‍ ‍ ‍ #شهـادٺ_حضرٺ_رقیه سلام الله علیها ____ ویرانه ده نازلی بالام جان وردی دینجلدی بو دختر شیرین کلام جان وئردی دینجلدی بختی بو طفلون اوجیدن دوشدی سرازیره یکسر آتا قارداشلارین چکدیله شمشیره کرب و بلادن شامه دین باغلاندی  زنجیره یاتماق اونا اولدی حرام جان وئردی دینجلدی قالدی اراده بی کفن الله بالام ئولدی بیر کیمسه نم یوخ دفن ایدن الله بالام ئولدی آسوده  اولدی ظلمیدن الله بالام ئولدی هر زحمته ایتدی دوام جان وئردی دینجلدی بعضی گئجه اکبر بوئین اوخشاردی یاتمازدی شمری گورن گون اوُل گئجه قورخاردی یاتمازدی چوخ  یالواراردیم یات قیزیم آغلاردی یاتمازدی ایندی نجه گور اولدو رام جان وئردی دینجلدی غسلون وئرن یوخدور نِئدیم ئولدی بالام قالدی ئوز معجرینله دفن ائدیم ئولدی بالام قالدی سونمز اودون یاندیم دئدیم ئولدی بالام قالدی هی آغلارام آرتار یارام جان وئردی دینجلدی یاتدی حسینین  بلبلی یانام اَلولانّام یاده دوشر شیرین دیلی یانام اَلولانّام واردور بونون بیر نیسگیلی یانام اَلولانّام گیزلین دئدی عمه آجام جان وئردی دینجلدی زنجیر کسن قولارینون نقشینه باخدوقجا کهنه حصیردن آلنینون فرشینه باخدوقجا یاننام بالامون خوار اولان نعشینه باخدوقجا بو دللریله اوخشارام جان وئردی دینجلدی ای هاشمون اوغلانلاری عباس و یا جعفر هاردا قالوبسیز پس بوگون ای قاسم و اکبر آخر سکینم (رقیّم) یئرده دور زینب سیزی گوزلر چوخ اینجیدوبدور اهل شام جان وئردی دینجلدی غساله گورسه آغلیور شمرون جفاسیندن مالش ویرنده قویمارام قمچی یاراسیندن زهرا آنامه بو قیزی باشیم بلاسیندن من بیر نمونه یوللارام جان وئردی دینجلدی یاز آغلا نوحه #یحیوی تا وار نفس جاندا مظلوم حسینون بیر قیزی دفن اولدی ویراندا چوخ اینجیوب اشکنجه دن آخر او زنداندا شهزادۀ والا مقام جان ویردی دینجلدی مرحوم موذن زاده اردبیلی :

‍ آی منیم نازنین نگاریم آغلاما مهربان رقیه اوددوتوب قلب داغداریم اولموشام باغریقان رقیه یاره لی دلبرون منادن گلمدی اکبرون شامه کربلادن گلمدی بالام لایلای گولوم لایلای(2) غصه دن گوز یاشون آخاندا قالمیور منده صبرو طاقت یوللارا گوزلرون باخاندا عمه وی ئولدورور خجالت آغلاما سوز وئروبدی جانانون گلر بیر گئجه طشت زرده مهمانون گلر بالام لایلای گولوم لایلای(2) آند اولا جانیوه وطنده هرنه کی گویلون ایستر آللام جدیمون شهرینه یتیشسوک تازه دون تازه معجر آللام قویمارام گوز یاشون آخا صورتیوه شامیدن چیخماقون قالوب قسمتیوه بالام لایلای گولوم لایلای(2) آی ننمدن گوزل نشانه قوی ووروم تللریوه شانه بی ریا عشقوین عیارین جسمیوه یازدی تازیانه آفرین یاخشی استقامت ایلدون بینوا عمه وه حمایت ایلدون بالام لایلای گولوم لایلای(2) تیرمژگانیلن عزیزیم قلبیمی دوت نشانه اوخلا باشیوی توپراق اوسته قویما سینه می بستر ایله یوخلا خسته پر روحیمه توانسان گوزلیم سن منه عشق جاودانسان گوزلیم بالام لایلای گولوم لایلای(2) قوی آلیم بوسه گوزلروندن گوزلرون پاک و بی ریادی دویمارام غملی