شام غریبان امام حسین (ع) – تنور خولی عيال خولي گوز آچدي گوره نه غوغادي باخوب نه گوردي كه مطبخده حشر بر پادي تنوريدن گورجك نوريدي تلالو ايدور ديدي خدا بو حقيقتدي يا كه رويادي بو خولينون ايويدور بوردا وا حسين سسي وار بو محترم كيشي لر كيمدي نه قضايادي نه سسدي بو كه ديولر دورون گلور طاها داليجا نوحيدي ادم مسيح و موسادي شعيب و خضر و سليماندي يونس داوود خليل و يوشع و شمعون ذبيح و يحيادي هاموسي قاره گيوب باش آچوقدي سينه زنان تنوري دور ليوبلر عجب تماشادي نه گوردوم اوندا بلند اولدي طرقوا صوتي تمام ايدون ديديلر موقع تسلي دي چيخون قباقنا ايندي اوغول آناسي گلور حسين عزاسيدي بو سر پرستي زهرادي گلوب اوتوردي تنوره اوزاتدي بير اليني اشاره اهلينه بو سوز گوزل بير ايمادي ديوله بير قولي قاخموردي ظلم ثانيدن بير اللي گوتدي او باشي اوجالدي فريادي ديدي حسين گوزون آچ كام آلوم نگاهوندان خبر ويروم سنه اوز قانلي قتلگاهوندان او چولده من واريديم چشم خونفشان واريدي غريبه منظره لر واضح و عيان واريدي يانان چادردا نماز اوسته زينبي گوردوم نه ديزده طاقتي نه قلبيده توان واريدي سرير نازيده صبح ايلين بالالاريوا گیجه نه بستر راحت نه خانمان واريدي گوزوم فراتده دوشدي آخوردي اوز باشينا شريعه ده نه موكل نه پاسبان واريدي ديديم گيدوم گينه گودال قتلگاهه طرف اگر چه اوردادا مين محنت گران واريدي كسوك بوغازيوي اوپدوم اوجادان آغلاماديم كمينده چون الي خنجرده ساربان واريدي غريبه شام غريبان غريبه مجلسيدي ديمه نه بير باش آچان نه بير آغليان واريدي من اوخشاما ديمديم چونكه سينون اوستونده بير اوچ ياشيندا گوزي ياشلي نوحه خوان واريدي آيون ايشقي دوشنده رقيوين يوزونه گوزومدن اولدي روان قلبيده نه قان واريدي بيله خيال ايليديم ثاني كربلايه گلوب يوزونده من كيمي چون سيلي دن نشان واريدي کسیلسون اللری شمرون ، ایوی خراب اولسون گوروم که من کیمی قلبی یانوب کباب اولسون * مرحوم حاج رحیم منزوی اردبیلی

/💐احســـــنت وتبــارڪ اللـہ💐 💐بـر فعالیـــــن گـــروه💐 💐نفستـــون حیــــدرے💐 💐اجـــرتون زینبـــــے💐 💐و شفــاعتــــ زهـــرایے💐 💐لحظاتتــون مهــدوے💐 💐جــــزاکــــ اللَّـــــہ💐 💐خــــيراِ فِــــے الــــدُّنْيـــــا والاخــــَـــــره💐 💐اجـر همه شما بزرگواران با بے بے دو عالــم خانــم فاطمـه الزهراء💐

⚜🖤حـاجتتـــــون روا ⚜🖤 یا اَبا عَبــــــدِاللهِ ⚜🖤 الحُسَیــــــــــن(ع) .

دوباره مرغ روحم هوای کربلا کرد دل شکسته‌ام را اسیر و مبتلا کرد که هرچه کرده با من فراق کربلا کرد😭 صلی‌ الله‌ علیک‌ یا اباعبدالله

🌹 دریا حسینه قوربان صحرا حسینه قوربان کلیپی بی نظیر از فخرالذاکرین استاد معظم حاج سیدمحمد عاملی که ماندگار شد. دریا حسینه قربان صحرا سینه قربان طاها حسینه قربان حیدر حسینه قربان ویرانده سه ساله زهرا حسینه قربان قولسوز یاتان سو اوسته سقا حسینه قربان یرلر حسینه قربان گولر حسینه قربان گلزار کربلاده گلر حسینه قربان پیغمبرون شبیهی اکبر حسینه قربان اوز گوز قانا بویانموش اصغر حسینه قربان سو اوستکی کسیلمیش اللر حسینه قربان دریای قانه باتمیش لشگر حسینه قربان اثر زیبای استاد حاج یدالله منعم اردبیلی ره

