سلام و عرض ادب خدمت حضرت علی بن موسی الرضا علیه السلام سلام آقا سلام ای لاله ی خوشبو سلام آقا سلام ی ضامن آهو رضا جانم 2 سلام آقا سلام اولسون شَهِ طوسه کَرَم قیلدون یتیشدیم بیرده پابوسه رضا جانم2 سلام آقا سلام ای مِهرِ تابَنده سالوب عشقون شکسته قلبیمی بَنده رضا جانم2 سلام آقا سلام ای جَدّی تَک مظلوم جَفائیله سنی مأمون ایدوب مسموم رضا جانم2 غمیم چوخدی بورا گَلدیم آلام درمان اولا جانیم سنون گول آدیوا قربان رضا جانم 2 سلام آقا سلام ای رأفَتین کانی منی قووما سنی معصومه وین جانی رضا جانم 2 #امام_رضا_علیه_السلام #ثامن_الحجج التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

عرض ادب خدمت سلطان خراسان حضرت علی بن موسی الرضا علیه السلام (مناسب برای آهنگهای مختلف) نامِ رضا درده دوادی دیده لره نور و ضیادی اهل جهان بونی ایشیتسون شیعه لرین شاهی رضادی (رضا غریب الغُربادی رضا معین الضُعَفادی) معدن احسان و عطادی آینه ی لطف خدادی بوردان اَلی بوش گیدن اولماز درگهینه هامّی گدادی وارث شاهِ سَر جُدادی قبری مَطافِ انبیادی قالماز غمی زائر گَلَنده زِ بَس مزاری با صفادی دائم ایشی جود و سَخادی بَسکی اَبالحسن آقادی بَسدی بو سوز جَلالَتینده ضامنِ آهو اولوب آدی عشقی سینیق قلبه جَلادی بیر باخیشی مشکل گشادی موسی‌الرضا آدی جَهاندا چاره ی هر درد و بَلادی دهریده چون شَمسِ هُدادی حُجّتِ ذات کبریادی قورخوسی یوخ روز قیامت سَروَری هر کَسین رضادی پادشهِ اَرض و سَمادی فاطمه اوغلودی آقادی خالق اونی بیزه ویریب پای مَشهدی حَجّ فُقَرادی #امام_رضا_علیه_السلام #ثامن_الحجج التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

زبانحال امام حسن مجتبی علیه السلام با خواهرش زینب کبری س (کربلا ای کوی جانان) گَل باجی تز گَل هَرایه قارداشون دوشدی بَلایه زینبیم یاندی وجودیم سَنده گَل شور و نوایه بو کوزه ده کی سو قانا دونسون باجی زینب آز قالدی حسن قارداشون ئولسون باجی زینب باجی.... تز گَل هرایه شعله چَکدی یاندی قلبیم او دوتوب اودلاندی قلبیم زَهرِ کین بیر حاله سالدی زینبیم دوغراندی قلبیم زَهرین اَثَریندن دوداقیم پارچالانوبدی اَللریمی گَل گور نجه سینَمده قالوبدی باجی.... تز گَل هرایه درد و رنجیم سانه گَلمز دیل نجه افغانه گَلمز بیر کیشی چَکسه بو دَردی زینبیم گور جانه گَلمز؟ کوچه ستمین یاده سالاندا یانورام من ثانی آناما سیلی ووروب اودلانورام من باجی.... تز گَل هرایه ویر خَبر گَلسین حسینیم قارداشیمدی نورِ عینیم حیف اولا وَصلَت قوتاردی آیریلیق باشلاندی نیلیم زینب بولورم چوخ منه ناله ایده جاقسان آز آغلا باجی کرب و بلایه گیده جاقسان باجی.... تز گَل هرایه گَلمه زینب شور و شِینه باخ باجی نورِ دو عِینه من یوخام کرب و بلاده آغلا قارداشیم حسینه صحرای بَلاده قالاجاق (بیکَس) و تنها عَبّاس و علی اکبرینی ئولدورر اعدا باجی.... تز گَل هرایه #امام_حسن_مجتبی_علیه_السلام التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

