ولادت حضرت امام حسن مجتبی علیه السلام (السلام ای شهِ بی قرینه) یا امامِ حسن ، شاهِ والا گورمییوب مثلیوی چشمِ دنیا سبطِ طاهاسن ، فرزند مولاسن، سن جانِ زهراسن / مولا حسن جان مَه جَبین سنسن ، سالارِ دین سنسن ، حَبلُ المَتین سنسن / مولا حسن جان ای شَهِ خیبرین اَرشد بالاسی شیعه لر آدیوین اولسون فداسی یا حسن یا حسن مولا حسن جان ___ ای جَمالی حَسن ، حُسنی اَحسن هر جَهتدن یقینیمدی تک سن حِلمیده دریا ، ای شافعِ عُقبا ، اولماز سنه هَمتا / مولا حسن جان مِهرِ تابَنده ، شَهلَر سنه بنده ، بیماریوام منده / مولا حسن جان چَکمز اَل درگَهوندن بینوالر بوش قییتمز قاپوندان چون گَدالر یا حسن یا حسن مولا حسن جان ____ خَتمِ پیغمبره سبطِ اکبر سَهم و صولتده مانندِ حیدر شیرِ میدانسان ، دریای ایمانسان ، اسلامه قربانسان / مولا حسن جان یوخ هَماوَردون ، سن محشر ایلَردون ، کُفاری پِیلَردون / مولا حسن جان پیشتاز اولموسام خَیر العَملده ثبت اولوب غیرتون جنگِ جَملده یا حسن یا حسن مولا حسن جان ____ ای اولان اهلبیتین کریمی لطفووه تیکمیشم گوزلریمی ای کَرم کانی ، سن بیل آنان جانی ، گَل کَسمه احسانی / مولا حسن جان دیل سنی سَسلر ، زهرایه ای دلبَر ، گویلوم بقیع ایستَر / مولا حسن جان دعوت ایله گَلاخ شور و نوایه یوللا اوردان بیزی کربلایه یا حسن یا حسن مولا حسن جان #امام_حسن_علیه_السلام کربلایی مهدی عبادی @Hazrate_Abalfazll

ولادت حضرت امام حسن مجتبی علیه السلام (ای ایران ای مرزِ پُر گُهر) ای زهرانین دلبری حسن شیعیانین سَروری حسن اَهلِ عشقه بَسدی بومقام واردی سَن تَک، رهبری حسن ای سَیّد شَبابِ جَنّت ای شَهِ اُمَم ای امامِ رَحمت و سَخاوت و کَرَم ای جلوه ی / صُبحِ اَزَل زیبالیقی / ضرب المثل حُسنون سَنون حاشا گَله وَصفه ای مَه جَبین زیبا یارالدیبدی جان آفرین مولا مولا یا حسن حسن ____ سَنسَن مولا، باشدا تاجیمیز دیلده عشقوندی سِراجیمیز آلِ طاهانین کَریمیسن لطفووه وار احتیاجیمیز سن ای ولایت آسمانینه مَهِ مُنیر ای ایدن اورکلری اوز عشقینه اَسیر ای زاده ی / خَیرُالنّسا ای شیعیه / بابِ رَجا گوز تیکمیشوخ احسانیوه ای شَهِ محتَرَم سائل لره نولور قیلسان کَرَم مولا مولا یا حسن حسن ___ آسِمانِ عشقه ای قَمَر باغِ زهرایه گوزل ثَمَر چوخدی دیلده حاجتیم آقا (بیکَسلره) ایله بیر نَظَر سن کانِ رأفَت و کَرَمسن ای گُلِ بَتول دَرگَهونده هیچ گَدانی ایتمه سَن مَلول ای عاَدتی / جود و سَخا اولسون سنه / جانیم فدا احسان ایله دیلده اولان دردیمه قیل دوا یاز بیر بقیع، بیرده کرب و بلا مولا مولا یا حسن حسن #امام_حسن_علیه_السلام شعر از کربلایی مهدی عبادی #استادپیرزاده

زبانحال حضرت زینب در لحظات شهادت امام حسن مجتبی علیه السلام (اوغول علی آغلاما یات)(جدید) بلایه کیم سالدی سنی گَل دیله حسن قارداش دوداقلاروندا بو قان نَدی زینبون ئوله ایکاش یوخدی دردیوه درمان زینبون سنه قربان سنه بو ظلمی کیم گوروب نصف شب رَوا ، یاندون سو مایه ی حَیاتیدی سن ایچوب اَخا ، یاندون دوشوبسَن ایوای ، او درده کی یوخدی بیر دَوا ، یاندون گوزومده گوز یاشیم اولوب گورنجه گینه قانیاش اوشاقلیقوندان حَیالیسان دَردیوی بیری بولمز