ایدوبدی رحلت رسول اکرم گلوب فغانه ملکلر آغلار #پیامبراسلام 🍁🍁🏴🍃🍁🍁🏴🍃 🏴#شهادت رسول اکرم صل الله علیه وآله وسلم 🔰#سبک_آچیلدی_پرچم … 10 سبک #مرحوم شهاب تبریزی . . ایدوبدی رحلت رسول اکرم گلوب فغانه ملکلر آغلار غمینده نالان اولوبدی زهرا شفیعۀ روز محشر آغلار باتوب عزایه ملک لر آغلار . . باتوبدی یاسه تمام عالم توکر عذاره سرشکین آدم قوروب ملایک بساط ماتم گوی اهلی بو غمده یکسر آغلار . . سزادی بوگون تمام امت گر اولسا غرق غم و مصیبت گیدوب جهاندان رسول رحمت عیال حیدر مکدّر آغلار . . نه قدر زحمت چکوب او سرور یتوردی احکام دینی یکسر اودور که عرش خدای اکبر بو غمفزا غمده تیترر آغلار . . حسین آچوب باش گلوب فغانه سالوبدی شیون بوگون جهانه ایدر سرشکین یوزه روانه دیر بابا وای مکرر آغلار . . حبیب داور ایدنده رحلت آلوب کنارین عیال عصمت باتوب عزایه شه ولایت گلوب فغانه او سرور آغلار . . مصیبتیله دولوب مدینه گلوبدی مخلوق شور شینه ویرور تسلی بوگون حسینه مدینه اهلی سراسر آغلار . . گینه بو گوگلوم باتوب ملاله بیر اوزگه محنت دوشوب خیاله گلون ائداخ بیز حسینه ناله اونون غمینده پیمبر آغلار . . حسین غمی چون پوزوب جهانی دیمه که اولموب بیر آغلیانی باشین قفادن کسن زمانی قتیل و مقتول و خنجر آغلار . . گوز آچدی گوردی او شاه محشر اویاندا قاتل الینده خنجر بویاندا زینب ملول و مضطر توکر سرشکین او مضطر آغلار . . بویوردی باجی قیت خیامه چوخ عجز قیلما سپاه شامه یتوبدی عمریم منیم تمامه خیمده ایمدی حرملر آغلار . . شهابون عمری تمامه یتدی حسینیلردن ال اوزدی گیتدی حسینه بسکه توسّل ایتدی شهابین اشکین گورنلر آغلار . . باجی رضا اول گلن قضایه تحمل ایله غم و بلایه اوجاتما داد و فغان سمایه گورنمرم من او گوزلر آغلار . . شهاب یتمز بوغم تمامه کلامه ویرمه داخی ادامه گلوب نوایه الونده خامه یانار بو محنتده دفتر آغلار . . . #پیامبراسلام #شهاب_تبریزی #پیامبراسلام_شهادت #ایدوبدی_رحلت_رسول_اکرم_گلوب_فغانه_ملکلر_آغلار #ترکی

⚘الهی وربی من لی غیرک⚘: سنین ای نازنین ماه جمالین عالم آرادیر #پیامبراسلام 🌾💫💐🌾💫💐🌾💫💐 #در مدح حضرت محمد مصطفی صلوات الله علیه . علی شهودی . سنین ای نازنین ماه جمالین عالم آرادیر گونش محراب ابرویندا سرگرم تجلادیر . وجودونده اولوبدور جمع اعجاز پیمبرلر الین همچون ید بیضادمین همچون مسیحادیر . نه مردم لر سنین دام نگاهیندا اسیر اولموش نه گوزلر صفحه ی حسنونده مبهوت تماشادیر . مگر دامان حوراده تاپیبسان پرورش جانا قاپین قوللوقچیسی لیلی چکن نازین زلیخادیر . وجودون جوهرینده یوخ سنین بیرنقطه تک نقصان سنین دامان پاکین هر مرکبدن مبرادیر . بئله حسنیله وجهیندن سنین کیم بی نصیب اولسا باخیب اخذائتمسه توشه یقین بیل چشمی اعمادیر . مجعد تئللرین نوحی چکندیر ساحل امنه طریق عشقینی دائم ائدن طی خضر و موسادیر . شب معراج ده جانا سواراول”رفرف” نوره قدومون حسرتین گل کی چکن عرش معلادیر . اولوب مین یوسف کنعان زنخدانیندا زندانی ز بس مصر ملاحتده وجودون فرد و یکتادیر . کلیم الله تک دائم یانار جان نارهجرینده تجلی ائت کی عشاقه جمالین طور سینادیر . کلامون شهددن شیرین سکوتون نطقدن گویا مقامین عرشدن برتر جلالین جل و اعلادیر . بو حسن خلقیلن خالق سنی خلقه ائدیب سرور سحر تک طالع سعدین جبینیندن هویدادیر . ائدنمز قطره لر توصیف اودریای سجایانی سنی توصیف ائدن کلک خداوند تعالادیر . شهودی شاعر درگاهه لطف ائت کامران اولسون کی دائم قلبی شوق وصلیلن غرق تمنادیر 🌾💫💐🌾💫💐🌾💫💐

قیزیم گلمه بیله افغانه زهرا #پیامبراسلام_خوندل_تبریزی ➖➖➖➖➖ وصیت حضرت رسول اکرم (ص) خطاب به حضرت زهرا(س) .. .. مرحوم خوندل تبریزی .. .. قیزیم گلمه بیله افغانه زهرا آتان جان تاپشورور جانانه زهرا .. .. قیزیم بیر گول کیمی چوخ تیز سولارسان بهارین ابری تک دائم دولارسان بو تیزلیقدا منه ملحق اولارسان گلرسن روضۀ رضوانه زهرا .. .. قیزیم وار عزّتون دوشمه بو حاله منی جان اوسته سالما چوخ ملاله بو قدری ایلمه هجریمده ناله دایان صبر ایت غم هجرانه زهرا .. .. قیزیم چوخ گلمه فریاد و نوایه دوشر مندن صورا باشون بلایه دایان صبر ایله هر بیر ابتلایه یتور اوز عمریوی پایانه زهرا .. .. قیزیم گوز یاشیوی توکمه عذاره بیله گلمه فغان و آه و زاره هله گول اولمیوب مقهور خاره سرشگون آخمیوب دامانه زهرا .. .. قیزیم چوخ اولماسون پژمرده حالون هله وار عزّت و جاہ و جلالون غنیمتدور بو ایّام وصالون ملول اولما غم دورانه زهرا .. .. قیزیم چوخ آغلاما چوخ ایتمه شیون هله ال آچمیوبدور ظلمه دشمن هله وار احترامون تا وارام من قیزیم چوخ شکر ایله بو آنه زهرا .. .. قیزیم آز اشگون ایت رخساره ... #پیامبراسلام #پیامبراسلام_خوندل_تبریزی #پیامبراسلام_شهادت