نوحه غارت خیمه ها به سبک ای قلم سوزلرینده اثر یوخ خیمه لر اود دوتوب یاندی قارداش زینبون قلبی اودلاندی قارداش زینبون دوشدی باشی بلایه خیمه لر یاندی گل سن هرایه یا حسین یا حسین یا حسین جان 2بار گل باجون قلبی بیر پارچا قاندی دشمن اود وردی اخیامه یاندی ایندی گل. داده قارداش اماندی گل باجون گور نه گریاندی قارداش یا حسین یا حسین یا حسین جان 2بار شعله ور اولدی اود خیمه یاندی زینبون حالی قارداش. یاماندی خیمه لر غارت اولدی تالاندی زینبون قلبی گل قاندی قارداش یا حسین یا حسین یا حسین جان 2بار گل حسین جان چیخوب عرشه آهیم خرداجا قیزلار اولموش سپاهیم گوندر عباسی یوخدور پناهیم قلب زاریم پریشاندی قارداش یا حسین یا حسین یا حسین جان 2بار نهرین اوسته یاتوب تشنه سقا خیمه گاهه دولوب یکسر اعدا حالی پوزقوندی غملرده زهرا گل آنام ایندی نالاندی قارداش یا حسین یا حسین یا حسین جان 2بار گور نه مظلوم اولوب آل. حیدر قیزلارین چوللره قاچدی یکسر نچه سی گول کیمی اولدی پرپر گل رقیه اورک قاندی قارداش یا حسین یا حسین یا حسین جان 2بار هارداسان ای مه انوریم گل ای منیم جدیمه بنزریم گل یاتما یورقون منیم اکبریم گل نیلیوم قانه غلطاندی قارداش یا حسین یا حسین یا حسین جان 2بار آل هاشیم باتوب قانه قارداش آغلوری بو غمه ایندی داغ داش وار یئری آغلیام منده قان یاش خیمه ده گور نه طوفاندی قارداش یا حسین یا حسین یا حسین جان 2بار ایلدی سعدین اوغلی جسارت یوز قویوب خیمگاهه. جماعت دشمن دین ایدوب قتل و غارت خیمه لر گور نه سوزاندی قارداش یا حسین یا حسین یا حسین جان 2بار ای حسین ای شهنشاه خوبان دین اسلامه ویردون سوسوز جان «مهدی» زینب سوزون ائتدی اعلان زینبون دردی پنهاندی قارداش یا حسین یا حسین یا حسین جان 2بار ملتمس دعا مهدی ملکی

نوحه غارت خیمه گاه زبانحال حضرت زینب سلام الله علیها سعد اوغلی ویردی حکم غارت سپاه شامه یکسر سپاه دشمن حمله ایدوب خیامه سعد اوغلی فکر ایدردی ری ملکیدی پناهی بیلمزدی بو جهانین فانیدی عز و جاهی دیندن کنار اولوبدی کفره ویروب گواهی آلاندی اول ستمگر ال ویرمین مقامه قتل حسینه ویردی سعد اوغلی حکم فرمان ئولدوردولر حسینی کرب و بلاده عطشان جان ویردی قوملار اوسته قلبینده زخم پیکان عصرون زمانی تاپدی قتل حسین ادامه زینب قالوبدی ویلان کرب و بلا چولونده سسلردی مرتضانی داده بلا چولونده گل دادیمه بابا جان بو نینوا چولونده سالدی قوشون بو چولده اطفال شاهی دامه سعد اوغلی حکم غارت اشراره ائتدی اعلان اود وردیلار خیامه قیزلار اولوب هراسان یکسر چوله داغیلدی اطفال مو پریشان ایتمور بو چولده لشگر رحم عترت امامه قان یاغدی کربلاده اکبر شهید اولوبدی نعشی گلوب عباده لیلانی غم ویروبدی از بس ایدوبله ناله قیزلار یانوبدی صولوبدی لعنت ایله الهی بو چولده اهل شامه نهر فراتین اوسته عباسی یخدی لشگر لب تشنه سو یانیندا ظلمیله اولدی پرپر باشیم بلالی اولدی بو چولده ای برادر رحم ایتموری بو لشگر دلده اولان کلامه هر تک تکی او چولده بیر نوعی قانه باتدی غملرده یاندی زینب آه و نوا اوجاتدی اشگ عذاری زینب قانلی سرشگه قاتدی دل ویرمدی بو لشگر ئوز یازدیقی پیامه اود وردیلار خیامه اخیامی یاندوربلار سسلردی گل حسین جان داده یانوبدی قیزلار اود شعله ور اولوبدی قیزلار سنی سوراخلار اشرار کوفه و شام اود وردیلار خیامه دوشدی بلایه آل طاها بو چولده یکسر ظلم ایلدی بو چولده شمر و سنان کافر قاچدی چوله اوشاقلار گول مثلی اولدی پرپر سعد اوغلی حکم غارت ویردی سپاه شامه فرمان غارت اولدی بیردن توکولدی لشگر اخیامه یول سالوبدی یکسر او قوم کافر گور نه جنایت ائتدی اول لشگر ستمگر لعنت بو قوم پسته. اول شمر بد مرامه زینب بلالی چولده سسلردی مرتضانی گل زینبین بابا جان الدن گیدوب توانی دینار و درهم اوسته اوغلون توکولدی قانی هر نه واریدی ویردی بو ایتگی قیامه فرصت دوشوبدی دست اشرار پسته قارداش بیر ظلم ایدوبدی لشگر آغلار بو غمده داغ داش زینب قالوبدی یالقوز غملرده توکدی قان یاش قربان اولوم حسین جان سنده اولان کلامه ای ماه انوریم گل عالمده سروریم گل خورشید خاوریم گل اسلامه یاوریم گل گل سندی شهپریم گل غیرتلی رهبریم گل گل قویما سیلی دگسین رخسار نیلی فامه دشمن ایدوب حسین جان بوچولده قتل و غارت سعد اوغلی تاپدی فرصت گور نه ایدوب جنایت یوز قویدی خیمگاهه لشگر ایدوب جسارت ال آچدی قوم کافر بو عترت امامه «مهدی» یازاندا نوحه سن شاه کربلایه دلدن ائله توسل دلبند مصطفایه محشر گونی حسینده قورخما گلر هرایه عمرون نقدری اولسا یاز شعری ویر ادامه ملتمس دعا مهدی ملکی