شام غریبان امام حسن مجتبی علیه السلام (آهنگ یخلوب عبّاسیم) گل آنا یا زهرا سال عالمه غوغا ئولدی غریب اوغلون مظلوم حسن وای گل اوزون افغانه شام غریبانه ئولدی غریب اوغلون مظلوم حسن وای دیرم من ایوای مظلوم حسن ایوای مظلوم حسن ایوای مظلوم حسن وای زهر کینه آلدی قرارینی الدن آنا دوشدی دیلدن حسن قارداشیم دیلده دردیم چوخدی بیر غمخواریم یوخدی یاندی قلبیم نیلیم آخور گوزیاشیم منی درده سالدی قراریمی آلدی ال اوزدی قاسمدن گیدوب دینجلدی گل اوزون غمخوار اول زینبه سن یار اول وای قارداشیم ایوای اولوب سوز باشیم نچه ایل اوز دردین گیزلتدی بیزلردن آغلاردی گیزلیندن اورک داغلاردی کوچه ده نولموشدی اوگوندن سولموشدی دائم گوزیاشینی یوزه باغلاردی ایله مظلوم اولدی غریبانه ئولدی بیزی گوزدن آتدی بقیعده یاتدی سنه مهمان گلدی غملردن دینجلدی سنی یاد ایلردی دائم آغلاردی بو مدینه شهری بیزه اولدی زندان جفا ایلوب عدوان اورکلر یاندی آناجان رحم ایتموب بو قوم بی ایمان ایدوبلر چوخ عصیان عجب دوراندی نجه تشییع اولدی اونون جسمی قبره ووروبلار یتمیش اوخ او گل جسمینه کفنی ایسلاندی قانیله بویاندی باخدی قارداشلاری یانوب اودلاندی بش یاشیمدان یاندیم آنا درد وغمدن جفای دشمندن دوشدوم بلایه آناسیزلیق دردی باغری قان ایلردی یوخدی داخی طاقت بو ابتلایه فرقت پیغمبر غریبیِ حیدر هاموسی بیریانه بو غم بیر یانه (بیکَسم)قیل احسان زینب سنه قربان ایندیده گلمه سن، گل کربلایه #امام_حسن_مجتبی_علیه_السلام التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

زبانحال حضرت زینب کبری علیها السلام در شهادت امام حسن مجتبی علیه السلام (آهنگ اوغول علی آغلاما یات) اوزون هرایه یتیش آنا جان ویرور حسن اوغلون سالوب ایاقدان اونی جفا جان ویرور حسن اوغلون ایو اولوب عزاخانه/آغلارام یانا یانه دولوبدی قان طشته آنا صبریمی آلوب الدن آنا دوداقیندا قان دوروب زینبی سالوب دیلدن اولوبدی وردی گوزل آدون سالماز آدیوی دیلدن اوقدری قالمور گوزون یوما جان ویرور حسن اوغلون بلایه دوشدی بوگون حسن زهر کینه دن یاندی بیزه دیمور قاتلین آدین غمدن هامّی حیراندی قانی آخوب کوینگینه یوزگوزی بوتون قاندی ایله سیزیلدیر یانا یانا جان ویرور حسن اوغلون بونون بو مظلومیتی عالمه ایدر تأثیر بهشتیدن گل مدینیه ایلمه آنا تأخیر سویی گوروم قانه دونه ویردی رنگینه تغییر اوجالدی عرشه آنا نوا جان ویرور حسن اوغلون اورک دولوب دردو غصّه دن یانموری دیلیم بیجا گوزوم قاباقینده جان ویرور شور حشر اولوب برپا منه دیور آغلاما باجی وار قاباقدا عاشورا غمیم آنا گلموری سایا جان ویرور حسن اوغلون #امام_حسن_مجتبی_علیه_السلام التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

