‍ #حضرت_ابوالفضل بیزحسین عاشقیوخ عالمه اعلان‌ اولسون بیزه ایراد ایدنین خانه سی ویران اولسون قاضی ایت وجدانیوی گور ایندی سقا نیلسون دوره دشمن بی کمک بیر قولسوز اعضا نیلسون گوز یارا قولار یارا میداندا تنها نیلسون یول سالور تپراقه گیتدوگجه ابوالفضلین قولی گوزلرین قان دولدوروب گورمور مسیرینده یولی تاپدی نوفل بیر بئله وقته حضورینده حضور ایتدی قولسوز پیکره باشدان ایاقه بیر مرور خاطرینن نهرین اوستی ایتدی بیرلحظه عبور گوردی اول طوفان سالان الر داخی یوخ جسمیده شاخه شاخه سانجلب قالمش دین اوخ جسمیده قهریلن دولدوردی ئوز قلبین اوملعون عنود گوز یوموب شمشیریدن آلدی اله آهن عمود روبروسینده دوران بیر یاره لی السیز وجود ای قلم روشن دانش سوز چوخ مطول اولمیا بیربئله وقته بشر نیلر اگر ال اولمیا گوزادی آهن عمودین آسمانه ناگهان اندی عریان باشه گوزاندی ملکلردن فغان سندی باش باشدان قان آخدی گوزلرین دولدوردی قان آقا نجور گلدی ابوالفضلین باشی اوسته؟ آقا بیر باخدی ابوالفضل بوداشلار نمنه دی؟ آقاداشلاری کنار اله دی یوزون قویدی ابوالفضل جنازه سینه آرام دیدی عباس «الْانَ إِنْکَسَرَ ظَهْری وَقَلَّتْ حِیلَتی» قارداش دو بلیم سنب دیدی عباس بونه داشدی؟ دیدیلر بیچدی اجل داسی گل یاسی گلون آی قاچانلار گیدون یخدلار عباسی گلون دیدی ابوالفضل بوقان ندی یوزوه یاخلب یاره دیر رسمیدی سرداره جنگیده آتدان دوشنده قالدی ایاقیم اوزنگیده

کانال آرشیو مطالب سخنرانی🎤 https://eitaa.com/joinchat/2017460411C29baaffe93 <><<>><><<>><><<>><>

‍ #سینه_زنی_باسبک استمداد سقای عاشورا یخلوب پرچمیم یاحسین گل داده قارداش چوخالیبدی غمیم یاحسین گل داده قارداش واردی باشمدا غوغا حسین جان فریاده گلدی زهرا حسین جان آلوب اطرافیمی دشمنیم اللرده خنجر باشمی کسمگه سعی ائدور اون یدّی کافر اوزین امدادیمه گلمسون ایللّه بی سر واردی باشمدا غوغا حسین جان امداده گلدی زهرا حسین جان دگوب اوخ آنّیما باش سینوب قوللار قلمدی باشم اوسته آنام فاطمه غرق اَلَمدی سنی امدادیمه سسلمگ امر ننمدی واردی باشمدا غوغا حسین جان فریاده گلدی زهرا حسین جان باشم اوسته گلوب عالم معناده حیدر دایانوب فاطمه،مجتبی،ختم پیمبر سنده گل پنج تن بزمینی ایله منور واردی باشمدا غوغا حسین جان فریاده گلدی زهرا حسین جان قاف عشقین حسین یاره لی عنقاسیم من کسیلوب شهپریم سان وئرور دوریمده دشمن بدنیم اوخلارا نیزیه اولموش نشیمن واردی باشمدا غوغا حسین جان فریاده گلدی زهرا حسین جان آرزو ایلورم بیر گورم گل تک جمالون سرفراز ایلیه نوکری آخر وصالون جان وئرنده سلیم قلبدن زنگ ملالون واردی باشمدا غوغا حسین جان فریاده گلدی زهرا حسین جان التماس دعا «زعفر آزادمهر» #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

