ربانحال علی (ع) دفن حضرت زهرا (س) زهرانی  ایستدی  قویا   قبره  شه  حجاز باخدی یارالی جسمه چکوب آه جان گداز آلدی   یارالی   پیکرین   آغوشینه   بیر آز سسلندی فاطمه نیه  قویدون  علینی  تک آچ گوزلرووی باخ  منه  دور  منزیله گئدک گوزلور حسن حسین یولووی زینب آغلیور منزلده  دورت بالون ملیور سینه  داغلیور بش  یاشدا  زینبون  باشینا  قاره  باغلیور دویدون نتز  زماندن  ای  دخت  مصطفی سنن صورا، یامان،گونه وای قالدی مرتضی گوردی جواب  ویرمدی  زهرا  یانیب علی قویدی  جنازنی  یره  بیلدی  سینیب  بلی اشکین عذاره  باغلادی مات ایلیوب  سلی تک قالمیشام  دیدی سنی دفن ایلیوم نجه روحیم بدن نن آیریلا  ایکاش که بو گئجه یوخ چاره من گرک سنی دفن ایلییم ئوزوم بو  آیریلیقا  بس  نجه  تاب  ایلیوم  دوزوم پیغمبر   خدایه   اورکده    واریم    سوزوم نینیم    دینمیرم  کی   دییم    آل   امانتون مسمار  بولنده   سینووی  قوپدی  قیامتون قبره دوشم که یوخ سنی بیرکس ویره منه قارداشون  اولمادی   یتوره  بیر  الین  سنه یوخ بیرکمک منه قالیب ایش ایندی ذوالمنه عرض ایتدی ای رسول خدا هاردا قالمیسان بو   یارلی    همانی   نیه   مندن    آلمیسان ظاهر اولوبدی  ناگه  ایکی  ال  او  قبریدن سس گلدی یا علی، دایان، چیخما صبریدن اشکون  توان  آلیر  گورورم  ماه و ابریدن زهرانی ویر  منه علی  آهسته   ویر  ولی سینه یارالیدی کُوَریب ئوز سینیب قولی یازدیخجا  شعری سنده  (موثق)  نوا ائله قوی   فاطمه   رضایتی    بلکه   گله   اله  گوزیاشی توک دردووی ده ایسته بیرصله بوش   ایلمز  الون  خانمین   وار   کرامتی بیل سن  یقین که چوخلارینا  وار  عنایتی

زبانحال مادرانه ی خانم رباب س شاعر کربلایی محمد هوشمند با نوای کربلایی منوچهرحسن زاده ای عشقیمین گویونده گزن آفتاب اوغول یاندیر بو داغلی سینمی ائیله کباب اوغول هر لحظه هر نفس اوزومه ایستیرم ئولوم سنسیز بو فانی عالمی نیلییر رباب اوغول گلمیر سسین قولاقیمه اوغلوم هایانداسان یاندیم شرار غمده من دلکباب اوغول نیزه باشیندا باخ منه هردم گوزل بالا ائتمه بو قدری شام خرابه شتاب اوغول داغلی دلیم قدم به قدم داغلانیر علی اولسون بنی امیه نی خانه خراب اوغول عطرون گلیر منه ولی چاتمیر الیم سنه گل آچمامیش فلک سنی ائتدی گلاب اوغول هر گول گورنده غنچه زمانی خزان اولوب جوشه گلر اورکده غم بی حساب اوغول عمه ن بیلیر نقدری غمیم وار بو سینه ده قلبیمده وار دی شام و سحر اضطراب اوغول هردم یوخوما گل بیر اوپوم قانلی صورتین بو بیقراره ائتمه بو قدری عتاب اوغول منده یورولموشام ستم روزگاریدن هر بیر نفس وئریر منه رنج و عذاب اوغول یاده سالاندا عمروون آخر دقایقین شرمنده لیک اودی منی ائیلر کباب اوغول نه سو تاپولدی نه سودیم اولدی همان گئجه نه سنده اولدی تشنه لیقا صبر و تاب اوغول چاره م کسیلدی اللریوی باغلادیم سنین آغلار گوزوم بو محنته مثل سحاب اوغول خلوت اولاندا اوز اوزومه سسلرم سنی اما نه چاره اولموری سندن جواب اوغول عفو ائت منی که اوخ یاراوی باغلیانمادیم دردین شراری روحیمی ائیلییر مذاب اوغول مونس اولوب منیله خیالین داریخمارام خوشدور که اولماسین آرامیزدا حجاب اوغول هر قدر صبره دعوت ائدیر عمه لر منی دردیم ورقلنیر یازیلیر مین کتاب اوغول #کربلایی_منوچهر_حسن_زاده #کربلایی_محمد_هوشمند_مدهوش

