‍ امام در بالین علمدار کربلا ➖➖➖➖➖➖ (شمع قرآنه پروانیم من) آچگوزون ای منیم سر سپاهیم قانلی چولده منیم دادخواهیم سسلدون دادیوه گلمیشم دور قوزانور عرشه افغان و آهیم دور دوتمور دیلیم اویان دور آرخام ایلیم اویان دور سیندی بلیم اویان سیندی بلیم اویان __________ کیم دییَردی منی سن آتِیدون اشکیمی قانه قارداش قاتیدون نچّه ایلده سنی گورمه میشدیم من اولان یرده بیله یاتیدون دور محشر اولوب عیان دور یوخ طاقت بیان دور دشمن گولور اویان __________ پاره پاره اولوبدی وجودون رشته رشته اولوب تار و پودون یولدا گوردوم قلم قوللاریوی سالدی توپراقه خَصمِ عَنودون دور قیل تکیه چگنیمه دور باخ بیر بو حالیمه دور رحم ایله اشکیمه ____________ غم الینه اورک اودلانوبدی حالیوه قلب زاریم یانوبدی کیم روا گوردی بو ظلمی قارداش وای منه صاق گوزون اوخلانوبدی دور قان دولدی دیده وه دور دیل یاندی ناله وه دور حمل ایدیم خیمه وه _____________ شرم قیلمور سنه ظلم ایدنلر بو فراتین یولون سدّ ایدنلر لشگر ایچره سنی تکلیوبلر هم گلن لر ووروب هک گیدنلر دور باشی بلالی سان دور ائلدن آرالیسان دور یاتما یارالیسان __________ (بیکَسم) دشت غمده بولورسن تک قویوب سنده مندن دونورسن قیزلارون سنسسن امّیدی قارداش وای منه ایندی سنده ئولورسن دور مقصوده ای چاتان دور ای قارداشین آتان دور ای قانینه باتان #علمدار #باب_الحوائج #ابولفضل_علیه_السلام 📝مهدی عبادی

‍ استمداد علمدار کربلا ➖➖➖➖➖➖ (شمع قرآنه پروانیم من) ➖➖➖➖➖➖ دوشموشم توپراقا داده تز گل رحم قیل قلب ناشاده تز گل جان یتوبدی دوداقه حسین جان گلمیشم بیله فریاده تز گل گل باشی بلالیم گل پژمرده لالیم گل قارداش یارالیم گل جان اوستیم حسین _____________ شرمیدن اولموشام زار و خسته بیر یارالی قوشام من قفسده نچّه صیّاد کین تیغ الینده کَشمَکش وار هله باشیم اوسته گل رَدّ ایله دشمنی گل هامّی دویور منی گل گل بیرده گوروم سنی گل جان اوستیم حسین ___________ بیر خجالت زده بندیم گَل سن بولورسن کی شرمندیم گَل عفو ایله زحمته سالدیم آقا فاطمه امریدی من دیم گَل گل گورمور گوزوم حسین گل چوخدی سوزوم حسین گل قالمور دوزوم حسین گل جان اوستیم حسین _________ تُحفه الده اولان جاندی قارداش خاک پایوندا نقصاندی قارداش قیزلارا سو دیدیم من گتورّم حیف اولا مشکیم اوخلاندی قارداش گل زخم دیلی بیتور گل مشکی اوزون گوتور گل قیزلاریوا یتور گل جان اوستیم حسین ___________ گر سرافراز ایدوب گلسن ارباب غصّه دن دینجلر قلب بیتاب شرمگینم ربابین یوزوندن گیتمرم خیمیه یوخدی چون آب گل گور (بیکَسم) آقا گل من اصغره فدا گل شرمندیم اَخا گل جان اوستیم حسین #محرم #علمدار #باب_الحوائج #ابولفضل_علیه_السلام التماس دعای فرج 📝 مهدی عبادی

