[بسم رب الفاطمه] #فاطمیه #شعر_ترکی #مدح_روضه #حضرت_زهرا_سلام_الله_علیها ÷÷÷÷÷÷÷÷÷÷÷÷÷÷÷÷ هـربانـو ، بـوعالَـمـدَه کی زهـرا اُولابیـلمَـز قطــره نَقَـدَر سعی اِئـدَه ، دریـا اُولابیـلمَـز خالق نظـرینـدَه ، اوجـادور هـر آنـا شـأنـی امّــا ، هـــر آنــا ، اُمّ ابیــهـــا  اُولابیـلمَـز هــر قیـز ، نَقَــدَر ، رُتبـه سی والا اُولا امّا طاهـا قیزی تک رتبـه سی والا اُولابیـلمَـز زینب یاراشار دامن زهــرایــَه کی هر قیز دنیــادَه گَلـیـب زینــب کبــــرا  اُولابیـلمَـز گرچه آدیمیـز شیعـه دور امّا بیلیریک بیز زهـرا کیمی ، بیــر ، شیعهٔ مولا اُولابیـلمَـز نیسگیـلّی آنا چُوخـدی بو عالَمـدَه ، ولیـکن گۏل مثلی صُــولان فاطمـــه امّـا اُولابیـلمَـز ایثـــار ِائلَــدی بـال و پـریـن شمــعِ  ولایـَه پـروانه دَه هـچ بیـر بئـلَه شیـدا اُولابیـلمَـز معنــا اِئـلَدی عشـق اُودونا یانمـاقـی زهــرا عشّــاقْ ئورَگینــده بِئــلَـه معنــا اُولابیـلمَـز یاندیردی جوان داغی علی سینه سین اوّل داغـلار ییغیـلا ، بـو داغـا همتـا اُولابیـلمَـز بـو آتــش کینــه یتیـشیــب کـرب و بـلایـَه عالَمـده بو صحرا کیـمی صحرا  اُولابیـلمَـز طوفان بلا صبــر اِئوینــی ییـخدی ولیــکن زینب کیمی ، هر درده ، شکیبـا اُولابیـلمَـز زینــب نظــرینــدَه بـو بـلالَـر گـۏزَل اُولـدی هرکـس ، نظـری بیـر بِئـلَه زیبـا اولابیــلمـز محمل ده باشین یاردی حسین عشقینه خاطر زینب کیمی هِچ باشدا بو سودا اولا بیــلمـز تفسیــر و بیـان درسیـن آلوبـدور آناسیـنّـان هر عالمَـه نین خطبـه سی غَـــرّا اولا بیــلمـز عالَــم باشـینـاسـایَـه سالیــب پرچـم زهــرا هر سـایه  بلـــی ، سـایـهٔ طـوبـا اولابیــلمـز درگاهــی یانان فاطمه سَـسلیر گَلَـه مهــدی او گَلَسَــه ده ، گۏل قبـری هویـدا اولا بیــلمـز ÷÷÷÷÷÷÷÷÷÷÷÷÷÷÷÷ ✍رقیه سعیدی(کیمیا) ─┅═𑁍✿𑁍═┅─ https://eitaa.com/Maddahankhomein

به نام خدا #شعر_ترکی #مدح_میلاد #حضرت_رقیه_سلام_الله_علیها ┄┅═✼✵🌼✵✼═┅┄ جانَــه حسینـین قیــزی جانانَه دیر عشـق حسین ، شمعینه پروانَه دیر گــؤل یارانیــب گلشـــن پیغمبــرَه باغ بهشتَـــه گــؤلِ ریحــانَــه دیر گؤلْ قدمی عرشَه سالوب زمزمه شرم و حیا بحرینَه ، دُردانَه دیر عالَمَــه گَلمَــز بِئلَـــه باب المـــراد درگهی هر ، دردَه دواخــانَه دیر باب حوائج ، اَلـی مشکــل گشا سفره سی معنایِ کرمخانَه دیر خورداجا اَلدَن نَه کرامت یاغیر وارث دستــان کـریمــانَـه دیر اؤچ یاشی وار ، سینه سی دریا ولی علم و ادب درسینَــه فرزانَه دیر زینب و زهــرادَن آلیب دَرسینی عالِمـــهٔ مکـتــب ریحــــانَه دیر راحتی جانِ حسینــدور بوقیــز عمه سینَــه شمع حرمخانَه دیر کربوبلانیـن گؤزَل آهـو سیدی اشکِ تری گوهـــر یکــدانَه دیر گؤل یؤزؤنَه مادری زهرا کیمین رَدّی قالان ، سیلیِ خصمانَه دیر عمر کمیندَه ، غم دوران گؤرؤب سینَه سی سوزان ،دیلی غمخانَه دیر واردی اَیاقلاردا تیکان یارَه سی تورش اولونان خارمغیلانَه دیر مادرَه بَنــزَر  یارالــی پیکـــری یـاس کبـــودِ دل ویــرانَه دیر اِیلَه دیر آبــاد آدی ویرانــه نی همّتــی زهرا کیمی مردانَه دیر شهر دمشقیــن مَهِ تابانیــــدور گؤل حـرمی درگَه شـاهانَه دیر دردون اگر اولسا یاپوش دامنیــن چون آدی هردردَه ، شفاخانَه دیر ┄┅═✼✵🌼✵✼═┅┄ 📝رقیه سعیدی(کیمیا) ┄┅═✼✵🌼✵✼═┅┄ https://eitaa.com/Maddahankhomein

❃﷽❃ #شعر_ترکی #جمعه_های_دلتنگی #زمزمه_امام_زمان_عج ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ سَن گَلَن یوللارا قوربان گؤزلَریم یابن الحسن وار سَنــَه قلبیمدَه گیزلین سؤزلَریم یابن الحسن سَن گَلین جَک ، التماسیلَن ، رَوا دی روز و شب ساخلیام ذکر و دعادَه اَللریم یابن الحسن اودلانوب قلبیــم فراقوندا ، اَماندی هارداسان؟ گَل حضوریلَن ، بو ناری سـؤندَریم یابن الحسن گر بویور سُون جان فدای سَن کیمین جانانَه دی اِیلَرَم سَندَن اطاعت ، سروریم یابن الحسن اَکمیـشم باغ و چمندَه عطریلی نرگس لَری قُویما صُولسون گلسِتاندا ، گؤللریم یابن الحسن عطریوی هر جمعه لَر ، نرگس دَن اخذ اِیلَر مشام آغلارام سَـن سیـز ، آخار اشک تریم یابن الحسن بَنــزَرم دریای عشقوندا سینیخ بیــر زورَقَه سیندیروب مـوج فراقون لنگریم یابن الحسن جمکران حال و هواسی وار باشیمدا ، نِیلیوم کاش اولیدی اوچماقا بال و پریم یابن الحسن سوز و سازیلن ، قلم ، ثبت اِیلَدی غم سؤزلَرین دولماز امّا هر نَه یازسـام ، دفتریم یابن الحسن ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ✍رقیه سعیدی(کیمیا) https://eitaa.com/Maddahankhomein