سوزلروندن سوزلرون دردیمه دوادی نیلیوم باغلیوبدی دشمن یولومی ئوپمه چوخ قمچیلر گویردن قولومی بالام لایلای گولوم لایلای(2) اشکیوی سیل قرا گوزوندن صبریمی الدن آلما ای گل قلبیمه وورما اود سوزوندن عمه وی درده سالما ای گل غم یمه اصغره توسل ائده روک بیر گونی کربلایه باهم گئده روک بالام لایلای گولوم لایلای(2) نیلیوم یوخدی راه چاره قلبیمی سیخدی رنج غربت التماس ایله کردگاره باشه چاتسین غم اسارت دوزرم ناقه لرده یوللار آجیسین قارداشیم اربعینه گوزلور باجیسین بالام لایلای گولوم لایلای(2)

‍ #سینه_زنی_باسبک ئولدی بالام خرابه ده ای شه کربلا حسین غسلونا کفن و دفنینه چاره یوخومدی یاحسین شامیده بو خرابه یر اولدی وطن رقیمه آی کفنه بوکولموین یوخدی کفن رقیمه بو بالا باغ عشقیده تئز سارالان بهاره دی زخم زبان وروبلا چوخ غصه لی قلبی یاره دی تپراقون اوسته جان ویرن خرداجا سویگلومدی بو سرسر تازیانه دن پرپر اولان گلومدی بو دفتر دلده مو به مو درد و غمین یازانمارام دادیمه گوندر اکبری قبرینی من قازانمارام کیمدی باخا اوشاقلارون گوزده کی قانلی یاشینه یرده قالان جنازه نین حلقه وروبلا باشینه بعضی لری اوپور یوزون  بعضی لری اوپور گوزون باشینون اوسته باش آچوب قیزلاریم ئولدورور ئوزون چاره سیزم بیر عده بو قلبی کبابی نیلییم قیزلاریمی دوتوم دیله غملی ربابی نیلییم آرزو ائدردی سن گلوب بیر آلاسان قوجاقیوه گوردی یارالی باشیوی قویدی دوداق دوداقیوه گویده گزن ستاره تک آخدی بو قاره گوزلری غملرینی دینمدی قالدی اورکده سوزلری هی سنی اوپدی ایلدی باغرنا باسدی وای دیدی بولمدیم اصغر اوغلوا یا سنه لای لای دیدی لای لای رقیه حاج طاهر قلندری

یولا سالدون اکبری مقتله منه تنگ اولوب خیم ای عمو زبانحال حضرت قاسم (ع) با امام حسین (ع) . . مرحوم انور اردبیلی . . یولا سالدون اکبری مقتله منه تنگ اولوب خیم ای عمو آتاسیز دی قلبی شکسته دی ائله قاسمه کرم ای عمو . . کول اولیدی نامه یازانلارون باشنا بلایه دوشوب باشون نه اطاعت ائتدیلر امریوه نه غمونده اولدولا یولداشون قانون خیامیده بیر منم بیر ئوزون و بیرده که قارداشون اودا منتظردی شهادته اولا قوللارى قلم ای عمو . . باخورام بلا چولینه قوشون گورورم که دولدوروب هر یانی ایکی عالمون سن امیدی سن قوشونون هانی کمکون هانی ائله قلبیمه هیجان گلوب قزیشوب دامارلاریمون قانی نجه قارداش اوغلی دوام ائدر عمو اولسا قدّی خم ای عمو . . دئمورم مصاف یزیدیده عملاً نظیرۀ اکبرم ولی حیدری نسبم_ _نبیرۂ پاک فاتح خیبرم نه اسیر اهل جفا اولوب نه قوشون کمندینه دوشمرم پوزارام نظام س ... #قاسمیه_انور_اردبیلی #قاسمیه_شهادت #یادگار_انور #سینه_زنی

