اهنگ شهریاریمسان اقا نوحه حضرت ابوالفضل (ع) سنه الحق یاراشور    درده معالج اولاسان سنه الحق  یاراشور  باب الحوایج اولاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور.   شرفلی  سردار  اولاسان فاطمه اوغلی حسین.  لشگرینه یار اولاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور     علقمه اوسته یاتاسان ایکی قول بیر گوزیوی دینوه هدیه ساتاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق  یاراشور  دشمنی آتدان سالاسان ماردین نیزه سینی اوز بو غازیندان ویراسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور.   صفلری برهم  ویراسان     او امان نامه نی  غیضیله   غضبله جیراسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق  یاراشور.    حیدره اولاد  اولاسان سنه الحق یاراشور      اکبره  استاد  اولاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور   دشمنین جانین  آلاسان ابن سعدین جانینا    لرزی  طوفان سالاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق  یاراشور          عالمه  ناز ایلیسن بیر اشاریله  فراتین         یولونی باز ایلیسن    درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور  دشمنیلن جنگ ایده سن سنه الحق یاراشور  تک باشا جنگه گیده سن درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور   میمنه ده اوت سالاسان نچه مین لر  نفری.   آت قاباقیندا چاپاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور     جعفر طیار  اولاسان سنه الحق  یاراشور     حیدر کرار   اولاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق  یاراشور.      سرور دوران اولاسان خلعت  خدمتیوی    فاطمه دن سن آلاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا سنه الحق یاراشور.      وارث کرار.   اولاسان سنه الحق  یاراشور    اوغلونا  سردار اولاسان درده حاذق سن آقا  بابالحوایج سن آقا دردمندم  باخ اوزن درده نتایج سن آقا گلمیشم من قاپوا باب الحوایج سن آقا

در استمداد حضرت ابوالفضل از خوندل ابوالفضله گل ایله عنایت آتام اوغلی ایدوم بیرده جمالون زیارت آتام اوغلی ایله حالدیم من كه مایوسم اوزومدن گذشت ایت منی قارداش خلاف اولسا سوزومدن بو قانی گَل اوزون سیل منیم قانلی گوزومدن گوروم گُل یوزون اولسون سعادت آتام اوغلی سو اوسته بولوسَن من نه زحمتلره دُوزدوم گلن اوخلاری گُل تك یانان سینمه دوزدوم سو مشكیمدن آخاندا حیاتیمدن اَل اوزدوم منی ایتدیله سَندن خجالت آتام اوغلی یارالی گون ایوینده سیزیلدار یارام آغرور یارالار بدنیمده اوزوم تا وارام آغرور گَل اَگلش باشیم اوسته دیوم تا هارام آغرور ایدیم دردیمه بیر بیر اشارت آتام اوغلی قوری یِردیم امّا یِرون وار گوزون اوسته نقدری نفسیم وار وارام اوز سوزوم اوسته اگر عطریوی آلسام سورونَّم یوزوم اوسته تاپام خاك رهوندن شرافت آتام اوغلی قالان دشمن اَلینده یارالی باشیم ایوای آخار قانلی عُذاره یازار گوز یاشیم ایوای من اَل چكدیم اوزومدن سوسوز قارداشیم ایوای جسارت تاپار اهل عداوت آتام اوغلی عجب مقصده چاتدی بو گون قانه باتانلار كنار اولدولار اوددان كنارونده یاتانلار نه ا... دان اوتاندی نه سَندن اوخ آتانلار ایدوبلر منه مشكه جسارت آتام اوغلی گرك قان ایده بو غم سوسوز قیزلارین اشكین كه انهار بهشتی او اشكین چكه رشكین سو یوخدی سَن اوزون گَل آپار قانلی سو مشكین اوزی شَرح ایده سَندن حكایت آتام اوغلی بو صحراده شدائد نقدر ایلدی شدّت وفا شیوه سین ایتدیم وظیفَمجه رعایت بیر اوخ غفلتا امّا ایدوب مشكه اصابت سو گیتدی هدر اولدی او زحمت آتام اوغلی گَل آرتور منه لطفون غم و دردیم آزالسون رضا اولما فراقین شرر جانیمه سالسون گَل اگلش باشیم اوسته منیم باشیم اوجالسون ابوالفضلیوه آرتور فضیلت آتام اوغلی نه غم گَلدی سو اوسته شهامتله دایاندیم دیشیمدِیدی سو مشكی بو میدانی دولاندیم بیر اوخ گَلدی سو گِتدی اوركدن یارالاندیم منی سالدی اَیاقدان او حسرت آتام اوغلی حسینیم منی قویما بو اَشرارون اَلینده دوشوب اود دله آهِ شرر بارون اَلینده قالوب بیر یارالی گُل نچه خارون اَلینده اولوب جسمی سراسر جراحت آتام اوغلی نه منظوریدی قارداش منه بو یارالی باش نه قانلی گوزوم آغلار كسلمیش اَله قان یاش آچار اهل جفا اَل باجیم زینبه قارداش ایدر صبریمی غارت او غارت آتام اوغلی اوزوم راهِ وفاده نه غم گَلسه دایانّام غمیم یوخدی باشیمدان، اَلیمدن یارالانّام سنی دشمن اَلینده قویوب گیتماقا یانّام بو غم روحیمه ایلر اذیّت آتام اوغلی خیامه گَتورم سو منه اولمادی امكان سوسوز قیزلارا ایله بو احوالیمی اعلان قصور اولسادا مندن سَن ایت عفویله جبران كه شایسته دی سَندن كرامت آتام اوغلی #عباسیه شعر: خوندل قابل توجه این کامل شعری هست که حاج مهدی لیثی خوانده است

