زمان:
حجم:
546.3K
احوالات حضرت رقیه سلام الله علیها
✍ شاعر ؟؟؟؟
اجرا : احسن دهقان
#اللهم_عجل_لولیک_الفرج
@Hazrate_Abalfazll
روضه‌حضرت‌زینب (س)
غساله گلوب گوز یاشیمی سیلدی گوزومدن
گوز یاشیمی پاک ایتدی ولی دوشدی دوزومدن
سسلندی خانملار داخی من گیتدیم ئوزومدن
معلوم اولونور بو خانمن نیسگیلی چوخدی
یول یول گوریبدی بدنی صاف یری یوخدی
اولسا جان اوسته باجی قارداشی قیدینده قالار
باجی تابوتینی ئوز چینینه قارداشی آلار
هر قدم آتدیقجا قبره طرف وای دیجک
باجینی قبره قویانان صورا لای لای دیجک
(الله هیچ باجینی قارداشسیز المه خانم یانا یانا دیدی حسین ئولورم ابوالفضل گل یامان گونومدی آی قارداش )
حسین
بیر یرده حسین جان ویریرم سایه ده یوخدی
زینب سنه قربان اولا همسایه
@Hazrate_Abalfazll
زمان:
حجم:
565.4K
روضه ی حضرت زینب سلام الله علیها
✍ شاعر ؟؟؟
اجرا : احسن دهقان
#اللهم_عجل_لولیک_الفرج
@Hazrate_Abalfazll
مجلس یزید
▪️زبانحال خانم رقیه (س) به حضرت زینب (س)
شاعر جوان اهلبیت (ع)
کربلایی ابراهیم تون خوشقلم
سبک :
میگذرد کاروان ...
قویما بی بی جان یزید
خسته قوناقی وورا
الده دوتا خیزران
قانلی دوداقی وورا
قلبیمی سویله یاندورماسون
لب تشنه بابامی وورماسون
عمه جانم (4)
غنچه لبی گول آچیپ
نو گل ریحانه تک
قوی دوداقیندان ئوپوم
عاشق دیوانه تک
سویله اجازه وئره
خصم ستمگر بی بی
من دولانیم ذبح اولان
باشینه پروانه تک
دولوبدی قانیلن گوزلری
پارچالانوبدی گول لبلری
عمه جانم (4)
تا نفسیم واردی اول
قانلی باشی ساخلارام
تشنه دوداقین ئوپیب
کام آلارام آغلارام
گوزدن آخان اشکیمی
سوزدوررم معجره
معجریله بو باشین
یاره لرین باغلارام
قربانم تشنه سلطانیمه
قاداسین آلارام جانیمه
عمه جانم (4)
من باباما ساقه سیز
گول دِیَرم عمه جان
آگهی سن خاطرین
ایستِیرم عمه جان
بیر یول اگر گوز آچا
سسلیه جان جان بالا
اول سوزه جانی فدا
ایلیرم عمه جان
ایستورم تا آچا گوزلرین
ائشیدم اول شیرین سوزلرین
عمه جانم (4)
ووردیلا بو خصمی لر
قلبیمیزه تیرِ غم
بو یارالی سروره
ایلدیلر چوخ ستم
دادیمزه یوخ یئتن
بی کس و بی یاوروک
ایندی بورا کاش گله
صاحب مشک و علم
عباسی گوزلیور گوزلریم
اونا واردی چوخلی سوزلریم
عمه جانم (4)
@Hazrate_Abalfazll
زمان:
حجم:
867.7K
مجلس یزید
زبانحال حضرت خانم رقیه سلام الله علیها
به حضرت زینب سلام الله علیها
✍ کربلایی ابراهیم تون خوشقلم
اجرا : احسن دهقان
#اللهم_عجل_لولیک_الفرج
@Hazrate_Abalfazll
نوحه مقال حضرت زهرا با راس مطهر امام حسین علیه السلام
🌴🌴🌴
ای لبلری قانلان اولان الوان حسینیم
