‍ راه شام (سبک : میگذرد کاروان … ) گئتمه دایان ساربان ، گوز یاشیم اولدی روان یولدا رقیه م قالوب ، زینب اولوب باغریقان بوردا گرک من قالام ، دردینی جانه آلام قلبی سینیقدور دایان ، صبر ائله گلسین بالام بالامی یولدا ترک ائتمرم رقیه م گلمسه گئتمرم ای کاروان ای ساربان قالدی بالام گئتمه دایان **** عمه سینی ترک ائدوب کامینه گویا چاتوب یاره لی یورقون دوشوب قوش کیمی حتماً یاتوب بیر نچه گوندی اونی قارداشی گوزدن آتوب شاید اَیاقلارینا خار مغیلان باتوب قلبیمی قان ائتمه ساربان قالدی بالام گئتمه ساربان ای کاروان ای ساربان قالدی بالام گئتمه دایان **** رحم ائله وار اوچ یاشی یوخدی اونون بیر کسی ایندی اونی زَهره چاک ایلدی یئللر سسی قورخولی وحشتلی چول عرشه چیخوب ناله سی ایندی ئولَر قورخودان فاطمه ریحانه سی قارداشیم حسینون جانیدور زهرانین غملی ریحانیدور ای کاروان ای ساربان قالدی بالام گئتمه دایان **** داده کیمی یولّاسان تاپشور اونی ویرماسین چوخ یوروب آغلاتماسین وقرینی سیندیرماسین آت دوشونه سالماسین رشتۀ غم قیرماسین یاسلیدی گویلون آلوب قلبینی یاندیرماسین کینه سین یولدا بولدورمسین آللها خاطر ئولدورمسین ای کاروان ای ساربان قالدی بالام گئتمه دایان ** ✍ به قلم رامین محمدزاده اجرا : احسن دهقان #اللهم_عجل_لولیک_الفرج https://eitaa.com/Hazrate_Abalfazll

‍ ‍ ‍ #روضه زبانحال حضرت زینب در شهادت حضرت رقیه علیهما السلام حاج اضعر خسروشاهی : ای بادصبا کرب وبلایه گذر ایله اوردایارالی‌ تشنه حسینه خبرایله حسین ای شهه خوبان رقیون سنه قربان (تکرار هر بند )(۲) عرض‌ایله اولوب‌زینبوون حالی پریشان دور قبرده یاتما ، یارالی جانوه قربان افسرده رقیه قوری یرلرده وئرور جان گل شامده ویرانیه بیرایله نظاره بیچاره قالوبدور باجون ایله اوناچاره سینونده یاتاردی قیزون ای سینه شکسته ایمدی قوری یرده غم ائدوب جانینی خسته توپراقلارا زلفی توکولوب دسته به دسته مشگلدی منه زلفینی توپراقه سالوبدی گل‌صورتی‌غمدن‌ساری‌گل‌تک‌سارالوبدی رنگی سارالوب گل کیمی سولموش گه بنزر زلفی توکولوب صورتینه سنبله بنزر روحی قفسیندن بیراوچان بلبله بنزر نه چاره قیلوم گوشه ی ویراده سنسیز سن تک قوری یرده ئولوری غسل وکفن سیز قویما قیزوی خوار اولار رفع محن ایله شهزاده بالان جان وئروری گل کفن ایله قازقبرینی ویرانه نی بیت الحزن ایله وئرغسلینی قوی قبره گوزوم اشگیله دولسون قوی شام گل شاه حجازه وطن اولسون فاش ایلدی درددلینی گوزیاشی آخدی یاندوردی حرم اهلینی نارغمه یاخدی آغلارگوزیله بیر او یتیمه قیزا باخدی گوردی بالانون روحی کنار اولدی بدندن آزقالدی ئوزی رخت علایق سویا تندن القصه وئروب جان بالا مقصودینه چاتدی صبح اولدوزی تک برج حیا اولدوزی باتدی اولاد علی ناله سسین عرشه اوجاتدی شهزادیه گوربیر نجه غسل وکفن اولدی گویا کفن اگنینده اولان پیرهن اولدی دفن اولدی بالا زینبین احوالی پوزولدی قان یاشیله اهل حرمین گوزلری دولدی زهرا قیزی بومجلسه راثی ئوزی اولدی قارداش بالاسیندان