حضرت علی اکبر علیه السلام ✅مناسب شب عاشورا ( عصر تاسوعا ) سبک :: ای غنچه نیلوفریم... ویرانه ده نازلو بالام... مرحوم حاج قدرت الله نادری 🔹 گلدی گیجه اوغلون گوره کان حیا لیلا گوردی یرینده یوخ علی ایتدی نوا لیلا چیخدی کناره خیمه دن لا کن اورک تیترر میداندا گوردی اوج ایدیر دریا کیمی لشکر بیلدی فراته عزم ایدوب تک نوجوان اکبر ایستوردی ایتسون اکبره جانین فدا لیلا فریاد ایدوب امداد ایدون افغانیم آرتوخدور میداندا یاقوزدی بالام لاکن قوشون یوخدور من بیر اوغول سوز عورتم فریاد رس یوخدور ایندی کیمی امدادینه ایتسون صدا لیلا؟ یوخ بیر کسیم تا ایلسون بیر چاره یالوارسام چاتماز الیم من حیدر کراره یالوارسام غیرت قبول ایتمز گئدوم اشراره یالوارسام اکبر گئدیر الدن کمک کیمدن آلا لیلا گلدی سکینه عرض ایدوب ای مهربان مادر میداندا چوخ غوغا سالوب بی رحم دور لشگر یالقوزلارا عباس عموم دائم کمک ایلر سردار عَمومه گل گیدک عرض ایت آنا لیلا اولماز گئدوب بیز یالواراق بو قوم نسناسه لازم دوشوب بیز یالواراق بیر زبدۀ ناسه گل منله سن یوز دوندراق درگاه عباسه خرگاهِ سقایه طرف دوشدی یولا لیلا گورجک سکینه حالتین اول خسرو خاور آلدی قوجاقه سویلدی عباس نام آور علت ندور رنگون قاچوب زانو لرون تیترر عرض ائتدی خارجده دوروب گور بینوا لیلا سهم صلابتده چیخوب اول حیدر ثانی ال قبضۀ شمشیریده دعوالر اصلانی خیمه کنارینده گوروب بیچاره لیلانی تپراقه دوشدی عرض ایدوب اول مه لقا لیلا ال دامنوندن اوزمرم باب کرم لیلا رحم ایت دخیل و بی کسم چوخ مضطرم آقا سندن علی اکبری من ایسترم آقا بوندان علاوه چکمسون درد و بلا لیلا گل وئر عروسلوق خلعتین ای زادۀ حیدر دشمن ایچینده تک قالوب اوغلوم علی اکبر عباس ایاقینه آتوب لیلا او دم معجر دوتدی ابوالفضل دامنین بختی قرا لیلا تأثیر ائدوب لیلا سوزی تیترتدی عباسی شهدن اجازه آلدی چون ئوز زبدۀ ناسی چکدی بئلیندن خیمه ده شمشیر الماسی باخدی دالیجا آغلیوب ائتدی دعا لیلا عباسه اولجاق روبرو قاچدی بوتون اشرار تاپدی علی اکبری اولدی اونا غمخوار گَتدی خیامه اکبری اول باوفا سردار سسلندی بو اکبر بو سن ، بو کربلا لیلا یاز « نادری » هاردا قالار عباس اول وقتی اکبر جوانین خیمه ده تابوت اولار تختی غم لشگری دلدن سالار لیلا قرا بختی عمری نقدری وار قورار بزم عزا لیلا 🍃🌴🌴🌴🌴🌴

شب عاشورا ای شمع حرمخانه قربانون اولوم عبّاس جان لار سنه پروانه قربانون اولوم عباس ایلده شب تاسوعا سسلر آدوی دنیا معناده دیر زهرا قربانون اولوم عباس دویسه قاپیوی سائل منظوری اولار حاصل ای مونس اهل دل قربانون اولوم عباس انسان و ملک سندن ایستَلَّه کمک سندن اَل بیزدن اتک سندن قربانون اولوم عباس ای معرفتین کانی سَن بُل آناوین جانی بیمه ایله بو جمعی قربانون اولوم عباس اوج شرفه چاتدون لب تشنه قانه باتدون سن کوثری آغلاتدون قربانون اولوم عباس دگدی گوزل آننوندان اوچ شعبه لی بیر پیکان دوتدی گوزیوی اَلقان قربانون اولوم عباس یاندیم دیدیم ای قارداش سس ویر منه وای قارداش چارم ندی ای قارداش قربانون اولوم عباس دیداره حسین گلدی قلبین غم اوخی دَلدی تاپدی سنی دینجلدی قربانون اولوم عباس وار خیمه ده چوخ سوزلر قیزلار یولیوی گوزلر باخمور نیه بو گوزلر قربانون اولوم عباس احسنت بیله ایثاره سردار وفاداره قربان کسیلن یاره قربانون اولوم عباس گَلدیم باشوین اوسته آچ گوزلرین آهسته سن خسته حسین خسته قربانون اولوم عباس ای کشتی بی ساحل قانلی علمه حامل آمالون اولوب حاصل قربانون اولوم عباس کم ایلمه لطفون سَن بیچاره #کلامیدن کویونده گدایم من قربانون اولوم عباس 📝 استاد کلامی زنجانی