زهرا ننون اولسون سنه قربان حسینیم
ای نورعینیم،،،،،مظلوم حسینیم
،،،،،،،،،،،
باشسیز قالان مقتل آرا عریان حسینیم
دوتموش سراسر پیکرون پیکان حسینیم
حشره کیمین ورد ایلرم بوذکر ی اوغلوم
دورت مین یارالی جسمیوه قربان حسینیم
،،،،،،،،،،
آیات یاسینه بالا معناسن اوغلوم
نوردوچشم حضرت طاهاسن اوغلوم
سن بندقلب حیدر و زهراسن اوغلوم
قانلان یوزون گوررم اولوب الوان حسینیم
،،،،،،،،،،
قرآنه ایتدون بذل جانیلن حمایت
قان بذل ایدوب ایتدون بقا رمزین کتابت
کهف آیه سین سرنیزه ده ایتدون تلاوت
ایتدون وفای عهدیله پیمان حسینیم
،،،،،،،،،،
زینب ایدر گوزیاشینی رخساره جاری
عزم ایتموسن نوک جداده شامه ساری
منلن مقال ایله اوغول بیرلحظه باری
منحوربوغازیندن آخار القان حسینیم
،،،،،،،،،،
ممزوج اولوب قانیله گوز یاشون حسینیم
القان اولوبدی گوز قلم، قاشون حسینیم
معراجه گیتموش نیزه ده باشون حسینیم
اولدون قتیل فرقه ی عدوان حسینیم
،،،،،،،،،،
گوزیاشی تک شبنم قونار سونبوللراوسته
مطبخ سراده قانلو باشین کوللر اوسته
بوباش گرک بستر تاپیدی گوللر اوسته
میهمانیوم آچ گوزلرون جانان حسینیم
،،،،،،،،،،
اولدون بلایه توش اوغول حددن زیاده
سن سن ذبیحا من قفا دشت بلاده
باشون گزر مجلسلری طشت طلاده
آغلار بو حاله جمله انس وجان حسینیم
،،،،،،،،،،
آغلارسنه گوز یاش توکر «جائد» حسینیم
سن سن یقینا «جائده»قائد حسینیم
بو سائله محشرده آچ مائد حسینیم
زهرایه خاطرایله سن احسان حسینیم
،،،،،،،،،،
شعر از جائد نظرآباد فخرالدین اسکندری
@Hazrate_Abalfazll
روضه حضرت علی اصغر(ع)
گل ای ربابی قوجالدان جوان بالا
سوزدور دیدیم جوانلقون اولدی یالان بالا
اوخ دیمسیدی بیر گونی سنده جوانیدون
اکبر کیمی جوانلارا آرام جانیدون
دوزدور فلک که یاغی توکرمیش یاغ اوستونه
داغلی گورنده داغی چکرمیش داغ اوستونه
من حاضرم بالا غمونده اوزریک کیمی یانام
ایکاش دوغمییدی منی بی نوا آنام
من حاضرم فلک منی گویدن یره یخا
بیر یول امیشدیرم سنی جان سینه دن چخا
نازلی بالا شیرین بالا دل آچمیان بالا
ایوده ایمکلیب یریب قاچمیان بالا
آتما منی گل اولسان اگر باغبانیوم
چولرده آلتی آیدی سنون ناگرانیوم
گلسن اگر بهاره کیمین منتظر قالوم
بیرده بهار فصلی سنون عطریوی آلوم
یا ماه سن ستاره ئوزوم کهکشان نشین
صبحه کیمی اوغول یتیروم عرشه شورو شین
گوزدن گوروردوم حسنوه گوز دیمسین علی
سعی ایلدیم که قلبیوه سوز دیمسین علی
قلبون گوزتلیوب ننه هی دوزدی نازیوه
سوز دیمبسه دیدی ولی اوخ بوغازیوه
گوردوم نه بیر ایمکلمگون نه شیرین دیلون
قربان دیمیشدیم ایلده کسم چخمادی ایلون
