#رحلت_حضرت_رسول_اکرم_(ص) دولدوروب دنیانی غم آغلار بوگون ارض و سما سس گلور هر سمتدن وا محنتا وا مصطفى یاسه باتوبدور ماسوا بو مصیبتده بوگون یاسه باتوب اسلامیان توک عذاره اشگوی شیعه بو غمده آغلا قان باخ نجه گور ، دولدوربدور یثربی آه و فغان باش آچوب زلفین پریشان ایلیوب خیر النّسا ایلیوب بر پا عزا خانه بو غمده بو تراب آغلاماقدان آز قالور اولسون حسینی دلکباب نی کیمی آغلار سیزیلدار زينب عليا جناب غرق دریای سرشگ ایلر جهانی مجتبی دار دنیانون گوروب بو مقتدا هر محنتين امّت مَیشومنون چکدی ئولونجه زحمتین تاپشوروب آخرده بیر قرآنی بیر اوز عترتین ایتدی فرمایش که قرآن اولماز اهلیمدن جدا عترت خيرالانامه ياخشی حرمت قویدولار مجلس شورا آچوب قانون بدعت قویدولار شمع دینی سوندوروب دنیانی ظلمت قویدولار ظلمیله خانه نشین اولدی علی میر هدا رسم آئین کلام اللهدن يان دوردولار ظلم اليله اود ویروب باب اللهى ياندوردولار حجت الله دامنین اشگیله اسلاندیردولار خشک و تر یاندی بو ظلمین آتشیندن برملا اود ویراندا اهل کین ای شیعه باب رحمته دوشدی پیغمبر عزیزی فاطمه چوخ زحمته یخدیلار نه ظلمیلن زهرانی خاک ذلّته داخل اولدی خاندان عصمته اهل جفا سسلدی فضه اماندور تیز یتیش امدادیمه سقط اولوبدور محسنیم تعجیل قیل یت دادیمه بس عم اوغلوم هاردادور سسله گله فریادیمه آز قالوبدور ئولدوره بو بینوانی اشقیا بولمورم نه حاله قالدی صاحب دين مبين اولمادی بیر کیمسه اول شاهه او گون اولسون معین آلدیلار اطرافنی شیر خدانون اهل کین باغلیوبلار قوللارین اول جمع بی شرم و حيا بیر تفکّر ایلیون یاران باخون اول حالته دستگیر اولدی امام حق او اهل بدعته مسجده نه نحویلن ثانی آپاردی بیعته اعتذاریم وار صريحين عرض ايدوم واذلّتا حاله گلدی غشّدن صدّیقه ی کبری او دم مسجده اوغلانلاریله گلدی اول مریم شیم باش آچوخ گوردی علینی ساخلیوب قوم ستم ایتدی فرمایش ایدون شرم ای گروه بی وفا ال آپاردی معجره غیظیله اول عصمت مآب قوزانوب دیوارلر گورسندی شور و انقلاب یوز دوتوب سلمانه بو حالی گورنده بوتراب سویلدى قويما بتولى عالمی ایتسون فنا گلدی سلمان محضر زهرایه محزون و فکار ایلدی عرض آغلاما ایتمه فغان و آه و زار صبر ایله ای رحمةً لِلعالمینه یادگار صبره امر ایلور سنی آقا علی المرتضا بولمورم زینب نجه صبر ایلیوب ایتدی دوام شرب بزمنده دوراندا عترت خير الأنام گوردی برگ گل کیمی تیترور او دم بیمار امام آز قالور روح شریفی جسمدن اولسون جدا مجلسین حالین داخی ال ساخلا (( شوری)) ختم ایله اول یزیدون جور و ظلمین سن گتورمه چوخ دیله شیعه نی چوخ یاندیرور قان آغلادور بو مسئله دوردی بزم شربده زنجيريلن زين العبا ** مرحوم میر محمودآقا شوری تبریزی #حضرت_محمد_، ص،

‍ درماتم حضرت محمّد صلوات الله علیه وآله (سبک : یخلوب عباسیم) اوجالوب واویلا ، ماتم دوتوب بطحا ایلور نوا زهرا ، جان ویردی طاها غمه دوشدی امّت ، آغوش آچوب جنّت یاسه باتوب دنیا ، جان ویردی طاها **** گوگه چیخدی افغان ، قاره گیوب قرآن قان آغلوری امکان ، الله اکبر سوونوب اهریمن ، کامه چاتوب دشمن اولاد بوسفیان ، الله اکبر یانوب آغلور هرآن ، اباذر و سلمان ویلان و سرگردان ، الله اکبر ایدور همّت کافر ، نا اَمنِدور سنگر تنها قالوب مولا ، جان ویردی طاها غم و حُزن رحلت ، اولدی اَشَدّ محنت مظلوم اولوب عترت ، ای وامصیبت قالوب حیران صفدر ، بی یار بی یاور خصم آختارور قدرت ، ای وامصیبت چالوشور خلوتده ، غصب خلافتده اوباش بد خصلت ، ای وامصیبت بو نجه بدعتدی ، ضد دیانتدی آشوب ایدور اعدا ، جان ویردی طاها نظر ائت عِصیانه ، بد کینه عدوانه اَشباه انسانه ، تنهادی حیدر چکوب ال غیرتدن ، رسم فُتوّتدن دشمن وَقیحانه ، تنهادی حیدر یل فتح خیبر ، داماد پیغمبر آغلور غریبانه ، تنهادی حیدر حسن ایلور افغان ، حسین زار و گریان دیللرده واجدّا ، جان ویردی طاها بیله عالم اولماز ، خلوت ماتم اولماز غم اندر غم اولماز ، یاندوردی جانی چکولوبدور پرده ، نعشی قالوب یرده علی کفن ایلور ، جسم طاهانی مه بطحا ئولدی ، مهر و وفا ئولدی صدق و صفا ئولدی ، عهد اولدی فانی بو نجه بیعتدی ، ضدّ دیانتدی ثانی ایدوب برپا ، جان ویردی طاها پوزولوب پیمانلار ، بی ریشه ایمانلار تازه مسلمانلار ، غدیری داندی اله دوشدی فرصت ، دنیا طلب امّت خوش چهره شیطانلار ، غدیری داندی جری اولدی کافر ، غاصب ، اولوب رهبر حکمونده نادانلار ، غدیری داندی اورگون اولدی قان ، ویر مطلبه پایان ای (( منتظِر )) آغلا ، جان ویردی طاها ** محمدعلی منتظری شریف آباد #حضرت_محمد_، ص، #سبک_یخیلیب_عباسیم_