‍ زبانحال سقّای کربلا (استمداد) (در این دنیا، تک و تنها، شدم من) ⚫️⚫️ دوشوب سقّا، فرات اوسته، حسین جان یارالاریم آچوبدی گوز، ویریر قان اگر ممکن، اولا قارداش، اوزون گَل اَیاقلارون، قاباقیندا، ویروم جان یتیش، حسین، فریاده عَلَم، دوشوب، گَل داده یوبانما گَل ، جان اوستییَم ⚫️⚫️ ایدر گَرچه، غُلامه شَه، عنایت دیمَم قارداش، منی اِیْله، عیادت اگر منّت، قویوب گَلسن، حسین جان سنی بیرده، ایدم شاید، زیارت ⚫️⚫️ غَم و دردیم، اورکده چوخ، چوخ اولدی حَیاتیمدا، واریم قارداش، یوخ اولدی سوسوز پیکان، دَگوب مشکه، سو آخدی منی درده، سالان اوچ پَر، اوخ اولدی ⚫️⚫️ غَمیم چوخدی، ایدیم قارداش، نه چاره یانار قَلبیم، چَکَر غَمدن، شراره سوسوز سقّا، نَیَه لازم، جَهاندا منی بوردان، داخی چَکمه، کناره ⚫️⚫️ #حضرت_ابوالفضل #علمدار مهدی عبادی

عرض ارادتی خدمت سقای کربلا (بسیار شور انگیز و حماسی) (ای قَدَر قدرت اَبالفضل) ای سوسوز سقٌا ابالفضل شأنی والا ابالفضل غیرت و صدق و وفاده ای بی همتا ابالفضل عزّت و شأنون ، والادی خوانِ احسانون ، دریادی نوکرون اولماق ، زیبادی اولمارام لایق ، آدیوا عاشق ، زهرادی جانسان عباس حامی قرآنسان عبّاس اهلِ جهان، دردینه درمانسان عبّاس ای کَرَم دریاسی عباس عشقین اَلماسی عباس واردی هانسی بیر گروهون سن تک مولاسی عباس سن علمدارِ ، لشکر سن کَشتیِ دینه، لَنگر سن شیرِ یزدانه ، دلبرسن بَسدی شأنونده ، سنده شاگردِ ، حیدرسن مَه سن عباس، سن بیزه هَمرَه سن عباس دیلده اولان غملره آگَه سن عباس معدنِ غیرت ابالفضل با صلابت ابالفضل گوردی دشمن سنده واردی نه شجاعت ابالفضل بولورم تایسیز ، اِنسان سان اسداللهِ ، دورانسان دیدی دشمنلر، سن اوزون شیرِ ، میدانسان زَر سن عباس ، شعله ی آذر سن عباس دَهریده سن حیدره بَنذَر سن عباس عالَمه مُشکل گُشاسن اَلحق کانِ سَخاسن کیم یاپیشسا دامَنوندن دردینه سن دَواسن اوره گیمده وار ، مین دردیم سنه چوخ قاصد ، گوندَردیم من اوشاقلیقدان ، آدیوی هرآن ، سَسلردیم یاریم عباس ، غم گونی غمخواریم عباس (بیکَسم) آقا گَل اول دلداریم عباس #علمدار #شور #محرم التماس دعای فرج الاحقر مهدی عبادی

ولادت حضرت ابوالفضل علیه السلام (با آهنگی زیبا و بسیار مجلس آرا) گَل گُلِ یاسه باخ شور و اِحساسه باخ حاجتون وار اگر آقام عبّاسه باخ لطفِ داداره باخ سَروِ گُلزاره باخ یوخدی مثلین گورَن گَل علمداره باخ یابنَ‌ حیدر مدد یوخ کَرَمده تایی لطفونون یوخ سایی ماهِ اُمُ البَنین خجل ایتدی آیی بو مَهِ اَنوَره یازیلیب چوخ صفات بیری بابَ المُراد بیری بابَ النّجاة یابنَ‌ حیدر مدد کیم آدین سَسله سَه چاتار آمالینا جانیم اولسون فدا هاشمی خالینا سائلم لطفونه دیلده چوخدی سوزوم اونا قربان اولا اِئل قبیله م اوزوم یابنَ‌ حیدر مدد هانسی بیر