او زمان عمه ال اوزدی اهل حرمی قبرینون اطرافنه دوزدی هرکیم ئوله اوندان قالار عالمده نشانه ایلرله لباسین ئوز عزاسینده بهانه دوندردی بونیسگیل اویانان دیللری قانه بیر کوینگیدی بیراثر اوندان بدنینده دفنینده کفن ایلدیلر پیرهنینده بوغم گتوروب آل علی قلبینی درده ماتمزده لر قوردولار بیرماتم او یرده اول خوردا مزار اوسته چکوبلرنچه پرده گوزیاشلی لارین قلبینین آرامی آلیندی قبراوستونه پرده عوضی زلفی سالیندی اولدی هره سی بیر دلیله کاشف مطلب ماتم زده لر گوزیاشینی توکدی مرتب نسگللرین اوخشاردی خانیم عمه سی زینب سویلردی رقیه نیه گوزدن منی آتدون هجرونده بوگوزیاشیمی خون دله قاتدون عمرون گلی بوگوشه ویرانه ده سولدی کیم گییدوقی پیراهنیله قبره قویولدی هانسی قیزا غساله اونون عمه سی اولدی شرح غمیوی اشگیمیله توپراقا یازدیم دلده آدون آغلار گوزیله قبروی قازدیم دنیاده ادب گلشنینه بیرگلدون سن اصغرکیمی بیرغنچه گله بلبلدون سن عمّه‌ن سنه قربان نجه شیرین دلیدون سن سن نازیله شه سینه سی اوستونده یاتاردون چوخ غم گوروب اوج سینیله دنیانی قوتاردون سن بیرگلیدون بادجفائیله سارالدون ایوای باباوای سسلدون آرامیمی آلدون سن چوخ گئجه لر گوشه ویرانه ده قالدون قلبیمده کی نسگللرون آرامیمی آلدی ئوز دردیوی فاش ایلمدون سینه قالدی بیرنسگلیوه یانّام ئولونجه من مضطر لای لای دئدون آغلار گوزیله سسلدون اصغر گه سویلدون ای عمه هانی قارداشیم اکبر اکبر چاغوروب عمه دین دیللره قربان بوتوزلی مزاره باخورام قلبیم اولور قان اوخشاردی حزین بیر سسیله زینب نالان گوردی اوجادان باجیسی کلثوم ائدور افغان گوزیاشینی رخساره دوزور چون در مرجان سسلندی باجی سن که ائدورسن بئله شیون بوخورداجا اطفالی نجه ساکت ائدوم من عرض ایلدی بیر نسگله یانام بودی مطلب بوشیونه باعثدی رقیه‌م باجی زینب گوردوم دولانور منزل ویرانی گئچن شب سسلوردی بابا سوزلرینه من قولاق آسدیم دوردوم یوزین اوپدیم گتوروب باغریما باسدیم آلدیم یانیما گوزیاشینی سیلدیم یوزیندن آندورمادی دردین منه بیرکلمه سوزیندن اشگین گینه گوردوم توکوری لیک گوزوندن آزآغلا دئدیم بس نیه بوحاله قالوبسان یات راحت اول علن ندی گل تک سارالوبسان وار سرّی دئدی اشکیله دولموش گوزوم عمه بنزرسارالان بیرگله سولموش یوزوم عمه وئر گوش منه واردی اورکده سوزوم عمه آهسته دیوم بیلمیه بیرکس ئوزون سن گلمور یوخی آخر گوزیمه عمه آجام من بونسگللی دوشدی یادیماناله‌م اوجالدی گئتدی ئوزی دللرده غم افزا آدی قالدی گلسون بوجهانه ائله قیز امر محالدی دردین دئمسین محنت وغم یولداشی اولسون شیرین دل،ادبلی،ئوزینون اوچ یاشی اولسون ای مخزن عصمتده ایشیقلی در وگوهر وی کرب وبلاشاهینه بیر سویگولی دختر ای باب الحوائج آدی ای خواهر اکبر بو(احمدیان)سائلی سالمانظروندن ایستور صله گوزیاشلی خانیم عمه لروندن

( مرحوم استاد سلیم_موذن زاده)