‍ #روضه_باسبک زبانحال حضرت زینب (س) درخرابه شام درسوگ حضرت رقیه (ع) ‍ ‍ اولسون سلام دللار طوفان سالان قیزا اقلارقویوب خرابه ده اغلارقالان قیزا اولسون سلام غم یوخوسونان دوران قیزا بابادئن ده عمه سینی اغلادان قیزا اولسون سلام خانه غمده اولن قیزا اولسون سلام قبراوینه اج گدن قیزا اولسون سلام قبراوینه اج گدن قیزا یاالله یاالله حتما بوگونلرین روضه سی دی التماس دعا آی رقینین عزاسنه گلئننر ای بالاجابالایادئیملی دردی اولانار عمه سی زینب بویوررور گجه لرهامی یاتار بالاجابالالار یارالی باشلارین قویاریره اوغلی اولن ننئه لر یاتار قارداشی اولن باجیلار اتاسی اولن بالالار اما خانم زینب مشغول نمازشب خانم بویور بیرگجئه مشغول نمازشبیدیم گئوردیم الله بالالاردان بیری یاتابیلمیر الله بیرساقاچونوربیرصولا چونیر نمازی قوتاردیم یواش یواش گلدیم بالارین یانینه الله گوردوم رقیه بیرساقاچونوربیرصولاچونیر اخه بالا نیه یاتامیسان دردون نئدی حاجتون نئدی خانم بویرور بیراشاره الدی عمه بیرکمک اول ایلشئم بالام اوتدی گوردم یواش یواش دئیر عمه اجازه ور بیر اورئمون سوزین دئم بالا عمون اولیئدی بالا اورگون سوزنه زینب ون قربان بالا دی گوروم دردون نئدی گوردم یواش یواش الین قویدی اورگینین باشینا یواش یواش دیرعمه بتر آجیخمیشام عمه اجام نان یاتامورام عمه بابام گولوم استیر سلام اول قبراونه اج گدن قیزا اولسون سلام بابا سی اولوب باش یولان قیزا سیلی دیب قرا گوزنه قان دولان قیزا اولسئون سلام قانلی باشی باغرینا باسیب(2) زهرا اوپن دوداخلارنا بوسه وران قیزا زینب دیرگوردم الله اوظالم دیاندی قاپیدا الیدن بیرطشت طلا بیرالیئنده طبق دئدم ظالم دیان گئلمه قاباقا ای نگهبان اوباشی گورسه بالام جان ورئجک بیلیرم جانین جانانینه قربان ادئجک امایارالی باشی قویدی یره خانم طبق اورتوگن گئوردی بیر لحظه باخدی حسین خوش گلئبسن ای قارداش اخه رقیه کربلادن هی سوروشوردن بابانئی خانم گل بابان گئلب خرابیه فورن اویارالی باشی خانم الدی قوجاقه یانمیشدی زبس شمع کیمی ناره فراغه نیلدی ائیلدی بیراوزن قویدی بابانین دوداقلاریئنا قوئدی سارالان لب لرینی قانلی دوداقه اوپدی دوداقن گتدی دله محنت دردی اوپدی اوپدی دیدی بابایورولموشام بابایوللاردادویولموشم انجمیشم بابا باخدی باخدی عمه سینه عمه من دیردیم بابام کاش گلیدی دای دیمزدیم کسیک باباش گلیئدی یاندم الله اوجادنئن یاحسین خانم اوزن قوئدی بابانین اوقانی دوداقلاریئنا بودل شبده منی یادائلدون سن یارالی بونه عالم دی باباسن یارالی من یارالی ای وای بابام ای وای بابادولانم باشومن کیم سنی بوحاله سالیب اویان ای باش ایندی بابا دولانیم باشومن کیم سنی بوحاله سالیب بو باش ایئندی بابا بس بدنون هارداقالیب سن هارا خولی هارا من هاراویرانه هارا کسدی باشین دیه گورم هانسی دل اهن یارالی حسین قان اولان قلبیم ویران الئدی باش یاراسی یاندرارقلبم النئوندا اولان داش یاراسی یارالی بابا سن نئج گون کیمن سن باتون منده باتارام بابا کنج ویرانه ده قبریمده کفن سیز یاتارام اوجادئنن یاحسین ........ کئنج ویرانه ده منده بابا کفن سیز یاتارام کئنج ویرانده منده کفن سیزیاترام مداحی استادطالبی #روضه_حضرت_رقیه_سلام_الله