احوالات جنگ جمل وشهامت امام حسن مجتبی (ع) گریز به شهادت آن حضرت و بالین علمدار کربلا نقل ایلیوله جنگ جَملده گروه کین قصد ایتدیلر خراب ایده لر دین حق ائوین همراه اولوبدی طلحه، زبیریله عایشه شیر خدانی اولدورلر باخ غلط ایشه عثمانون آلدیلار اَله اول قانلی گوینگین الده بهانه ایتدیلراول فرقه ی لعین تحریک ایدوبله مکریله تا اهل بصره نی فَتّاح خیبره ایده لر تنگ عرصه نی هرقدر موعظه ایلدی شاه لافتی جنگ ایتمیه امامیله لشکر مجاب اولا اما قبول ایتمدی لشگر نصایحین جنگی شروع ایدوبله او ابطال و مشرکین شدت ایدوبدی جنگ و جدل رزمگاهیده جولان ویروردی عایشه ده عرصه گاهیده مینمیشدی بیر اوجا دویه عایشه اوگون گویا بویوک بولوردی او کفاره چون اوزون اول کشمکشده سبط نبی شاه ممتحن زهرانین ارشد اوغلی عزیز دیلی حسن (ع) حمله ایدوبدی لشگره حیدر آتاسی تک حیران قالوب شجاعتینه اهل نُه فلک بیر بیر وروب یخاردی یره قوم باطلی اما اورکده قصد ایلیوب اصلی عاملی چون بولدی گوز تیکوب دَویه فرقه ی دغل هر نحویلن ده اولسا گرک پِیلنه جَمل تکبیر دیلده حمله ایدوب قلب لشکره گویا علیدی یورش ایدوب قوم کافره موسا عصاسی تک قوشونی یاردی نیمه دن گوستردی اوز صلابتینی حضرت حسن (ع) دقت ایدون گورون آقامیز نیلَدی اودم ایتدی قیلینجیلان دوه نین قیچلارین قلم گویا او ضربتیله وروب کفری ریشه دن جنّتده فاطمه دیدی احسنت اوغول حسن (ع) پِیلَندی تا جمل یتیشوب باشه غائله گویا اودمده عایشه گلدی بئله دیله سویلوب حسن ، بوایشی یاددان چخاتمارام سندن تقاص آچینجا من آسوده یاتمارام بیر گون اولار کی بو ایشیوه ایلرم عوض بیر گون گرک نتیجه ویره دیلده کی غرض ایلّلر دولاندی جُعده اولوب قاتل امام مهمان گیدوبدی فاطمیه اول شه انام غسل وکفن ایدوبله اوجسم شریفینه قارداشلاری او گول بدنین آلدی چیگنینه قصد ایتیدیلر رسول خدانین مزارینی دفن ایلسونله زهریله سولموش عذارینی مروان او دمده عایشیه تز ویروب خبر بانو ایاقه دور اولوری زحمتون هدر پیغمبرین یانندا حسن قویما دفن اولا بو گون گرکدی قلب علی قانیله دولا میندیردی مرکبه او خطاکار عورتی دوشدی قباقه رسم ایلیه تازه بدعتی سفیانیان کسوبله یولی ال عصمته باخ قان توکن جماعته باخ بیر جنایته شمشیر چکدیلر قویولوبدی کمانه اوخ اول بی شرف جماعتین اصلا حیاسی یوخ اوخلار هواده سیر ایلدی چار سمتیدن بولمم بوروزگار خراب اولمادی ندن زهرا بالاسی گوردی کی ایش دوشدی مشکله قارداشینون وصیتینی سالدی فیکرینه امر امام چون بویودی قان توکولمه سین مشکل یارانسا آل علی جمله دینمه سین یوز دوتدی هاشمی لره سلطان کربلا سویلوب وصیتی کرگ ایندی ادا اولا ناراحت ایتمیون آنامین نور دیده سین حمل ایلیون بقیعه طرف گول جنازه سین تابوتی تا بقیعه طرف ایتیدیلر روان قویجاق یره نه گوردوله یا صاحب الزمان (عج) اوخلار تیکوبدی آغ کفنی خسته پیکره بیردن اوجالدی ناله لری عرش داوره اوخشاردی هر اوخون یری بیر قرمزی گوله قارداشی گورجاقین بیله گلدی اودم دیله ظلم ایلیوبله قوم دنی ای اَخا سنه