ای یوزی قاره کوفیان عالمه مقتدا منم محور آفرینشه نقطه ی ابتدا منم کوفه لیلر ندن بله ظلمیده شدت ایلسوز دوره لیوب قوناقوزی قصد جسارت ایلسوز جدیمه موقع اذان عرض ارادت ایلسوز بیر آیلون حیا ادون وارث مصطفی منم جان مسیحی قورتاران قید طناب داردن سس یارادان کلیم ایچون شعله ی نور و ناردن مژده وروب حسینه ده فیض حضور یاردن قورخما دیوب حسین من قانوه خونبها منم خلقت اولاندا ابتدا من هله نور نابیدیم پرده نشین عالم خلوت و احتجابیدیم آدم اولاندا آب گل من گلیدیم گلابیدیم ایندی ده کل عالمه سرور و مقتدا منم شمری گورون هارالیدی من گل باغ حیدرم خارجی سعدین اوغلی دی من نوه ی پیمبرم ابطحیم حجازیم هاشمیم دلاورم شهپر جبرئیل ده عرشه گدن بالا منم معرکه ی الستیده دست گره گشا منم ذبح عظیم تشنه لب جنته رهنما منم حکم ضروری اجل شرط قبولی عمل اهل یقینه ماحصل قبله منم دعا منم کعبه ی قرب و منزلت مشعر لطف و مرحمت زمزم اهل معرفت مروه منم صفا منم گوهر تاج انما مظهر شاه قل کفی مفخر میر هل اتی مشعل اقتدا منم علت ابتدا منم خلقته منتها منم وارث اوصیا منم وارث انبیا منم نور منم شجر منم نخل منم صمر منم فتح منم ضفر منم نطق منم صدا منم فکر ادیسوز بو بیکسین یوخدی الینده چاره سی آب حیاته حکم ادر قیزلاریمون نظاره سی نهر فراتی قیترر اصغریمین اشاره سی قاعده ی تصرفون رمزینه آشنا منم واردی یزیدیلن اگر سیزلرین عهد و بیعتوز دینوزی ساتمسوز هانی بس عربی حمیتوز یونگولومش دیانتوز اوسته گیدوبدی غیرتوز غیرت ایله بیزیمکیدور مظهر مرتضی منم #ای_یوزی_قاره_کوفیان #کوفه فایل صوتی👇👇👇

#ای_یوزی_قاره_کوفیان #کوفه #سلیم

نوحه راه شام - از ناقه افتادن حضرت رقیه س الله بوقلب زاری پیکان غم بولوبدی شامین یولی رقیه آواره دی سولوبدی ائللریندن آرالی گزور حسین مارالی قولوندا قمچی ردی ایاقلاری یارالی سه ساله قیز ، گزور یاقیز، آدامسیز یوخ پناهی بو غم کشین ، بلا کشین ، ندور مگر گناهی او خوردا قلبی غمدن دوشوبدی پیچ و تابه الی ئورک باشیندا یوزون قویور ترابه دیور منی خدایا یتور آنام ربابه باتوبدی آی یئتیشدی ستاره نین زوالی قرا گئجه اسیر دیار پر خطردی ائلیندن آشنادن نه وقتدی بی خبردی گهی دوروب ایاقه گهی یئره دوشردی قولی قانادی سئنمیش پرنده نین مثالی امان الله ، آدامسیزلیق، چتیندی هر محندن سه ساله قیز ، قالوب چولده ، دوشوب آیری چمندن قویوبلا چولده آی بابا آنام باجیم ملر منی سالوبلار اوزگه لر کیمی گوزوندن عمه لر منی بو آیدا چخمور از قضا بیر آز ایشیقدا آغلیام ایاقیمون تیکانلارون چکوب جهانی داغلیام آچوب بو کهنه معجری بولوب یارامی باغلیام #راه_شام 👇👇

✍…۞راه شام زبانحال دختری که از قافله عقب مانده بود۞ 🌹🌹🌹🌹🌹 دردیمی فاش ایلیوم قوی سنه بی پرده بابا بالان   ئولسون  او قدر قالمادی چوللرده بابا ●●●●●●●● من که هیچ گورمه مشیدوم بابا نه قتل ونه جنگ طبل وشیپور سسی چالدی کیچیک قلبیمه چنگ دولدوروب کوفه لیلر دامن ایذاسینه سنگ آتوری   باشیوه  هر   کوچه  و  معبرده  بابا ●●●●●● چوخدا سن نیزه ده گزمه یارالی چک بیزه باش منه قمچی وُرور هرکیم آتور باشیوه داش گل قارانلوقدا سخیل سینمه محملده