#سوزعطش #ای_فرات ********* ای فرات ای فرات ای چوللره آخان سو غم دللره سالان سو قانه دونیدون قانه دونیدون *************** چوللرده آخدون قان اولدی دللر سولدی عطشدن مخیمده گوللر سن باعث اولدون اوخلاندی اصغر مخیمده سولدی گوللر یاندی عطشدن اصغر قانه دونیدون قانه دونیدون ************ اصغر گوزونده دوندون سرابه دوندی رقیه قلبی کبابه رحم ایتمدون هیچ بیکس ربابه سخدون دل کبابی قویدون ملرربابی قانه دونیدون قانه دونیدون ************ یاندی عطشدن اولاد طاهـــا عطشان یارالی جان ویردی سقا شرم ایتمدون بس زهرادن آیا سقانی یاندیریبسان ائلدن اوتاندیریبسان قانه دونیدون قانه دونیدون ************ ویردون سن ای سو چوخ قلبه یاره آل عبـــانی سالدون فشاره نقدر ایچرسو بیر شیر خواره ششماهه نورسیدی بیرجرعه سو بسیدی قانه دونیدون قانه دونیدون ************ آغلارحسین عطشانه داغ داش عطشان کسیلدی یتمیش ایکی باش ای سو دونیدون القانه ایکاش آغلاتدون عالمینی یاندیرمیسان حسینی قانه دونیدون قانه دونیدون ************ بانوای: کربلایی صابر رهنما

#نوحه_حضرت_علی_اصغر(ع) باتوبدی قانه گلوم مناده ، سولوب بهاریم دوباره زینب دیوبدی پیکان بالام ویروب جان ، سوزوبدی دلسیز ستاره زینب چکنده تیری بوغازین اوپدوم ، بویاندی قانه دلیم دوداقیم گوزون یوماندا وجودیم اسدی ، دیدیم یتیشدی غم فراقیم امیر ملک شهادتم من ، سالوبدی دیلدن منی زمانه قرا گیندیر ربابه زینب ، سوسوز بالاسی باتوبدی قانه باتوبدی قانه گلوم مناده ، سولوب بهاریم دوباره زینب دیوبدی پیکان بالام ویروب جان ، سوزوبدی دلسیز ستاره زینب

#روضه_حضرت_ابوالفضل(ع) دیدی یارب خجل ایت بو سپه گمراهی نه یوزیلن چاغوروم دادیمه شاهنشاهی سو یرینه بو فلک مشکیمه قان دولدوردی شرمیدن ترک ایلدیم خیمه آل اللهی قول کسیلدی سوا ال چاتمادی کوته گلدی یوخسا سو آلماقا من ایلمدیم کوتاهی قوللاریم گتدی قالور باش اونیدا نذر ایدورم ساخلیام باشیمیلن حرمت شاهنشاهی التماس ایلورم اون یدی نفر جلاده بو تقاضانی قبول ایلیه لر دلخواهی شه گلن وقتده منیم باشیمی ذبح ایلیه لر آتالار مقدم شاهه سر خاطر خواهه

مناجات با امام حسین ع گریز به احوالات کوفه اختر تابنده گردون مداریمسن حسین گرچه من بی اعتبارم اعتباریمسن حسین اولماقا نوکر وجودیمده لیاقت گورمورم من سنه ننگم ولی سن افتخاریمسن حسین قرخ گوندن آز قالور آقاجان ماه ماتمه دنیانی بو مرض گوتوروب باتمشوخ غمه آگاه سن اسور نجه دلر محرمه جان رقیه ایله ئوزون چاره یاحسین ئولوخ اگر محرم اولا آغلیانمیاخ ماه غمیله سینمیزی داغلیانمیاخ نوحه زمانی اشکی یوزه باغلیانمیاخ بو فکریلن اورکلر اولوب یاره یاحسین عشق آدین عالمده عاشقده اولان ایمان دیریلدر معجزه عیسی بن مریم مرده بی جان دیریلدر زینبم من بیر نگاهیم مین داماردا قان دیریلدر گر او مریم زاده اولسا بوردا من زهرای عشقم هانسی عیسی دور حسین تک آتش عشقونده یانسون اوخلاری جان تک آلوب آغوشینه قانه بویانسون سسلیون مریملری گلسون تماشایه دایانسون زینبم استاد دانشگاه زجر عیسی عشقم ثبت اولار تاریخه بو آثار ناهنجار کوفه آلدی الدن دینوزی دیناره استاندار کوفه ایستسم بیر آهیلن ویران اولار بازار کوفه آز ورون دل یاره سی من زینب کبری عشقم آیلار ایلر بهره مندیدیز بیزیم پاداشیمیزدن آی نمکدان سیندرانلار شرم ایدون گوز یاشیمیزدن بیز سیزه بش گون قوناقوخ سپمیون کول باشیمیزدن آدیزی امت قویوبسوز حضرت ختمی معاده ایتدیقوز پیمانی سیندردوز سویوز دوندی سرابه سیز تماشا ایلیسوز زینب گیدور بزم شرابه غیرتوز اولسون بیر آز من دختر مولای عشقم