غارت زده منم اولا جانیم فدا سنه جاری اولوبدی خون دیلی دیده دن یره بیر بیر او اوخلاری چکوب آتدی حسین یره بیر دفعه کاش اولییدی بو اوخ چکماقین ایشی ایکاش دورودن دوشیدی بیله چرخ گردیشی اون ایل صورا بو منظره تکرار اولوب اونا عبّاسی تاپدی قوملارین اوسته شه ولا گوردی وروبلا سایسیز اوخی جسم پاکینه قلبینده تازه لندی حسن غصه سی گینه سسلندی ای بو چولده منیم یاوریم اویان امداده گلمیشم منه قیل دردیوی بیان دشمن گولر بو دمده منه ویرمه سن صدا بو چولده سن اوزون بولوسن یالقوزام اخا (بیکَس) قوتارعریضه وی تز ایتگیلن تمام باشدان ایاقه نقصدی بو یازدیقون کلام بانی اولوب بو شعروه بیر یار باوفا بیر (جود منبعی) اوزی مداح باصفا ایسته خدادن آل سعودی ایده ذلیل باهم بقیعیده اولاسوز همره و دلیل #جنگ_جمل #امام_حسن_علیه_السلام التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

عرض ادبی خدمت حضرت علی بن موسی الرضا علیه السلام دیمورم کی زائرون اولموشام بورا من زیارته گلمیشم اَلی بوش یوزی قَره بیر قولام قاپیوا عنایته گلمیشم سیزه فرقی یوخدی اوزاخ یاخین رَویشوز همیشه کَرَمدی بَس گَتیرَن منی بورا یا رضا بولوسن کی عشقیدی نه هَوَس منه سیزدن اوزگه سی سیّدی تاپیلار مگر اولا دادرس غم و غُصّه لر منی چوخ یوروب اودی من شکایته گلمیشم قاپوزا بیر عُمرودی سیّدی سیخیلوب قازانمیشام آبرو بولورم یوخومدی لیاقتیم دایانام ضَریحیوه روبَرو سیزه یوخدی گیزلین اولان سوزوم کی سایام حضوریوه موبَمو بولوسوز منیم هامی دردیمی طَلبِ سعادته گلمیشم قاپی باغلاماخ سیزه نَنگیدور بونی دُشمَنوزده بولور آقا گَلوب اوز دَواسینی تِز آلار اودی روز و شب هامی مُبتلا مین اُمیدیله بورا گلمیشم او کَرَملی اَللریوه فدا بورا کیم گلوب آلوب حاجتین درِ با جَلالته گلمیش بولورم کی واقفِ سِرّیسَن دیمه میش سوزی بولوسن اوزون ولی خوشدی زائر اولان دیه آقانین حضورینه هر سوزون توتولوب دیلیم دانیشانمورام اَلیوه تیکوبدی گَدا گوزون دیمه میش دوا ایله دردیمه بولوسن نه حاجته گلمیشم منی گَر بهشته آپارسالار سنه کی مُصاحب اولانمارام سن اولان یره گَله بولمه رَم سنه روبَرو اوتورانمارام وار اُمیدیم ای شَهِ ماسِوا سنه عاشقم اودا یانمارام یوزومه دوتوب باجیوین آدین آقا من شفاعته گلمیشم دولاناندا صَحن و رَواقیوی غم و غُصّه دن اولارام رَها ساتاشاندا گُنبَدیوه گوزوم گوزومه او نوری ویرور ضیا بولوسن کی (بیکَس) و مُضطَرم قیل اوزون نَظر ، منه یا رضا باخ اوزون جوان بالاوا گوره آقا من بو نیّته گلمیشم #دیمورم_کی_زائرون_اولموشام #امام_رضا_علیه_السلام #ثامن_الحجج التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