‍ رحلت رسول اکرم (ص) (سبک : آچیلدی پرچم ….) ایدوبدی رحلت رسول اکرم گلوب فغانه ملکلر آغلار غمینده نالان اولوبدی زهرا شفیعه ی روز محشر آغلار باتوب عزایه ملک لر آغلار باتوبدی یاسه تمام عالم توکر عذاره سرشکین آدم قوروب ملائک بساط ماتم گوی اهلی بو غمده یکسر آغلار سزادی بوگون تمام امت گر اولسا غرق غم و مصیبت گیدوب جهاندان رسول رحمت عیال حیدر مکدّر آغلار نه قدر زحمت چکوب او سرور یتوردی احکام دینی یکسر اودور که عرش خدای اکبر بو غمفزا غمده تیترر آغلار حسین آچوب باش گلوب فغانه سالوبدی شیون بوگون جهانه ایدر سرشکین یوزه روانه دیر بابا وای مکرر آغلار حبیب داور ایدنده رحلت آلوب کنارین عیال عصمت باتوب عزایه شه ولایت گلوب فغانه او سرور آغلار مصیبتیله دولوب مدینه گلوبدی مخلوق شور شینه ویرور تسلی بوگون حسینه مدینه اهلی سراسر آغلار گینه بو گوگلوم باتوب ملاله بیر اوزگه محنت دوشوب خیاله گلون ایداخ بیز حسینه ناله اونون غمینده پیمبر آغلار حسین غمی چون پوزوب جهانی دیمه که اولموب بیر آغلیانی باشین قفادن کسن زمانی قتیل و مقتول و خنجر آغلار گوز آچدی گوردی او شاه محشر اویاندا قاتل الینده خنجر بو یاندا زینب ملول و مضطر توکر سرشکین او مضطر آغلار بویوردی باجی قیت خیامه چوخ عجز قیلما سپاه شامه یتوبدی عمریم منیم تمامه خیمده ایندی حرملر آغلار (( شهابون )) عمری تمامه یتدی حسینیلردن ال اوزدی گیتدی حسینه بسکه توسّل ایتدی (( شهابین )) اشکین گورنلر آغلار باجی رضا اول گلن قضایه تحمل ایله غم و بلایه اوجاتما داد و فغان سمایه گورنمرم من او گوزلر آغلار (( شهاب )) یتمز بو غم تمامه کلامه ویرمه داخی ادامه گلوب نوایه الونده خامه یانار بو محنتده دفتر آغلار ** مرحوم میرزا یوسف شهاب تبریزی #حضرت_محمد، ص،

#شهادت_پیامبر_اسلام_(ص) رحلت    ایلیوب   پیمبر     فاطمه     گلوب   فغانه وا   محمدا    صداسی   اوج     ایدوبدی    آسمانه بو  عزاده   حیدر   آغلار    سربسر   ملک لر  آغلار قاره   پوش   اولوب    تماماً     امت   پیمبر   آغلار چکدی چوخ غم و مصیبت امتیندن اول  شه  دین صبر قیلدی  هر  بلایه  ایتمه دی  او  قومه  نفرین آخری  غم  جهاندان دویدی  اول  رسول حق بین روح   مرغ    عزم    قیلدی  سیر    گلشن    جنانه حرمت     کلام     حقی     تاپشوروبدی       امّتینه بیرده تاپشوروب او قومه حرمت   ایتسون    عترتینه ایتمدی        عمل     ولیکن     امّتی       وصیتینه گتدیلر    بیر   آز   زماندا   هر  نه   ظلم  وار  عیانه باب    وحیه    اود    ازلده    وردی   ثانی   ستمگر ظلم   سامری  دوباره   اولدى  یثرب ایچره  اظهر بو قضّیه دن  تاپوبلار  جرآت    اول   گروه    کافر تا   مخالفت   قیلوبلار  حکم  شاه   انس  و   جانه حقّ   شاه   اوصیانی  غصب   ایدوب   گروه  کینه نصب    قیلدیلار   ستمله    کفر    بیدقین     زمینه قویمادیلا    راحت    اولسون   عترت   شه  مدینه یر   یوزونده   چکدی   هردم ظلمون  آتشی  زبانه نقض   عهد    ایدوبدی   امّت    پادشاه     اولیایه مکریله    کلام    حقّی   نصب    قیلدیلار    جدایه رسم    اولوبدی   بو   قضّیه   تا  یتیشدی  کربلایه ناطق    کلام   حقون   ویردیلار    باشین    سنانه کربلاده    اهل  کوفه  گور نه  نوعی  ایتدی طغیان ایتدیلر   پیمبر  اوغلون  ظلم    الیله   قانه   غلطان پاره  پاره   پیکرینی  سویدی  هم  او قوم  عدوان قیلدیلار  او  شاه  دینون  جسمین او خلارا  نشانه بسدی (( کاتبا ))   تمام  ایت  یازما بو قدر مصیبت آغلا    اشگ   چشموى   قیل  الده   توشۀ  قیامت روز   حشرده    اولاردور   خلقه   ایلین     شفاعت حق    یولوندا چون   اولوبلار   تیر   محنته   نشانه ** مرحوم کاتب اردبیلی