‍ زبانحال عروس حضرت قاسم (ع) چو روی ماه تو از چشم من کناره گرفت چو شمع رشته جانم زغم شراره گرفت بکن نظر به عروست که چشم زیبایت دو صد هزار دلی را به یک نظاره گرفت به نو عروس دهند هدیه لیک دست قضا ز گوش تازه عروس تو گوشواره گرفت (تازه عروسلره هدیه ویرلر عمواوغلی اما منیم باشیما قمچی ورالار گوشواره لریمی الیمدن آلدیلار) من از ستاره بختم گلایه ها دارم که ماه وصل تو را از من ستاره گرفت کتاب صبر من اوراق پاره شد زغمت ز دل قرار من این نعش پاره پاره گرفت چو جای ناخن اسبان به سینه ات دیدم سرشک دیده ام از خون دل عصاره گرفت شهادت تو سرآغاز عمر جاوید است شهید عشق حسین زندگی دوباره گرفت هجرونده بش اون گوندی گرفتارم عم اوغلی فکر ایلرم ائلردی که بیمارم عمو اوغلی دشمنلریمز سیلمدی قلبینده کی زنگی بازاره چکوللر بیزی چون رومی و زنگی روحیم قوشنا دل ویروب از بس دوه زنگی بیر دور گئجه گوندوز منه بیدارم عمواوغلی سن وارسان اگر ایستمورم مقصده چاتماق عشق اهلینه بیر فنیدی چون وقتی یوباتماق بیمار یانندا مگر انصافیدی یاتماق من نرگس بیماره پرستارم عمواوغلی آخشام گورورم رد نقاب ایلدی زلفون بیلم که اذان وقتی ثواب ایلدی زلفون بیردن گوروسن قلبی کباب ایلدی زلفون حاجب که حسود اولدی ندور چارم عمواوغلی (عمواوغلی اله کی اذان وقتلری اولور گورورم گوزلرین ایستور منه گوره بیر ثواب الیه اورگیمی اله گتیره ایستیرم گوزلریوی گورم گوزومون یاشی آخور مانع اولور گوره بیلمیرم ایستیرم گوزومی سیلم دوباره دن باخام گوزلریوه یل اسیر قانلی تلرون چکیلیر گوزون اوستونه باخا بولمورم) سوز یوخ که جداده اوجا یرده دولانورسان باخ بیر ایاقون آلتنا هردم سنه قربان موره نظر ایلردی او حشمتده سلیمان نه سن متکبر نه من اغیارم عمواوغلی بیر طوی که نه آدینده نه قندینده داد اولدی داماد ئوز عروسیله وداع ایتدی یاد اولدی آخر بو گلینلیک منیم اوستومده آد اولدی هاردا سوز آچلسا گینه من خوارام عمواوغلی طویدان صورا لازمدی گلینلر گیده دیده هدیه آپارا بالاخص اقوام جدیده گلدیم اودی بو کوفه ده بازاره خریده افسوس الی بوش وارد بازارم عمواوغلی #روضه_حضرت_قاسم_علیه_السلام

‍ روضه حضرت قاسم: اي يادگار ِ رويِ قشنگِ برادرم جان كَندَنت روي زمين نيست باورم وقتي كه استغاثه ي جانسوز تو رسيد هفت آسمان شكست و فرو ريخت برابرم پُر شد فضا ز عطر گلابِ تنت عمو عطر تن تو زنده كُند يادِ اكبرم جوان بالا حسنیمین یادگاری بالا هله اوغول داغی اورگیمده وار الیم قالیب بلیمده بالا عطر تن تو زنده کند یاد اکبرم پا بر زمين نكش كه دلم ريش ميشود پرپر نزن مثال كبوتر برابرم اقاگلدی میدانه گوردی اتلار ایاقینده بیله بیرسس گلیر ای دادخواهیم داده گل بیداد الیندن داد عمو صید ایتدی صیاد اجل ایتمز منی ازاد عمو هر قدر گلم شیونه رحم ایلمز دشمن منه قالمیش امیدیم بیر سنه ایله منه امداد عمو ات چاپدیلا سینمده بس اخر شکست اولدی قفس سیندی سموکلر باتدی سس گلمز داخی فریاد عمو یا امام زمان اقا باغیش لار سان امام گوردی اتلار ایاقیندن بیله بیر سس گلیر فریاد او وقتدن که حسین تاپدی قاسیمی