندی از غصه ات داغدار است قلبمان ، بیا و رحم کن یا ام

‍ ‍ ‍ امام زمان(ع) گینه جمعه یتیشدی گلمدون سن یابن الزهرا گیجه صبحه کیمین یالوارمیشام من یابن الزهرا اوزاخ قالماقلیقون عاشیقلرون یاندیردی مولا نیه گلمیرسن ای شاه دوعالم یابن الزهرا فدایم سنه گدایم سنه گوزوم قربانی مهدی(2) گل ای عاشیق لرین دارونداری یابن الزهرا سالان تحت الشعایه مهروماهی یابن الزهرا فدایم سنه گدایم سنه گوزوم قربانی مهدی(2) چوگیسوی تومن در پیچ وتابم یابن الزهرا چرایک شب نمی ایی به خوابم یابن الزهرا امیرم تویی عزیزم تویی اباصالح کجایی اباصالح کجایی ........ #اباصالح التماس دعا

#روضه_حضرت_زهرا (س) در چشم نیمه باز من ای چشم حق ببین این آخرین ورق ز کتاب است خواندنیست سوزد دلم برای تو که در میان شهر یک یار بر تو مانده وآن هم نماندنیست علیجان #روضه_حضرت_زهراس منیم عمروم گونه بنذر گونون دائم باتان وقتی تاپار رنگ رخی تغییر دوشر دیلدن اذان وقتی اولوب ایندی اذان وقتی گوزومون باغلانان وقتی اذان اولدی داخی وصلیم چاتور هجرانه حیف اولسون من ئولسم غملریم سنلن اولار بوایوده غمـخانه دل زینب فراقیمده یقینمدپر دونر قانه اونا تاپشور دیسون دائم وراندا زلفونه شانه آنام هیچ ایتمدی زلفون بو ایوده شانه حیف اولسون حسن نازین حسین چکسون اودل آگاهه تاپشوردوم بالام کلثومی زینب تک غم جانکاهه تاپشوردوم بالالاری سنه بیربیر سنی اللهه تاپشوردوم خداحافظ که منسیز قالدی بوکاشانه حیف اولسون باشیم اوستونده ای دردی اولان منن گران ایلش گوزومی باغلاماقا ای گوزومی باغلیان ایلش باشما مثل پروانه یورولدون آز دولان ایلش فراقیمده منیم یانسان چو بیر پروانه حیف اولسون بو ایو منن صورا بولم دونر بیر لیله تاره صفاسین تئز ویرر الدن ورار چوخ دلره یاره چکون ئولسم بوایوین درودیوارینه قاره یازون زهرائولوب بوایو اولوب غمخانه حیف اولسون

#رازو_نیاز_امام_حسین_در_قتلگاه دورموشدی انبیا هامی حیران باخوردولار گوردولر بیر یارالی عجب جان ویرور خدا سو یوخ نماز وقتیدی قان دستماز آلوب خدا من دیمم عشقینده اکبر ویرمیشم جلوه حسن پیمبر ویرمیشم من دیمم آئینه حیدر نما بیر اوزون قولی دلاور ویرمیشم من دیمم قاندان یاخوب قاسم حنا حجله تک قتلایه زیور ویرمیشم من دیمم آغلار قالوب بیکس رباب صود امر شش ماهه اصغر ویرمیشم من دیمم قارداشلاریمنان گچمیشم جان تک عون و فضل وجعفر ویرمیشم کلمه من گلمیوب گلمز دیله سن ویرنلردور سراسر ویرمیشم گلدی سس ناگه مقام قدسیدن ای حبیبیم یر سنون گویلر سنون سن اگر بو یولدا اکبر ویرمیسن خون بهاسی عالم اکبر سنون حسین ماومن یوخ سن منیم سن من سنون سن گلوم اول سنون آخر سنون گینه عرض ایله دی خدا یاندم سوسوزومدان