لب تشنه حسین عمریست که من طالب احسان حسینم لب تشنه ام و تشنه ی باران حسینم در زندگی ام منت اغیار نجویم درسایه ی حق دست به دامان حسینم از دولت و عنوان و غم مال و ریاست صد شکر خدا را که پریشان حسینم جز کرب وبلا جلوه گهی نیست دلم را مشتاق گل روی و گلستان حسینم از اهل ادب رسم وفا یاد گرفتم از کودی ام عاشق عنوان حسینم آزاده ام و ذلت وخفت نپذیرم در زندگی ام تابع فرمان حسینم با یاد حسین ابن علی می شوم آرام چون یاهوی بنشسته به ایوان حسینم از کودکی ام چشم طمع در سر من نیست با فخر و شرف ریزه خور خوان حسینم وابسته قید رسن غیر نباشم در دایره دولت شایان حسینم جز کرببلا دردل من نیست ملالی محتاج به درد و غم و درمان حسینم خواندم همه جا مبحث ایثار و شهامت اما همه سر گشته و حیران حسینم شاعر شده ام وصف کنم روی گلش را چون بلبل شوریده غزلخوان حسینم آشفته ام و مست می کوثر زهرا دیوانه ترین شاعر دیوان حسینم در بحر گنه غرقم و مدهوش ولیکن با دست تهی شایق احسان حسینم #محمد_هوشمند #مدهوش #غزل @Hazrate_Abalfazll

#عزاداری_حضرت_زهرا_سلام_الله_علیها_در_رحلت_حضرت_پیغمب_(ص) (سبک : سو یوخومدی قیزلاروندان) گینوبدی    قاره     زهرا      شه     انبیایه   آغلار گهی سسلنر حسن  وای گه  امام  رضایه  آغلار بو  جهانیدن   یوموبدی   گوزونی   رسول   اکرم دوتوب  انس  و   جنّ  عالم  او  عزیز  حقه ماتم بابا    وای دیینده   زهرا   اولار  آغلاشور  دمادم ائلیور   فغان   و    ناله   هامی   مصطفایه   آغلار توکور اشک   غصه  ییر گوی  او رئیس مرسلینه دوتوب عالمی بوتون غم چون ئولوب شه مدینه دیور  عالم  اهلی  نوحه   وئریلور   بو غمده سینه اورگی   دولوبدی   زهرا    شه   ماسوایه    آغلار دئمه   اولمیوبدی   لرزان   بوتون  عالم  و فلکلر اولونوب    سماده   غوغا   گیینوب    قرا    ملکلر بو  محنده   بو    عزاده   دولانوب   قانا     اورکلر قیزی فاطمه  دوتوب  یاس  اوزی  مقتدایه آغلار گه  اوغول غمینده  زهرا   توکر  اشک غم عذاره بالا   وای دئیر  بو غمده  غم  اودی  چکر شراره جگرین    یارادی    اوغلوم   حسنه  ائدر  اشاره گهی   مصطفی   غمینده  گهی   مجتبایه   آغلار دییر   ای  حسن   عزیزیم   منه ای  بهالی گوهر سنه ظلم  ائدوبدی جعده جگرین یارادی یکسر توکولوبدی طشته گورّم داخی دوغرانوب جگرلر بئله غمده  شیعه یکسر دیل  آچوب   نوایه آغلار حسن   ای   عزیز   داور حسن  ای  وفایه مظهر گل    گلشن    پیمبر    حسن   ای    گل    معطر بالا   وای   دیینده   مادر   پوزولار    بو  آل حیدر هامی سس  چکوبدی دیلدن  ائله دلربایه  آغلار بالاسی رضا  غمینده    بو  خانم   ائدردی  افغان بالا   وای دیلینده  گویا   اولوب  عازم   خراسان بالاسین گوروب  او یرده جگری  یارا وئرور جان او غریب   طوسی اوخشار   ائله  مه لقایه   آغلار گورورم اوغول سالوبدی سنی غم  دئدی فشاره داخی ظلم  ائدوبدی مأمون چاغیروبدی بو دیاره سنه وئردی زهر او  ظالم  جگرین  اولوبدی یاره بو یره  گلوبدی  زهرا  سن  جان   فدایه    آغلار گورورم اوغول  دوشوبسن اوزاقا  بوگون وطندن آنان  آیری  دوشمور   اما   غم  و غصه و محندن گهی  مصطفی   غمیندن گهی  محنت   حسندن گهی    بی کفن    یارالی   شه    کربلایه    آغلار نئجه صبر  ائدر   آناسی  بو حسین دوشنده یاده گتوروبدی   خیمه گاهه    دیر    اوغلونی    عباده (( رضوی )) دییر حسینون  قدی خم اولوب  مناده بوکولنده   نعش    اکبر   او   گونی   عبایه  آغلار ** محمدرضا بیگلی (رضوی زنجانی @Hazrate_Abalfazll