آنام ئولندن سَنون یوزون بولمورم نیه گولمَز او کوچه ده گورموسن نَلر محنتون دیله گَلمَز جگرلرون پاره لری غملرون ایدیب دور فاش آنام منه بیر به بیر دیوب باشیمون بَلاسیندان آتام علینون اورک غمی باشداکی یاراسیندان حسینیمون چوخ دانیشوب قانلی کربلاسیندان سنون بو مظلومییَتون هر غَمیمدن اولدی باش اجازه ویر خبر ویریم خویش و اَقرَبا گَلسین بالالارون من اویادیم آلِ مجتبیٰ گَلسین دیوم ابولفضلیمینن شاهِ کربلا گَلسین بو آخرین دَم گوروشه بلکه بو نچه قارداش باجون ئوله قان قورییب گورنجه دوداقیندا بالالارون قالار مَلر روز و شب فَراقیندا حسین باخار قاسمیوه اَکبرین سَیاقیندا یَتیمه کیم باخسا ویرر خالقیم اونا پاداش خَزان ووروب گُلشنیمی تز سولوب بَهاریندا آتام ، بابام، هم آنام یاتیب غُصّه لی مَزاریندا قاباقدا وار بیر سَفریم کربلا دیاریندا اویرده (بیکَس) لیه جاخ زینبی یقین اوباش #امام_حسن_علیه_السلام التماس دعای فرج الاحقر مهدی عبادی

در جلالت حضرت امام حسن مجتبی علیه السلام (السلام ای شهِ بی قرینه) یا امامِ حسن ، شاهِ والا گورمییوب مثلیوی چشمِ دنیا سبطِ طاهاسن ، فرزند مولاسن، سن جانِ زهراسن / مولا حسن جان مَه جَبین سنسن ، سالارِ دین سنسن ، حَبلُ المَتین سنسن / مولا حسن جان ای شَهِ خیبرین اَرشد بالاسی شیعه لر آدیوین اولسون فداسی یا حسن یا حسن مولا حسن جان ای جَمالی حَسن ، حُسنی اَحسن هر جَهتدن یقینیمدی تک سن حِلمیده دریا ، ای شافعِ عُقبا ، اولماز سنه هَمتا / مولا حسن جان مِهرِ تابَنده ، شَهلَر سنه بنده ، بیماریوام منده / مولا حسن جان چَکمز اَل درگَهوندن بینوالر بوش قییتمز قاپوندان چون گَدالر یا حسن یا حسن مولا حسن جان خَتمِ پیغمبره سبطِ اکبر سَهم و صولتده مانندِ حیدر شیرِ میدانسان ، دریای ایمانسان ، اسلامه قربانسان / مولا حسن جان یوخ هَماوَردون ، سن محشر ایلَردون ، کُفاری پِیلَردون / مولا حسن جان پیشتاز اولموسام خَیر العَملده ثبت اولوب غیرتون جنگِ جَملده یا حسن یا حسن مولا حسن جان ای اولان اهلبیتین کریمی لطفووه تیکمیشم گوزلریمی ای کَرم کانی ، سن بیل آنان جانی ، گَل کَسمه احسانی / مولا حسن جان دیل سنی سَسلر ، زهرایه ای دلبَر ، گویلوم بقیع ایستَر / مولا حسن جان دعوت ایله گَلاخ شور و نوایه یوللا اوردان بیزی کربلایه یا حسن یا حسن مولا حسن یامولا #امام_حسن_علیه_السلام التماس دعای فرج الاحقر مهدی عبادی @Hazrate_Abalfazll

احوالات جنگ جمل وشهامت امام حسن مجتبی (ع) گریز به شهادت آن حضرت و بالین علمدار کربلا نقل ایلیوله جنگ جَملده گروه کین قصد ایتدیلر خراب ایده لر دین حق ائوین همراه اولوبدی طلحه، زبیریله عایشه شیر خدانی اولدورلر باخ غلط ایشه عثمانون آلدیلار اَله اول قانلی گوینگین الده بهانه ایتدیلراول فرقه ی لعین تحریک ایدوبله مکریله تا اهل بصره نی فَتّاح خیبره ایده لر تنگ عرصه نی هرقدر موعظه ایلدی شاه لافتی جنگ ایتمیه امامیله لشکر مجاب اولا اما قبول ایتمدی لشگر نصایحین جنگی شروع ایدوبله او ابطال و مشرکین شدت ایدوبدی جنگ و جدل رزمگاهیده جولان ویروردی عایشه ده عرصه گاهیده مینمیشدی بیر اوجا دویه عایشه اوگون گویا بویوک بولوردی او کفاره چون اوزون