🍂نوحه حال احتضار حضرت موسی بن جعفر (علیه السلام)🍂 🌷 با مداحی حاج جواد حسن زاده 🌷 ۱۴۰۳/۱۱/۴ ✍حسین خدایی زنجانی گل رضا جان تئز گل،چاتوب پیک اجل رسوله مهمانم یوبانما اوغلوم دوداقا جان گلدی آتان باخ دینجلدی الی باشدا اما دولانما اوغلوم دئنن ای وای بابا گله داده زهرا یا زهرا یا زهرا آنا یازهرا .............................................. بو بلالی باشیم اگر دوشدی درده ولی دیل واللهی گنه شکر ایلر نقدر زنداندا شکنجه من چکدیم دئدیم اما بیر گون گئدر بو گونلر اورگیم صد پاره ،باشا سال سن قاره بالاجا اطفالیم جهاندا نینر ؟؟؟ منه ظلم اولدی چوخ، بو درده درمان یوخ الی قویوندا بس دایانما اوغلوم دئنن ای وای بابا گله داده زهرا یا زهرا یا زهرا آنا یازهرا .............................................. چکیلوب گویلرده ، ائله بیل که قاره بو نچه ایل عمروم چاتوب پایانه منه عالم آغلار ،یانور دریا داغلار ولی تکیه ایله، علی ایمانه باجیوی تک قویما ، وفا رختین سویما قالار اسلام زنده، قسم قرانه نه یاماندی هجران ، یانور کون و امکان دانیش دردین الان ،اوتانما اوغلوم دئنن ای وای بابا گله داده زهرا یا زهرا یا زهرا آنا یازهرا .............................................. من موسایه کاظم شکنجه چوخ گوردوم ولی الان گلمیش اجل فریاده ایستیور صبری غم ، آخور اشگیم نم نم گلر وار امیدیم آنام زهراده منه بلبل اغلار ، یانوب سنبل اغلار سیزیلار دیل اغلار ایکی دنیاده اجلیم یول گوزلر ،دونور قانه دیلر

نوحه ترکی شهادت امام موسی کاظم عایه السلام ✍منکلام:کربلایی محمدرضا محمدی متخلص به ناعم با نوای کربلایی منوچهرحسن زاده کنج زنداندا موسی بن جعفر آغلارگوزیلن زهرانی سسلر سسلورغریبم محنت نصیبم خلّصنی یارب من بی شکیبم باب الحوائج موسی بن جعفر۲ بیرعمراولوبدی غم آشناسی بوینونداواردی زنجیریاراسی غربتسراده ایندی وئرورجان جنتده اولار زهرایه مهمان لبلرقوریوب برگ خزان تک قانه بویانیب اگنینده کوینک پیکان یاراسی یوخدوربدنده زنجیرقویمیوب سالم یئر تَنده باب الحوائج موسی بن جعفر۲ سسلورالهی درده اسیرم رحم ایله منه خستیَـم،پیرم غربتده الله اولموشام خســـــــته یتوررضانی باشیمون اوسته گرگلسه اوغلوم گوگلوم شاداولار روحیم قفسدن چون آزاداولار دیزینون اوسته آلارباشیمی سیلر مهریله بوگوزیاشیمی باب الحوائج موسی بن جعفر۲ اون بیرایل قالدیم کنج غربتده گئجم گوندوزوم کئچدی حسرتده قیزلاریمدان من بی خبرقالدیم غربتسراده آخرقوجالدیم کرب وبلانی یادیمه سالّام جدّیم غمیندهدسولّام سارالّام چون قوری یئرده جدیم وئروب جان خوشدورکه منده جان وئرم عطشان باب الحوائج موسی بن جعفر۲ #شادی_روح_سلیم_صلوات #پیشنهاد_دانلود #کربلایی_محمد_رضا_محمدی_ناعم #کربلایی_منوچهر_حسن_زاده

نوحه الله غریبم دربدر بانوای :#کربلایی_منوچهر_حسن_زاده شاعر:#استاد_سیفی_اردبیلی

در مدح و ثنای امام کاظم ع شاعر:#بهمن جعفری زینجناب #سینه زنی به سبک : دلنشین و مجلسی 👇👇👇 #واگیر: موسی بن جعفر ، باب الحوائج ایها الکاظم / یا امین الله موسی بن جعفر/ یا ولی الله ای جان حیدر / دنیایه رهبر جناته زیور / موسی بن جعفر ای آدی رایج / درده نتایج موسی بن جعفر / باب الحوائج آیت سبحان / حجت یزدان ای جان جانان / جان سنه قربان وار دور کرمون / اسیر اَلَمون وار دور صفالی / گوزل حرمون وصیَّ الاَبرار / امامِ الاَخیار ای نجلِ پاکِ / حیدر کرّار هر درده دوزَن / شاه ذوالمنن غریب جان وئرن / یا ابا الحسن ای کان کرم / شاه ذولکرم لطف ائت کاظمین/ بیر بین الحرم #واگیر:موسی بن جعفر ، باب الحوائج ✍شعر از #بهمن جعفری زینجناب