در احوالات پیامبر اکرم صلی الله علیه و آله و حضرت امام حسن مجتبی علیه السلام اهلِ جهان آغلار بو گون، ای سیدِ عالم سنه ماتم دوتوبلار شوریلن، هم مجتبایه، هم سنه * بو بی وفا امت سنه، ائتدیله هر جور و جفا دوزدون رهِ جانانیده، جمله بلایه بر ملا * قویدون امانه عتر تون، قویمادیلار یا مصطفی سندن سورا اعزازیلن، دوتسونلا بیر ماتم سنه * هر حرمتی بو امّته، ائتمیشدین ائتدیلر عوض دفن اولمامیش جسمون قاپون، یاندیردیلار اهلِ غرض * هر ظلم گلسه خاطره، ائتدیله اول گون الغرض تا وار نفس قان آغلاریق، هر لحظه و هر دم سنه * جورِ عدودن عترتون، اولمادی راحت بیر زمان اولدو شهید اوغلون حسن، زهریله ای شاهِ جهان * دوتماز دیلیم تقریر ائدم، وئردی او شه نه نوعی جان اولادیوه نه نوعی غم، یِتدی یِتیب اول غم سنه * سندن سورا بیر اوغلووی، زهریله مسموم ائتدیلر تا حشر اولونجا شیعه نی، محزون و مغموم ائتدیلر * اما حسینی کوفیان، بیر نوع مظلوم ائتدیلر واضحدی حالی اول شهین، ای سیدِ اکرم سنه * آلدیلا الدن بیر به بیر، مجموع یار و یاو رین ائتدیله غلطان قانینه، ناکام علی و اکبرین * گونلر او گونده قویدولار، آخر یارالی پیکرین اولدی حسینین بو غمی، بیر محنتِ اعظم سنه * جانلار بلالی باشیوون، اولسون فداسی یا حسین وار باشدا هانسی عاشقین، سن تک بلاسی یا حسین * دوشدوقجا یاده خولی و شمرین جفاسی یا حسین شام و سحر بیز آغلاریق، گوزلرده قان یاشلا سنه شاعر: مرحوم دلریش @Hazrate_Abalfazll

در احوالات پیامبر اکرم صلی الله علیه و آله جان ویرور پیغمبر اکرم شه ابرار ئولور رهبر دنیای اسلام و دلِ افکار ئولور * جان ویرور بنیان گذار مکتب آزادگی صاحب قانون دنیای جدید زندگی * ضدّ تبعیضات و خوی فطرت و درّندگی مرد استقلال و ضدّ کفر و استعمار ئولور * ذورق حق ایمدی امواج خروشان اوسته دی پیشوایِ مسلمینِ واقعی جان اوسته دی * نصف شب پروانه لر شمعی فروزان اوسته دی چشمۀ فیض و بقا و مطلع الانوار ئولور * صاحب قرآن ئولور معناده قرآن آغلوری زهره و مرّیخ و ماه و مهر و کیوان آغلوری * واقعاً افلاکیان و خاکیان قان آغلوری باعث ایجاد کلّ ثابت و سیّار ئولور * هالۀ غم پرده کشدور عارض ماه اوستونه یوز قویوبدور لشگر حسرت یدالله اوستونه * گرد مرگ غم قونوبدی هیبت الله اوستونه اختیار حق گیدور چون احمد مختار ئولور * خوشه های خرمن گلزار پیغمبر سولوب ابر نیسان تک کنار گلده بلبللر دولوب * باغبان گلشن عشقین حیاتی قورتولوب گلستان و بوستان و گلشن و گلزار ئولور * دیدۀ پیغمبر اکرم باخور اطفالینه فکر ایدور بیربیر تمام آینده و آمالینه * ناگهان ایلور نظاره کربلا گودالینه قانینه غلطان گورور اؤز اوغلونی بی یار ئولور * تشنه دور داغ قوملار اوستوندن فرات اوسته باخور چشمه چشمه پیکریندن توپراق اوسته قان آخور * زلفینه زهرا او قانی خاک و خونیله یاخور بیر مُعیّر عشق عیّاری تاپوب معیار ئولور * سرزمین کربلا گویا منای عشقدور نالۀ نی دور اوجالمیش نینوای عشقدور * گلشن وحدت حریم باصفای عشقدور آتشی بیر گل میان تیغه های عشقدور * شمع فانوس هدایت آز قالور خاموش اولا اوخلار آلتدا سرّ حق پنهان و پرده پوش اولا * گل وجودی داشلار آلتیندا قالوب مفروش اولا عهد و پیمان السته قان ایدور ایثار ئولور * پیکر عنقای قاف حقّ اولوبدی غرق خون ذورق امّت قالوب دریا ایچینده واژگون * کاخ آزادی یر اوستونده قالوبدی سرخ گون کاخ اولوبدی منهدم ظاهرده چون معمار ئولور * ایستور اولسون انبیا و اولیادن سرفراز ایلوری هر لحظه ده معناده کسب امتیاز * قلبینون قانین یغوبدی ائتسون آب دستماز صاحب خون خداوند حق دادار ئولور * ختم قیل هادی سوزون خوشدور یقیناً مجملی فیضیوه شرکتدی شوریّ و چرندابی، علی * روح پاک هر وقتیده معناده حاضردور بلی روح ئولمز ئولسه جسم و پیکر بی عار ئولور شاعر: مرحوم هادی تبریزی @Hazrate_Abalfazll