نی تک سزلدادیخجا نوادن یورولمارام
هجرونده کور اولونجا عزادن یورولمارام
گونلر ایوینده ایلشرم سایه گورمرم
قلبیمده گیزلین عشقیمی دنیایه ویرمرم
عشقیم حسیندی آدینی قلبیمده یازمشام
محو اولمویاندی لوح سنوبرده قازمشام
عمون بولور که آغلاماقم عاشقانه دی
عشقیم حسینه دی سنون آدون بهانه دی
از بس جوان بیر عورتم اوغلوم مقیدم
خلقین یانیندا عشقیمی مشکلدی فاش ایدم
قورخوم بودور خیال ایدلر همسریم ئولوبڱ
شاهیم ئولوب امیدیم ئولوب یاور ئولوب
ظاهرده دوزدی الدن علی همسریم گئدیب
باطنده گوزلریم ایشقی رهبریم گئدیب
لایق ده اولماسام بالا والله حسینچیم
همسردن اوتری آغلامرام سروریم گئدیب
خلقین یانیندا آدیوی قیلام بهانه من
فکر ایلسونلر الدن علی اصغریم گئدیب
یاریم گلوب خیالیمه اغیاری گورمورم
فکر ایلیرم چوخ آغلامشام گوزلریم گئدیب
خلوت اولاندا مجلس حسین وای دی عادتیم
هی اوخشارام که ماه ملک منظریم گئدیب
لیلا گلنده گیزلدرم گاهواروی
گورسه دیر طوی ایلمیوب اکبریم گئدیب
عباس آناسی دیده گلنده چوخ آغلورام
اوخشار دیرکه شیر وفا پروریم گئدیب
ام البنینیدن سنه خاطر خجالتم
اصغر سو ایستیب دیر شیر نریم گئدیب
واردور یری باباندا ایده بو گلایه نی
سنده سو اولمویوب سوا سر لشکریم گئدیب
گلسه عموندا یوزونه هیچ من باخانمارام
حتما اودا سو اوسته دیر الریم گئدیب
والله منیم یوخومدی گناهیم بو باره دن
سو اولمیوب دوشوم گوریوب جوهریم گئدیب
#اصغریه
@Hazrate_Abalfazll
شیرین سوزوم آیدین اولدوزوم
مهربان بالام لایلای
دادیم دوزوم آهو گوز قیزیم
باغریقان بالام لایلای
جان رقیه جان لایلای
.
.
وصال یار اولدی تا سنه بو خرابه ده قسمت
زیارت ایتدون طبیبوی ای حبیبۀ جنت
اوچوبدی روحون بو دهریدن ایلیوب سنی راحت
غمون ایدوب زینب عمووی ناتوان بالام لایلای
.
.
قوجاقه آلدیم جنازوی منزلی دولاندیردیم
شرار آهیمله باشوون اوسته لاله یاندیردیم
سنه تاپانمازدیم آغ کفن دفنووی یوباندیردیم
نه چاره تاپدیم نه ده نشان مهربان بالام لایلای
.
.
خرابه ده گُل جنازوی غسل ائدنده غسّاله
سویوندوراندا لباسووی ایلدی حزین ناله
منه باخوب دمبدم دیدی وای بو قاره اقباله
نجه بونا غسل ایدوم مگر باغریقان بالام لایلای
.
.
نیازی یوخدور دیدی منه غسل اولا بو مه پاره
شهیده دور سینه سینده وار قولاریندا وار یاره
کفن تاپوبسان اگر خانم ایله دفنینه چاره
مزاره قوی گل یوزین چاغور خونفشان لایلای
.
.
ملالووی اشک چشمیله غملی دامنه یازدیم
اورکده که آرزولرون طرح و نقشه سین پوزدیم
حرملر آغلاشدی من سنون خوردا قبروی قازدیم
گئجه گونوز غصه دن دئدیم آج یاتان بالام لایلای
.