#روضه_قتلگاه زینبم بلالیم اییییی اورکدن یارالیام اییییی یدی قارداشیم ئولوب قلبیدن عزالیم اییییی (خیمه لر یانور خانم زینب گوردی الله اوشاقلار قاچور چولره ) زینبم بیابانان لشکریمی آختارام خیمه لر یانان یرده معجریمی آختارام توسی دوتوبدی هریری والله کارخمشام من کی بئله خیال ایدورم کریلا یانور بیری دیردی گلون نهر علقمه گیدیون بیری دیردی گلون عممه کمک ایدیون قهرمان زینب اوچولده هیچ بلادن دویمادی آختاروب عریان بدن تاپدی نوادن دویمادی ئوز جاننان دویدی اما کربلادن دویمادی (بیر لحظه باخدی دیدی حسین هر نیسکیلیم اولدی هر مشکلوم اولدی دیدیم کاش ننم اولیدی اگر ننم اولسیدی بئله اولمازدی بولمورم زینب حسیینی نجور گوردی دیدی حسین یاخجی ننم اولمادی) گر جوان ئولدی ننم مقتل بلاسین گورمدی بیز باجی قارداشن هجران ماجراسین گورمدی زینبین شامین حسینون کربلاسین گورمدی یاخجی کی زهرا سینونده اوخ یاراسین گورمدی آلتی مین اوخ بیر یانا اوچ شعبه پیکان بیر یانا دیدی حسین بو اوخ ورانون الری دوشسون بیلگینن بو اوخ باجون کاش دییدی اورگینن هانسی اورگین قانی چخبدی کورگونن

#کربلا حسین بهشتون آقاسی حسیندی کعبه صفاسی باشیمدا وار گئجه گوندوز هوای کرب و بلاسی زاده زهرا حسین جان عالمه مولا حسین جان حسین آدی نه گوزلدی آدی یادی نه گوزلدی بهشت شیعه نین آدی حسین و کرب و بلادی کربلاده دولانوردوخ اودا بیر گونلریدی سو ایچنده اوتانردوخ اودا بیر گونلریدی اوردا زهرا خانمون بیر یارالی یاری یاتوب یاری عرض ایلدیم اماگل بی خاری یاتوب آقاسیندان آرالی قولسوز علمدار یاتوب دوغرانوب قامتی سقا کیچیلَن یردی اورا اصغرین تشنه بوغازی بیچیلن یردی اورا اسرا قوللاری باغلی دولانان یردی اورا زینبین ساشلاری قانَه بویانان یردی اورا خیمه لَرشعله چکیب،اوتدا یانان یردی اورا یاری گون عرضیده زینب قوجالان یر اورادی آقامین قیزلارینا قمچی دَیَن یر اورادی بالالار قمچی آلتیندا ئولَن یر اورادی از حرم تا قتلگه زینب صدا میزد حسین دست و پا میزد حسین زینب صدا میزد حسین یارالی جان یارالی قانینه غلطان یارالی بو نه عالمدی حسین سن یارالی من یارالی بیر دویونجا سنه من آغلاماقا قویمادلار سینوین اوسته جگر داغلاماقا قویمادلار جان ویرنده گوزوی باغلاماقا قویمادلار