در احوالات پیامبر اکرم صلی الله علیه و آله قورخما زهرا امر حق اولموش بو گون نازل منه گئت قزیم آچ قاپونی مهماندی عزرائیل منه * آغلاما اولما پریشان صبر قیل زهرا قزیم حکم خلاق ازل اولسون گرک اجرا قزیم * قابض الارواحدور ئوز امرینه دارا قزیم بی اجازه داخل اولماز اهل حرمتدور بالا * آخرین دیداریمیزدور وقت رحلتدور بالا بیل بو عزرائیل گلوبدور قبض روح ائتسون منی * گوللرون تاراح ائدوب خاموش ائده بو گلشنی ای منه روح و روان اللهه تاپشوردوم سنی * وئر اجازه داخل اولسون پیک سبحان منزله حکمی اجرا ایلسون گلسون رضای حق اله * وار یری عرض ایلیاق ای صاحب باغ فدک بی اجازه داخل اولمور منزله هئچ بیر ملک * پس ندن دوران دولاندی دؤندی بو چرخ فلک هتک حرمت ایلیوب یاندیردیلار درگاهیوی * مسجده جبراً عُمَر چکدی ولی اللهیوی بس نجه زهرایه قمچی ووردی قوم دون و پست * محسنی سقط ائتدی زهرا اولدی بازوسی شکست ییرمی بش ایل حق ولی سین ائتدیلر خانه نشست * دویمادی جور و جفادن قوم عدوان یا رسول آلادوب بیت الحزنده کائناتی بو بتول * غصب اولوب حقی علینون اولدی نالان فاطمه قالی یتمیش آلتی گون زار و پریشان فاطمه * آز بیر عمریله گئدوب عقبایه گریان فاطمه ایش بورا منجر اولوب گیزلینجه دفن اولسون بتول * ایلمز بو ظلمی حتماً خالق سبحان قبول دفن زهرانی بلوب اظرار عصیان ائتدیلر * خلقی تحریک ایلیوب قبر اوسته طغیان ائتدیلر نبش قبر اولسا اگر دنیانی ویران ائتدیلر * بو خبر درهم ائدوب شیر خدا احوالینی باغلیوب باشه علی فوراً غضب دسمالینی * ذوالفقاره ال آتوب دوندی غضب دریاسینه گئتدی قبرستانه باخدی غیضیلن اعداسینه * سسلنوب: آیا گلوبسوز سیز علی دعواسینه قورخیا دوشدی جماعت ترک مقصد ائتدیلر * تک قویوب مولانی قبر اوستن جماعت گئتدیلر سالدی بو سوز یادیمه کربو بلا صحراسینی * چون حسینون قتلگهده یوم عاشوراسینی سالمادون یاده ندن بس کربلا زهراسینی؟ * تل دن میدانه قاچدی درک ائده قارداشینی شمر الینده گوردی قارداشین کسیلمیش باشینی * اولمادی ممکن گئدوب قارداشینون نعشین تاپا یا حسین گویان قیتدی ایلسون محشر بپا * حکم اولوب لشگر حسینون نعشی اوسته آت چاپا زینبو فریادی سالمشدی سماواته طنین * هرادا قالمشدون او ساعت یا امیرالمؤمنین؟ بو خبر بیچاره زینب صبرینی الدن آلوب * یوز نجف سمته دوتوب فریاد واویلا سالوب گل بابا نعش حسین آتلار ایاقینده قالوب * یا ئوزون گل یا کمک گوندر اباالفضلی منه قالمشام آواره سرگردان دخیلم من سنه * «نادری» یاز یاعلی ترک عدالت ائتمدون نبش قبر حضرت زهرایه طاقت ائتمدون *** ظهر عاشورا ندن بس کربلایه گئتمدون؟ عترت زهرایه اوردا شامیلر ال تاپدیلار گوز قباقینده حسینون نعشینه آت چاپدیلار شاعر: مرحوم نادری @Hazrate_Abalfazll

عرض ادب خدمت امام رضا علیه السلام ای حَرَمی با صفا دردِ عالَمه دَوا گوزل قبریوه قربان یا غریب الغربا یا علی موسی الرضا ای گل خوشبو رضا ماهِ زیبا رو رضا سنسن فقط جهاندا ضامن آهو رضا حَجّه گیدر اَغنیا اطرافِ بیتِ خدا دنیا اهلی بولوللر سنسن حجّ فُقَرا پابوسیوه گَلَن لر آه و نوا ایده للر نظر قیلسان مولاجان اَلی دولی گیده للر من عَبد روسیاهم آلوده ی گناهم سندن صورا کیمیم وار لطف ایله بی پناهم جَنّت ایتدن ایرانی ای دردیمون درمانی مولا یاپیش الیمدن سن بیل معصومه جانی ای شَهِ والا گوهر عزیزِ آل حیدر افتخار اِیلَرهر کَس اولسا قاپوندا نوک ظلم ایدور قوم دَنی فقیره باخمور غَنی ایسته الله یتیرسین حجت ابن الحَسَنی #امام_رضا_علیه_السلام #ثامن_الحجج التماس دعای فرج الاحقر مهدی عبادی @Hazrate_Abalfazll

عرض سلام و ادب خدمت سلطان خراسان حضرت امام رضا علیه السلام (اصغریم، ای شیرین زبانیم) السلام ای شهِ خراسان ای اولان آدی درده درمان قبریوه بو روسیاهی اِیله سن دوباره مهمان السلام ای شَرَفِ خِطّه ی طوس السلام ای لقبی شَمسِ شموس رضا جانم رضا جانم حُجَّتِ خدای یکتا ای گُلِ گُلزارِ طاها بوش اَلیله گَلمیشم من اَلی بوش قِیتَرمه آقا السلام ای لاله ی خوشبو رضا السلام ای ضامنِ آهو رضا رضا جانم رضا جانم سنه دیلده چوخ سوزوم وار قلبیده دیمه دوزوم وار او کَرَملی اَللرونده یا رضا دائم گوزوم وار چاره قیل قلبیده کی درده آقا منه یاز تذکره ی کرب و بلا رضا جانم رضا جانم #امام_رضا_علیه_السلام #ثامن_الحجج التماس دعای فرج الاحقر مهدی عبادی @Hazrate_Abalfazll