موسی بن جعفر باغری قان جان وئردی دینجلدی بوینوندا زنجیر گران جان وئردی دینجلدی صبح و مسا خون جگر رخساره باغلاردی عالملری زندانیده آهیله داغلاردی معصومه نی یاده سالوب آهسته آغلاردی معصومه دن دل ناگران جان وئردی دینجلدی باشه یتوردی عمرینی سوز و گداز اوسته عجّل وفاتی سسلدی راز و نیاز اوسته ایتدی جسارت سند دون از بس نماز اوسته قدی دونوب اولدی کمان جان وئردی دینجلدی #امام_کاظم علیه السلام #شهادت_امام_کاظم #ترکی

یا  حسین سن بیر یانا کُلّ شهیدان بیر  یانا سن یاتان یئر بیر یانا بوکون و امکان بیر یانا قانلی مقتل بیر یانا مینلر گلستان بیر یانا تشنه لبلر بیر یانا انهار رضوان بیر یانا یعنی عالم بیر یانا ارباب عطشان بیر یانا وجهی وار عشقونله مولا قلبلر آکنده دی چون قوای نهضتوندن دین و قرآن  زنده دی کیم سنون اوپسه ایاقون قلعه ی ایمنده دی آسمانلار بر هم اولسا کربلا پاینده دی تلّ زینب بیر یانا ملک سلیمان بیر یانا سندن آلدی درس عزّت  متّصل  دوقوز حُجج از امام السّاجدین تا مهدی اول نور فرج کیم سنه ساری گله واللهی گئتمز راه کج بی ولا بی کربلا اولماز قبول اعمال حج ذبح اعظم  بیر یانا  لب تشنه  قربان  بیر یانا قانلی تربت یا حسین هر درده  والله  چاره دی تیر عشقوندن اورکلر یاره دی صد پاره دی کربلانی گورمه سه گویده ملک آواره دی اللها زائردی هر کس  زائر اول درباره دی کون و امکان بیر یانا اول قانلی میدان بیر یانا کربلا یتمیش ایکی قربانه قربانگاه اولوب کیم ایتیرسه بو یولی دیندن چخوب گمراه اولوب اوردا عاشقلر امام عشقه خاطر خواه  اولوب مین یانان جان بیر یانا بیر شمع جانان  بیر یانا قهرمان  زینب  او چولده  آه و  وادن دویمادی آختاروب عریان  بدن  تاپدی نوادن  دویمادی آیریلوب گیتدی او کانون صفادن  دویمادی اوز   جانندا دویدی امّا کربلادن   دویمادی گوردی چوللرده  آخور سو  بیر یانا  قان بیر یانا یا حسین  ای  ملک  جاندا   شاه   عالی   مرتبه اولدی   پشتیبان     قیامون     اعتلای     مکتبه شانلی  پرچمدارون ئولدی چاتدی  پرچم  زینبه سالدی  اول   پرچمله  زینب   عالمی تاب و تبه نطق   زینب  بیر   یانا   شمشیر  برّان   بیر  یانا حیف اولا  دوشدی ایاقدان کربلا  دلخسته سی اللی دورد ایل عمرایدوب پروانه لر سر دسته سی خدمتین ویردی باشا زنجیر عشقین بسته سی شامیده   الآندا   واردی گنبدی  گُل  دسته سی گیتدی  ائللر   بیر یانا   زینب  پریشان بیر  یانا زینبین  جان  ویرماقی هیچ   باغریقانه    بنزمز بو  چخان  جاندا  شرر  وار   آیری  جانه  بنزمز گل   دیدی  قارداش  منه  هیچ   نازدانه  بنزمز هیچ   آدامسیز  جان ویرن من  ناتوانه    بنزمز اللی دورد  ایل  بیر یانا بو  حال هجران بیر یانا زینبم   من   درد  و   آلام    مفصّل    گورموشم شاهد  عشقم  حسین   اوضاع  مقتل گورموشم قانلی بارماق  یاره لی  باش  یاره لی ال گورموشم جسمیوی  شیرازه  سیز   قرآن  منزل گورموشم واحسین چکدی ملک لر، دوشدی قرآن بیر یانا ای جلالت  رُکنی  گل  اجلالیوه   تعظیم   ایدوم عطر  ریحانون  گلنده  روحیمی  تسلیم   ایدوم سن منه ترحیم دوت من  جان سنه تقدیم  ایدوم جان  ندی جانانِ من سندن  نجه تکریم ایدوم کُلّ  عالم   بیر   یانا سن  شاه  شاهان  بیر  یانا جان حسین باشسیز حسین ای  یار و  یولداشسیز حسین ایندی قارداشسیزدی زینب سنده قارداشیسز  حسین گل منی دفن ایله ای قبره  گیدن  باشسیز حسین قبر زینب  قالماسین زهرا کیمی داشسیز  حسین بیر مدینه  بیر  یانا   اول  قبر   پنهان   بیر   یانا گر   جوان  ئولدی آنام مقتل  بلاسین  گورمدی بیز باجی قارداشین هجران ماجراسین گورمدی زینبین  شامین  حسینون  کربلاسین   گورمدی یاخشی که زهرا سینونده اوخ یاراسین گورمدی آلتی مین اوخ  بیر یانا اوچ شعبه پیکان بیر یانا اوندا من ئولدوم که گوردوم قتلگه  هنگامه سین گوز یاشیم یازدی یوزومده آیریلیق برنامه سین هانسی شاهین ایلیوب غارت رعیّت جانه سین الده گزدیردی  بیری باشین  بیری عمّامه سین قاچدی خولی  بیر  یانا  بجدل هراسان بیر  یانا ای(( کلامی )) گوز  یاشی اشعاری  ایلر  با نمک شهرته  آلّانما  سندن چوخ   گوروب  دور  فلک ایندی چوخ گوزلر یاتوبلار سن اویاقسان ائوده تک سعی ایله بیرسوز یاز اولسون مورد  رشک ملک بیر متین سوز  بیر  یانا  مین جلد دیوان بیر یانا #حسینی بانوای استاد حاج علیرضا اسفندیاری اردبیلی استادحاج ولی الله کلامی زنجانی