عرض ارادتی خدمت سلطان سریر ارتضا حضرت علی بن موسی الرضا علیه آلاف التحیّةِ و الثَّنا ایشیتمیشم امام رضا ، اورکلره صفا ویر ایشیتمیشم امام رضا ، مریضلره شِفا ویر مولا علی موسی الرضا آقا علی موسی الرضا زیارت ایستیرسن اگر ، یاپیش رضا دامنینی ایشیتمیشم امام رضا ، برات کربلا ویرر معصومیه قَسم ویریب ، حاجتیوی آل آقادان چون اونی چوخ سووَر رضا ، حاجتی برمَلا ویرر من بولورم امام رضا ، هیچ کیمی مأیوس ایلمز چاره سی اولمییَن گَلر، چاره سینی رضا ویرر اوزولسه هر یردن اَلون ، یتیر اوزون مشهدینه ایشیتمیشم امام رضا ، چاره سیزه دوا ویرر ایشیتمیشم هر کیم اونی آند ویره جوانینا ایسته دیقین تِز ایسته سین ،چون آقا جابَجا ویرر کیم اولا عاشقِ رضا ، غم گونی افسوس ایلمز ضامن آهودی آقام ، یأسی آلار رَجا ویرر نیازی یوخ یالواراسان ، تا سنه ده رضا باخا اَز بَس آقادی بولورم ، دردی آلار شِفا ویرر رئوفِ آلِ فاطمه گَدانی قووماز قاپیدان سَسله آدین امام رضا ، سائلینه جَزا ویرر دوزدی جهاندا هر غمه ، چاره خدا اَلینده دی خدا نه ایسته سه ویره ، بخاطر رضا ویرر (بیکَس) و دَرمانده لرین ، دردینه درماندی رضا نوکر دوشَنده مُشکله ، حاجتینی آقا ویرر #ایشیتمیشم_امام_رضا #امام_رضا_علیه_السلام #ثامن_الحجج التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

عرض ادب خدمت حضرت ثامن الائمه علیه السلام ( ای صفای قلب زارم ای سینیق دیللر صفاسی ای آدی دردیم دواسی دَهریده پشت و پناهیم سن سن ای زهرا بالاسی اَیا شاهِ ولا سنه جانیم فدا اولوب ذکریم منیم علی موسی الرضا علی موسی الرضا عشقیوه من مبتلایم آستانونده گدایم افتخاریمدور جهاندا سائل کوی رضایم منیم تاجِ سَریم امام و رهبریم بَسیمدی وار آقا سنه تای دلبَریم علی موسی الرضا ای رئوفِ آل طاها اِیله احسان جانِ زهرا حالیمی یاخجی بولورسن لطفووه محتاجم آقا آدون هِی سَسلَرَم قاپوندا نوکرَم سنی اوغلون جَواد منه اِیله کَرَم علی موسی الرضا لطف ایدوبسن غم سیخاندا صبر ایوین غُصّه یخاندا نه اولار گَل باشیم اوسته جان دوداقیمدن چیخاندا حَبیبی یا رضا ویرنده جان، گَدا نَکیر و مُنکَره منی تاپشیر آقا علی موسی الرضا #امام_رضا_علیه_السلام #ثامن_الحجج التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

عرض ارادت خدمت امام رضا علیه السلام با آهنگی شور انگیز السلام ای شَهِ، کوْن و امکان ای ولی نعمتِ ، اهل ایران دیلده ذکریم هو ای لاله ی خوشبو یا ضامن آهو مولا رضا جان عالَمه سَروَر ای شافعِ مَحشر اهل ولا سَسلر مولا رضا جان ای سینیق دیللرین لطف و صفاسی شیعیانین آقا سنسن آقاسی یا رضا یا رضا مولا رضا جان آل زهرانین ای، مهربانی بوش یولا سالماسان، هیچ گَدانی ای مَهِ رَخشان شاهِ مَلَک دربان گول آدیوا قربان مولا رضا جان ای کَرَم کانی معصومه وین جانی حفظ اِیله ایرانی مولا رضا جان سایه ی لطفووه دالدالانوخ دردلرین چاره سین، سندن آللوخ یا رضا یا رضا مولا رضا جان رَشکِ جَنَّت اولوب، خِطّه ی طوس کاش اولا قسمتیم، بیرده پابوس ای بیزه غمخوار ایکاش اولاخ زَوّار شوق زیارت وار مولا رضا جان ای گُلِ جَنّت ای معدن رَحمت بو جَمعه یاز دعوت مولا رضا جان (بیکَسوخ) لطف ایله، اهل ولایه یوللا بیرده بیزی، کرب و بلایه یا رضا یا رضا مولا رضا جان #امام_رضا_علیه_السلام #ثامن_الحجج التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