مذهبین بیله مولاسی وار بیر فقط شیعه نین گوزل عبّاسی وار وار یری شاهِ دین اِیْلَسه افتخار گور کیمین دهریده بیله قارداشی وار یابنَ‌ حیدر مدد نا اُمید اِیلَمَز معدنِ فَضلیدی جود اولوب بَنده سی چون ابوالفضلیدی درگَهین دویسه کیم آلار اوز حاجَتین سائلین دائماً حفظ ایدَر عزّتین یابنَ‌ حیدر مدد یَلِ صِفّینه باخ حامیِ دینه باخ گَلدی لرزه سالا لشکرِ کینه باخ ایله لرزه سالار قلبِ هر لشکره کاش اولام من فدا او اوزون اَللره یابنَ‌ حیدر مدد هر گجه هر گونوز (بیکَسه) لطفی وار بیر دولاندیرسا گوز غملریم قورتولار شاهِ دینه وزیر اهلِ عشقه اَمیر قبرینی گورماقا ایله گویلوم اَسیر یابنَ‌ حیدر مدد #گل_گل_یاسه_باخ #چهارم_شعبان #ابوالفضل_علیه_السلام #علمدار التماس دعای فرج الاحقر مهدی عبادی

التجایی خدمت حضرت باب الحوائج ابالفضل العباس علیه السلام (عالَمه سَروردی حسین) گَل ای دوشَن درد و غمه دردیوی هیچ کَسه دیمه کرب و بلا سَمتینه دون باخار اَمیرِ عَلقَمه غَملر گَلَنده ، عبّاسی چاغیر درده دوشَنده ، عبّاسی چاغیر بابَ الحوائج ، سَقّایِ حسین آدی ویرر قلبه صفا عادتی اِحسان و عَطا هیچ کیمی مأیوس ایلمز آدینا من اولوم فدا قَلبون یاناندا ، عبّاسی چاغیر دردون اولاندا، عبّاسی چاغیر قبرین گورَنده اَشک آخار زائره لُطفیله باخار گوز یاشلی گَلسه زائری گیدَنده شادِمان چیخار دورسان حَرَمده ، عبّاسی چاغیر دایانما سَنده ، عبّاسی چاغیر آقادی مانندِ علی کَرَمده یوخدور مَثَلی هر درده درمان ایلییَر اُمُ البَنینین گوزَلی چاره ن کَسیلسَه، عبّاسی چاغیر ایشون اَگیلسه، عبّاسی چاغیر آدی اورکلرده‌ قالار غمی دیله شَرر سالار عَلَمینین سایه سینه سیخیلسا کیم عزّت آلار آختارسان عزّت ، عبّاسی چاغیر ایدَر هدایت ، عبّاسی چاغیر سائله احسان ایلییَر لطفونه مهمان ایلییَر دامَنینه دَخیل اولون دردیزه درمان ایلییَر آزالسا صَبرون ، عبّاسی چاغیر سیخیلسا قَلبون ، عبّاسی چاغیر #گل_ای_دوشن_درد_و_غمه #محرم #علمدار #باب_الحوائج #ابولفضل_علیه_السلام التماس دعای فرج 🌴🖤

زبانحال حضرت سیدالشهداء علیه السلام در بالین علمدار کربلا (تضمینی از مرحوم شهاب) قارداش دور ایاقه یالقوزام من قویما منی تک اوغولسوزام من۳ آچگوزلرون، آرخام ایلیم ،قارداش ابوالفضل باخ گور نجه، سیندی بلیم، قارداش ابوالفضل ایوای یارالی قارداشیم ، ایوای ابالفضل آچ گـوزلریوی آمانـدی قارداش قارداش اؤلومی یاماندی قارداش آرام دلیــم تالانــدی قـارداش ۲ جسمون کنارینده چخور عرش اوسته آهیم دشمن گولور احوالیمه ، ای سرسپاهیم ای عشــق مِنــاسینون فـداسی بیر مشک سویون ندور بهاسی بیر بیلـه ویـروبلا اوخ یـاراسی ۲ ایوای نجه قانی سیلیم سولموش یوزوندن اَل سیز نجه چَکدون اوخی قارداش گوزوندن سن سیـز تؤکرم عذاره