عرض ادب خدمت حضرت امام رضا علیه السلام گلدیم گینه زیارته یا امام رضا گوزتیکمیشم عنایته یا امام رضا باخدون بو بی لیاقته یا امام رضا ای پادشاه ماسوا یا امام رضا عشقون منی چکدی بورا یا امام رضا آدون ویرر قلبه صفا یا امام رضا من بینوایم/غرق خطایم/عبد ذلیلِ/کوی رضایم علی موسی الرضا جان من روسیه بیر نوکرم یابن فاطمه باخ گور نجه دیده ترم یابن فاطمه بیچاریم ایله کَرَم یابن فاطمه ای محرم اسراریمیز یابن فاطمه ای دلبر و دلداریمیز یابن فاطمه ای غم گونونده یاریمیز یابن فاطمه گلدیم نوایه/باخ بوگدایه/بیر تذکره یاز/کرب و بلایه علی موسی الرضا جان فرزند پاک مرتضا اَیهاالرئوف سلطان مُلک اِرتِضا اَیهاالرئوف یا ضامن آهو رضا اَیهاالرئوف من گلمیشم دیداریوه اَیهاالرئوف گوزتیکمیشم ایثاریوه اَیهاالرئوف احسان ایله زوّاریوه اَیهاالرئوف سن سن پناهیم/امّید گاهیم/ مولا نظر قیل /ای دادخواهیم علی موسی الرضا جان من (بیکَس) و درماندیم یابن مرتضی بو علّته مشهد دیم یابن مرتضی اوز دردیمی سنه دیم یابن مرتضی ای معدن جود و سخا یابن مرتضی گُل آدیوه جانیم فدا یابن مرتضی سائل لری قووماز آقا یابن مرتضی سن مهربانسان/آرام جانسان/بو قلب زاره/تاب و توانسان علی موسی الرضا جان #امام_رضا_علیه_السلام #ثامن_الحجج التماس دعای فرج الاحقر مهدی عبادی @Hazrate_Abalfazll

در آرزوی زیارت و جلالت امام رضا علیه السلام ای پناه بی پناهان یا رضا ای طبیب دردمندان یا رضا باشیمه چوخدان دوشوب شوق حرم او گوزل قبریوه قربان یا رضا من نوکرم سنه رضا رضا لطف ایله سن منه رضا رضا سنسن آقا مایه ی عزّت بیزه ویردی عشقون شأن و شخصیت بیزه اهل ایران میهماندور سفره وه اولموسان مولا ولی نعمت بیزه ای شاه ماسوا رضا رضا جانلار سنه فدا رضا رضا ای اولان معصومیه آرام جان ای گدای درگهی اهل جهان بیر برات مشهد و کرب و بلا یاز بو عشّاقه سنی زهرا آنان باشدا شوق حرم رضا رضا آدیوی سسلرم رضا رضا ای کرم کانی امیر ماسوا سن شه مُلک ولاسن یا رضا ای اولان آهویه ضامن لطف ایله جان ویرنده باشیم اوسته گَل آقا (بیکَسه) لطف ایله رضا رضا تاپشور عزرائیله رضا رضا #امام_رضا_علیه_السلام #ثامن_الحجج التماس دعای فرج الاحقر مهدی عبادی @Hazrate_Abalfazll

شام غریبان امام رضا علیه السلام (مناسب برای آهنگهای مختلف) بزم عزا عَرشیده قوردی خدا نوحه سَسیله دولوب اَرض و سَما فاطمه جَنّتده دیور وای رضا (شیعه لرین قلبی گینه قانیدی موسی‌الرضا، شامِ غریبانیدی) زَهریله مأمون ایلیوب بیر جفا شاه خراسانی ایدوب مُبتلا جوادی ایلدی یَتیم اُول دَغا شیعه وورار باشینه آغلار بو گون غم دلِ اَحبابینی داغلار بو گون جَدّی قَرا باشینه باغلار بوگون زهر، ایله یاندیردی دلِ مُضطَرین قویدی اورک باشینه مولا اَلین یاسه باتوب ایندیده خُلدِ بَرین گوز یاشینی قانه دیمه قاتمادی باجیسینین فکرینی هیچ آتمادی حیف اولا معصومه سینه چاتمادی عالَمی حیران ایلیوب سوزلری شامه دونوب ظلمیله گوندوزلری (بیکَس) و تنها یومولوب گوزلری #امام_رضا_علیه_السلام #ثامن_الحجج التماس دعای فرج الاحقر مهدی عبادی @Hazrate_Abalfazll

آخرین لحظات حضرت ثامن الحجج علیه السلام غریب طوسم یتیش هرایه جواد اوغول تز گل سالوبدی مأمون منی بلایه جواد اوغول تز گل غریبم آللّه غریبم آللّه غریب و بی یارم ویروبله زهر جفا وجودیم یانوب اَلولاندی بو غربت ایچره اوجالدی نالم انیسیم افغاندی بو صون نفسده سنون وصالون بو درده درماندی مدینه دن گل بو دم نوایه جواد اوغول تز گل وطندن آیری دوشندن اوغلوم منیم غمیم چوخدی نه غم یتیشسه اوزوم رضایم شکایتیم یوخدی سنیله معصومه نین فراقی اورکده بیر اوخدی اوزون یتیر سن بو غم سرایه جواد اوغول تز گل گوزوم دولوبدی بهار ابری ولی بیله دولماز سولار چمنده همیشه لاله منیم کیمی سولماز بو رسم عالمدی هیچ غریبه بیر آغلین اولماز تدارک ایله اوغول عزایه جواد اوغول تز گل اسوب سموم ستم بو باغیم جفائیله سولدی بو زهر کین دن خدا بولور کی منه اولان اولدی یوخومدی کیمسه انیسیم اولسون بو گوزلریم دولدی اوغول باخار چون قوجا آتایه جواد اوغول تز گل اَنیس اولوبدی بو (بیکَس) ایندی سرشک آلیله بو مرغ روحوم اوچور قفسدن غم وملالیله یوزومی توپراقه قویموشام من حسین خیالیله خیالیم اوچدی او کربلایه جواد اوغول تز گل #امام_رضا_علیه_السلام #ثامن_الحجج التماس دعای فرج الاحقر مهدی عبادی @Hazrate_Abalfazll