عرض ادب خدمت حضرت امام رضا علیه السلام با آهنگی حماسی و دلنشین به نام و یاد کِردگارِ سُبحان گینه ملائک اولدولار غزل خوان خیاله دوشدی بیر صفالی مَرقَد گویول قوشی پر، ووردی تا خراسان (سنه فدای ای پورِ مرتضا آدون فداسی، اَیُهاَالرضا) 2 شفیع محشر/ عزیز حیدر / بَتوله بَنذَر/یا مولا مولا یا اباالحسن ٣ غلام کوی آل حیدرم من حدیث عشقی دیلده اَزبَرم من نه دردیم اولسا، عشقیله اورکدن غریبِ طوسی داده سسلرم من (آدین یازیلدی دیلده رَج به رَج دَخیلیوَم یا، ثامن الحُجَج) 2 شَهِ دو عالم / دَوای دردَم / سنه غلامم/یامولا مولا یا اباالحسن ٣ گوزوم اَلونده ای شَهِ ولایت گدایه سلطان، ایلییَر عنایت گوزل مزارون گویلومه دوشوبدی باشیمدا واردی حَسرَتِ زیارت (من عاشقانه سَسلَرَم سنی چاغیر دوباره قبریوه منی) 2 عزیزِ دوران / گَل اِیله مهمان/ او قبره قربان/ یا مولا مولا یا اباالحسن ٣ حَرَمده زائر باشلاسا نوایه سینیق دیلیله اَل آچار دعایه اَلی اورکده عرض ایدر رضاجان بو(بیکَسی) سن یوللا کربلایه (خیاله دوشدی ساقی حَرَم او خیردا قبری منده ایستَرَم) 2 به یادِ عبّاس / خدای اِحساس/او اَشجَعِ ناس / یا مولا مولا یا اباالحسن ٣ #امام_رضا_علیه_السلام #ثامن_الحجج التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

شهادت حضرت امام حسن مجتبی (ع) (سبک : زینبم جان اوستیم …) بو سودان سن ایچمه قارداش بو سو قسمتدور منه شمر دون خنجر دمنده ساخلیوبدور سو سنه ایچمیشم من بو سودان اَحشا و اکبادیم یانار سن منه باخما حسینیم اولما بی صبر و قرار ایستسن بیر سوئیله اولسون ایکی دل داغدار بیر مصیبت چوخدی زینب تک بلاکش بیر زنه بیر سو ایچدیم اود دوتوب اودلاندی جانیم مو بمو قویمادی قارداش بو سو قالسون سولاردا آبرو نه یوزیله جان وئرن وقته سنه باخسون بو سو اولماسون بیر بیله سو قارداش گوروم قسمت سنه سوزش قلبیم دوداقیمده ائدوب ایله بروز آشکارادور ئورکده واردی نه اندازه سوز سن بئله سو ایستمه اوچ گونلریله قال سوسوز تشنه لب جان بذل ایله دین خدای ذوالمنه گورموسن بیر سو سالوب نه زحمته قارداشیوی باخ منیم احوالیمه یان آغلا توک گوز یاشیوی شمردن سو ایستمه قوی کسسون عطشان باشیوی بیر سودان اوتری دل آچما زادۀ ذی الجوشنه بو همان ساعتدی که جدّیم او فخر کائنات ائتدی فرمایش اوزی مخدوم کلّ ممکنات سبز اولور اوغلوم حسن رنگ رُخی حین ممات دوندرر زهر جفا رنگ جمالین سو سنه گر چه بو حالیم سنه قارداش حسین نسگلدی چوخ لیک صبر ایله هله جسممده زخم تیر یوخ نیله سن ویرسا عدو تابوت ایچینده یتمیش اوخ اوندا سن قویما ابوالفضلیم ال آچسون دشمنه ظلمده بوللم ائله طغیان ایدر قوم دنی قویماز آخر دفن