اوجا قامت اوجا بوی الره حیف اولسون اخا نهر علقمده دوشن پیکره حیف اولسون اخا عباس عباس نه گلوب الریوه عباس عباس قان دولوب گوزلریوه من سنی بیله یاتاندا یارالی گورمه میشم سن کیمی ماه ملک منظره حیف اولسون اخا گر رقیم خبر آلسا سنی مندن نه دیوم نجه سویلوم خلف حیدره حیف اولسون اخا خیمه لرده نگراندی بالالاریم دو گداخ شانیه حسرت اولان تلره حیف اولسون اخا عباس عباس نه گلوب الریوه عباس عباس قان دولوب گوزلریوه باجیم آغلار گوزوله تلیده گوزلور یولوی الی الدن اوزولن خواهره حیف اولسون اخا آنامین عطری گلور اولما گوروبسن آنامی الی پهلوده قالان مادره حیف اولسون اخا عباس عباس نه گلوب الریوه عباس عباس قان دولوب گوزلریوه نقدر سن واریدون قورخی یوخویدی حرمه قورخوسونان دوتولان دیلره حیف اولسون اخا گوز گوز اولموش بدنون مشکیوه تای آی یارالی بندی بندیندن اولان پیکره حیف اولسون اخا عباس عباس نه گلوب الریوه عباس عباس قان دولوب گوزلریوه نیه سس ویرمیسن ای صورتی آی قدی علم بولموسن اوغلوم ئولوب بی کس و افسرده دلم خیمیه گیدماقا اهل حرمیمدن خجلم سنه معلومیدی افکاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه ای منیم قافله سالاریم اَخی یَابنَ اَبی ای اوزون قولّی علمداریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه سن دگلدون که اوجایدی هامی اَللردون اَلون؟ شیردن آرتوقیدی صولت جنگ و جَدَلون تیغ زن لیقدا تاپولمازدی جهاندا بَدَلون ای حقیقتلی فداکاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه قولومین قوّتی اول صولت مردانه هانی؟ اَۀده کَسگین قلجیم، جنگ دلیرانه هانی؟ زادۀ شیرخدا پنجۀ شیرانه هانی؟ ای مصیبت گونی غمخواریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه صولتون نولدی یاتوبسان یارالی پژمرده؟ نه گَلوب اَللریوه قالدی قلنجون یرده؟ ای آتام اوغلی قلنجون دور اَله آل بیرده قویما یالقوز منی سرداریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه تا اَسوردی عَلَمون اَلده اَیا کانِ هنر خیمه ده راحتیدی سر به سر آل حیدر عَلَمون یاتدی اولاردان اولی غارت معجر داغیلار چولّره قیزلاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه نه اَلون واردی بدنده، نه وجودوندا رمق یورولوب خسته سن ای صورتی گون، قانی شفق یات قوری یرده، بو یاتماقدا واروندور چوخ حق قوی دونه قانه دلِ زاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه بِلیمی سندیروب اَلدوردی سنی قوم ظلام بو شکستیله شکست اولدی عمود اسلام دلده سو، اَلده سو جامی سولیوی ایمدی تمام گوزلوری عترت اطهاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه نیه سَس ویرموسن ای صورتی آی قدّی عَلَم؟ بُلموسن اوغلوم ئولوب، بی کسم افسرده دلم؟ خیمیه گیتماقا اهل حرمیمدن خجلم سنه معلومیدی افکاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه غم یتنده منه هر غمده شریک غمیدون غصّه لی وقتیده قارداش منه سن همدمیدون جسمیده روحیدون، اسراریمه سن محرمیدون ای منیم محرم اسراریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه روز و شب راحتیدی قارداش عیالیم سنیله آزالوردی غم و اندوه و ملالیم سنیله سن که ئولدون گیده جاق جاه و جلالیم سنیله قالمیوب کیمسه هواداریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه سن که ئولدون منه جرات تاپار اشرار دنی ئولدورَر قوم جفاجو بو بیاباندا منی سویولار ظلمیله اطفال رسول مدنی تالانار خیمۀ زرتاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه ای حسین بن علی، ای کرمین دریاسی کاتبیله بو «حسینی» سنه ساخلار یاسی ایله مامور بو وقفه بو سوزه عبّاسی اولاری یاز اولا زوّاریم اَخی یَابنَ اَبی

