⚘الهی وربی من لی غیرک⚘: مژده اولسون سیزه یاران گل خلقت گلدی #17ربیع 🌿🌷🌸🌿🌷🌸🌿🌷🌸🌿 #ولادت پیامبر اکرم صلوات الله علیه #سبک_مژده_اولسون … رسول بابایی (شاهد زنجانی) . مژده اولسون سیزه یاران گل خلقت گلدی بو ندا گلدی گلون رهبر امّت گلدی ای افتخار ماسوا محمد جانلارسنه اولسون فدا محمد یا مولا یا مولا یا مولا (۲) . . . آچیلوب باب کرم حضرت طاهایه گوره نورباران اولونوب سید بطحایه گوره بوسه وور اللرینه حضرت زهرایه گوره گول سپون مقدمینه شاه کرامت گلدی . . . غم یمه دردی اولانلاره دئنن جان گلدی بئله جانانه فدا جانیله جانان گلدی کعبه دن ظاهر اولوب نیر تابان گلدی امته دیلدن ائدن مهرو محبت گلدی . . . هفده ماه ربیعده یره یاغدی برکات گلدی پیغمبر رحمت او گل پاک صفات گروارون حضرته عشقون اوناسویله صلوات دینی تکمیل ائده با مهر نبوت گلدی . . . خاموش اولدی نجه آتشکده لر ای یاران طاق کسراده سینوب لرزیه دوشدی اوزمان قورودی ساوه ده دریاچه سویی سنده اینان شهر بطحاده آچوب گوز ید قدرت گلدی . . . آدی هریرده گله دنیادا بیز فخر ائده روک او گوزل نائبینه حیدره قربان کسه روک بیزولایت یولون عشقیله مصمم گئده روک سسلروک صوتیله بیز جان ولایت گلدی . . . درگه نور نبی باب رجادور هامیا آدی گلواژه ی ایمان و دوادور هامیا رحمت ومرحمتی عشق وصفادورهامیا امتی شاد ائلین دیلده مسرت گلدی . . . سرور عالمیان قویدی قدم دنیایه وئردی دنیایه رسول الله دین پیرایه عرض تبریک اولا حیدرله خانم زهرایه امت ایچره سالوب اول شورومودت گلدی . . گلدی دشمنلری رسوا ائلیه قدرتیلن بتلاری بتکده ده سیندرا چوخ هیبتیلن پرچم دینی اوجا ساخلیا هم غیرتیلن دیون ای غیرتیلر معنی غیرت گلدی . . . ای خدا بیزلره وئر تذکره ی کرببلا قبر ششگوشه کنارینده دیاخ یامولا شاهدین دردینه الله سن ئوزون ایله دوا روسیاهم دیرم شافع امت گلدی 🌿🌷🌸🌿🌷🌸🌿🌷

🌿🍂🍂 🌺 مدح و مولود حضرت رسول اکرم (ص) . حاج اصغر فرشچی ( عدلی تبریزی) . گلدی دنیایه محمد خاتم پیغمبران گلشن ایتدی بوجهانی خالق کون مکان . . ماسوللهی قدومیلن ایدوبدی کامیاب لال اولوب شه لر بو گونده کونه دوشدی انقلاب کاخ کسرا سرنگون و تخت سلطانلارخراب یریوزونده گلدی حکامه اولا بوحکمران . . هانسی گوزگورسه جمالین جَنّت ایتمزآرزو نورحقدن جلوه گردی عالمینه آبرو گلمیوب گلمز جهانه شمس رُخدی ماه رو قویدی دنیایه قدم تا ایلسون باغ جنان . . بو گلوب دور بیر اشارتلن ایده شقّ القمر سندیرا هریرده بُت وار قالمیه بُت دان اثر نصب ایده قرآن لواسین تا جهان واردور اسر اصل خلقتده بو اوّل ظاهراً آخر اولان . . نسخ ایدوب دور ما سَلَفْ ادیانی گتدی تازه دین بورسالت گنجینه بیرگوهرو دّرثمین اسمی طاهردی محمد رحمتهً للعالمین بو خلیله نار نمرودی ایدوبورگلستان . . اصل وذاتی نوردورهم چشمۀ عین الحیات نورونی گرسالمییدی ایتمییدی التفات حضرت نوحه