زبانحال حضرت موسی بن جعفر ع با حضرت زهرا س #سینه زنی ، شور شاعر: بهمن جعفری زینجناب به سبک : دلنشین و متین ‌ 👇👇👇 موسیَ بنِ جعفر آقام ، مَحبِس غمده قالدی ظلمیله هارون اونی ، درد و بلایه سالدی اولدی باغریقان ، یوخ تاب و توان بو حالَه آغلار ، صاحبِ الز‍ّمان واگیر: باب الحوائج ، موسیَ بنِ جعفر ۴ بار ⚫️▪️⚫️▪️⚫️▪️⚫️▪️⚫️ ضعفیدن ایاق اوسته ،‌دوروب قوزانامّازدی بس کی تنگیدی یِری، راحت اوزانامّازدی مَحبِسی عطری ، بس بوروموشدی نم تَردَن عَباسی چوروموشدی واگیر: باب الحوائج ، موسیَ بنِ جعفر ۴ بار ⚫️▪️⚫️▪️⚫️▪️⚫️▪️⚫️ ضرب و شَتمیله آخشام ، آقام افطار ایلردی یوز توتاردی بقیعه / دردین اِبراز ایلردی گل آنا زهرا بو دلشکسته غربت زنداندا آخَر جان اوسته واگیر: باب الحوائج ، موسیَ بنِ جعفر ۴ بار ⚫️▪️⚫️▪️⚫️▪️⚫️▪️⚫️ رسمیدور غریب ئولسه ، کیمسه آغلیان اولماز غریبلر جان وئرنده ، گوزون باغلین اولماز گل آنا زهرا سینه ووی داغلا جان وئرور اوغلون ، گوزونی باغلا واگیر: باب الحوائج ، موسیَ بنِ جعفر ۴ بار ⚫️▪️⚫️▪️⚫️▪️⚫️▪️⚫️ بو قرانلیق زندانه ، حَبس اولوندوم بی تقصیر آخیری بوینومدان قان ، یاره لیّیب بَس زنجیر جانَه دویموشام ، گول تَک سولموشام غم غصّه لَردَن ، چوخ یورولموشام واگیر: باب الحوائج ، موسیَ بنِ جعفر ۴ بار ⚫️▪️⚫️▪️⚫️▪️⚫️▪️⚫️ آنا زهرا گل دادَه ، سن اوزون هرایه گل قویما خار اولسون یاسیم ، ئولورم عزایه گل غربت زنداندا ، آدامسیزام گل معصومه ، رضا ، یوخ یالقیزام گل واگیر: باب الحوائج ، موسیَ بنِ جعفر ۴ بار ⚫️▪️⚫️▪️⚫️▪️⚫️▪️⚫️ مَحبِسِ غَمدَه یاندیم ، اوت توتوب الولاندیم جگریم پارچالانیب ، آنا قانه بویاندیم یانیب آغلارام ، سینه داغلارام قان گوزیاشیمی ، یوزه باغلارام واگیر: باب الحوائج ، موسیَ بنِ جعفر ۴ بار ⚫️▪️⚫️▪️⚫️▪️⚫️▪️⚫️ ✍شعر از:#بهمن جعفری زینجناب