سائلم آقا گوزوم وار کرمونده یانارام گئجه گونوز نار غمونده قاپوا گلمیشم ای کان کرامت قوی قالوم سایه لطف علمونده گوزل آدون گئجه گونوز ازبردی محبتون اورکلره یاوردی فدا اولوم سنه هامی نوکردی امان امان امان؛علملرون اسیر اسنده پرچمون ؛قراریمی کسیر نگار من حسین ؛حسین حسین حسین شعار من حسین ؛حسین حسین حسین صبح اولدوزوم پس نیه آخدون گوزدن بئله مادری آتدون سیراب اولوب مقصده چاتدون علی لایلای. بالا لایلای ایکاش اوغول گویلون آلیدیم دل آچماقون بیرجه گوریدیم سن اوخلانونجا من ئولیدیم علی لایلای. بالا لایلای

شور شبهای محرم سبک نوحه : به شکوه عَلم تو دل سپردم آتش عشقیوه من یاندیم حسین جان شرر غملره اوتلاندیم حسین جان هر زمان یاره لرون یادیمه دوشدی اشکیمین موجینا ایسلاندیم حسین جان بیر عمرودی اسیر قاره پرچمم فدائیِ شهنشه دوعالمم آقام آقام آقام اباعبدا... نهضتون لرزه سالیب کون و مکانه هامی عاشق لریوی گتدی فغانه بسکی شیریندی آدون ای گل زهرا گتیریب پیر و جوانی هیجانه صفالی دی آدون عزیز زهرا بلالیدی آدون عزیز زهرا آقام آقام آقام اباعبدا... سنی مولا تانیماز فرقه گمراه باخسا گر دقتیله هر دل آگاه یا حسین شوکت و اجلالیوه قربان یوخ سلیمان دا بو حشمت بئله بیر جاه فدا اولوم بو حشمته یا مولا فدا اولوم بو شوکته یا مولا آقام آقام آقام اباعبدا... ای خانم فاطمه نین نور دو عینی ای سینیخ قلبیلرین شوریله شینی نه اولار زینبیوون خاطری مولا قسمت ائتسن گینه بین الحرمینی اگر چه بیر ،چمنده کی خارم من نولور گورم، قبریوه زوارم من آقام آقام آقام اباعبدا... ای نجاتین گَمی سی شمس هدایت قره کوینک لریوه ایله عنایت هارامیز وارآقاجان قووما قاپوندان وئر عزاداری لره قول شفاعت دیولّه شیعه( بیکَس) و مضطردی بو بسدی کی ، حسین بیزه رهبردی آقام آقام آقام اباعبدا... ✍️ شعری از کربلایی مهدی عبادی

زبانحال حضرت رباب (سلام الله) اوغول علی آغلاما یات سنده یانموسان منده آنان ئولسون چاره ندور منده سوسوزام سنده سو یوللارون باغلادیلار فرقه ی جفا گستر بهاریمیز اولدی خزان سولدی غنچه وش‌گوللر بوحالتون بیکس آنان یاندیروب کباب ایلر سنون تک هئچ غنچه ی گل سولمیوبدی گلشنده آزآغلا‌یاندیردی غمون کایناتی نسگلدن یوزون خراش ایتمه بالا اودلادون منی دلدن نه منده سود واردی نه سو بو ایکی مشکلدن آنان اولیدی علی کاش اولمییدی شرمنده مگردگول آب فرات فاطمه آنان مهری سنه حرام اولدی ندن بوشریعه نون نهری ندن بوقومی بولمورم دوتموری خدا قهری یهود‌وترسایه دگول بیله ظلم زیبنده اوغول نجه روادی بوبحرتک فرات آخسون غریب آنان حسرتیله بوآخارسویا یاخسون بوحالیله سوز عطش یاندیروب سنی یاخسون سوسوز اوشاقلار ملشه شامیان ایده خنده من ایسترم آغلامیام گورم آغلورام های های قرارسیزوردیم اولوب سودامر بالام ایوای بوآغلاماق ویرمور امان من سنه دیم لایلای زبس دلیم چوخ دوتولور آزقالور دوشه بنده جهانی یاندیردی داخی سوز آه وافغانون تاپولموری سوبیر ایچیم آزقالور چخا جانون ویرر سنه ایمدی سو اوخ سوکیمی آخار قانون قضا سنه حاضر ایدوب سوخدنگ دشمنده بوحالیله قویمیه جاق حرمله سنی بی شک ایچیردی قانون سو کیمی جان زاریوی گورجک خسوف ایدر سن قان آرا قرص ماه انور تک دوشر تلوتلدن اوغول بوجمال رخشنده (ذهنی) اگر ذهنون اولامحو بو مصیبتده اوسانما هرگز دیمه بس ور قلم بو محنتده ویرر بوشهزاده سنه اجر ومزد جنتده اینانمابی فیض اولا بو آستانده بنده شاعر : مرحوم ذهنی زاده