‍ ‍ ‍ ‍ ‍ #دعاهای_مجالس وعده میزانشاءالله کربلااولا بین الحرمین اخرمجلس اللرو قووزا گوه بش دفعه سسله الهی یاالله الهی یاالله الهی  یاالله الهی یاالله الهی  یاالله خدایا به احترام دلسوخته زینب اللری که  که درگاهیوه بلند اولوب  ناامیدومایوس سینه لره قیترمه بارالهاامین دیین دیلری گرفتاربلا ایلمه کربلانی گورمه مش اسیرخاک المه تمامی دردی اولانلارین حاجتی اولانلارین التماس دعا ایلین لرین بوقاپیدا مقضی المرام ایله التماس دعاایلیری به احترام دل سوخته رباب شب شام غریبان رقیه نین اوباباوای ناله سینه خاطر خدایاتمام مریضلره شفاء وره مریضیلره شفاء ورمینن خانواده لرین خوشحال اله الله بومحرمی بیزلراخرین محرم قرارورمه الهی اولین روزماه محرم بواق سقللرجوانار عزادار ارباب بی کفن اولوبلارخدایابو عزاداریلره عالی درجه ده قبول ایله بودنیاده امام حسین اقانین زیارتین واودنیاده شفاعتینن بهرمنده ایله بیردنه دعاایلیوم اوجا امین دیه الله امام زمانین ظهورینده تعجیل ایله شب جمعه دی الهم لعجل ولیک الفرج 2 التماس دعاایلیینلرین مریضلری وار خانواده لرین التماس دعاایلدی  الله به احترام باالحوائج ابوالفضل بومریض ده شفاکرامت ایله خدایا بومریض شفاء ورمگین اونن صحیح  سلامت  قیتمین خانواده لری خوشحال ایله شهادت دررکاب حضرت ولیعصر اقاامام زمانین رکابنده بیزلره نصیب و روزی ایله   مسئولین دلسوزنظام مقدس جمهوری اسلامی راسینده مقام عظمای ولایت الله  ابوالفضله خاطر یرین گوون بلیاتینن حفظ ایله بوحسینیه دن اسیر خاک اولاناره روحین   اربابا قوناق ایله اولنرمیزن روحیین بو مجلسین ثوابینن فیض  واصل ایله اموات میزین روحین شاد ایله دوباره التماس دعاایلدیلر خدایا دردی اولان وار حاجتی اولان وار خدایا سنی اندورم او بیمار مصلحتی کربلا  امام سجاد اقانین اوبوینون رنجیره آیریلاندا اربابین ایاخلارن باقلاددیلار امام سجاد اقانین قولارین باقلادیلار اقابیرباخدی اوی یخیلانار ایاقیمی باقلییسیز من کی اچان دیرم نقدرساقده رقیه قویب قاچان دیرم خدایا به احترام امام سجاد اقا تمام مریضلره شفاءکرامت ایله امواتمیزن روح شادارواح طیئبه شهداامام شهداوشهداکربلا اموات این جمع رحمه الله من یقرافاتحه مع صلوات دعای اخر مجلس مداح ( استاد طالبی )

قیزیم گلمه بیله افغانه زهرا #پیامبراسلام_خوندل_تبریزی ➖➖➖➖➖ وصیت حضرت رسول اکرم (ص) خطاب به حضرت زهرا(س) .. .. مرحوم خوندل تبریزی .. .. قیزیم گلمه بیله افغانه زهرا آتان جان تاپشورور جانانه زهرا .. .. قیزیم بیر گول کیمی چوخ تیز سولارسان بهارین ابری تک دائم دولارسان بو تیزلیقدا منه ملحق اولارسان گلرسن روضۀ رضوانه زهرا .. .. قیزیم وار عزّتون دوشمه بو حاله منی جان اوسته سالما چوخ ملاله بو قدری ایلمه هجریمده ناله دایان صبر ایت غم هجرانه زهرا .. .. قیزیم چوخ گلمه فریاد و نوایه دوشر مندن صورا باشون بلایه دایان صبر ایله هر بیر ابتلایه یتور اوز عمریوی پایانه زهرا .. .. قیزیم گوز یاشیوی توکمه عذاره بیله گلمه فغان و آه و زاره هله گول اولمیوب مقهور خاره سرشگون آخمیوب دامانه زهرا .. .. قیزیم چوخ اولماسون پژمرده حالون هله وار عزّت و جاہ و جلالون غنیمتدور بو ایّام وصالون ملول اولما غم دورانه زهرا .. .. قیزیم چوخ آغلاما چوخ ایتمه شیون هله ال آچمیوبدور ظلمه دشمن هله وار احترامون تا وارام من قیزیم چوخ شکر ایله بو آنه زهرا .. .. قیزیم آز اشگون ایت رخساره ... #پیامبراسلام #پیامبراسلام_خوندل_تبریزی #پیامبراسلام_شهادت