دلسیز دوشوب نه گوردی او شیرین سخن یِره ماهی کیمی چالور اَل اَیاق قانلو دجله ده سورتور گوزل یوزین او سوسوز جان ویره قارداش بالاسین ایله گوروب دلدن اودلانوب آتدان اوزون سالوب او شهِ ممتحن یِره بلبل دانشدیروب گُلینی قانلو باشین باسدی باغرینا قویدی یوزین او سینه ده اوخلار تیکن یِره یواش یواش دیور بالا ای جدان زخمداریم گلمیشم اچ گوزلرون مجتبادن یادگاریم گلمیشم اچ گوزلرون گوزلریم نوری حسن قارداشیمون آینه سی یوخ دیزیمده اختیاریم گلمیشم اچ گوزلرون ای بالا ای بالا دیزیمون تاقتی یوخدی مداحی استادطالبی #روضه_حضرت_قاسم_علیه_السلام

‍ #روضه_باسبک آلدی باشین دیزی اوسته توکوب گوز یاشین یوزه سیلدی گوزون قانین اوبیرآز باخدی گوز گوزه سسلندی ماتمینده سر افکنده اولموشام بیر ایش گورنمورم سنه شرمنده اولموشام سسلینده دیدی سن گلماقادل مایل اولوب گلدیم اما ارادا دشمن اوغول حایل اولوب گلمیشم ایندی بوگلماق ولی بی حاصل اولوب او یارالی باشی قویدی دیزی اوسته او جوان بالا باشی امامین دیزی اوسته جان ویردی یاالله اقا بیر اخدی بالیا خدایا بو جوانین ننه سی بالا یولی گوزلور ایسته دی حمل ایلیه دلبرینی شاه زمن بوردا عذر ایستورم سندن اقا یابن الحسن نجه احواله قالار لشکر ارا اوغلی اولن سورنیدی ایاقی یرده اوزانمیشدی بدن امام او دوغرانان جنازه نی گتوردی خیمه لره جنازه نی قویدی علی اکبر جنازه سینین یاننا امام زمان اقا گذشت ایله امام بیر الین قویدی قاسم جنازه سینه بیر الین قویدی علی اکبر جنازه سینه یوزون دولاندیردی زینب باجی گل بالام اولدی اوغلی اولسه ننه نین غصه لری باشدان اشار اوغول هر کسین اولسه جوانی اونا قاره یاراشار اوغلی جوان ئولن ننه ایئتمیه ناله نینیه حقیدی سینه داغلیا اغلیا نوحه ایلیه اجرای استادطالبی #روضه_حضرت_قاسم_علیه_السلام

‍ قارداشیم حسن گولوستانینین گل باجی نیشانین گتیرمیشه م وئر خبر بلاکئش آناسینا؛ قاسیم جوانین گتیرمیشه م صحنه-ی-وجودینده باش وئره ن یاره لر آچیب گوا چمن کیمی زینت ائبله ییب قاتلی پئیکرین نئیزه اوخ نسترن کیمی بی نوا آناسی نئجه دؤزه ر گؤرسه اوغلونو من گؤره ن کیمی من گؤره نده اود دوتموشام یانیب یاندیران زمانین گتیرمیشه م گول دگیل بو گولزار-ی-حوسنو دور؛ وار یئری بونا گوللر آغلاسین گوللری سولان مرغ-ی-زار-ی-تک شیوه نیله بولبوللر آغلاسین فاطمه آنام قارداشیم حسن وای اوغول دئسین ائللر آغلاسین گولستان-ی-اعزازیمین باجی آفت-ی-خزانین گتیرمیشه م تئل به تئل باتان قانه زولفونو مه جمالینه هاله تک سالیب زیر-ی-ابر-ی-ظولمتده گون کیمی بو ایشقلانان گوندوزم قالیب جان وئریب اؤزو تئشنه لب منیم صبر و تابیمی دفعتا" آلیب گل دوشوب بو گون نطقدن باجی جسم ناتوانین گتیرمیشه مداحی استاد طالبی #روضه_حضرت_قاسم_علیه_السلام