#حضرت_علی_اصغر(ع) ای یانان دل دوداقی، بیر گجه نین قوناقی شیرخوارم بالام ، یوخدی چارم بالام ای یانان دل دوداقی، بیر گجه نین قوناقی هریانا گتمیشم ، سو سراغ ایتمیشم چکمیشم دلدن آهی ، گزمیشم خیمه گاهی سو تاپلمور بالام ، یاندی دلسیز بالام نیلیوم من الهی ، وار بو طفلین نه گناهی بانوای:حاج عبدالله داداشی

✔️وصیت حضرت علی به علمدار کربلا حضرت ابوالفضل العباس علیهم السلام گریز به استمداد حضرت ابوالفضل از امام حسین علیهم السلام مرحوم استاد منزوی اردبیلی ای شیر وفادار و وفا پرور آز آغلا غیرتلی اوغول حیفدی بو گوزلر آز آغلا آز قالدی که لبیک دیم داعی حقه آخر بو منادی هامونی سسلر آز آغلا من گیتملیم توکمه یوزه سیل سرشکون سیل گوزلریوی ای گل خوش منظر آز آغلا گل سنله ویروم ال اله قارداشون حسینی بیرگون بو سوزوم قلبوی شاد ایلر آز آغلا قارداشسان اگرچه هله مولا دِء حسینه نوکر بیل ئوزون عالمه اول سرور آز آغلا زهرانی گورنده بیلینر شأن و مقامون تکلیفون اولار گون کیمی روشنتر آز آغلا زهرا سنه اوغولم دِئسه قارداش دِء حسینه زهرا نظر ایتسه، آقادور نوکر آز آغلا قویما اولا احوالی پریشان بو حسینون غیرتلی اوغول جان سنون، جان بو حسینون جواب حضرت ابوالفضل علیه السلام وار هر سوزون ای شاه فلک فر گوزوم اوسته ویردون منی قارداشیمه نوکر گوزوم اوسته هر امر مطاعون اولا من عبد مطیعم گر گلشن عمریم اولا پرپر گوزوم اوسته مین ایل یاشاسام ملک سلیمان منیم اولسا بیر اللی ایدم دهری مسخر گوزوم اوسته گر سکه وورا آدیمیلن مصریده فرعون تسلیم اولا یا رومده قیصر گوزوم اوسته عرشه دایانا دولت اقبال و جلالیم من عبدم حسیندور منه سرور گوزوم اوسته دنیایه اگر بیر توکونی وئرسم حسینون بو باشه دگن زهریلی خنجر گوزوم اوسته ئولسمده حسین عشقی بوشالماز اورگیمدن قانیله اگر دولسا بو گوزلر گوزوم اوسته سنده منی تاپشور قاپودان قوماسون اوغلون ایتسون نه وظیفمدی مقرر گوزوم اوسته یا آخر صفده ویره سرباز مقامی یا اول صفده یازا افسر گوزوم اوسته یا مشک ویروب آدیمه سقا دیه قزلار یا ایلیه فرمانده لشکر گوزوم اوسته یا سو گتورم خیمه لره یا ویرم الدن سو اوسته گیده بو اوزون اللر گوزوم اوسته تا واردی علی قانی منیم شاهرگیمده واحددی حسین عشقی آزالماز ئورگیمده سنده بابا تعیین اولان منزله تز گل کشتی وجودیم یخلان ساحله تز گل ئوز قولیمون اوسته باشاجاق دوز گئدرم من بوینومدا اولان عشق حسین سلسله تز گل قالسام باش آچیق آهن عمود آلتدا یوبانما سن ویرمه امان قاتل سنگین دله تز گل تقدیر ئوز آغزیندان آلوب درسینی گویا سسلندی علی اوغلی، بو سرمنزله تز گل آخرده بیر ایش گوردی فلک سسلدی عباس یتدی بابا مقصود دلیم حاصله تز گل گلمور یوزوم آخر سن ئوزون سسله حسینی ویر بیرده کسوک اللریلن ال اله تز گل القصه علیدنده قاباق