روضه حضرت ابوالفضل(ع) 🖤🖤🖤 اویان یاتما ای سپهداریم دور آدامسیزدی قارداشون قارداش گوزون آچ باخ قانلی میداندا گور نه یالقوزدی قارداشون قارداش علم یاتدی دور علمداریم بئلیم سندی یاتما سرداریم جان ابوالفضلیم(۲) بابام حیدر اوپدوگی گوزدن دشت ماتمده سانجلوب پیکان عمود آهن باشیوه دیدی تله سس گلدی من دیدیم جان جان قولونان سو تک آخان قانه قارداش آواره قارداشون قربان منه بوردا ال چالان چوخدی اویان یاتما بیر کسیم یووخدی علم یاتدی دور علمداریم بئلیم سندی یاتما سرداریم جان ابوالفضلیم(۲)

روضه حضرت ابوالفضل(ع) اویان یاتما ای سپهداریم دور آدامسیزدی قارداشون 😭😭

شهادت حضرت ابوالفضل علیه السلام به سبک شبانگاهان یتش داده فاطمه بالاسی قانه غلطاندی جان ویرر سقا قالوب یولدا گوزلریم آقاجان گوزلورم یولوی تز گل ای مولا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار وروب یاره بس که اهل جفا شاهه کرب و بلا ساق یریم یوخدی آلوب لشگر دوریمی آقاجان اللرینده تمام نیزه دی اوخدی دگیوب بیر اوخ مشکیمه توکولوب سو یره ایندی محنتیم چوخدی سالوب آتدان اهل جورو جفا تز گل ای قارداش قالمشام تنها گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار آخور راه معرفتده قانیم باشیوه دولانیم ای مه انور عمود آهن باشیمه دگدی قانه غرق اولدوم گورموری گوزلر ایدر لشگر هل هله آقاجان باشیمی کسلر واردی بو سوزلر دوشنده آتدان یوز اوسته یره قولارین آچدی حضرت زهرا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار غم اکبر چوخ قوجاتدی سنی یوردی غصه منی آغلارام قارداش اولوب پر پر اکبر و قاسم آغلادی قارداش غملره داغ داش سنه رحم ایتمز بو قوم جفا آغلارام حالیوا ایندی من قان یاش حسین جان گل باشیم اوسته منیم اللریندن اپوم ای شه والا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار ایدوب حمله لشگر اعدا قانه غرق اولدی ساقی عطشان فقط گل بیر آخر عمرومده باشیوه دولانیم شا ه مظلومان سوسوز لاردان شرمسار اولدوم غصه دن صولدوم ای مه تابان وروبلار یاره سو اوستونده جسمیمه قارداش لشگر اعدا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار یازار «مهدی» نوحه لر آغلار گر قبول اولسا تشنه لب سقا گلر هر ایلده محرملر سینه سین داغلار ای گل والا دیر عفو ایله منی آقاجان روز محشردن قورخورام مولا فرات اوسته تشنه لب یاتدین عالمی آتدین آغلادی زهرا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار ملتمس دعا مهدی ملکی