قانیاش من سندن ازل اولیدوم ایکاش ای عترتیمـون پنــاهی قارداش ۲ واردور یری عرشه چیخا زینب ملالی مَخیَمده قیزلار سو یولون گوزلور یارالی تـا سـن واریـدون علـی عیالی ائتمـزدی اسیــرلیق خیـالی سن سیز پوزولوب حـرم جلالی ۲ سَنسیز اوشاقلاری دویَر شمرِ ستمگر قول باغلی شاماته گیدر قارداش حَرملر دوتمور دانیشام دلیم ابوالفضل نه نوعی گلوم دیله ابوالفضل سن سیز بوکولوب بئلیم ابوالفضل۲ چاره م آزالدی گَلمیشم آه و نوایه گیتدون اوزون سالدون منی درد و بلایه غم چکمه کی یوخ آنان بوچولده وار حالیوه چوخ یانان بو چولده دور ای منی تک قویان بو چولده۲ دوشدون خسوفه آی کیمی بو چولده باتدون قویدون شمادتده منی قان ایچره یاتدون بـو چولـده جهـاداکبر ائتدون جان تشنه وئـروب مرامه یئتدون قویدون الیمی بئلیمده گئتدون ۲ دردون منی عبّاس ایدوب گورنه شکسته (بیکَس) قویوب قارداشیوی یاتدون قوم اوسته #قارداش_دورایاقه_یالقوزام_من #محرم #علمدار #باب_الحوائج #ابولفضل_علیه_السلام التماس دعای فرج 🌴🖤

زبانحال امام حسین علیه السلام در بالین علمدار (دیمورم بو تَللین اوستون...) باشون اوسته گلمیشم من ایدورم نَوا ابالفضل نیه جسمیوه ووروبلار بو قَدَر یارا ابالفضل آرخام ائلیم ابالفضل سیندی بلیم ابالفضل دیمورم عَلَم یاتیبدی ایشیم اولدی آه و افغان دیمورم دو مشکی دولدور بالالار یانیر سوسوزدان دیورم بالالاریمدا بو یارالی باشه قربان یاریلیب باشون جفادن سنه من فدا ابالفضل دیمورم جهاندا سن تک بیله ظلموله ئولَن وار دیمورم غمیم آزالسین دیمه دردیمی بولَن وار دیورم ایاقه دور گور بیزه دوره دن گولَن وار نه چتیندی دیل یاراسی بُلوسن اَخا ابالفضل دیمورم بلالر ایتدی نیه سَرویمی شکسته دیمورم گلنده گوردوم ایکی قوللارون یول اوسته دیورم نَدن ووروبلار بو قَدَر اوخی اوخ اوسته سنه اوخ آتانلار ایتدی نه بویوک خطا ابالفضل دیمورم خبر آلییدیم غم و غصّه وی اوزوندن دیمورم سیله بولِییدیم باشیوین قانین یوزوندن دیورم اوخی آت اوسته نجه چکموسن گوزوندن داغیلوب گوزون تاپیلماز اونا بیر دوا ابالفضل دیمورم گلایه اولسون یازیلیب همان گونومدی دیمورم خدا بَسیمدی داخی تک قالان گونومدی دیورم دانیش ابوالفضل گوروسن یامان گونومدی دیل آچیب شمادت ایلور منه اشقیا ابالفضل دیمورم نَدن چوخ اولدی یارالار بو گول بَدنده دیمورم نه چَکموسن سن یولوی قوشون کَسنده دیورم غم ایتمه قارداش گلورم دالینجا منده باتاجاق عزایه یکسر هامی ماسِوا ابالفضل دیمورم کی طاقتیم یوخ نجه خیمیه گیدیم من دیمورم کی واردی حقّیم بیله آه و داد ایدیم من دیورم سوروشسا قیزلار نَدی چاره بَس نِدیم من نه جَوابی وار حسینون بالا قیزلارا ابالفضل بولوسن کی (بیکَسم) یوخ منه بوردا یار و یاوَر دوروب ایندی جام اَلینده یولووی سکینه گوزلر عَلَمون کی یاتدی قیزلار اولاجاق اَسیر و مُضطَر اولاجاقلا مین بلایه ایله مُبتلا ابالفضل #باشون_اوسته_گلمیشم_من_ایدورم_نوا_ابالفضل #علمدار #شور #محرم التماس دعای فرج 💠