اول کشمکشده سبط نبی شاه ممتحن زهرانین ارشد اوغلی عزیز دیلی حسن (ع) حمله ایدوبدی لشگره حیدر آتاسی تک حیران قالوب شجاعتینه اهل نُه فلک بیر بیر وروب یخاردی یره قوم باطلی اما اورکده قصد ایلیوب اصلی عاملی چون بولدی گوز تیکوب دَویه فرقه ی دغل هر نحویلن ده اولسا گرک پِیلنه جَمل تکبیر دیلده حمله ایدوب قلب لشکره گویا علیدی یورش ایدوب قوم کافره موسا عصاسی تک قوشونی یاردی نیمه دن گوستردی اوز صلابتینی حضرت حسن (ع) دقت ایدون گورون آقامیز نیلَدی اودم ایتدی قیلینجیلان دوه نین قیچلارین قلم گویا او ضربتیله وروب کفری ریشه دن جنّتده فاطمه دیدی احسنت اوغول حسن (ع) پِیلَندی تا جمل یتیشوب باشه غائله گویا اودمده عایشه گلدی بئله دیله سویلوب حسن ، بوایشی یاددان چخاتمارام سندن تقاص آچینجا من آسوده یاتمارام بیر گون اولار کی بو ایشیوه ایلرم عوض بیر گون گرک نتیجه ویره دیلده کی غرض ایلّلر دولاندی جُعده اولوب قاتل امام مهمان گیدوبدی فاطمیه اول شه انام غسل وکفن ایدوبله اوجسم شریفینه قارداشلاری او گول بدنین آلدی چیگنینه قصد ایتیدیلر رسول خدانین مزارینی دفن ایلسونله زهریله سولموش عذارینی مروان او دمده عایشیه تز ویروب خبر بانو ایاقه دور اولوری زحمتون هدر پیغمبرین یانندا حسن قویما دفن اولا بو گون گرکدی قلب علی قانیله دولا میندیردی مرکبه او خطاکار عورتی دوشدی قباقه رسم ایلیه تازه بدعتی سفیانیان کسوبله یولی ال عصمته باخ قان توکن جماعته باخ بیر جنایته شمشیر چکدیلر قویولوبدی کمانه اوخ اول بی شرف جماعتین اصلا حیاسی یوخ اوخلار هواده سیر ایلدی چار سمتیدن بولمم بوروزگار خراب اولمادی ندن زهرا بالاسی گوردی کی ایش دوشدی مشکله قارداشینون وصیتینی سالدی فیکرینه امر امام چون بویودی قان توکولمه سین مشکل یارانسا آل علی جمله دینمه سین یوز دوتدی هاشمی لره سلطان کربلا سویلوب وصیتی کرگ ایندی ادا اولا ناراحت ایتمیون آنامین نور دیده سین حمل ایلیون بقیعه طرف گول جنازه سین تابوتی تا بقیعه طرف ایتیدیلر روان قویجاق یره نه گوردوله یا صاحب الزمان (عج) اوخلار تیکوبدی آغ کفنی خسته پیکره بیردن اوجالدی ناله لری عرش داوره اوخشاردی هر اوخون یری بیر قرمزی گوله قارداشی گورجاقین بیله گلدی اودم دیله ظلم ایلیوبله قوم دنی ای اَخا سنه غارت زده منم اولا جانیم فدا سنه جاری اولوبدی خون دیلی دیده دن یره بیر بیر او اوخلاری چکوب آتدی حسین یره بیر دفعه کاش اولییدی بو اوخ چکماقین ایشی ایکاش دورودن دوشیدی بیله چرخ گردیشی اون ایل صورا بو منظره تکرار اولوب اونا عبّاسی تاپدی قوملارین اوسته شه ولا گوردی وروبلا سایسیز اوخی جسم پاکینه قلبینده تازه لندی حسن غصه سی گینه سسلندی ای بو چولده منیم یاوریم اویان امداده گلمیشم منه قیل دردیوی بیان دشمن گولر بو دمده منه ویرمه سن صدا بو چولده سن اوزون بولوسن یالقوزام اخا (بیکَس) قوتارعریضه وی تز ایتگیلن تمام باشدان ایاقه نقصدی بو یازدیقون کلام بانی اولوب بو شعروه بیر یار باوفا بیر (جود منبعی) اوزی مداح باصفا ایسته خدادن آل سعودی ایده ذلیل باهم بقیعیده اولاسوز همره و دلیل #جنگ_جمل #امام_حسن_علیه_السلام التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---