اولام جدّیم جوارینده منی دینمه صبر ائت حقّیمه وئرّم قسم قارداش سنی جسممی دفن ائتماقا قایتار بیر اوزگه مدفنه من حسین ئوللم دوتار بو آل هاشم یاسیمی قویما چوخ فریاده گلسون آغلاسون عباسیمی جان کیمی آغوشه چک عبداللهیله قاسیمی سن بولورسن هر ایکیسی مهجۀ دلدور منه گر چه من بیر دست بی دادین بو گون مسمومیم خانمانیمده اوزوم اوز اهلیمون مظلومیم بیر گونون واردور سنون من اول گونون مغمومیم وار یری آخسا بو حالیمده سرشگیم دامنه بیر نفر اولماز ئولنده سن گوزیوی باغلاسون شمر قویماز زینب مظلومه سینه داغلاسون باشون اوسته باش آچوب بیرجه دویونجا آغلاسون نعشون اطرافنده گلسون اهل بیتون شیونه سندن ال چکمز جفادن سانما ظلم اهلی دویار باشوی عطشان کسر حتی لباسونده سویار کهنه بیر پیراهن اوسته پیکرون عریان قویار من ، آنام ، جدّیم ، آتام یانّوق همان پیراهنه (( عاصیا )) دین الهینی همیشه دوت عزیز وئر هر اعمالونده حقّ و باطله دلدن تمیز تابع حقّ اول ولو دوغرانسا جسمون ریز ریز چنگ ویرما هئچ بیر ایشدن اوتری باطل دامنه ** مرحوم حسن عاصی تبریزی @Hazrate_Abalfazll #شهادت_امام_حسن_

شهادت امام حسن (ع)زبانحال حضرت زینب(س)به مادرش وگریزبه کربلا اولدی مونس منه عالمده بو گوز یاشیم آنا گَل بعقیدن نه مصیبتدی چکور باشیم آنا زهریلن صولدی ائوینده نئجه قارداشیم آنا پاره پاره جگری قانیله طشته سوزولور زینبین اللری قارداشدان آنا جان ئوزولور گئجه نین عالمی سسلندی باجی گَل ئولورم جگریم زهریله یاندی صولا ساقه دونورم طاقتیم یوخ اَرییوب شمع کیمین دای سونورم ئوز ائوینده ننه گول تک سارالوب صولدی حسن گئت خبر وئر دئدی قارداشلاریما ئولدی حسن یانارام عمر بویی زهریله جسمی اَسنه ئوز ائوینده ننه مظلوم اولان اوغلون حسنه لعنت اولسون بالووین تاب و توانین کسنه جان وئرن لحظه دونوب چوخ نگران باخدی منه سوزولن گوزلرینی حسرتیلن یومدی ننه ننه قارداشیم ئولوب غملر اگوبدی بئلیمی غم و غصّه بورویوب دورمی طایفا ائلیمی غملی بیر منظره قان ایلدی یانمش دیلیمی قبره تابوتی گئدن وقت بالووین گُول بدنین اوخلیوبلار ننه قانه بلیوبلر کفنین زینبین طالعیدی غصّه چکوب غم داراسین ایندیدن وردی فلک قلبیمه قارداش یاراسین دئمرم باشیمه سالدی ننه قارداش قاراسین قورخورام غم یغیشوب باشیمه بیردن توکوله گئده قارداشلاریم الدن ننه قدّیم بوکوله یاخامی غم تانویوب سینمه اوخ تک باتاجاق سرنوشتیم دولانوب کرب و بلایه چاتاجاق منی قارداشلاری ئولموش باجیلاره قاتاجاق منتظر اُول ننه یات قبریده تا دینجله سن قتلگاهه یخلان وقته بالون تئز گله سن دئمیرم من او زمان زینبیوین دادینه گل یا که زینب دو‌گولن وقتیده فریادینه گل او چوخور یئرده آنا اوغلووین امدادینه گل کسیله گر یارانین رگلرینین قانی چیخا باجی نیلر گوره قارداش سورونور جانی چیخا کئچوب ایلّر دولانوب اولدی او گون اهل عزا گلدی گوداله خانم فاطمه باشینده قرا ددی اوغلوم