اوطوفان ایچره اولمازدی نجات محرم اَعْلی و اَدْنی خادمی دور قدسیان . . بو گلوبدی تاگتورسون عالمه خیرالنساء فاطمه اون بیر بالاسی یر یوزونده اوصیاء اخذ ایدرعلمی بولاردان شیعه لرهم اولیاء آخری غائیبدی گوزدن مهدی صاحب زمان . . اوچ اولوب بایرام بوگون گلدی پیمبرهم امام حضرت صادقده گلدی هم گلوب خیرالانام عید نوروزه مصادفدی وِیرور «عدلی» پیام شیعۀ اثنی عشر اُوُل، مذهبی ائتمه نهان . . #17ربیع #گلدی_دنیایه_محمد_خاتم_پیغمبران #عدلی_تبریزی #ترکی . 🌸 🍃🍂 🍃🌺🍂 🌸🍃🌾🌼🍃

علیرضا حضرتی (ناعمی): مدح و میلادیه حضرت رسول اکرم صلی الله علیه وآله و سلم ✍️ زبدة الاشعار ✍️ بوگون بیر گل زیبا یارانوبدی گوللر گل رخسارینه شیدا یارانوبدی صنع ازلین حق گتیریب حسن بروزه حسنوندن اودور دهریده غوغا یارانوبدی مرآت خداوندیدی بو جلوهٔ جاوید «والشمس»ئوزونده«وضحاها»یارانوبدی «ماکان محمد»اوخویور ما خلق الله سود آختاریسان سئوملی سودا یارانوبدی ئوپسون قدمین صف چکوب عشقیله ملکلر سرمست می ساغری حورا یارانوبدی لولاکیدی،افلاک اونا خاطر اولوب ایجاد باعث اولوب عشقی هامی دنیا یارانوبدی مسجود ملائک اولوب آدم اونا خاطر آدمدن اونون رتبه سی اعلا یارانوبدی دربان یازیلوب درگه فضلینده سلیمان اجرای فرامینه مهیا یارانوبدی داوود گلوب نغمه ی قرآنین ائشیتسین لحن عربی سی نجه گیرا یارانوبدی عیسانی قویوب مات آدینا عاشق اولانلار انفاس اویسینده مسیحا یارانوبدی سیندیرماقا عزّائیله لاتیله مناتی بت سیندیران ابراهیمه همتا یارانوبدی یوسف هانی؟بیلسون کی گؤزللیک نه اولارمیش؟ گؤر علت خلقت نجه زیبا یارانوبدی برهم ائلیه دهریده فرعونون اساسین موسادی عصا در ید بیضا یارانوبدی خضر عمرونی قویدی آلا بیر ساغر الیندن چون آب حیات عشقینه معنا یارانوبدی مستغرق ائدر عالمی بحر کرمینده عالم هامیسی قطره او دریا یارانوبدی مین عشقیله نازین چکوری روضهٔ رضوان سیماسی گؤزل قامتی طوبا یارانوبدی کعبه دولانور باشینه اول قبله ی عشقین حلّ و حرمه محرم او مولا یارانوبدی قرآنی آچوب ایله اونی قصد زیارت یاسین اوخی شوقیله کی طاها یارانوبدی کسرالری دنیایه گلوب منکسر ائتسون ایوانی سینوب قصریده بلوا یارانوبدی شاهلار هامی لال اولدی شکوه قدمیندن باج آلماقا شاهلاردان او والا یارانوبدی عهد فتن و ظلم و ستم باشه یئتیشدی شرک عصری جفادوره سی ملقا یارانوبدی شیطان رجیمون اوجالوب صیحه سی عرشه چونکه بشره رهبر دانا یارانوبدی زرتشتی لرین سؤندی مین ایللیک اودی بیردن حیرتده دی اهریمن اهورا یارانوبدی مدحینده دئیوم بوسوزی روشن اولا مطلب نوریندن اونون زهرهٔ زهرا یارانوبدی هرکیمسه اونون مسندینه تکیه ورانماز شأن و شرف وعزتی عظما یارانوبدی نائب اولا اول ختم رسولانه جهاندا تنها علیِّ عالیِّ اعلا یارانوبدی #17ربیع #خلقتده_بو_گون_بیر_گل_زیبا_یارانوبدی #حضرتی_ناعمی #ترکی ✍️ #زبدةالاشعار ✍️