.
الیمدن آلدی قراریمی حدّ محنت و دردون
اوره گیمی قانه دوندروب نقش پیکر سردون
قویاندا قبره قزیم سنی ئوپدوم عارض زردون
زمانه دن راحت اول دیدیم بی امان بالام لایلای
.
.
منی باغیشلا رقیه جان ای حسینه ریحانه
الیمده بیر چارم اولمادی سن گلنده افغانه
گذشت ایله فرصت ایتمدیم زلفووه وورام شانه
کسوب منه چاره یوللارین کوفیان بالام لایلای
.
.
فضای اعزازیدن سوزوب آی کیمی پارا گیتدون
الیم بوش اولدی منیم اگر سن کوسوب هارا گیتدون
ننم کیمی قبره گول یوزی سیلیدن یارا گیتدون
دلینده دردون چوخین نهان ساخلیان بالام لایلای
.
.
قطاریمز یوللانوب قیزیم بی امان گیدر سنسیز
آنون باجون ایستینلرون باغریقان گیر سنسیز
بی بون الین قوینونا قویوب ناگران گیدر سنسیز
قالوب داخی زنگسیز بیزیم کاروان بالام لایلای
.
.
سن عشقیمون دُرّ نابی سن قدروی ئوزوم بیلّم
مزارووه من زیارته اولمسم قیزیم گلّم
توزین غبارین اطاقوون آغ ساچملا من سیلّم
اولار گوزل قبروه بی بون میهمان بالام لایلای
🖋️استاد حاج سید تقی سیفی اردبیلی
#کوچ_شام
@Hazrate_Abalfazll
بو خرابه نی ائلمه وطن
باجی دور گئدک باجی دور گئدگ
آتا باشی سینه ده جان وئرن
باجی دور گئدک باجی دور گئدگ
.
.
اُسَرا قطاری دمشقیدن
دوشوری حجازه طرف یولا
بابامین زیارتی وار گمان
بیزه اربعین ده نصیب اولا
بیلورم مزاریده یاتموسان
باخوری گوزوم گنه صاق صولا
گوزومه گورونموسن حیف سن
باجی دور گئدک باجی دور گئدگ
.
.
گولِ عمر کلِّ خلایقی
بیلورم خزانه اجل چکر
هامی آرزولرینی قویار
اؤرگینده کلک خلل چکر
سنی مندن ائتدی اجل جدا
باجیدان مگر باجی اَل چکر
باجیسین همیشه چوخ ایستیَن
باجی دور گئدک باجی دور گئدگ
.
.
سنی قویدی قاره گونه فلک
گینوب قرا قره باغلادون
بو خرابه شامه کیمی باجی
مَلَه دون اؤرکلری داغلادون
دَوَه اوسته یولداشیدون منه
گجه آغلادون گونوز آغلادون
گوزوون یاشین منیدوم سیلن
باجی دور گئدک باجی دور گئدگ
.
.
نقدر کتابِ عزا و غم
یازیلا باجی سوزی بوردادی
آتاما عزیزه اولان قزون
بیله جک هامی ئوزی بوردادی
وطنه گئدور قیدوب گلر
خانم عمه مون گوزی بوردادور
قالا چوخ چتین نگران گئدن
باجی دور گئدک باجی دور گئدگ
.
.
ساغالان دَگُل قویالار دوا
نَقَدَر بو یاره نون اوستونه
قفسینده یِل دَگه توز قونا
نه روا قناره نون اوستونه
باشینی یاتاندا عزیزه قز
قویا خشت پاره نون اوستونه
قوری یرده ای اَریَن بدن
باجی دور گئدک باجی دور گئدگ
.
.
باجینون سوزون خوش اولار باجی
ائشیدوب اگر یره سالماسا
قره کوینگ عمّه لرون باجون
گینوب قرا گئدوروک یاسا
سنی اکبرون جانی آی باجی
ایاقوندا کی یارا توخداسا
آرالانما باجیدان عمّه دن
باجی دور گئدک باجی دور گئدگ
.