‍ بزم عزاده گیمشم ...قاره یا عباس   بیچاریم قیل دردیمه...چاره یا عباس   یا باب الحوائج   ای پرچم حریّتی ...ساخلیان سردار   ای کاروان وحدته...قافله سالار   مشکلده قالسام ایلرم...آدیوی تکرار   قربان اولوم سن تک فدا...کاره یا عباس   یا باب الحوائج   ای حق مناسینده گیین ...قانلی احرامی   گزدون یارالی باشیله...کوفه و شامی   حفظ ائتدی ایثارون سنون...دین اسلامی   اولدی نشان عمرون گُلی ...خاره یا عباس   یا باب الحوائج   كوی محبتده هانی....سن كیمی جانباز   عشق عالمینده آلموسان...رتبه ممتاز   هاردا آدون سسلنمیشم...گورموشم اعجاز   ائتمه اردات قیدیمی...پاره یا عباس   یا باب الحوائج   آند اولوسون آننوندا اولان...زخم پیكانه   بیر تار مویون وئرمرم...تخت شاهانه   قانلی گوزون یاد ایلوب گلّم افغانه   دگدی سنه اغیاریدن...یاره یا عباس   یا باب الحوائج   آتدان دوشده سسلدون...عالمین یارین   گلدی غریب كربلا...تاپدی سردارین   قانلی جبینونده ئ.پ.ب...سجده آثارین   باتدی یوزی ثاراللهین...ثاره یا عباس   یا باب الحوائج   سسلندی ای آرخام ائلیم...آچ گوزون قارداش   تاراج اولوب تاب دلیم...آچ گوزون قارداش   قارداش جانی سیندی بئلیم...آچ گوزون قارداش   چاره آزالدی گلمیشم...زاره یا عباس   یا باب الحوائج   ای یار قرآن مرحبا...بخت مسعوده   چاتدون شهادت فیضیه ...اولدون آسوده   اوچدون هما تك ساخت...قدس مقصوده   گئتدون یارالی محضر...یاره یا عباس   یا باب الحوائج   ادرك پیامون خیمه ده...ایندی آلدیم من   گوردی باجیم نه غصه لی...حاله قالدیم من   قربان بو قولسوز قامته...دور قوجالدیم من   اولدی جفا سن تك وفا...داره یا عباس   یا باب الحوائج   سنسیز حرمده عترت ...بوتراب آغلار   اولموش عطشدن قیزلاریم...دلكباب آغلار   گه اصغره لای لای دییر...گه رباب آغلار   عالم فدا بو چشم خون...باره یا عباس   یا باب الحوائج   عباس آقا دلدن نقدر...الامان گلسون   ایستور كلامی قبریوه...نوحه خوان گلسون   آچ باغلانان یولاریوی...كاروان گلسون   ایسته بو جمعی توزلی در...باره یا عباس   شاعر:استاد حاج ولی الله کلامی زنجانی زنده حاج محمدباقرمنصوری #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

شهادت حضرت ابوالفضل(ع) زینبیم گل نهرین اوسته ،قانه باتدی قهرمانیم ساق گوزوندن اوخ دگوبدی،دوت الیمدن یوخ توانیم گوردوم عباسیم آتوب دنیاداشین اصغره خاطر توکورردی گوزیاشون سسلدیم جان جان ابوالفضل آدیوه قربان ابوالفضل چکمیوب ال پرچمیندن،ال چکیبدی گوندوزوندن باشین آلدیم سینه ام اوسته،ئوپدوم اول گل یوزوندن گلدی بیر سس ئوپ یوزوندن،ئوپمه اوغلوم ساق گوزوندن ساق گوزوندن تیر جانفرسا ئوپوب زهریلی اوخدان صورا زهرا ئوپوب قلبیمی یاندیرما اوغلوم زحمتین آرتیرما اوغلوم لاله مثلی گورسننده،لاله لردن باش گلیدی لبلریندن بوی جنت،گوزلریندن یاش گلیدی هردینده حق بیزیمدی،مین طرفدن داش گلیدی قاندا گوردوم غیرتین آئینه سین داش ورانلار سیندیروبلار سینه سین قلبیمی غم بولدی زینب شیر مردون ئولدی زینب خیمه سینون چک ستونین،بزم ماتم ایله برپا غیرتوندن واردی حقون،اشک چشمون اولسا دریا اشک ماتم توک عذاره،سنده تنها منده تنها ال چالور لشکر گوروللر یالقوزام سن منه گوز یاشی توک قارداشسیزام بی پناهم بی پناهم سوگوار مرگ ماهم سیندیروبلار باشین اما،سینمیوبدور اقتداری اولدی قربان دین حقه،مرتضانون افتخاری اهل بیته قالدی اوندان،قانلی پرچم یادگاری من دئدی شرمندیم مولا حسین قانلی پرچم زینبیندور یاحسین ساخلا محکم ای وفالی پرچمین قرآن مثالی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

‍ #سینه_زنی_باسبک ای شمع حرم خانه   -  قربانون اولوم عباس جانلار سنه پروانه  -   قربانون اولوم عباس ایلده شب تاسوعا  -     سسلر آدیوی دنیا معناده دِیَر زهرا –    قربانون اولوم عباس انسان و مَلَک سندن – ایسلله  کمک سندن ال بیزدن اتک سندن – قربانون اولوم عباس ای معرفتین کانی -   سن بیل آناوین جانی یاز دردلره درمانی - قربانون اولوم عباس اوج شرفه چاتدون – لب تشنه قانا باتدون سن کوثری آغلاتدون - قربانون اولوم عباس دگدی گوزل آننوندان – اوچ شعبه لی بیر پیکان دوتدی گوزیوی القان - قربانون اولوم عباس وای خیمه ده چوخ سوزلر – قیزلار یولیوی گوزلر باخمور نیه بو گوزلر - قربانون اولوم عباس احسن بیله ایثاره –    ســـردار وفا داره قربان کسیلن یاره - قربانون اولوم عباس گلدیم باشیون اوسته – آچ گوزلرون آهسته سن خسته حسین خسته - قربانون اولوم عباس ای صالح اولان بنده – وُر یار اوزونه خنده مداح استادطالبی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---