ای گل ناز حسین تشنه سرباز حسین کیم دچار اولسا غمه آدین ایلر زمزمه چون آدین درده دوادی یا علی اصغر الرین مشکل گشادی یاعلی اصغر هر گوزلدن باش علی اکبره قارداش علی محسنه یولداش علی کیم دچار اولسا غمه آدین ایلر زمزمه چون آدین درده دوادی یا علی اصغر الرین مشکل گشادی یاعلی اصغر

ای سقای دشت کربلا ای دریای همت و وفا فرزند سلطان مشرقین پرچمدار لشکر حسین ســــــــــــــــــــــن کربلانین قهرمان نامداری سن سن علی المرتضانین یادگاری سن میدان جنگین شیری سن دشمن شکن شمشیری سن احسان ایله ای مبارک آدی درده دوا لطف ایله ویر بیر برات کربلا

متن نماهنگ نوحه سنه من آغلاماسام ئولم حسین (۲) قروی باغلاماسام‌ ئولم‌ حسین‌ (۲) یاسووی ساخلاماسام ئولم حسین(۲) سینه می داغلاماسام ئولم حسین(۲) باشون اوستونده جیگر داغلاماقا قویمادولار(۲) باجون اولسون گوزوی باغلاماقا قویمادولار (۲) سنه من آغلاماسام ئولم حسین(۲) قروی باغلاماسام ئولم حسین(۲) یاسووی ساخلاماسام ئولم حسین (۲) سینمی داغلاماسام ئولم حسین(۲) من حسین عاشقیم دار و نداریمدی حسین(۲) هارا گئدسم دییرم نام و نشانیمدی حسین آدووی سسلیرم قبرووه مهمان ائدسن(۲) کربلاده حرمین جسمیده جانیمدی حسین(۲) سنه من آعلاماسام ئولم حسین(۲) قروی باغلاماسام ئولم حسین(۲) یاسووی ساخلاماسام ئولم حسین(۲) سینمی داغلاماسام ئولم حسین(۲) بیر وصیت ائدیرم غمریمه شاهد ئولون(۲) آقامین قارسی اینیمده منی قبره قویون(۲) سنه من آغلاماسام ئولم حسین(۲) قروی باغلاماسام ئولم حسین(۲) یاسووی ساخلاماسام ئولم حسین(۲) سینمی داغلاماسام ئولم حسین(۲) آدی هر سینمیزه جاندی حسین(۲) یارلی آیهء قرآندی حسین(۲) آغلارام چون لب عطشاندی حسین(۲) هامی عالمره سلطاندی حسین(۲) سنه من آغلاماسام ئولم حسین(۲) قروی باغلاماسام ئولم حسین(۲) یاسووی ساخلاماسام ئولم حسین(۲) سینمی ئولم (۲) من حسین عاشقیم دار و نداریمدی حسین هارا گئدسم دییرم نام و نشانیمدی حسین آدووی سسلیرم قبرووه مهمان ائدسن(۲) کربلاده حرمین جسمیده جانیمدی حسین(۲) سنه من آغلاماسام ئولم حسین(۲ قروی باغلاماسام ئولم حسین(۲) یاسووی ساخلاماسام ئولم حسین(۲) سینمی داغلاماسام ئولم حسین(۲)