فاطمه گلدی قوللارین آچیب سسلدی ایتمه گِله تز گل سنده منیم اوغلومسان عزیزیمسن حسین تک بو سینۀ مجروحیمه دردون گله، تز گل زهرا سسینی آلدی هوسلندی ابالفضل یوز خیمیه دوتدی بیله سسلندی ابوالفضل گریز برای این شعر از مرحوم انور اردبیلی👇🏾👇🏽👇🏼👇🏻 شیرمردون یخلوب توپراقا قارداش یارالی ایلورم سجده جبینیم یارالی باش یارالی اوج اعلاده قوشون دگسه یارا شهپرینه قدرتی اولماز حمایت ایلیه پیکرینه مرد شمشیرون اگر یتسه خطر اللرینه کسیلر چاره سی دشمن قباقیندا سخلار قارداشون تک یخلاندا یوزی اوسته یخلار خدمتیم اولسا برازنده یوبانما اُلورم گَل طبیبانه باشیم اوسته، دایانما اُلورم خیمه لرده الی بوینوندا دولانما اُلورم دشمنه وقریمی ای میر امم ویرمه میشم ویرمیشم اللریمی الدن علم ویرمه میشم آلدی قارداش سسینی قتلگهه گَلدی امام گوردی عبّاسی چالیخلور یوخودی حال قیام دیدی جان قارداشیوین قارداش ایشی اولدی تمام اکبری گیتمیشیدی اصغری دوشدی خطره زینبون باشدا قرا معجری دوشدی خطره برج محنتده که اولدوزلاریمون وای گونونه قورخولی چولده آدامسیزلاریمون وای گونونه سایه وه دالدالانان قیزلاریمون وای گونونه صف عشقه دوزولنلر سنه قربان یارالی الی الدن اوزولنلر سنه قربان یارالی من حسینم غم هجرونده یانان قارداشوام نوجوان اوغلی اُلن قدّی کمان قارداشوام یخه سی خیمه ده اللرده قالان قارداشوام گوزیوین قانینی حسرتله سیلن قارداشوام قوجا وقتینده علاجی کَسیلن قارداشوام یاندورار حشره کیمی عالمی درد و مجنون شاخه سیز سروه مثلدور کچیلیبدور بدنون قالسون اللرده او ال که الیوی کسدی سنون بِلی سنسون ستمیله بِلیمی سندیرانون گوزی چخسون آتام اوغلی گوزیوه اوخ آتانون #منزوی #انور

‍ وداع باماهِ مبارکِ رمضان الوداع الوداع ماه رحمت ماه احسان و ماه عبادت آیلار ایچره گوزل آدلانوبسان سنده معبوده وار یاخشی طاعت بیز بیر آی اولدوق الله قوناقی ایندی مشکل اولور چوخ فراقی ماه طاعت ماه عزت ماه رحمت سنده واردور لیلة القدر چوخ جلالت – باغریلار قان اولار فرقتونده بیز واروق دائماً حسرتونده سنده قرآن داخی نازل اولموش وار سنون عالی بیر شوکتونده قوزانور عرشه قرآن صداسی سنده تقوادی روحین غذاسی ماه طاعت ماه عزت ماه رحمت سنده واردور لیلة القدر چوخ جلالت – خیر عمل اولسا وار چوخ ثوابی واردی خیریله شرّین حسابی پاک اولور چوخلاری معصیتدن سنده نازلدی الله کتابی وار سنون عالی بیر امتیازون چوخ گوزلدی او راز و نیازون ماه طاعت ماه عزت ماه رحمت سنده واردور لیلة القدر چوخ جلالت – ماه احسان ، ماه غفران سنده واردور بُیوک بیر جلالت آی گوزل آی ، یوخ سنه تای سن بیزه یتدون حقدن امانت حیف اولا بیزلری ترک ائدورسن بیزدن آیا که راضی گئدورسن ماه طاعت ماه عزت ماه رحمت سنده واردور لیلة القدر چوخ جلالت – باصدای محمدعلی فریدی