در تعریف ماتم حضرت سیدالشهدا(ع) خوف ایله او گوندن دورا تابوت قاپوندا ماشین بِلاچرخ بِلاصوت قاپوندا عریان ایده‌لر نعشوی پوزقون بدنیله تابوته سوار ایلیه‌لر آغ کفنیله گئتدون ائله‌که قبره پر و بال شکسته قویدون سارالان رنگی قرا تپراقون اوسته گور تحفه وارون قورخما ملائک قوناقوندور اوّل گجه اول قبر سنون طوی اطاقوندور بدتردی بو دنیا بیزه زندان بلادن بیر پنجره‌دور قبر بو دنیای فنادن وقتی که آچیلدی گوروکور صحنه‌ی گلزار دوشدی ائله که پرده گوررسن که نلر وار قرآنیده تعریف اولونان روضه‌ی جنّت بیر باغیدی والله ئوزی وئرمیش اونا زینت گوردی علمادن بیری رؤیاده حبیبی گلزار جنان جنت الاعلاده حبیبی عرض ایلدی قربان سنه ای پیر توانا الله سنی خوشبخت ائلیوب هر ایکی دنیا سن عمری جوانلوقدا نه عزّتله کئچیرتدون وقتی که قوجالدون نه بیوک رتبیه یتدون عالم سنه حسرت چکر ای پیر خجسته جان وئردون حسین ابن علینون دیزی اوسته روحیم سنه قربان اولا قربان حسیـن‌سن قبرون نه گوزل یرده‌دی دربان حسین‌سن بو تختیده تاجون بو جنان بو زر و زیور قلبونده واروندور گنه بیر حسرت دیگر بیر عمده غمیم وار دئدی پایانه یتیشمز بو جنّت الاعلانیده وئرسم اله دوشمز آیا ندی ایکاش دئدی رجعت ائدیدوم جنّاتی قویوب عالم دنیایه گئدیدوم هر یرده که ماتم قورولور نام حسینه ساخلالا عزا شیعه‌لر اول سرور دینه حاضر اولام اول بزمه ائدم گوز یاشی جاری دنیاده اولام منده حسین تعزیه‌داری دنیانون اگرچه غمی چوخ محنتی چوخدور افسوس که جنّتده حسین ماتمی یوخدور طوبا ندی حورا ندی یا سایه‌ی اشجار کوثر ندی یا جنّت و من تحت الانهار جنّات او یردور قورولور مجلس ماتم حاضردی بو مجلسده یقین حضرت خاتم یثربده بیری اوغلونا طوی مجلسی قوردی گلدی او طویا سید سجادی چاغوردی حضرت دئدی عذر ایستیورم دوت منی معذور من یاسلیام اولماز طویا گلمک منه مقدور بیر آه چکوب قالخدی شراره اوره‌گیندن طوی صاحبی یالواردی یاپیشدی اتگیندن عرض ایلدی ای زاده‌ی پیغمبر خاتم سن گلمیه‌سن طوی اولاجاق بیزلره ماتم حضرت دئدی گلم ولی چوخ اولما مکدّر دعوت ائله اوّل طویا گلسون علی اکبر طوی صاحبی مایوس دایاندی قباقندا اکبر دئدی جنّتده یاتوب طوی اطاقیندا حضرت دئدی سهو ایلمه البته گللر حتی عموم عباس گلر هم علی اکبر دعوت ائله بیر مرثیه‌خوان اول طویا گلسون تا اینکه همین طویدا حسین آدی دیلسون هر یرده حسین ماتمی وار وار علی اکبر حتی گلر اول بزمه بابام ساقی کوثر ترک ائتدی بهشتی ائله‌که حضرت آدم قان آغلادی قرخ ایل الی قوینوندا دمادم قرخ ایل دولانوب آغلادی تا جانه یتیشدی بیر قورخولی محنتلی بیابانه یتیشدی باخدی او بیابانه اولوب قلبی شکسته گوردی ائله بیل غم توکولور قوملارون اوسته حیرتله دئدی وای بو نه عالمدی خدایا آیا بو نه محنت بو نجه غمدی خدایا تپراقی هواسی بو چولون غمدی سراسر گویا بو بیابانیده ماتمدی سراسر قصد ائتدی قاچا غم بورودی قلبی سخلدی توقّوشدی ایاق بارماقی بیر داشه یخلدی باش پارچالانوب اوز گوزی قانیله بَلندی قویدی یوزونی تپراقون اوسته سَرَلندی قانلی یوزی تپراقیده با حالت دلگیر مندن دئدی ربی گنه باش وئردی نه تقصیر جبریل امین نازل اولوب قیلدی سلامی قالخزدی باشین آدمه وئردی بو پیامی دوز کئچمه بو چولدن که بو چول دشت بلادور آرامگه پادشه کرب و بلادور بیر یردی بو یر خون خدایه باتاجاقدور بو غملی بیاباندا حسینیم یاتاجاقدور توک گوزلرینین یاشینی چک ناله‌ی جانکاه تا آغلا حسینه سنه رحم ایلسون الله ذکر اولدی حسین آدی یوزون قویدی زمینه عرض ایلدی الله منی عفو ایله حسینه آخدی نچه قطره گوزونون یاشی توکولدی رحمت قلمی لوح گنهکاره چکیلدی شعر از: دیوان تجلی استاد حاج یدالله منعم اردبیلی رضوان الله تعالی علیه