سبک شور

سبک شاخسی

مرحوم سعدی زمان ای خدا اوزون شاهد اول بونا اوخلانان علی اصغریمدی بو قانینی سنه تحفه یولّورام عرشیوه سنون زیوریمدی بو چکمیشم خزان دردی یِتمیشم عالم وفا نوبهارینه سو یرینه قان ویرمیشم بو گون گلستان دین لاله زارینه رسمیدور قزل گُل نثار ایدر عاشق اوز وفالی نگارینه گرچه بیر صولان غنچه دی ولی دسته ی گُل اَحمریمدی بو تا یازیلدی طومار ابتلا مطلعی من اولدوم او دفترین یازدیلار متمّم او دفتره آدینی ابوالفضل و اکبرین ایله فدیه لر ویرمیشم بو گون گورمیوب فلک مثل و مظهرین دفتر شهادتده حشریده شاهکار و سر دفتریمدی بو مقصد اَلستیم گَلوب اَله بو حسین الهی بو کربلا بو قُماط اصغر او حرمله بو بوغازداکی ناوک جفا ویرمیشم بو گون کوی عشقیده شوق اوزیله یِتمیش نفر فدا تک به تک اولار اصغر اولسالار شاهد اول اوزون اکبریمدی بو ایلدی بنی هاشمین آیی خاک و خون ایچینده بو گون خسوف آسمان عمریمده اکبریم آفتابیدی ایلدی کسوف ظلم اَلیله اوخلاندی اصغریم باشی نیزیه گیچسه یا رئوف باشینی گورن نیزه ده بُلر آی یانینجا بیر اختریمدی بو سوگُلون حسینم کمکسیزم، حالیمی ایدن کیمسه یوخ سراغ اولموری رضا اهل کوفه من غصه دن تاپام بیر نفس فراغ اکبرین هله داغی گیتمیوب چکدیلر او داغ اوسته تازه داغ وار یری دلیم اود دوتوب یانا پاره ی دل مضطریمدی بو یالقوزام غریبم اوغولسوزام دشمنیم منیم چوخدور ای خدا بو دیار غربتده بر نفر دادیمه یتن یوخدور ای خدا سسلینده هَل مِن مُعین منه سس ویرن قلج اوخدور ای خدا قیزلاریم سو ایستور خجالتم رفع خجلته رهبریمدی بو یوخ آلان اَلیمدن جنازه سین سوزِ غم ایدوب قلبیمی کباب اوغلوم اکبرین گَلموری سسی هر چه ایلورم نعشینه خطاب قارداشیم ابوالفضلی سسلورم نیزه و قلجلار ویرور جواب گیزله دَم گرک زیر خاکیده پر بها دُر و گوهریمدی بو بو جماعت شام و کوفه نین وصفه گَلمین دور شقاوتی وار بو غنچه ی نو شکفته نون برگِ گُلدن آرتوق لطافتی سود اَمَر اوشاق نازنین بدن سُمِّ مرکبیله نه نسبتی؟ ایستورم وجودی تاپولماسون دلده مقصد مُضمریمدی بو ای حبیب من اوخلانوب بالام منتهای مقصوده چاتمیشام باغریما باسوب قانلی قونداقین سر به سر اوزوم قانه باتمیشام اصغریم ایله حالیمی پوزوب اکبریمی یاددان چخاتمیشام بُلمورم آخور قانی قلبیمون یا که اشگ چشم تریمدی بو بیر نفر کمک سیز غریبیده نه قَدَر اولور ای خدا دوزوم؟ هر یانا بو چولده بو گون باخور دوغرانان جنازه گورور گوزوم عرصه گهده دورسام قوشون گُلر خیمیه گیدوم گَلموری یوزوم دوشموری دلیمدن علی آدی بسکه دلده چوخ از بریمدی بو قان دوتوب بوغازین باتوب سسی آغلامور داخی ایلیوبدی خواب عُذریله آناسیندان آلموشام وعده ویرمیشم اصغرینه آب نه یوزیله من خیمیه گیدوم خیمه نین قاپوسین کَسوب رباب حقّی وار گوروب قونداقین دیسه بوش قفسدی یا اصغریمدی بو؟ سس یِتیشدی دربار قدسیدن آغلاما حسین، صبر ایله دایان وار بهشتیده دایه سی بونون گوزلوری بالان فاطمه آنان تحفه یولّادون قانین اصغرین درگهیمده قیمتلی دور بو قان باشلاناندا دیوان معدلت لطف و قهریمه مصدریمدی بو باخما اصغره یانما آغلاما، کائناتی یاندورما یا حسین سود اَمَر بالان باغریوا باسوب چوللری دولاندورما یا حسین چرخ اطلسین دامنین بیله قانیله بویاندورما یا حسین چرخیده شفق تک قالار بو قان زینت خورِ اَنوریمدی بو سن منیم یولومدا بو سود اَمَر طفلی ایلدون تشنه لب فدا تا که جدّیوین امّتی اولا نار قهریدن حشریده جدا منده بو بالایه بغیشلرم ایتسه لر حسینی لرون خطا شامل ایلرم لطفیمی دیسه هر او کس منه- سروریمدی بو اولمیوبدی اولماز سنون کیمی بیر نفر وفاسین نشان ویره سو یرینه سو اولمیان زمان نخل دین اسلامه قان ویره ساخلاما اَل اوسته چکیده ی جانیوی یره قوی که جان ویره ایچمیوبدی ایچمز فراتیدن، تشنه ی یَمِ کوثریمدی بو ایچمه میشدی سو تشنه کامیدی، غنچه تک سارالمشدی صورتی قانیله بویاندورموسان یوزین قرمزی گُله وار شباهتی منتظردی زهرا گوزَتلوری بو گُلِ ریاض ولایتی پیشوازینه مرتضی چخوب میهمان پیغمبریمدی بو دوتما گوگلره قانلی صورتون، قان یاشیله دولدورما گوزلرون بارگاهیمه سالما ولوله، قوزاما گویه قانلی اَللرون محضریمده اثبات عهدیوه اکبروندن آرتوقدی اصغرون بو مناده اکبر فدادی بو، چوخ دیمه داخی اصغریمدی بو ای حبیب خلّاق لا مَکان، وی شهنشه انبیا غلام من حسینیم سعدی زمان درگهونده مستخدمم مُدام یازسان آدیمی کلبِ آستان کائناته فخر ایلرم تمام تاج و تختیله ایتمرم عوض سن دیسن اگر نوکریمدی بو