یتیش داده فاطمه بالاسی شعر از حاج مهدی ملکی زنجانی باصدای محمدعلی فریدی

‍ #سینه_زنی_باسبک دوغرانوب سرلشکریم دعوا قوتاردی زینبیم سن  بئله فکر  ایله عاشورا قوتاردی زینبیم من  خلیل الله  دورانم  بلا   آماجیم گل تسلا وئر منه آغوشوون محتاجیم چیخدیم اعمال منادن  ایندی  رسما حاجیم ذبح اولوب قربانلاریم اضحی قوتاردی زینبیم ئوپمیشم بیریاره دن کی شرحی چوخ طولانیدی باخ دوداقلاریمده کی قانه بوقان گوز قانیدی معجریلن سیل اوشاقلارگورسه ایش بحرانیدی ناز و  فر عترت طاها قوتاردی زینبیم دیزلریم تیترور الیمدن دوت آپار ئوز خیمووه بیرسوزوم وارسویلسم آتش وورارسوز خیمووه اول نگهبان کی تیکردی هر گجه  گوز خیمووه ئولدی اللرده بیزه دنیا  قوتاردی زینبیم ذوالجناح اوستن انوب میدانی ووردیم  بیربیره پیکرین  آغوشه آلدیم  بلکه  راحت جان وئره قطره قطره ذوب اولوب آخدی خجالتدن یره دیزلریم اوسته منیم دریا قوتاردی زینبیم باشینون اوسته نگاهیم دوشدی بیردن مشکینه وورمیشیدی آخرین  پیکانی دشمن مشکینه مشکی  آغلوردی  ربابین حالینه  من مشکینه آخدی سو،سرمایه سقا قوتاردی زینبیم هانسی باغین سروی ئولسه بیل دالیجاق یاس ئولوب جسم بی روحم وجودیمده بوتون احساس ئولوب بیلمورم   من ئولمیشم الان و یا عباس ئولوب!!! بیلموریم باشلاندی محشر یا قوتاردی زینبیم دوت سوسوزلاری دیله بوش جامی تز اللردن آل چون باخیشلاری سالور اود جانیمه ای خوش خصال پرچمیم یاتدی بلیم سیندی باشاچاتدی مجال ختم اولوندی قائله غوغا قوتاردی زینبیم عرصه خلوت اولدی گوردوم بیرآنامدی بیرمنم غم بساطین قورماقا بیلدوق زمانی مغتنم اوخشادی قارداشیمون  هجرینده  قارداشسیزننم مجلسی من باشلادیم زهرا قوتاردی زینبیم

در مقام حضرت ابوالفضل(ع) ای امید آل هاشم شه با وفا ابالفضل سنه گوز تیکوبدی عالم آدیوا فدا ابالفضل ای با وفا ابالفضل مشگل گشا ابالفضل اولا نوکرین اورکده غم و درد و ابتلاسی آقاسی اجازه ویرمز اوجالار گویه نواسی منه گل عنایت ایله ای آقالارین آقاسی غمیله دولوب بو قلبیم ویر اوزون صفا ابالفضل بو جهاندا هر کیم اولدی غم عشقوه گرفتار آدیوی همیشه سسلر ئوره گی یانار گوز آغلار گوره هر زمان سو مشکین یانا یانه هی سیزیلدار دئیر ای سو اوسته قانه بویانان آقا ابالفضل ای عزیز آل حیدر سنه دیلده چوخ سوزوم وار الی بوش خجالتم من اودی قاره بیر یوزوم وار او قلم اولان الونده آقا جان گینه گوزوم وار منی قووما درگهوندن سنی مرتضا ابالفضل ای پناه دردمندان ای حسینه یار و یاور ای وزیر جنگ مولا صاحب لوای لشگر هر مریض و هر گرفتار سنی تا هرایه سسلر اونی ایتمه سن پشیمان ویره سن شفا ابالفضل آه او دمکی لشگر کین اوخی ووردی مشک آبه سنی یاندریب یاخیبلار ایله سالدیلار عذابه بولمورم نه حاله قالدون یخلاندا سن ترابه دیدی فاطمه اوغول گل سینمه بالا ابالفضل سنون آستانن آقا در رحمت و کَرَم دی قاپوون گداسی مولا هامی یرده محترم دی نولی بیر گوره بو ((بیکَس)) کی مدافع حرم دی باجوون یولوندا ایتسون باشینی فدا ابالفضل * کربلایی مهدی عبادی (بیکس)