‍ ‍ ماه رمضان راز ونیاز باخدا سبک: ای گوزلریمون نوری... ➖➖➖➖➖➖➖➖➖➖➖➖ گلدیم قاپوا بیرده (۲) ای بحرکرم الله (۲) لطف ایله گناهیمه (۲) وور خط عدم الله (۲) آچ باشیمون اوستونده (۲) عزتلی علم الله (۲) واردور چوخ گناهیم عفو ایله یارب سن سن تک پناهیم عفو ایله یارب یاالله یاالله یا رحیم الله (۲) گوزیاشیمه باخ یارب آچ باب کرامت سن گورسد بو خطاکاره صراط هدایت سن حاجتلریمی ایله لطفیله اجابت سن بولود تک دولموشام سندورما منی پشیمان اولموشام سندورما منی یاالله یاالله یا رحیم الله (۲) آل مندن اورک آهین ای خالق روز و شب توبه یولون آچ بیرده باغشلا منی یارب گل ائمه منی مایوس ای ذکر لب زینب دوزدی گناهی چوخ بیر بندیم من اورگیم سنوبدی گل عفو ایله سن یاالله یاالله یا رحیم الله (۲) شهرام علیزاده

‍ ‍ مناجات ماه رمضان حاج حسین غفاری اردبیلی کسمه یارب الیمی گوشه دامانوندن بی نصیب ایتمه منی سفره احسانوندن باغلیوبدور گوزیمی پرده نامرئی نفس چیخمیشام دایره اقدس فرمانوندن یاجلیلی قاپوا عبد ذلیلوندی گلن گلمیشم قسمت آلام خرمن غفرانوندن اعتراف ایلیورم خبط وخطا ایلمیشم بند تکفیروی آچ بنده نادانوندن سن ئوزون ایله هدایت منی سرمنزلوه یوخسا آتش دو تارام آتش نیرانوندن باده وصلوی ئوز عاشقوه ایله حلال جام صبریم جالانوب سختی هجرانوندن ای کرم صاحبی اکراموه من مستحقم الی بوش قویما اولام معجزدرمانوندن کیمیا ایله مس قلبیمی زنگار دو توب نور توک سینمی روشن ایله قرآنوندن ماه غفرانیدی خاطیلره ماه رمضان رقعه عفوی دریغ ایلمه مهمانوندن میهمانه بویوربسان کی گرک حرمت اولا کسمه الطلافوی مهمان پویشانوندن عمروین قرخ ایلی اولدی سپری «غفاری» چکمه ال دامن رحمانی رحمانوندن بیرخانم فاطمه نون ویرمه الوندن اتگین بیرده غفلت ایلمه دیده

#همگـی_دعا_ڪنـیم مناجات یارب قاپیوا دیده‌ی گریانیله گلدیم نار غمه یاندیم دل سوزانیله گلدیم هانسی قاپینی چالدیم اولوب خوار قیتدیم نومید اولوب هربابیدن افغانیله گلدیم بولدوم که هامی بنده‌لرین دعوت ایدوبسن منده قوشولوب زمره‌ی پاکانیله گلدیم سیلدیم اورک آئینه‌سینین گرد وملالین درگاهیوه اخلاصیله،ایمانیله گلدیم ای عیب لرین اوستونه پرده چکن آلله آگاه‌سن اسراره نه عنوانیله گلدیم نفسیم منی اغفال ائلدی چیخدیم اوزومدن شرمنده‌یم قلبیم دولی القانیله گلدیم گوز تیکمیشم اُول رحمتیوه من گونی قاره عفو ایله منی قلب پریشانیله گلدیم سرکش اولوب طغیان ائلدیم جهلیده یاندیم دوتدوم رمضانی یوزه قرآنیله گلدیم عمروم بویی دریای جهالتده چالشدیم غرق اولدی گَمیم موجیلی طوفانیله گلدیم ال آچمیشام درگاهیوه یاقاضی الحاجات هرچند الیم بوشدی بونقصانیله گلدیم خجلت تری آلنیمدا سرافکنده ونادم یوخ عذر وبهانم دل ویرانیله گلدیم یارب منیم افعالیملن ایلمه رفتار رحمونله مدارا ائله پیمانیله گلدیم دُوی صدقیله باب کرمی عرض ائله(راشد) مأیوس ائلمه الده‌کی امکانیله گلدیم