یواش اُوز  گوزون  پاک   ائلیوم  ای ئولن اللرده بابا ●●●●●●●● قورخولی چولده دوشن وقتیده درد ومحنه آناوی    سسلمشم    ایلیوب   امداد   منه گل دیدوم داده آنا محسن عموم خاطرینه آناوی   گوردوم   همان  لحظه  برابرده  بابا ●●●●●●●● آغلیا   آغلیا   آلدی    خانم    آغوشه    منی یوخلادوم   چخدی   یادیمدان  غم ایام دنی یوخلاماز کیم اولا زهرا کیمی لایلای دیه نی هانی   بو   مهر  و  وفا  مادر   دیگرده   بابا ●●●●●●●● بنزیرم  بیر  قوشا ظلمیله سنا قول قانادی قاچمشام بسکه تیکانلوقدا ایاقیم یارادی یخلوب دورموشام هیچ بیلممشم یول هارادی قورخموشام تترمشم آلچاق اوجا یرده بابا ●●●●●●●● خیمه لر غارت اولاندان بابا یوخ منده توان قوشلارون لانه سینی اودلادیلار اوچدی اوچان قاچا قاچ دوشدی دورانموردی ایاقه یخلان هاردا قالمشدون او هنگامه ی محشرده بابا ●●●●●●●● خندقه دوشدی دوشن قالدی ایاق اتا قالان ال  اله  وئردی   آنایلان   بالا  قاچدی  آرادان ئولمدوم   گر  چه  او غوغاده ایا شاه زمان جسم   بی روحیدی  اما بو  دل افسرده بابا ●●●●●●●● اُسرا قول قولا باغلاندی اولوب شامه روان گُلَّنوب نیزلرون باشی کسیک باشلاریلان سایه وی کسمه باشیم اوسته جداده باباجان رحم یوخدور گوروسن قوم ستمگرده بابا ●●●●●●●● هامونون جانی دوشوب گرچه بو یولدا خطره اوجادان   آغلاماقیم   زَجر   ویرور    زجرلره آغلورام  قمچی  ویروللار  من خونین جگره قورخورام  شامه   یتنجه   ئولم   اللرده  بابا ●●●●●●●● عموم   عباس   هانی   پرچمینی  آلسون اله اوجا  یردن   اونی   سسلن  بو   بیابانه گله سویله ای ماه بنی هاشم ایشق سال بو چوله اُسرانون   گوزی    قالدی   او   دلاورده  بابا ●●●●●●●● ناقه دن دوشموشم ام هله من ئولمه میشم قالموشام قورخولی چولده ئوزومی بیلمه مشم اللریم تتروری هیچ گوزیاشیمی سیلمه مشم نیمه جان گلدی قیزون محضر انورده بابا ●●●●●●●● بیرده تاپشور منی بو کان وفا عمه لره قویماسون یولدا دوشوم دامن  خوف وخطره گجه دن فکریمه گلموردی چخیدوم سحره شاهدیم لرزش اعضادی بو پیکرده بابا ●●●●●●●● گر مُیسر اولا ای صاحب احسان و کرم چکرم سینمه باشون دوداقندان ئوپرم نیزه دارون ورا گر قمچی بو یولدا دوزرم سهلیدور قمچی؟وُرا نیزه وخنجرده بابا ●●●●●●● ﴿عینی فرده﴾صله وئر یاندی غمینده ئورگی آغلادی،  یازدی  یتوب  طبعینه  الله کمکی سوزون اخلاصیله ایستور یازا آرتسون نمکی یادگاری   قالا   بو   سوزلری   دفترده   بابا 〰〰〰〰〰〰

شجاعت خانم زینب س بانوای#کربلایی_منوچهر_حسن_زاده دختر شیرخدا،،شیرزن کرببلاست، جای خواهش به لبش،ذکر ومناجات ودعاست ایستاده ست به پا،واهمه در چشمش نیست بین آن لشگر شیطان صفتان،بی پرواست، شوکت از قامت عباسی او می بارد در قیام رجزش،نقش قیامت،برپاست پرچم غیرت وایثاربه دوشش دارد باعث زنده نگه داشتن عاشوراست،، به سرش ،معجر او جلوه نمایی می کرد در نجابت به خداوند قسم که زهراست تک درختی ست که برجان تبر افتاده ست آذرخشی ست ودر معرکه ومیدانهاست، سر او گرچه شکست از غم یاران خدا سرشکسته نشود،تا به ابد،سر بالاست زینبی باش که زینب به خطرها می گفت با خداییم وبه هر لحظه خدا هم با ماست کمر کوه شکست از غم زینب ،اما او چهل کرببلا دیده،ولی باز به پاست دل نوشته ای از مهدی کاظمی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