شهادت حضرت ابوالفضل علیه السلام بانوای#کربلایی_منوچهر_حسن_زاده یتش داده فاطمه بالاسی قانه غلطاندی جان ویرر سقا قالوب یولدا گوزلریم آقاجان گوزلورم یولوی تز گل ای مولا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار وروب یاره بس که اهل جفا شاه کرب و بلا صاف یریم یوخدی آلوب لشگر دوریمی آقاجان اللرینده تمام نیزه دی اوخدی دگیوب بیر اوخ مشکیمه توکولوب سو یره ایندی محنتیم چوخدی سالوب آتدان اهل جورو جفا تز گل ای قارداش قالمشام تنها ملتمس دعا مهدی ملکی

اوخشاما از زبان حضرت صغرا(س)به حضرت علی اکبر(ع) غریبلیگون چتین اولور آخشامی آخشاملار جالانور صبریمین جامی تاری بولور نه چکمیشم بایرامی عزیز گوندور دیدیم اورک دینجلر اکبریمنن منه بایراملخ گلر سالدون ولی سنده منی نظردن نه ئوزون نه نامه ن گلدی سفردن دالی قالدیم او گوردوگوم گونلردن غم آفتی وروب سارالدیم سولدوم ایراق اولسون منده قارداشسیز اولدوم آغلار منه داغ داشلار ای... گدیب باجی قارداشلار ای... بولمم هاچان الهی اکبر گلیب طوی باشلار (علی سن گدنن اله طوی اتاقوی تمیزلیرم سیلیرم سوپورورم آخی باجنین آرزوسیدی قارداش طویون گوره) هجرونده آغلارام من جهانی داغلارام من بوش قالان اتاقوین قاپوسون آی... هی آچوب باغلارام من

حاج جعفر ایمان نژاد 😭😭😭

‍ #روضه_حضرت_علی_اکبر_علیه_السلام ای علی اکبریم، شبه‌ پیغمبریم زیبا مارالیم، رعنا غزالیم اوچماغا شهپریم، گورمه‌گه گوزلریم شأن و جلالیم، ای مه جمالیم غم گونو یاوریم، ال دوتان اللریم سیندی بال و پریم، مجنوندی لیلی، محزوندی خیلی وار بوسه میلی قویما گیلیلی لیلیه قیل نظر، ائیله‌دین دربه­د‌ر عومرو اولدو هدر سن ایستینده، جان سسلیندی سن آغلایاندا، جان جان دیندی دوشسه گر دیللره، نولدو بس اکبره اوخشارام ایلره حمد اولسون حقّه، وئرمیشدی آلدی اکبر اوجالدی، لیلا قوجالدی قلبیمی داغلادون چاره‌می باغلادون هی باخیب آغلادون نوحون ده عومرو حتی آز ایمیش بیجا چالیشدیم، هر نه یازی ایمیش سن منی ای پسر، ائیله‌دین دربه­د‌ر قالدیم آخر ملر صبریم تالاندی، دنیا یالاندی شادلیق گئد‌ندی، غملر قالاندی گول اکیب درمه‌دیم، خیرینی گورمه‌دیم توی شالی سرمه‌دیم بیر شمع تک من، هی یاندیم آخدیم گتئدین الیمد‌ن، حسر‌تله باخدیم گوزله‌دیم، کام آلام، توی ائد‌نده بالام قرمیزی شال سالام حجله بز‌ردیم، هی قند اَز‌ردیم تازه گلین‌له‌ن، با هم گز‌ردیم کوینه‌گون بیچمه‌دیم، ساق سولا گئچمه‌دیم شربتون ایچمه‌دیم بیر ال اَتکده، بیر ال اور‌گده بیر گوز دالونجا، بیر گوز فلکده گولسه گر دوشمنیم، وار نه چاره منیم وئر نشان مدفنیم قال باشیم اوسته، گور درگذشتیم قبریم داشیندا، یاز سرگذ‌شتیم

#روضه_حضرت_علی_اکبر_علیه_السلام ای علی اکبریم، شبه‌ پیغمبریم زیبا مارالیم، رعنا غزالیم با نوای زنده یاد فخرالدین استاد حاج سلیم موذن زاده 🖤🖤👌👌