‍ ‍ کفن گییدی گئده میدانه قاسم اولوب شمع غمه پروانه قاسم کفن گییدی گئده میدانه قاسم اولوب شمع غمه پروانه قاسم امامین اللریندن ئوپدی اول صورا عرض ائتدی ای شاه مجلل ئورکده مشکلیم وار ایله سن حل اجازه وئر بویانسون قانه قاسم عموجان گلمیشم باب کریمه ائدوبسن چوخ عنایت بو یتیمه قوی اکبر تک چاتوم فوز عظیمه اولا خوشدی فدا قرانه قاسم سنی وئرم قسم خیرالنسایه دوداقی پارچالانمیش مجتبایه منی قوش اکبر گلگون قبایه یتیشسون فیض جاویدانه قاسم هزار احسن او روح جاودانه سلام اول سیزده ساله جوانه سوسوز گلدی مقام امتهانه وئروب جان گور نجه جانانه قاسم امامی پوزدی قاسم التماسی دئدی یالوارما قارداشیم بالاسی شهادتدور سنون دردون دواسی منی اغلاتما ای دردانه قاسم قوجاقلاشدی ایکی یار محسن باخوب ال پیمبر چکدی شیون ایکیسی اغلاشوب غش ائتدی بیردن دوشوب بیر یان حسین بیر یانه قاسم مداحی استادطالبی #سینه_زنی

‍ ‍ #سینه_زنی_باسبک حضرت قاسم ع نوگل باغ حسنم ای قوشون باش وجانیندان کئچنم ای قوشون اکبردالیجامیدانه گلدیم تاکی باتام من القانه گلدیم ➖➖➖➖➖➖➖ گرچه اوشاقم ولی وارقدرتیم دینه فدااولماق اولوب نیتم قانیمه باتسام چوخالارعزتیم منده غزال وطنم ای قشون اکبردالیجان میدان گلدیم تاکی باتم من القانه گلدیم2 انداولاعباس عمومون جانینه اکبرعم اوغلوم کی باتوب قانینه من ده گرگ دوریئتوشم یانینه ئولمه گی آرزی ائده نم ای قشون غیظیله بیریول گرآلام تیغ اله قانوزی یکسرتوکرم بوچوله بلکه بیرآزجااورگیم دینجله جنگ زره سیزگلنم ای قوشون ازرق ملعون گله گرجنگمه شیشه ی عمری توش اولارسنگیمه اونداگرفتاراولاجاق چنگیمه تیغیله باشین کسنم ای قشون اکبردالیجامیدانه گلدیم تاگی باتم من القانه گلدیم (۲) گلشن و باغ و چمنمه بولبولم همده ولایت باغینابیرگولم بادخزاندان پوزولان سونبولم عطرگل یاسمنم ای قوشون جانیمی قربان ائدرم قرانا بوهدفییمده باتارام القانا محشراولاندگئدرم رضوانا شهد شهادت ایچنم ای قوشون داده چاغورم سنی من ای عمو گل باشیم اوسته بوزمان دیلده هو یاره لی ام من ائدورم گفتگو اهودشت ختنم ای قشون اولدی بشیر ین اورگی منفعل قبریمه حسرت چکوری ایل به ایل نوحه یازاراوادیما بی بدیل شعرینه قیمت وئرنم ای قوشون سینه زنی هیئت عاشقان حضرت ابوالفضل بامداحی استاد طالبی #سینه زنی_حضرت_قاسم_علیه_السلام

«حسینه یرلر آغلار گویلر آغلار                          بتول و مرتضی، پیغمبر آغلار» حسینـون نوحـه‌سین «دلـریش» یازاندا مسلمـان سهلدیـر کــه کافـر آغـلار   کوراولمیش گوزلرین قان دوتدی شمرین     کی گؤروسون اؤز الینده خنجر آغلار حسینــون کؤینگــی زهــرا الینــده   چکـر قیحــا قیـامت، محشـر آغـلار آتانـــدا حرملــه اوخ کــربـــلاده     گؤریدین دشمـن آغـلار، لشکر آغلار قـوجاقینــدا، گؤریــدین امّ لیـــلا                           آلــیب نــعش علــیّ‌اکبــر آغـــلار  رباب، نیسگیل دؤشونده سوء گؤرنده       علــیِّ‌اصغــری یــاد ایلــر آغـــلار باشینــدا کاکــل اکبــــر هـــواسی                      یل آغـلار، سنبـل آغـلار، عنبر آغلار یازانـــدا آل طــه نوحـه‌سین مــن      قلـم گـوردوم سیزیلـدار، دفتـر آغلار علـی، شقّ‌القمـر محـراب تیلیت قان           قولاق وئر، مسجد اوخشار منبر آغلار علیــدن، شهریــار، سن‌بیــر اشـاره         قوجاقــلار قبـری، مالک‌اشتـر آغـلار #ورود_به_محرم #حسینه_یرلر_آغلار_گویلر_آغلار #شهریار #حسینیه فایل صوتی مرحوم استاد شهریار تبريزی