✔️ شهادت حضرت رقیه علیه السلام  ....          عمه جان هاردا قالوب یورقون آتام قویموری درد و غمی ایندی یاتام         چوخ ویروب یولدا منی شمر دنی        سالموشام زحمته یولاردا سنی(2) : عمه سنسن منیم عالمده بوگون دادرسیم وارسنه زحمتیم عمه نچه کی وار نفسیم چاتموری بیر کسه عمه بیله بحراندا سسیم          چوخ ویروب یولدا منی شمر دنی      سالموشام زحمته یولاردا سنی (2) عمه زینب منی بو غصه و غم ئولدورجک دردیمی ئولسم ئولننن صورا هامی بیلجک ئولمه میشدن منه اما بابا مهمان گله جک      چوخ ویروب یولدا منی شمر دنی     سالموشام زحمته یولاردا سنی  (2) عمه ویرانه ده من صبح و مسا آغلامشام قاره معجر باشیما من بی بی جان باغلامشام اکبر ه آغلامشام سینه می من داغلامشام      چوخ ویروب یولدا منی شمر دنی      سالموشام زحمته یولاردا سنی (2) عمه زینب بابامی من یوخودا گوردوم ئوزوم ایندی اونان صورا بیر لحظه منه یوخدی دوزوم بابامی گورسم اگر بیرده اونا چوخدی سوزوم     چوخ ویروب یولدا منی شمر دنی     سالموشام زحمته یولاردا سنی (2) شامیده عمه منیم دردیمه درمان گله جاق قولی ویردی منه سالار شهیدان گله جاق گلسه اما بیلورم مرده دله جان گله جاق     چوخ ویروب یولدا منی شمر دنی     سالموشام زحمته یولاردا سنی (2) گوزلریم یولدا قالوبدی بابا مهمان گله جاق هاچان الله گورسن سویگولی جانان گله جاق گورسم اما بابامی روحیه سامان گله جاق      چوخ ویروب یولدا منی شمر دنی      سالموشام زحمته یولاردا سنی  (2) عمه زینب بابامی گورمک بو دل تلسور گون باتاننان بوگیجه قلب حزین گل تک اسیر گلموری ایندی بابام بیلمورم هالاردا گزیر       چوخ ویروب یولدا منی شمر دنی        سالموشام زحمته یولاردا سنی (2) هر قیزین گیتسه باباسی سفر عمه مگر گنج ویرانه ده بو رسمیدی گر منزل ایدر هاچان الله گورسن باشه چاتار غملی سفر     چوخ ویروب یولدا منی شمر دنی      سالموشام زحمته یولاردا سنی (2) گر گیدوبدی سفره شبه پیمبر هانی بس ئولوب اکبر اگر  عباس دلاور هانی بس نوجوان قاسم هانی تشنه لب اصغر هانی بس     چوخ ویروب یولدا منی شمر دنی       سالموشام زحمته یولاردا سنی (2) آیریلیق دردی منی عمه بو احواله سالوب بابامین گلممگی تاب و توان الدن آلوب گوزلورم من یولونی ایندی گوزوم یولدا قالوب     چوخ ویروب یولدا منی شمر دنی       سالموشام زحمته یولاردا سنی (2) «مهدیم » عرض ایدرم ای گل گلزار وفا دفتره یازدوم آدین دفتریمه ویردی   صفا لطف ایله نوکر درباریوه قیل لطف عطا           چوخ ویروب یولدا منی شمر دنی       سالموشام زحمته یوللاردا سنی (2) #عمه_جان_هاردا_قالوب_یورقون_آتام #حضرت_رقیه #رقیه