اهنگ فکریندن گیجه لر یاتا بیلمرم شاعر علیرضا علوی زنجانی فراق امام زمان (عج) تضمین از شعر معرف شاعر رجب ابراهیمی (فرهاد) ((بیاط اصفهان)) 🌺🌺🌺🌺 عشقیوی جنته ساتا بیلمیرم هر عشقی عشقیوه قاتا بیلمیرم گیجه لر غصدن یاتا بیلمیرم ((آیریلیق، آیریلیق، آمان آیریلیق هر بیر درددن اولار یامان آیریلیق)) 🌺🌺🌺🌺 آغلیار حسرتله قارا گوزلریم قلبیمه هی ویرور یارا گوزلریم بیلمرم هیچ باخور هارا گوزلریم ((آیریلیق، آیریلیق، آمان آیریلیق هر بیر درددن اولار یامان آیریلیق)) 🌺🌺🌺🌺 یادیما دوشنده شیرین دلبریم آغلیار هجرونده سنه گوزلریم نه اولار گله سن نازلی رهبریم ((آیریلیق، آیریلیق، آمان آیریلیق هر بیر درددن اولار یامان آیریلیق)) 🌺🌺🌺🌺 کیم عاشق اولماسا یار قدرین بیلمز دلبردن آیریلان گوز یاشین سیلمز مهدینون عاشقی هیچ زمان اولمز ((آیریلیق، آیریلیق، آمان آیریلیق هر بیر درددن اولار یامان آیریلیق)) 🌺🌺🌺🌺 مین دورد یوز ائلدی آیریان سندن هی سوروشورام بیر نشان سندن قلبیم اوتلانیری غصدن غمدن ((آیریلیق، آیریلیق، آمان آیریلیق هر بیر درددن اولار یامان آیریلیق)) 🌺🌺🌺🌺 سن آیری دوشموسن آرخان ائلیندن بلبل تک آیریسان باغ و گلوندن سن دعا ایلین شیرین دیلندن ((آیریلیق، آیریلیق، آمان آیریلیق هر بیر درددن اولار یامان آیریلیق)) 🌺🌺🌺🌺 گل سن سن دنیادا منیم یولداشیم غریبه سائیلیر قهوم قارداشیم قلبیمده درد چوخدور آغاریب باشیم ((آیریلیق، آیریلیق، آمان آیریلیق هر بیر درددن اولار یامان آیریلیق)) 🌺🌺🌺🌺 بهالیقدان گیجه یاتا بیلمیرم نجومی حقوقا چاتا بیلمرم اوزومی من اوجوز ساتا بیلمرم ((آیریلیق، آیریلیق، آمان آیریلیق هر بیر درددن اولار یامان آیریلیق)) 🌺🌺🌺🌺 شاعر علیرضا علوی زنجانی ۱۴۰۲/۱۲/۱۷ «آیریلیق» (به معنی جدایی) یکی از ترانه‌های مشهور آذربایجان به‌شمار می‌آید. رجب ابراهیمی (فرهاد) آن را در ۱۳۳۵ خورشیدی سرود و علی سلیمی اردبیلی آهنگ‌سازی آن را انجام داد و خانم وارتوش (همسر استاد سلیمی) از رادیو تبریز آن را اجرا کرد. این ترانه یادآور عهدنامه‌های ترکمانچای و گلستان و جدایی جمهوری آذربایجان از آذربایجان ایران است. حتی مرحوم استاد سلیم موذن زاده هم اجرا کرده