طفلان حضرت مسلم ابن عقیل علیه السلام مرحوم منعم اردبیلـے مسلم یارالی تشنه، ترک ایلدی دنیانی قویدو الی قوینوندا، بیر جوت قوزو قربانی چون سیف‌ بنی هاشم، چالدی ال آیاق قاندا قالدی ایکی شهزاده، آواره بیاباندا گه قالدیلا چوللرده، گه گوشۀ زنداندا تا چیخدیلا زنداندان، بیر موقع بحراندا آیا هارا گئتسینله؟ غربت یئری گون باتدی آللاه ایکی شهزاده، بس هاردا گئدیب یاتدی ظلمت بورویوب شهری، گئتسینله مکان یوخدو یا اوردا اوتورسونلا، دشمنده امان یوخدو یا چوللره قاچسینلا، قاشماقلیقا جان یوخدو یاپراق کیمی تیتریللر، رخساریده قان یوخدو قالساق دئدیلر بوردا، دشمن گورجک قارداش صبّاح زیاد اوغلو، وای اولدورجک قارداش یوز قویدولا صحرایه، قان یاش الئییر گوزلر قورخوللا قارانلیقدا قاشدوقجا بدن تیترر هر دم او کیچیک قارداش، آغلار اوجادان سسلر گل غیرتیوه قربان، عبّاس وعلی‌اکبر باغریم قارالیب بابا، رنگیم سارالیب بابا گل دربدر اطفالون، چوللرده قالیب بابا دوردو یارالی قوش تک، دوشدو یولا یولاندی آغلاردیلا گئتدیکجه، صبح اولدو ایشیقلاندی بیر عورت او اثناده، گوردو اورگی یاندی گتدی ائوه گوز یاشلی، باشلارینا تولاندی سو وئردی غذا وئردی، تا گون دولانیب باتدی بیر یئرده قوجاقلاشدی، یورقون بالالار یاتدی یاتدی او بویوک قارداش، روح اوچدو قانادلاندی رویاده گوروب ناگه فانوس خدا یاندی پیغمبر خاتمدیر، شاهنشه مرداندی آما اوجا قامتلی بیر شخص نمایاندی دقتله نظر سالدی، یاندی اورگ اودلاندی گوردو آتاسی مسلم، اوز قانینه غلطاندی فورا یوخودان دوردو، آز قالدی چیخا جانی اول خرداجا قربانه، کشف ایلدی رویانی الان بابامی گوردوم، جیسمیندن آخیر قانی بیز ترک ائدریک بیلدیم، صبّاح بو دنیانی حارث یوخودان دوردو، نصف‌ شب ظلمانی گوردو او قارانلیقدا، آغلار ایکی قربانی قانون محمّد ده واجیبدی مسلمانه کافرده اگر اولسا رحم ایلیه مهمانه بیر ظلم ائلدی بی‌دین، اول خیرداجا قربانه بیردن دئدی وای بابا، لبلر بویانیب قانه اسدی یارالی لبلر، تر آخدی جبینیندن یالواردی امان ظالیم، اولدورمه یتیمم من اول قانلی دوداقلاردان، یاندیم سسی قوزاندی صبح اولدو ایشیقلاندی، حارث قولو چیمراندی بیر جوت بالاجا قارداش، وای قول قولا باغلاندی گلدی او خانیم عورت، باشلارینا تولاندی ابراهیم اوزون دوتدو، اول عورته یالواردی گل آخر عمرومده، بیر کلمه سوزوم واردی الان باتاریق قانه، بو آخر ساعتدیر وئردیک سنه چوخ زحمت، بو آخر زحمتدیر بیر کلمه سوزوم واردیر، چوخ غملی وصیّت‌دیر بیر خیردا باجیم واردیر، گوزلر بیزی مدّت‌دیر گوندر او قارا بخته، القانه باتان جامه بیر جوت بالاجا کوینک، بیر جوت یاشیل عمّامه #طفلان_مسلم مرحوم استاد منعم اردبیلـے