.
نقدر ساغام نفسیم گلور
پوزاجاق منی محنون سنون
وئریلنده غسل جنازووه
سویولاندا پیرهنون سنون
قویولاندا مغسلون اوستونه
گورونن زمان بدنون سنون
باشا ووردی آغلادی غسل ائدن
باجی دور گئدک باجی دور گئدگ
.
.
دیورم اؤرک لره نقش اولا
اثری قالا بو سوزون باجی
گوروننده قمچیلرون یری
هامی فوری یومدی گوزون باجی
بی بیم اولماسیدی ، رباب آنام
او گون ئولدورردی ئوزون باجی
دئدی بس هانی بالاما کفن
باجی دور گئدک باجی دور گئدگ
.
.
باشوون بلاسینی گور فلک
باجی جان یتوردی هارا سنون
بدنونده قمچیلرون یری
ایاقوندا قالدی یارا سنون
هامی قبره آغ گینوب گئدر
کفنونده اولدی قرا سنون
قره بخت اولور قره پیرهن
باجی دور گئدک باجی دور گئدگ
.
.
بو اوچوق حصاریده ائتمه سون
غم و غصّه دن ئوزووی رها
کمک ائتسه حق بو خرابه یر
اولاجاق عمارتِ پر بها
هامینون عزیز لیگی بسته دور
بو جهاندا بیر اولان الّلها
هامونی عزیز اودی ایلیَن
باجی دور گئدک باجی دور گئدگ
.
.
دیریلیکده هی بشیک ایستدون
یتشنده فکریوه صود امر
سنه بیز بشیک تاپا بُلمدوک
یوزه توکدی گوزلرون اشک تر
او قدر مریدون اولار سنون
بو یره زیارتیوه گلر
گتورر بشیک سنه هر گلن
باجی دور گئدک باجی دور گئدگ
.
#کوچ_شام
🖋️مرحوم استاد حاج انور اردبیلی
گئدورم رقیه جانم امان آیریلیق الیندن
دورایاقه باغریقانم امان آیریلیق الیندن
گوزی یاشلی باغبانِ چمن پیمبرم من
گلرم دوباره گِتسم سنی ترک ائدنمرم من
بالام اولماسا یانیمداوطنه گئدنمرم من
گوزون آچ که خسته جانم امان آیریلیق الیندن
دئمه گلشن وفانی گوزلیم ایاقلادیم من
سنی شامه چان عزیزیم قوجاقیمداساخلادیم من
یِل اَسوب ائدنده برهم تلیوی داراقلادیم من
سنه یارمهربانم آمان آیریلیق الیندن
منی غربت ایچره گوزدن نه تئزآتدون عمه ن ئولسون
گجه گوندوزی سرشک غمه باتدون عمه ن ئولسون
یوزی توزلی تپراق آلتدانجه یاتدون عمه ن ئولسون
بئله یاتماناگرانم آمان آیریلیق الیندن
آچیلوب طناب بیداد اُسرا اولوبلا آزاد
قییدوب اساس غارت سنی عمّه لرائدوریاد
قالوب الده گوشواره ن اوجالوبدی عرشه فریاد
نجه گورغمه نشانم آمان آیریلیق الیندن
گئدورم دیارعشقه تاپام عالم وصالی
یانورام کجاوه لرده یئریوی گورنده خالی
نه دیوم سوروشسااکبرباجیمون نئجیدی حالی
سنه میرکاروانم آمان آیریلیق الیندن
بوسؤزی«کلامی»یازدی گجه نین همان زمانی
که ستاره لرسپاهی بَزه میشدی آسمانی
ملکوتی بیرسسیلن وئریلوردی صبح اذانی
دئدی منده خسته جانم آمان آیریلیق الیندن
#کوچ_شام
🖋️استاد حاج ولی الله کلامی زنجانی
@Hazrate_Abalfazll