غمون عليني ايلدي غم آشناسي فاطمه گَتوردي تنگه سينمي باشون بلاسي فاطمه بو رسميدور که اهل دل دل اهلينون سسين تانور دليمده سسلورم آدون دل ملائک اودلانور جواب وير بو بي کسه اورگيمون باشي يانور دانيش که تا اله گَله اورک رضاسي فاطمه   علينون حقّي وار اگر هي آغليوب ملول اولا فنا جهاندا قورخورام بو زندگيده طول اولا قالينجا کاش تيز اُلم مرام دل حصول اولا که يوخدي سنسيز عالمين منه وفاسي فاطمه   گونوزلر ايوده اگلشوب يانان قاپيني باغلارام يتيم اوشاقلاريم باخار ديزلريمي قوجاقلارام هامي ايوده گيدن زمان گَلوب بقيعده آغلارام بقيعده سنله دفن اولوب ايويم صفاسي فاطمه   دوشنده آغليان گوزوم قاپيمداکي مناظره سپاه غصّه غفلتاً مني ايدور محاصره اورکده نقش باغليوب او فاجعه او خاطره دوشور خياله دشمنين هامي جفاسي فاطمه   بجادي روز و شب منيم سرشکيم آخسا دامنه زمانه ايلدي سني نشانه تير دشمنه نه اولدي درديوه دوا نه قالدي محسنون منه اليم بليمده قالدي اي اليم عصاسي فاطمه   نيه دانشموسان داخي بو رازداره رازيوي علي اورکده ضبط ايدوب نواي جان گدازيوي اذان چاقيندا زينبون آچاندا جانمازيوي گوزيمي آغلادار اونون هر اوخشاماسي فاطمه   مني قوجاتدي اُلماقون، اورکده تاب قالمادي تعجّبم نيه اجل بو جاني مندن آلمادي باشون غمي آزالمادي يارالارون ساقالمادي شماره گَلمدي سنون باشون بلاسي فاطمه   دور اي حبيبه ي خدا منيله سينه داغلياق يانقلي آهيلر چکاق، عذاره اشکي باغلياق ويراق بو چولده سس سسه حسينه باهم آغلياق حسينيمون سولوب يوزي اُلوب آناسي فاطمه   قطا سماده واي دير چخاندا عرشه وايلاريم زمانه دن داريخميشام ايله دونوبدي آيلاريم سالور جهاني ارزيه نوالريم هرايلاريم نوالي نيلرين هاني بيله نواسي فاطمه   بو بس دگول که اهل کين اهانت ايتديلر سنه بو بس دگول توکولدولر در وليّ ذوالمنه گيچنده ايمدي کوچه دن سني ووران گولر منه دعا ايله اُلوم داخي دلون فداسي فاطمه   اي عشقباز ممتحن منيمده عشقه خو واريم کلاميم سيزه گوره يوزومده آبرو واريم بو درگهه يخلميشام اورکده آرزو واريم دوتوبدي پاک دامنون قاپون گداسي فاطمه #فاطمیه #کلامی با صدای کربلایی محمد سبحانی

یتیش امداده یا فضه قاپوم یاندی بالام ئولدی منیم حالیم پریشاندی دوت الیمدن علی جانی توکولور سینمون قانی یارالاندیم یارالاندیم یارالاندیم دؤزرم هر بلایه حق رضا اولسون گرک عاشق رضای هر قضا اولسون قوری جانیم فدای مرتضی اولسون دیرم یا علی مولا اودی تاج سر زهرا یارالاندیم یارالاندیم یارالاندیم آتام الدن گئدوب فضه عزادارم بولوسن فرقت طاهاده بیمارم ئوز ائویمده مریض بی پرستارم بو نه اوددی یانور فضه ئورگیم اودلانور فضه یارالاندیم یارالاندیم یارالاندیم نجه گور عالمه غوغا سالوب زهرا یارالی محسنون عطرین آلوب زهرا در و دیوار آراسیندا قالوب زهرا منی ضرب لگد یخدی جانی جیرانیمون چخدی یارالاندیم یارالاندیم یارالاندیم کیم علی خواه اولا دؤنمز حقیقتدن قاپوسی یانسادا قاچماز شهادتدن ئولر عشق اهلی ال چکمز ولایتدن که علیدور شه مردان اونا زهرا اولا قربان یارالاندیم یارالاندیم یارالاندیم حسنیم حالیمی بیلسه جگر داغلار قاپونون شعله سین گورسه حسین آغلار آناوای سسلنوب زینب عزا ساخلار دیر الله آنام ئولدی سینه سین میخ در بُولدی یارالاندیم یارالاندیم یارالاندیم نجه زهرا دؤزَر الله بو بحرانه توکولوب دیو و دد باب سلیمانه دم مسماریلن سینم باتوب قانه ئورگیم غصّه سی چوخدی یارامی باغلیان یوخدی یارالاندیم یارالاندیم یارالاندیم شاعر: ولی الله کلامی زنجانی #یتیش_امداده_یافضه #فاطمیه #کلامی فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---