#ترکی #امام_حسین #سبک_من_ایرانم_وتوعراقی سنه یا حسین ،سوزوموز وار سوزوموز وار سوزوموز وار او ششگوشه ده گوزوموز وار گوزوموز وار گوزوموز وار باشدا وار شوقِ ،طوافِ نِینوا دردِ عشقه گَل ،کَرَمله قیل دوا بیرده یاز مولا،پیاده کربلا عزیزِ زهرا قلبیمیز دوتدی ، سُراغیوی حسین باشه ویر آخر ، فَراقیوی حسین گویلوم ایستیری ، رَواقیوی حسین عزیزِ زهرا عشقیوین دیلدن ، اَسیرییَم حسین بَزم‌ِ عشقیوین ،حَقیرییَم حسین بابِ اِحسانین ،فَقیرییَم حسین گدایه بیر باخ هر کیم اوز عشقین ،سنه نشان ویرر قلبینه عشقون، ایله توان ویرر هر ئولی جسمه ، دوباره جان ویرر گدایه بیر باخ گول آدون قلبه ،صفا ویرر حسین جانه عشقوندی ،جَلا ویرر حسین هر نه درد اولسا ،شِفا ویرر حسین یارالی ارباب عزّتِ عالَم ، بو آسِتانه ده نوکر اولدوم من ،سنه زمانه ده عمرومون دادی (مَزه) ، بو بیر ترانه ده یارالی ارباب من آقا سَنسیز ،جهاندا (بیکَسم) بَسدی کی آدون ،ئولونجه سَسله سَم وای اگر قبرون ،دوباره گورمه سَم دوزَنمرم من یولداکی موکبون ،دوشوبدی یادیمه روضه ی هر شبون، دوشوبدی یادیمه او سوسوز لَبلرون ،دوشوبدی یادیمه دوزَنمرم من #جلالت #امام_حسین_علیه_السلام التماس دعای فرج الاحقر مهدی عبادی .

حسین مزارین گور نه گوزلدی شش گوشه قبرون عرشه مثلدی گون گشدی عمروم دوندی خزانه قبرین اوپیدیم من یانه یانه الله الله الله الله قبر شریفون چوخ با صفادی عطر بهشتی نور خدادی قرآنه اوغلون اکبر فدادی گون گشدی عمروم دوندی خزانه غرق خطایم چوخدور گناهیم سن سن امیدیم سن سن پناهیم محشر گونونده اول پناهیم الله الله الله الله قلبیمده حسرت یوخدور یارالی فرصت عجلدن یوخدور یارالی دیولر جسمون اوخدور یارالی گون گشدی عمروم دوندی خزانه الله الله الله الله

حالات وداع امام حسین(ع) سفره گیدنده شاهلارچوخ اولارجلالی قارداش نه سنون کیمین که زلفین یولار اهل عیالی قارداش یخلوبدی سر سپاهون چوخالوب غم و ملالون هله ئولموبدی زینب آنام اوغلی پوزما حالون ویر اجازه من دالونجا گتوروم بو اهل عیالون دیمسونله تا که آزدور بو شهون جلالی قارداش قوی ئوزوم گلوم دالونجا آنام اوغلی رزمگاهه باش آچوب ایدیم سماجت او دنی صفت سپاهه سنی سرپرست آلیم تا بو بنات بی پناهه چاغروم صفا و صلحه سپه قتالی قارداش دیگوروم او کهنه کوینگ ندی گیموسن نئدورسن باخوب آغلوسان خیامه ئوره گیمی قان ایدورسن بو عزالی اُمّهاتی کیمه تاپشوروب گیدورسن ایده جک نه چاره سنسیزبو باشی بلالی قارداش بو یتیمه قیزلاریکه منه ایلدون سفارش هامولارینا تسلّی ویروب ایلرم نوازش ایده سویگلی رقیون من زاره هرنه خواهش اونی قویمارام عذاره آخا اشک آلی قارداش بو سیاق که قصد ایدوبسن او بلالی کار زاری قوی آنام وصیّتینه عمل ایلوم ایندی باری گل اوپوم سوسوز بوغازون ایدیم اشک عذاره جاری وار اگر سنون باشوندا اجل احتمالی قارداش دلِ نو عروسه هجرون نجه گور شررسالوبدور طویی یاس اولوبدی گوگلین غم بیشمارآلوبدور گل ئوزون تسلی ویر گیت الی سینده قالوبدور اونی قویمیور دانشسون ادب و کمالی قارداش دیگوروم بو خیمگاهه دوشجک یولون دوباره ؟ اوتوروم منِ بلاکش بو یول اوسته انتظاره ساچمی آلیم الیمه توکوم اشگیمی عذاره باش آچوب دعا ایدم من سنی ای وفالی قارداش هله چوخ شتاب قلیما دایان ای عزیز زهرا باشیوا دولانیم اوّل صورا ایله عزم دعوا گوروسن سالوب اوشاقلار نجه داد و شور و غوغا ئورگیم یانور گورنده بو اسفلی حالی قارداش ای اولان وجودی خون دل خیرة النسادن یتور ای پناه عالم شهه بو سوزی گدادن دی بو ((منزوی ))اگر چه چوخ اوزاقدی کربلادن ولی کربلائی دائم دولانور خیالی قارداش ** مرحوم رحیم منزوی اردبیلی

