خطاب حضرت عباس به لشکر کوفه ای سپاه شام و کوفه بو حسینون یاریم من                         یادگار مرتضایم بو شهون سرداریم من غم گونی غمخواریم من باخمیون بیکسدی بو شه یوخدی بیر یار و معینی                       جان بکف قربانیم من قویمارام تک شاه دینی اذن ویرسه محو یکسر ایلرم بو قوم کینی                                      بو شهون جان عدویه تیغ آتشباریم من شیر میدان شجاعت قدرت الله اوغلیام من                             هم شه بی یاره نوکر هم شهنشه اوغلیام من آفتاب چرخ دینون صورتی مه اوغلیام من                                    حیدر کرار آتامدور پور مه رخساریم من من علمدار رشید خسرو گردون مدارم                                        هر فنون جنگه دارا شیرزاده نامدارم من بو شاه کم سپاهون مقدمونده جان سپارم                       قویمارام باتسون ملاله غم گونی غمخواریم من هر یوزون دولدورسا لشگر ذرَه  جه باک ایتمرم من                     اولماسام داخل فراته آرزومه یتمرم من آلماسام سو سیزدن اوللم خیمه گاهه گئتمرم من                       چون وظیفمدور بو امرون ختمنون ناچاریم من حکم دعوا اولسا صادر پادشاه کربلادن                          قویمارام بو  چولده زنده بیر نفر اهل جفادن مقصدیم دور سو آپارماخ یوخدی باکیم اشقیادن                         اهل بیت شاهه سقا ، همده خدمتکاریم من ویرمیشم سو وعده سین چون دختران ماه رویه                      منتظردور تشنه قیزلار خیمه ده بیر شربه سویه اولمگیم خوشدور اگر من یتمییم بو آرزویه                           منصب سقَالیقون چون صاحب اظهاریم  من چونکه سقایم بو چولده ایلرم بو اهتمامی                          سو یولون گوزلور اوشاخلار آغلار اللرده سوجامی من گرک سیراب ایدم بو اهل بیت تشنه کامی                    گللری سولموش حسینون ساقی گلزاریم من بو علم که پرچم آچمیش سو کنارینده جماعت                 یعنی عباسوندی بو سو اختیارینده جماعت بو سویون وار چوخ لب عطشان انتظارنده جماعت         اهل بیت تشنه کامون دیده دن خونباریم من ایشدیلر جام شهادت جمله انصاری حسینون                عالم ظاهرده بیر من قالمشام یاری حسینون باطنا جن و ملکدن وار فداکاری حسینون                    پادشاه انس و جنون خادم درباریم من لشگر شاه حجازه من بو صحراده امیرم                   فارِس میدان قدرت جنگجوی بی نظیرم هم علمدار حسینم هم معین و هم مشیرم                    هم وزیری هم امیری هم سپهسالاریم من اولدروب هشتاد نامی پهلوانی قاشدی لشگر                   نعره ی الله اکبر چکدی دیلدن  زاد حیدر حمله ور اولدی سپاهه الده تیغ تیز او سرور                 من ابوالفظلم بو شاهون تشنه فرمانداریم من مشگینی دولدوردی سقا چخدی دریادن لب عطشان           دوندروب یوز خیمه گاهه مرکب اوستونده شتابان باخبر اولدی بوحاله سعدون اوغلی ویردی فرمان           یاغدیرون عباسه تیری آمر پیکاریم من اوخ آتانلار آتدی باخموب بو مروتدن اوزاخدی          گلدی بیر اوخ دگدی مشکه مشک اولوب پاره سو آخدی اشک حسرت آخدی سو تک ماه رخساره گوزوندن     سسلدی بو اوخ دیور بیل ایمدی مرگ آثاریم من «ذاکر» #ای_سپاه_شام_و_کوفه #عباسیه #ذاکر https://eitaa.com/Hazrate_Abalfazll

#مدح_و_میلاد_حضرت_امام_حسن_مجتبی_علیه_السلام هانسی دلدور که ایده وصف امام حسنی هانسی گوزدور که گوروب بیر ایله وجه الحسنی جدّی پیغمبره بنزردی او قدری که گورن باور ایلردی که حاضردی رسول مدنی یوسف آل محمد ائله خوش منظریدی واله ایلردی تماشاسی هامی مرد و زنی گوز گوتورمزدی گورنلر او رخ زیبادن جلب ایدردی او وجاهت گَلَنیله گئده نی شمع هر محفیلیدی نور رخ زیباسی روشن ایلردی هامی مجلسی هر انجمنی خوان احسانی اولاردی ائله گسترده مدام بهت و حیرتده قویاردی او عطانی گوره نی گلشن خلقتین اوّل گلونون غنچه سیدور او گلون عطری معطّر ایلیوبدور چمنی لبلرین بسکه اَمردی اؤپوب ایگلردی مدام شیرهء جان نبی اولدی غذا و لبنی گتدی بیر دسته گل، ایلوب او کنیزی آزاد بیر ایله پادشهین اولمادی قدرین بُلَنی نیمهء ماه مبارکده قویوب دهره قدم نور باران ایلدی حُسن جمالی، جهنی یدّی سنّینده گئدوب ختم رُسُل مجلسینه حفظ ایدردی گلن آیاتِ حَقِ ذُوالمننی آناسی فاطمیه اونلاری نقل ایلردی شاد ایدردی دل صدّیقه نی شیرین سخنی بورویوب جدی تاپار روز قیامتده نجات حسنین یاری عزاداری زیارت ایده نی ییرمی بش دفعه پیاده سفر حجّه گیدوب واریدی مرکبی گور حُجب شه مؤتمنی بویوراردی که حیا ایلورم الله ائوینه من سواره یتوشم حق گوره مرکبده منی جدّی فرمایش ائدوب آغلیون اوغلوم حسنه آغلادور ارض و سما اهلینی درد و محنی خیمه سین غارت ائدوب حضرتین اوز اصحابی ائتد یلر جسمینی مجروح امامین علنی جنگیدن لشگری اغوا اولونوب ائتدی فرار خصمینه تابعیدی شیعهء پیمان شکنی ایلدی موصله فرزند علی عزم سفر اولدی از بس او شهه دار مصیبت وطنی شهر موصلده ده مسموم عصائیله گلوب ایتدی مجروح مبارک ایاقین کورِ دنی آدی مرحوم اتاوین حاجی حسندور #ذاکر چوخ سؤَردی اونا همنامی اِمامِ حَسنی #شادروان_ذاکر_تبریزی_رحمة_الله_علیه