#ورود_به_شام یازوبلا داخل اولان دمده شامه آل الله حجازی لَحنیله قرآن اوخوردی ثارالله بیر آیری منظره خلق اِیلمیشدی راس امام گورن او منظره نی سَسلنوردی یا الله اِیله اوخوردی که شوریله آیه کهفی گَلوردی عرش چهارمدا وَجده روح الله دایانمشیدی تماشایه یکسره ارواح باخیردی قانلی باشا بُهتیده کَلیم الله سالوردی نغمه سی داودی حیرت محضه دِئیوردی اوز اوزینه لااله الالله اِحاطه اِئتمیشیدی نیزه ده ملائکلر دییوردیلر بیزه ده لطف اوزیله اِیله نگاه فَرحلَنوردی باخاندا علی قیزی زینب گلنده نطقه هرآن اول شه ملک درگاه دئیوردی لَحنیوه جانیم فدا اوخی قرآن آییلا بلکه بو نوعیله فرقه ی گمراه ایا امام زمان رخصت اِیستیرم سَندن جداده قانلی باشا دَگدی داش او دم ناگاه جدا باشیندا دِئمم نطقیدن او باش دوشدی ذبیح آیه سینه باشلییوبدی بِسم الله قوتاردی آیه ذِبحٍ عَظِیمی ذبح عظیم نه گوردیلر دئدی عمّون، هرایه گل ای شاه وروبلا سید سجادین اود عمامه سینه آلور قراریمی دلدن بو صحنه جانکاه چیخوبلا شامیده شام اهلی گوئیا جنگه دگور که لازمه نچه اسیره بئیله سپاه بیرسی اکبریوین باشین اوینادیر نی ده بیرسی قاسم شهزاده نین باشین گه گاه گلور نوایه باخاندا سکینه قارداشینا دِیینده یوخدی بو قیز، اِیلییوب مگر نه گناه بیر آز قالور ئوله گلثوم درد و محنتدن زبس که شدت غمدن چَکوبدی دلدن آه گهی نظاره اِئدور قانلی باشیوه، گاهی عمودیله داغیلان قانلی باشه خواه نخواه او قانلی گوزلرون آچ باخ ربابه محملده دانیشدیرور بالاسین ناقه دن او علیا جاه دِیَر که اَللریوی باغلادیم گذشت ایله سودم که اولمادی هیچ، تاپمادیم او چولده میاه بلا چولونده عطشدن یانوب الولاندون قضا مقدر اولا واقفم تاپلماز راه اَلیمی اوزمزیدیم یوخسا من علی سَندن گتیرمه سیدی منه گر قضا او لحظه گواه گرکدی سوز غموندن یانا جگرلریمی منی بو باره ده دخت علی اِیدوب آگاه #عتیق نوحه یاز آغلا مصائب شامه آغیر مصیبتیدی اِئتدی جسمیمی چون کاه عطای لم یزلیدی قوافی اِیطا اودور که قافیه لر اولدی شعریوه همراه .

#ورود_به_شام #ترکی

🍂زبانحال حضرت زینب سلام ا... علیها در ورود به شام خراب🍂 شاماتی کاش اولیدی ویران اهلینده یوخدی ذرّه وجدان قلبیمی ایلیوبله القان یانیرام من غمدن بیزی اوساندیریللار شمادتیله یاندیریللار کوچه کوچه دولاندیریللار یانیرام من سحر بورا گَلندن چوخ اینجیدوبدی دشمن بالالارون یورولدی سندن خجالتم من ایوای یارالی قارداش/باشی بلالی قارداش/ائلدن آرالی قارداش گوردون نجه شه مدینه بیزی چکوبدی اهل کینه حسین یهودی کوچه سینه یانیرام من موج ایدوری گوزومده قانیاش سنله حسین ئولیدیم ایکاش داش آتیللار گروه اوباش یانیرام من سنه توخونمیه کاش، داشلار یولونی اَگسین سنه دگینجه قارداش ،قوی زینبیوه دَگسین آهولرین دوشوب کَمنده صاف یرلری یوخدور بدنده رقیّه وه سیلی دَگنده یانیرام من حرم لرین یوخ دیلده تابی ووروللار آل بو ترابی دانیشدیرماق اولمور ربابی یانیرام من دیور اوغول بو غمدن آنان ئولیدی ایکاش چاتمور الیم جدایه ، اشکیم اولوبدی قانیاش #شام_بلا #ورود_به_شام التماس دعای فرج الاحقر مهدی عبادی