گل آغلاما علی اماندی گور نجه حالیم یاماندی غصه دن صبریم تالاندی بالام ایوای شرر بو قلب زاره یاخما گل بیر ستاره مثلی آخما بوش سینمه حسرتله باخما لای لای بالام لای لای بالام یات ای عمرومون ذوق و صفاسی تشنه دیلون آنان فداسی بسدور منه درناق یاراسی لای لای بالام لای لای بالام یات سینمده گل خواب ایله اصغر صبحه کیمی تاب ایله اصغر آز دیده پر آب ایله اصغر لای لای بالام لای لای بالام یات ################ علی عجب آنان فکرینی باشدان آتمسان چالوبدی لای لایون که بالا بیله یاتمسان گیدنده گیدیروب آغ سنی سالمشام یولا نولوبدی ایندی پس قرمزی گیمیسن بالا لای لای بالام یات لای لای بالام یات چخارد او قرمزی لباسیوی نوالیوخ شهید اولوب علی اکبر اودی عزالیوخ نولوب بوغازیوه ویرمیری عمه لر نشان او قان ندور آخور ایلور آناوی ناگران نه سویلور عمه لر بیر بیرینون قولاقینه آلان نیه ایکی الی آلور قوجاقینه لای لای بالام یات لای لای بالام یات سن سیز علی روز و شب ذکریم اولوب وای اوغول من سنه لای لای دیوم یا دیوم ای وای اوغول علی لای لای بالام لای لای اوچ گیجه گوندوز علی هر نه دیدیم یاتمادون باشدا کی سو فکرینی باشدان اوغول آتمادون ویرمدیلر سو سنه مقصدیوه چاتمادون من سنه لای لای دیوم یا دیوم ای وای اوغول علی لای لای بالام لای لای دل یوخیدی حالیوی ایلیه سن یاخشی فاش یاندون اوغول آغلادون سینه­می ایتدون خراش منده ئولیدیم سنی گورممیش اولده کاش من سنه لای لای دیوم یا دیوم ای وای اوغول علی لای لای بالام لای لای چون سنون اسکاتوی حرمله ایجاب ایدوب هم سنی دلدن سالوب هم منی بی تاب ایدوب اوز بوغازوندان آخان قانیله سیراب ایدوب من سنه لای لای دیوم یا دیوم ای وای اوغول علی لای لای بالام لای لای دوتموسان الفت علی گوردیله پستانیله آچدیلا سوددن سنی زهریلی پیکانیله قویدولا یاخشی منی ناله و افغانیله من سنه لای لای دیوم یا دیوم ای وای اوغول علی لای لای بالام لای لای گیتمز علی سینه دن دیرناقیوون یرلری حشره گلنده آنون تک بو یری گوستری فاطمه نی یاندیری آغلادی پیغمبری من سنه لای لای دیوم یا دیوم ای وای اوغول علی لای لای بالام لای لای بسکه سکینه یانور سن کیمی قارداشینه خیردا اوشاقلار باخور آغلوری گوز یاشینه هی دولانولار اوغول بوش بشگون باشینه من سنه لای لای دیوم یا دیوم ای وای اوغول علی لای لای بالام لای لای گه سنی بوش امجگه سالدیم اوغول آغلادیم گوردوم علی دوزموسن اللریوی باغلادیم اکبر آناسی کیمی منده جگر داغلادیم من سنه لای لای دیوم یا دیوم ای وای اوغول علی لای لای بالام لای لای خیمه لری سو دیوب هر نه دولاندیم علی اولمادی بیر کیمسه دن چاره دایاندیم علی گاه اوز احوالیمه گه سنه یاندیم علی من سنه لای لای دیوم یا دیوم ای وای اوغول علی لای لای بالام لای لای حالیمی آنلار گورن دیده گریانیمی سینمه بیر اود دوشوب یاندوریری جانیمی گرچه دیوب اوخشارام سن قوزی قربانیمی من سنه لای لای دیوم یا دیوم ای وای اوغول علی لای لای بالام لای لای گاه بو بوش سینه دن عطرون آلیب آغلارام گاه ایاق دوتماقون یاده سالوب آغلارام اللری قوینوندا من گرچه قالوب آغلارام من سنه لای لای دیوم یا دیوم ای وای اوغول علی لای لای بالام لای لای هر آنا اوز اوغلونی اوخشیوب آغلار یانار هر باجی قارداشینه گرچه سیزیلدار یانار لیک رباب ایندیدن هر نه قدر وار یانار من سنه لای لای دیوم یا دیوم ای وای اوغول علی لای لای بالام لای لای قالدی اوغول اودلانان قلبده نیسگیلریم هانسی الیله منیم حل اولی مشکل لریم داشه دیسم بولمیشم یاندیری بو دللریم من سنه لای لای دیوم یا دیوم ای وای اوغول علی لای لای بالام لای لای نه یوزیله یثربه ای علی بیرده گیدیم گورسم اگر سود امر بیر بالا بس من نیلئیم هانسی زمانون سنون یاده سالوب ذکر ایدیم من سنه لای لای دیوم یا دیوم ای وای اوغول علی لای لای بالام لای لای من نجه سن سیز باخوم بیرده گوله گلشنه آغلامیوم گلمیوم صبح و مسا شیونه یاخشی ملر قالمیشام وای منه ای وای منه من سنه لای لای دیوم یا دیوم ای وای اوغول علی لای لای بالام لای لای نیلر او ساعت آنان گر دوشه بیر گون اله سو ایچه سیراب اولا سینه سینه سود گله ای سبب هجرت صبر دل و حوصله من سنه لای لای دیوم یا دیوم ای وای اوغول علی لای لای بالام لای لای آغلامورام من سنه آج و سوسوز اولموسن سن اوغول اوخلانماقین لذتینه گولموسن قان آتاوا آغلورام سرین اوزون بولموسن من سنه لای لای دیوم یا دیوم ای وای اوغول علی لای لای بالام لای لای آخشام اولی وقت اولی سود امره سود امر سود امرین شوقونا سینه لره سود گلر هانسی آنا صبر ایدور اوخلانا گر سود امر من سنه لای لای دیوم یا دیوم ای وای اوغول علی لای لای بالام لای لای

عالم اولوب خمارون سرخوش و بیقرارون خوان کرامتونده سائل و ریزه خوارون دارالامان مزارون مرقد و سایه سارون سیدی مین تحیت سلام اولسون نثارون سالان آدی جهانه ظل رحمت اولان اهل دیله باب شفاعت آدی مصداق و تفسیر فتوت مزاری عرشیدن اعلا حسین جان سن اورگتدون الفبای محبت هامی عاشقلره تعلیم غیرت آدون شیریندی ای دیللرده صحبت تن رنجوریمه یارا حسین جان عالم اولوب خمارون سرخوش و بیقرارون خوان کرامتونده سائل و ریزه خوارون دارالامان مزارون مرقد و سایه سارون سیدی مین تحیت سلام اولسون نثارون سنه وابسته دور اولاد آدم سنه جانا تیکوب گوز اهل عالم سرو سامان تاپار چرخ منظم گوارادور طهور و سنله زمزم دیلی آزرده ایتمیش درد هجران منم هجرانه پابسته اورک قان قدح نوشم سنه با جمله مستان نولار بیر وقفه ایت قبرونده مهمان عالم اولوب خمارون سرخوش و بیقرارون خوان کرامتونده سائل و ریزه خوارون دارالامان مزارون مرقد و سایه سارون سیدی مین تحیت سلام اولسون نثارون

الحمد الله نوکر ه کوی حسینم الحمد الله نوکر ه کوی حسینم من عاشق ه دیوانه ی روی حسینم الحمد الله گلمیشم شور و نوایه شاخسی گدم شاه شهید کربلایه عزیز فاطمه کرم قیلیپ توتوپ الیمنن نقدر وار نفس دوشمیجاخ ادی دیلیمنن حسین جااانم حسین جااانم الحمد الله دهر ده سرور واریمدی شاه شیهده تا گوزل رهبر واریمدی دریای غم ده شیعه ه ناجی حسین دی الحمد الله باشیم تاجی حسین دی تمام عالمین دردینه چون دوا حسین دی تمام عالمین دردینه چون دوا حسین دی جهانیان هامی گدا دی لار اقا حسین دی جانم حسین جانم حسین چوخدان دوشوپ دی باشیمه شور زیارت مولا سنی زینب باجین ایله عنایت غم نن بولورسن قلبیمز شان شان اولوپ دی کربلا حجرینده دل لر گان اولوپ دی مظلوم ای عزتیم شآنیم وقاریم یبنه زهرا قلبیمده کی صبریم قراریم یبنه زهرا شکر اولسون الله منه احسان ادیپسن سر سفره احسانیوا مهمان ادیپسن حسین جانم حسین جانم