ای شمع حرمخانه ☝️ بانوای زنده یاد حاج محمدباقرمنصوری

۞﷽۞عرض ارادت به حضرت ابوالفصل(ع) 🟢شعرشماره: ای ویران نهرفرات اوسته علم یاعباس گلمیشوخ درگهیوه ایـلـه کـرم یا عباس آدیوین عاشقیم من قاپیوین سائلیم من سن اومولاسن هامی رفع حوائج تانیور چاره سیزدرده دوشن درده نتائج تانیور الـی الـدن ئـوزولـن بـاب الحوائج تانیور سسلر امداده سنی موسـم غـم یا عباس ای سواوستونده اوزون قولاری تندن ِئوزولن لاله تک باشدان آخان قانی عذاره دوزولن بـوعـزاداریلـره باخسان اوقـانـلـی گوزیلن کـوی عشـقـیـنـده فـداجـان ائدرم یاعباس کیم جهانداسنه دیل باغلاسامحتاج اولماز تـیـر محنتلـره قـلـبـی داخـی آمـاج اولماز غم الیندن گونوزی گوزده شب داج اولماز سـسلـیـرصـدقـیلـه ای مـیـرحـرم یا عباس سـنـی بـیـکـس آنـاویـن عـزتینه حـرمتینه کـربـلاده سـویولان زیـنـبـویـن عصمـتینـه خـیـمـه لـرده دیـولـن قـیـزلاریـن حیثیتینه قسمت ایلـه بـیـزه بـیـربین الحرم یاعباس ❇️التماس دعا 📝علی جعفری(عاجز تبریزی) #حضرت_اباالفضل ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣https://eitaa.com/joinchat/710083390C52394983ad

نوحه حضرت عباس ع شب تاسوعا زنجیر زنی سه ضرب بانوای#کربلایی_منوچهر_حسن_زاده شاعر#مرحوم_فرهاد_فکری_اردبیلی یاحسین یاحسین شرمنده نوکرم من اوخلانوب سو مشگیم یولووی گوزلریم من سقایم سقایم سقای تشنه گانم سو اوستن گلنده باغلادیلار یولومی دورت مین اوخ آتانلار آلدی صاق و صولومی سالدیلار ظلمیله نخلستاندا قولومی اللریم دوشوبدی عنقای بی پرم من سرو تک یخیلدیم آخر قانلی چمنده اوچیلار شیریوی سالوبدیلار کمنده باشیمی دیز اوسته گل آل قارداش ئولنده یالقوزام بی کسم بی یار و یاورم من ئولونجه چیخمادیم قارداش حسین سوزوندن اوخلاندی سو مشگیم منی سالدی دوزومدن بیر اوچ پر اوخ دگوب بو چولده صاق گوزومدن گوزلریم دعواده گورمه سه نیلرم من نوکرم ایت قبول اگر چه ناقابلم خیمه ده قیزلاردان صد حیف اولا خجلم جان اوسته من سنون دیداریوه مایلم بیلورسن خاطروی چوخ چوخ ایسترم من عباسون غصه سی اندازه دن رد اولدی دوشمنیم بو چولده بیلورسن نامرد اولدی سقالیق آخرده منه بیوک درد اولدی شرمنده ی روی علی اصغرم من ناامید اولمیشام من بو اوزون اللردن دشمنی ایلیور شماتت دور و بردن مشگییمده سو یوخدی شرمندیم اصغردن بو چولده شاهین شکسته شهپرم من

🌱💔°• عباس اگر نیست ، زینب که هست کوچه به کوچه عشق تو را جار میزنیم... • روز هفتم #محرم الحرام ۱۴۴۶ . حاج_مهدی_رسولی امام_حسین ع😭😭😭😭😭😭 ۰

‏یا عباس ع دخیلم آقا جان 😭😭

استمداد حضرت ابوالفضل ع مهدی قلندری اردبیلی آتدان دوشوب عبّاسون امداده گل آی قارداش تئز گل باشیمون اوسته گلدی اجل آی قارداش عرشه اوجالار باشیم قارداش منه باش ویرسون خوار اوللام اگر عشقین قیدین منیلن قیرسون ظلمیله سینوب باشیم سنده منی سیندیرسون هئچ کیم داخی عبّاسه قویماز محل آی قارداش گرچی داغیلوب جسمیم بی تاب و توانم من فکریم قالوب اصغرده آشفته روانم من جان اوسته رقیوندن قارداش نگرانم من گل قوی نگران جانی آلسون اجل آی قارداش هر درده فلک قارداش عبّاسی نشان دوتدی پروازه بیر اوخ گلدی صاق گوزده مکان دوتدی من گورمدیم اطرافی رخساریمی قان دوتدی یوخسا هله مشکیمدن چکمزدیم ال آی قارداش سن ایسته سوسوزلاردان عبّاسی حلال ائتسون تا محضر طاهایه سقّا یوزی آغ گئتسون عطشانلارا قورخوم وار بو چولده خطر یئتسون گلشنده سوسوز قالماز گوللر گوزل آی قارداش هر عرصۀ هیجاده شیر جدلیدیم من اعدا باشینون اوسته دست اجلیدیم من بیر قول کی وئرسیدیم اهل عملیدیم من اولدی خجل اصغردن مرد عمل آی قارداش گل بادۀ باقی وئر بو ساقی مدهوشه ئوز رحمتوون بحرین بیر یولدا گتیر جوشه آل نوکروون باشین مولا ئوزون آغوشه قوی عشقیمیز عالمده اولسون مثل آی قارداش قورخوتماسون اطفالی میداندا گلن سسلر عنقا یخیلان یئرده دعواده دی کرکسلر سرگرم رقابتدی باش کسمگه ناکسلر اعدا باشیما خاطر ایلور جدل آی قارداش #سبک_یاران_چه_غریبانه #سبک_آی_گویده_کی_اولدوزلار #سبک_ای_یاره_لی_طرلانیم #حضرت_عباس ع #عباسیه_شهادت #آتدان_دوشوب_عباسون #قلندری