#روضه_حضرت_علی_اکبر_علیه_السلام جدیم دوشردی یاده باخاندا علی سنه ای مظهر جمال رسول کرام اوغول یتجاق سسون قولاقیمه آلدی قراریمی بِالمرّه گیتدی قالمادی صبر و دوام اوغول (یانایانا دیردی اوغول) لیلادن آیری دوشماقوا اولما چوخ ملول گوزلور یولون بهشتیده زهرا آنام اوغول گلّم دالونجا منده علی بول دایانمارام انصافدور که سن ئوله سن من قالام اوغول؟ (بیاد پائین پای سیدالشهدا ) آیری شهیده آچمامشام من عبا یره گل تک داغلموسان نیلسون باغبان اوغول یغسامدا من عبایه سنی حمل ائدنمرم عباسیمی سسلرم من هرایمه اوغول

‍ #روضه_حضرت_علی_اکبر_علیه_السلام ای علی اکبریم، شبه‌ پیغمبریم زیبا مارالیم، رعنا غزالیم اوچماغا شهپریم، گورمه‌گه گوزلریم شأن و جلالیم، ای مه جمالیم غم گونو یاوریم، ال دوتان اللریم سیندی بال و پریم، مجنوندی لیلی، محزوندی خیلی وار بوسه میلی قویما گیلیلی لیلیه قیل نظر، ائیله‌دین دربه­د‌ر عومرو اولدو هدر سن ایستینده، جان سسلیندی سن آغلایاندا، جان جان دیندی دوشسه گر دیللره، نولدو بس اکبره اوخشارام ایلره حمد اولسون حقّه، وئرمیشدی آلدی اکبر اوجالدی، لیلا قوجالدی قلبیمی داغلادون چاره‌می باغلادون هی باخیب آغلادون نوحون ده عومرو حتی آز ایمیش بیجا چالیشدیم، هر نه یازی ایمیش سن منی ای پسر، ائیله‌دین دربه­د‌ر قالدیم آخر ملر صبریم تالاندی، دنیا یالاندی شادلیق گئد‌ندی، غملر قالاندی گول اکیب درمه‌دیم، خیرینی گورمه‌دیم توی شالی سرمه‌دیم بیر شمع تک من، هی یاندیم آخدیم گتئدین الیمد‌ن، حسر‌تله باخدیم گوزله‌دیم، کام آلام، توی ائد‌نده بالام قرمیزی شال سالام حجله بز‌ردیم، هی قند اَز‌ردیم تازه گلین‌له‌ن، با هم گز‌ردیم کوینه‌گون بیچمه‌دیم، ساق سولا گئچمه‌دیم شربتون ایچمه‌دیم بیر ال اَتکده، بیر ال اور‌گده بیر گوز دالونجا، بیر گوز فلکده گولسه گر دوشمنیم، وار نه چاره منیم وئر نشان مدفنیم قال باشیم اوسته، گور درگذشتیم قبریم داشیندا، یاز سرگذ‌شتیم

#روضه_حضرت_علی_اکبر_علیه_السلام ای علی اکبریم، شبه‌ پیغمبریم زیبا مارالیم، رعنا غزالیم با نوای زنده یاد فخرالدین استاد حاج سلیم موذن زاده 🖤🖤👌👌