جانووا فاطمه نین جانی فدا بوغازوندان توکولن قان آنوین جانین آلوب بدنون قوملارین اوسته باشون اللره قالوب یاز (( سیامک )) دوتولوب تیره و تار اولدی هوا سان وئروب خیمه لره نیزده شاه شهدا خیمه لرده بالالاردان اوجالوب آه و نوا وقت غارتدی گَلن ، هر اوشاقا قمچی آچور آت دوشونده بالالار دشت و بیابانه قاچور ** سیامک پیرمحمدی سهزابی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰--- #شهادت_امام_حسن_

گینوبدی    قاره     زهرا      شه    انبیایه     آغلار گهی سسلنر حسن  وای  گه  امام  رضایه  آغلار بو   جهانیدن    یوموبدی گوزونی   رسول   اکرم دوتوب  انس  و  جنّ   عالم او  عزیز  حقه   ماتم بابا وای  دیینده   زهرا   اولار    آغلاشور   دمادم ائلیور   فغان   و   ناله    هامی   مصطفایه    آغلار توکور اشک   غصه  ییرگوی  او  رئیس  مرسلینه دوتوب عالمی  بوتون غم چون ئولوب شه  مدینه دیور  عالم   اهلی نوحه  وئریلور  بو  غمده  سینه اورگی   دولوبدی   زهرا    شه    ماسوایه    آغلار دئمه    اولمیوبدی    لرزان   بوتون عالم  و  فلکلر اولونوب     سماده    غوغا    گیینوب   قرا    ملکلر بو  محنده    بو  عزاده     دولانوب    قانا    اورکلر قیزی  فاطمه  دوتوب  یاس  اوزی  مقتدایه آغلار گه  اوغول  غمینده   زهرا  توکر اشک  غم عذاره بالا وای   دیر   بو غمده  غم  اودی  چکر  شراره جگرین    یارادی    اوغلوم   حسنه   ائدر  اشاره گهی   مصطفی  غمینده   گهی   مجتبایه     آغلار دییر  ای  حسن    عزیزیم   منه  ای  بهالی گوهر سنه ظلم  ائدوبدی جعده جگرین  یارادی یکسر توکولوبدی طشته گورّم داخی دوغرانوب  جگرلر بئله   غمده   شیعه  یکسر دیل آچوب نوایه آغلار حسن   ای  عزیز   داور حسن   ای  وفایه  مظهر گل    گلشن    پیمبر   حسن    ای    گل     معطر بالا   وای    دیینده    مادر    پوزولار  بو  آل حیدر هامی سس  چکوبدی  دیلدن  ائله دلربایه  آغلار بالاسی   رضا  غمینده   بو خانم   ائدردی  افغان بالا   وای   دیلینده  گویا   اولوب   عازم خراسان بالاسین گوروب  او  یرده  جگری یارا وئرورجان او   غریب   طوسی  اوخشار ائله  مه  لقایه  آغلار گورورم اوغول  سالوبدی سنی غم  دئدی فشاره داخی ظلم ائدوبدی مأمون  چاغیروبدی  بو دیاره سنه  وئردی  زهر  او ظالم  جگرین اولوبدی یاره بو  یره   گلوبدی   زهرا    سن   جانفدایه    آغلار گورورم اوغول  دوشوبسن اوزاقا  بوگون وطندن آنان   آیری   دوشمور   اما  غم و غصه و محندن گهی   مصطفی  غمیندن   گهی  محنت  حسندن گهی    بی کفن    یارالی    شه    کربلایه    آغلار نجه صبر    ائدر   آناسی بو حسین دوشنده  یاده گتوروبدی    خیمه گاهه    دیر    اوغلونی    عباده (( رضوی )) دییر  حسینون  قدی خم اولوب مناده بوکولنده    نعش    اکبر    او گونی  عبایه    آغلار ** محمدرضا بیگلی (رضوی زنجانی) #عزاداری_حضرت_زهرا_در_آخر_ماه_صفر_ @Hazrate_Abalfazll