رحلت حضرت پيامبر اسلام ،زبانحال حضرت زهرا(ع) باآهنگ:گلمیشم فغانه يانه يانه عمه آچ گوزون دانیشدور سن بودل غمینی دشمنین ایچینده قویما تک علینی اولموشام بابا گریان فاطمه‌ سنه قربان آچ گوزون اماندور(۲) گیتمه بوجهاندان. ای بابا اماندور عترتین گورورسن غمده باغریقاندور عارضه بوگوزیاش گورنئجه رواندور دشمنین جفاسی گون کیمین عیاندور قویماتک قالا عترت ترک ایدربیزی امّت آچ گوزون آماندور(۲) گوربابا حسنله آغلوری حسینین دوزموری فراقه نورهردو عینین آرتوروب غمینده ناله سی علینین فاطمه اوجالدوب ناله وانینین اولمویور منه چاره باشیما سالوم قاره آچ گوزون اماندور(۲) غسل ائدورعم اوغلوم گورنه يانه يانه زینبیله کلثوم دوندی باغریقانه دشمنین الینده دویدون ایندی جانه غصب اولوب خلافت آیری بیرزماندور کوچه ده دگر سیلی بوئوزیم اولارنیلی آچ گوزون اماندور(۲) یومدی گوزلرینی خاتم رسالت مرتضی علیدن غصب اولوب خلافت‌ باب وحیه حمله‌ ایلویوب جماعت فاطمه دوگولدی اولدی چوخ جسارت قمچی ووردی چوخ ثانی سینه ده آخوب قانی آچ گوزون اماندی(۲) سجده ده علینون یاره دن آخوب قان آل مصطفانی اولدی دیده گریان کربلاده اوغلی گئچدی باش وجاندان صاحبیله سیفی اولدولار پریشان قان اولوبدی گوزیاشلار نیزه یه گئدوب باشلار آچ گوزون اماندور(۲) حاج عباسعلی دهقان(صاحب

‍ مناجات حاج غلامرضا سازگار دامن آلوده و بار گناه آورده ام گر چه آهی در بساطم نیست آه آورده ام هر که بودم هر که هستم با کسی مربوط نیست بر امام مهربان خود پناه آورده ام هر که آرد تحفه ای در محضر مولای خود من دو دست خالی و کوه گناه آورده ام در کرم شه را گدا باید گدا را نیز شاه من گدا دست گدایی سوی شاه آورده ام بر کبوترهای صحنت هدیه ی ناقابلی است گندم اشکی که در این بارگاه آورده ام ناله ام در سینه، اشگم در بصر، سوزم به دل نامه ای چون دود آه خود سیاه آورده ام نی عجل با کوه عصیان عفو، نازم را کشد رو به سوی مظهر عفو اله آورده ام ذرّه بودم زائر شمس الشّموسم کرده اند قطره ای بودم به این دریا پناه آورده ام گر چه هستم قطره ای ناچیز، یک دریای اشک هدیه بر مولای خود روحی فداه آورده ام هر فقیری هست دست خالیش سرمایه اش من فقیرم دست خالی را گواه آورده ام «میثما» مولا اگر پُرسد چه آوردی بگو سر به خاک زائرت از گرد راه آورده ام

بو گون زهرا گلوب شور و نوایه #پیامبراسلام_شوری_تبریزی شهادت حضرت پیغمبر اکرم (ص) #گریز به #غارت_خیام .. .. مرحوم شوری تبریزی .. .. بو گون زهرا گلوب شور و نوایه توکوب گوز یاشی آغلار مصطفایه .. .. بو گون شیعه گلون سیز شور شینه سالون فریاد و ناله مشرقینه ورون سیز تسلیت اوغلی حسینه همی باش ساقلقى خیر النّسایه .. .. بو گون زهرا اولوب زار و مکدّر باتوب یاسه تمام آل پیمبر مدینه شهرینی ایلوبله محشر چخوب ناله سسی عرش خدایه .. .. بو گون رحلت ایدوب ختم رسالت تاپوب جرأت بو گون اهل ضلالت اولوب خانه نشین شاه ولایت گلوبدور نی کیمی شور و نوایه .. .. بو گون جنّ و ملک یکسر سیزیلدار گلوبدور نالیه گوگلر سیزیلدار پریشان حال اولوب حیدر سیزیلدار مصیبت یوز ویروبدور انبیایه .. .. پیمبیردن صورا یاران بو امّت ایدوب اولادینه چوخ هتک حرمت یتوب خیر النّسایه چوخ مصیبت دوشوبدور ظلمیله دام بلایه .. .. اساس ظلمی دشمنلر قوروبلار جهانی شیونیله دولدوروبلار حریم کبریایه اود وروبلار تاپوب روبَه لر اَل شیر خدایه .. .. یتیشدی عاقبت ایش بیر مقامه یتوردی اهل کین ظلمین ت ...

بقلم حاج عباسعلی دهقان 🏴شهادت امام حسن علیه السلام حاج علی سیفی افشار تئزیتیش داده حسین جان ئولورم زهرائدیب قلبیمی شان شان ئولورم ای منه روح و روان ایلمه آه و فغان(۲) حاضرائت تشتی جگریاندی حسین لبلریم پارچالانوب ، قاندی حسین حالیمی گورنه پریشاندی حسین جان یتوب لبلره الان ئولورم(۲) غسلیمی وئرئوزون ایله کفنی جدیمیله ائله همسایه منی دشمنیم قویماسابیرلحظه سنی سن بقیعده ائله پنهان ئولورم(۲) آغلاشوب اهل حرم ائتدی نوا یاندی قارداشلاری وای دیلده اخا پیکرین اوخلادیلار اهل جفا یانورام حالیوه هرآن ئولورم(۲) دفن ائدیب آل پیمبرحسنی یاندیرور کرببلانین محنی یادیمه سالدی بیرالده ئولنی سسلدی یوخ سو،لب عطشان ئولورم(۲) صاحبین دیده سی گریاندی حسین دعوت ائت نوکری احساندی حسین میزبان سن اودا مهماندی حسین بیردییه جان وئروم آسان ئولورم(۲) ای منه روح و روان ایلمه آه و فغان(۲)