فکر ایله گور بو عالمه گلدون نه علّته تفریحه لذته یئمگه یا سیاحته بیر بسته قانیدون آنا بطنینده دربدر تدریجیلن سوموکلروی بوکدولر اَته بعداً چکیلدی صورت زیبای آدمی احسن او صورتی چکنه احسن او قدرته دوقّوز آی آلتی گون که اوتوردون او بطنیده یدّیمجی گون دوشوب بدنون آیری حالته دوندون یاواش یاواش باشی اوستونده اگلشوب دؤندرمسه اگر دوشر انسان هلاکته قولّار سینار آیاق دولاشار بطن مادره صد مرحبا درودِ فراوان او حکمته گلدون ائلیکه عالم دنیایه سرنگون دولدوردی دؤشلرین آناوین شهد شربته قاندان چکوب صودی سنیچون وئردی رایگان تعلیم ائدوب دیل آچماقی اورگتدی صحبته آب و غذا وئروب ائلدی تازه بیر جوان اؤزگه قیزین حلال ائلدی گَتدی الفته هرگون ایگیرمی مین گالن اکسیژن و هوا مصرف ائدوب ییورسن اوغول گئتمه غفلته باخ گور بو نعمتون عوضینده نه ایستیور یوخ حاجتی نه مُلکه نه ماله نه دولته هرگون دیور دایان قاباقیمدا باخوم سنه قهر ایلمه منیله دانیش گل عبادته ‏ ✍استاد حاج یدالله منعم اردبیلی رضوان الله تعالی علیه

🌴🌴🌴🌴🌴 مناجات ٱخرماه مبــــــــــــارک رمضان ✍شعراز: محمدرضامحمدی(ناعـــــم) 🌹🌹🌹🌹🌹🌹 ای حیّ داداریم قادرقهّاریـــم رحم اٸله رحم اٸله خالق غفاریم چوخ گناهیم وار غمه آماجـــــم مهربان الله سنه محتاجــــــــــم عفوایله یارب ۲ 🌹🌹🌹🌹🌹🌹🌹 بواوروجلوق آیی باشه چاتدی خـــــدا ناامیدایلـــــــمه گلمیـــــشم قاپووا بنده ی زارم روسیاهم مـــــــن رحم ایله یارب بی پناهم مــــــــــن عفو ایله یارب۲ 🌹🌹🌹🌹🌹🌹🌹 من سنون اللهیــــم رٵفتون گورمیشم الی بوش بندیــــــه رحمتون گورمیشم سن منی قٶسون چاره سیزقالّام بحرمحنتده ال ایـــــــــــاق چالّام عفوایله یارب۲ 🌹🌹🌹🌹🌹🌹🌹🌹🌹 #وداع_با_ماه_مبارک_رمضان

📣 مناجات نامه ترکی وداع با ماه مبارک رمضان ✍ شعراز: محمدی_ناعم ▪️▪️▪️▪️▪️▪️ باشه یئتیشدی خدا،ماه رحمتون سنون ماخلقه پایلانوب،،نور رأفتون‌سنون میهمانون‌گئدور ،عزتیله سال یولا ایلمه ناامید،،رفعتیله سال یولا الوداع،الوداع،ماه رحمت الوداع۲ 💐💐💐💐💐 بیز قوناق اولدوق بیرآی،،خوان‌ جود و رحمته مهمان ائدوب میزبان،،، آسمانی نعمته ایندی که سویمادوق جامۀ ارادتی سنده گل‌،باغلاما،باب جودورحمتی الوداع..... 💐💐💐💐💐💐 وئرّوک‌ قسم‌ ای خدا،،عزّوجاه حیدره سجده ده قانا باتان،،باشی یاره سروره ایندی که ،،دوتموسان،اللریمی ای خدا گل رها ایلمه،،،جان شاه لافتی الوداع..... 💐💐💐💐💐 نشر برای اولین بار 📆 ۱۴۰۳/۰۱/۱۷ آخرین جمعه رمضان المبارک #وداع_با_ماه_مبارک_رمضان