شعر شماره ۲۱۵ عرض ارادتی خدمت قمر بنی هاشم علیه السلام (با آهنگی جدید و شورانگیز) ساقیِ عشق ، بابِ نجات پورِ علی ، آبِ حیات سَسلرم ، یا ابوالفضل تا باخا ، بو گَدایه ایله سین ، بیرده دعوت تا منی ، کربلایه اورکده وار منیم چوخلی حوائج ذکر ایدیم آدینی آلوم نَتایج اَلیمدن دوتوبدی باب الحوائج مُشکوله دوشسه بیری درگهِ عبّاسی چالار دردینین چاره سینی ساقیِ لشکردن آلار صِدقیله کیم یاپیشوب دامنینی حاجت آلوب هر کیم عبّاسه کیچیلسه گونی گوندن اوجالار ابوفاضل مددی ابوفاضل ای خَلَفِ ، شاهِ نجف غیرته ای ، قلبی صَدف سَسلرم ، یا ابوالفضل لُطفونه ، شایِقم من بیر نَظر ، باخسا بَسدی آدینا، عاشقم من گول آدیندان گلور عطرِ گُلِ یاس واردی دیلده گوزل شوریله احساس بَسدی بیر یول باخا ، حضرتِ عبّاس شَکّون اولسا سنی عبّاس ایلییَر اهلِ یقین بیله قارداش گَله دنیا یوزونه بیرده چَتین هر کیم عبّاسی گورردی اوجادان سَسلردی ایوین آباد اولا عالَمده خانیم اُمِّ بَنین ای قَمرِ ، آلِ تَراب ریشه کَنِ ، اهلِ عذاب سَسلرم ، یا ابوالفضل غیرتی ، بی مَثَلدی چون علی ، شاهِ مردان جَنگیده ، بی بَدَلدی سالوب یول رزمگاهه او دلاور داغیتدی لشکری شیرِ هُنَروَر علی اوغلی گلوب حیدری سَسلر کوفیان فکر ایلدی جنگینه حیدر گلوری رزمگاهه ایله بیر فاتحِ خیبر گلوری لشکره بیر قاچاقاچ دوشدی ابولفضلی گوروب فکر ایدیبلر او چوله ساقیِ کوثر گلوری #ساقی_عشق_باب_نجات #محرم #علمدار #باب_الحوائج #ابولفضل_علیه_السلام التماس دعای فرج الاحقر مهدی عبادی

شعر شماره ۲۱۶ عرض ارادتی خدمت علمدار کربلا (غم شیرینم _ تویی تسکینم) قَمرِ حیدر ، سنی دیل سَسلر یا ابوفاضل یا ابوفاضل غم گونونده ای ، آقاما یاور یا ابوفاضل یا ابوفاضل گوزل آدون / اَزبَریمیزدی دیللره رایج سن / باب الحوائج سن نجه درد اولا / بیر باخیشونلا درده مُعالج سن / باب الحوائج سن غِیرَتین ضَربُ المَثَلی جَنگیده ای مِرآتِ علی سنه من دیل باغلامیشام اُمِّ بَنینون ای گوزلی یا ابوفاضل یا ابوفاضل ای مَهِ اَنور ، ساقیِ لشکر یا ابوفاضل یا ابوفاضل کیمون آیا وار ، سنکیمی دلبر یا ابوفاضل یا ابوفاضل شیرِ عَلقمه / چاره ایدن غمه لُطفوده بی هَمتا / نوکره باخ مولا گَلمیشم دیله / گَل منه لطف ایله ای کَرَمی دریا / نوکره باخ مولا شیعه سندن عزّت آلوب سندن آلوب عزّت اوجالوب باشینه بیر عُمرودی کی پَرچَمون آقا سایه سالوب یا ابوفاضل یا ابوفاضل شیرِ میدانسان، دینه قربانسان یا ابوفاضل یا ابوفاضل جَنگیده عینِ / شاهِ مردانسان یا ابوفاضل یا ابوفاضل تیغ آلوب اَله / مَعرَکه ده ایله باشلاموسان مِعراج/ لشکر اولوب تاراج روزِ روشنِ / لشکرِ کوفه اولدی چو لیلِ داج/ لشکر اولوب تاراج عرصه گاهی تَنگ ایلییَن تیغینی قرمز ، رنگ ایلییَن گورمه میشدی لشکرِ شام سن کیمی تایسیز جَنگ ایلییَن یا ابوفاضل یا ابوفاضل حیف اولا آقا ، قالموسان تنها یا ابوفاضل یا ابوفاضل کیم گوروب آخر ، تشنه لب سَقّا یا ابوفاضل یا ابوفاضل قوللار‌ون دوشوب / کوفه و شامین لشکری دینجَلدی / قَدّیوی غم اَیدی اوخ آتانلاری / با هم آتاندا مشکیوی اوخ دَلدی/ قَدّیوی غم اَیدی پوزدولار باغ و چَمنی توپراقا یخدی قومِ دنی تشنه لب قیزلاردان اوگون ایله دیلر شرمنده سنی یا ابوفاضل یا ابوفاضل #قمر_حیدر_سنی_دیل_سسلر #محرم #علمدار #باب_الحوائج #ابولفضل_علیه_السلام التماس دعای فرج الاحقر مهدی عبادی

زبانحال امام حسین علیه السلام در بالین علمدار (دیمورم بو تَللین اوستون...) باشون اوسته گلمیشم من ایدورم نَوا ابالفضل نیه جسمیوه ووروبلار بو قَدَر یارا ابالفضل آرخام ائلیم ابالفضل سیندی بلیم ابالفضل دیمورم عَلَم یاتیبدی ایشیم اولدی آه و افغان دیمورم دو مشکی دولدور بالالار یانیر سوسوزدان دیورم بالالاریمدا بو یارالی باشه قربان یاریلیب باشون جفادن سنه من فدا ابالفضل دیمورم جهاندا سن تک بیله ظلموله ئولَن وار دیمورم غمیم آزالسین دیمه دردیمی بولَن وار دیورم ایاقه دور گور بیزه دوره دن گولَن وار نه چتیندی دیل یاراسی بُلوسن اَخا ابالفضل دیمورم بلالر ایتدی نیه سَرویمی شکسته دیمورم گلنده گوردوم ایکی قوللارون یول اوسته دیورم نَدن ووروبلار بو قَدَر اوخی اوخ اوسته سنه اوخ آتانلار ایتدی نه بویوک خطا ابالفضل دیمورم خبر آلییدیم غم و غصّه وی اوزوندن دیمورم سیله بولِییدیم باشیوین قانین یوزوندن دیورم اوخی آت اوسته نجه چکموسن گوزوندن داغیلوب گوزون تاپیلماز اونا بیر دوا ابالفضل دیمورم گلایه اولسون یازیلیب همان گونومدی دیمورم خدا بَسیمدی داخی تک قالان گونومدی دیورم دانیش ابوالفضل گوروسن یامان گونومدی دیل آچیب شمادت ایلور منه اشقیا ابالفضل دیمورم نَدن چوخ اولدی یارالار بو گول بَدنده دیمورم نه چَکموسن سن یولوی قوشون کَسنده دیورم غم ایتمه قارداش گلورم دالینجا منده باتاجاق عزایه یکسر هامی ماسِوا ابالفضل دیمورم کی طاقتیم یوخ نجه خیمیه گیدیم من دیمورم کی واردی حقّیم بیله آه و داد ایدیم من دیورم سوروشسا قیزلار نَدی چاره بَس نِدیم من نه جَوابی وار حسینون بالا قیزلارا ابالفضل بولوسن کی (بیکَسم) یوخ منه بوردا یار و یاوَر دوروب ایندی جام اَلینده یولووی سکینه گوزلر عَلَمون کی یاتدی قیزلار اولاجاق اَسیر و مُضطَر اولاجاقلا مین بلایه ایله مُبتلا ابالفضل #باشون_اوسته_گلمیشم_من_ایدورم_نوا_ابالفضل #علمدار #شور #محرم التماس دعای فرج 💠