‍ ‍ #سینه_زنی_ کوچ از کربلا یارالار سینونده قارداش، گل گلستانه بنزر آغاریب منیمده زلفیم، چمن خزانه بنزر نئجه شرح ائدیم برادر باشیمین مصیبتیندن کی گوروندو بیر نمونه بشرین قیامتیندن نئچه ساعتین ایچینده، غم و جور شدّتیندن باجیوون رشیده قدّی، اگیلیب کمانه بنزر نئجه زینبون رضادیر، سنی یاندیرا حرارت بیلیسن کی سایبانه، یوخ الیمده استطاعت بو مکاندا دود آهیم، ائلییر منه حمایت کسر ایستینین قاباقین، سنه سایبانه بنزر بو جنازه لر کی باشسیز توکولوبدو ریگزاره نه جلالیلن سالیبلار، سنی دوره دن حصاره اولارین باشی جداده، دوزولوبدی چون ستاره وَسَطینده قانلی باشون منه آسمانه بنزر سن اوشاقیدون، اوپردی اورگون بابام پیمبر بو یئره دییردی بیر گون دَیجک یارا مکرّر گورورم دگیب کئچیب اوخ، سورا سانجیلیبدی خنجر بو یارا بابام محمّد، دئدیگی نشانه بنزر جگرونده وار حسین جان، علی اکبرین یاراسی اورگون قانیله سیراب، اولور هر زمان بناسی دوشجَکدی شرق و غربه، او یارانین انجلاسی تر و تازه دیر همیشه، گل ارغوانه بنزر او زمان گورنده شمرین قانا خنجری بویانمیش حَرمون، باجون، کنیزون، باشووا گلیب دولانمیش قاچا قاچدا بو مکانه او قدر ایاق توخانمیش کی کنار قتلگاهون، ره کاروانه بنزر بالاجا قیزون رقیّه، او عزیزه نازدانه دولانیبدی آت دوشونده، اورگی دونوبدو قانه یوزونه دَگیبدی سیلی، باشی اوسته تازیانه سارالیب سولوبدو رنگی، ساری زعفرانه بنزر سن ای آفتاب عزّت، ائله نیزه دن نظاره نئجه گور بیزه ایشیق گون، گئجه تک اولوبدو قاره هامی اَختَران عصمت، دوزولوبدو بیر قطاره ره قبله نین دلیلی، صف کهکشانه بنزر اورگیم باشین آلاندا، غم و محنتون سحابی او بیلیر عزالیم من، یوزومه سپر گلابی توکولور سرشگ چشمیم، یئره ایسلادیر ترابی گوزومون یاشی آخاندا، مُژه ناودانه بنزر گزرم بو گلستاندا، گَلنی صفالی گوررم آچیلان گولون ایچینده، دوزولن تیکانی دررم قطرات اشکیمیله گل و گلشنه سو وئررم گوره سن وفالی زینب، نئجه باغبانه بنزر دل «یحیوی» ده دائم اولو جلوه­گر بو نیّت گینه بیر گئجه جمالون یوخودا ائده زیارت بیلیسن کی آشیانی نه قدر تاپار شرافت دولانور سرای مسکین، او گئجه جنانه بنزر #یحیوی_اردبیلی_ #پرچم_عزا_یحیوی

‍ ‍ #سینه_زنی_ دردمندم حسین جانه گلدیم کوی جانانه درمانه گلدیم اربعین دوتماقا باشدا قاره بو صفالی گلستانه گلدیم ( ۲ ) یاحسین یاحسین یاحسین جان 2 ای گل فاطمه جان یارالی تشنه شاه شهیدان یارالی خسته زوارووَم خسته جانیم بو گوزل قبره قربان یارالی ( ۲ ) آل خبر حالیمی جان خواهر شرح ایدوم دردیمی تا سراسر ویر اجازه ئوپوم تربتوندن تا اولا جان مشامیم معطّر لالهٔ باغ رضوان یارالی بو گوزل قبره قربان یارالی کوفه و شامی گئتدیم دولاندیم بو اسارتده عزت قازاندیم پایهٔ انقلابی اوجاتدیم سایهٔ عشقیده دالدالاندیم پایدار اولی قرآن یارالی بو گوزل قبره قربان یارالی ( ۲ ) سن دئنن بس رقیّه نجولدی من دئیوم قلبینه غصه دولدی سن دئنن سویگولوم هاردا قالدی من دئیوم شامیده پرپر اولدی ویردی ویرانه ده جان یارالی بو گوزل قبره قربان یارالی ( ۲ ) یوسف فاطمه دور ایاقه خوش صفا ایله یورقون قوناقه کوینگون آلدیم اللردن امّا شامیده گلدی جانیم دوداقه ای گوزل جسمی عریان یارالی بو گوزل قبره قربان یارالی ( 2 )