مرحوم سعدی زمان ای خدا اوزون شاهد اول بونا اوخلانان علی اصغریمدی بو قانینی سنه تحفه یولّورام عرشیوه سنون زیوریمدی بو چکمیشم خزان دردی یِتمیشم عالم وفا نوبهارینه سو یرینه قان ویرمیشم بو گون گلستان دین لاله زارینه رسمیدور قزل گُل نثار ایدر عاشق اوز وفالی نگارینه گرچه بیر صولان غنچه دی ولی دسته ی گُل اَحمریمدی بو تا یازیلدی طومار ابتلا مطلعی من اولدوم او دفترین یازدیلار متمّم او دفتره آدینی ابوالفضل و اکبرین ایله فدیه لر ویرمیشم بو گون گورمیوب فلک مثل و مظهرین دفتر شهادتده حشریده شاهکار و سر دفتریمدی بو مقصد اَلستیم گَلوب اَله بو حسین الهی بو کربلا بو قُماط اصغر او حرمله بو بوغازداکی ناوک جفا ویرمیشم بو گون کوی عشقیده شوق اوزیله یِتمیش نفر فدا تک به تک اولار اصغر اولسالار شاهد اول اوزون اکبریمدی بو ایلدی بنی هاشمین آیی خاک و خون ایچینده بو گون خسوف آسمان عمریمده اکبریم آفتابیدی ایلدی کسوف ظلم اَلیله اوخلاندی اصغریم باشی نیزیه گیچسه یا رئوف باشینی گورن نیزه ده بُلر آی یانینجا بیر اختریمدی بو سوگُلون حسینم کمکسیزم، حالیمی ایدن کیمسه یوخ سراغ اولموری رضا اهل کوفه من غصه دن تاپام بیر نفس فراغ اکبرین هله داغی گیتمیوب چکدیلر او داغ اوسته تازه داغ وار یری دلیم اود دوتوب یانا پاره ی دل مضطریمدی بو یالقوزام غریبم اوغولسوزام دشمنیم منیم چوخدور ای خدا بو دیار غربتده بر نفر دادیمه یتن یوخدور ای خدا سسلینده هَل مِن مُعین منه سس ویرن قلج اوخدور ای خدا قیزلاریم سو ایستور خجالتم رفع خجلته رهبریمدی بو یوخ آلان اَلیمدن جنازه سین سوزِ غم ایدوب قلبیمی کباب اوغلوم اکبرین گَلموری سسی هر چه ایلورم نعشینه خطاب قارداشیم ابوالفضلی سسلورم نیزه و قلجلار ویرور جواب گیزله دَم گرک زیر خاکیده پر بها دُر و گوهریمدی بو بو جماعت شام و کوفه نین وصفه گَلمین دور شقاوتی وار بو غنچه ی نو شکفته نون برگِ گُلدن آرتوق لطافتی سود اَمَر اوشاق نازنین بدن سُمِّ مرکبیله نه نسبتی؟ ایستورم وجودی تاپولماسون دلده مقصد مُضمریمدی بو ای حبیب من اوخلانوب بالام منتهای مقصوده چاتمیشام باغریما باسوب قانلی قونداقین سر به سر اوزوم قانه باتمیشام اصغریم ایله حالیمی پوزوب اکبریمی یاددان چخاتمیشام بُلمورم آخور قانی قلبیمون یا که اشگ چشم تریمدی بو بیر نفر کمک سیز غریبیده نه قَدَر اولور ای خدا دوزوم؟ هر یانا بو چولده بو گون باخور دوغرانان جنازه گورور گوزوم عرصه گهده دورسام قوشون گُلر خیمیه گیدوم گَلموری یوزوم دوشموری دلیمدن علی آدی بسکه دلده چوخ از بریمدی بو قان دوتوب بوغازین باتوب سسی آغلامور داخی ایلیوبدی خواب عُذریله آناسیندان آلموشام وعده ویرمیشم اصغرینه آب نه یوزیله من خیمیه گیدوم خیمه نین قاپوسین کَسوب رباب حقّی وار گوروب قونداقین دیسه بوش قفسدی یا اصغریمدی بو؟ سس یِتیشدی دربار قدسیدن آغلاما حسین، صبر ایله دایان وار بهشتیده دایه سی بونون گوزلوری بالان فاطمه آنان تحفه یولّادون قانین اصغرین درگهیمده قیمتلی دور بو قان باشلاناندا دیوان معدلت لطف و قهریمه مصدریمدی بو باخما اصغره یانما آغلاما، کائناتی یاندورما یا حسین سود اَمَر بالان باغریوا باسوب چوللری دولاندورما یا حسین چرخ اطلسین دامنین بیله قانیله بویاندورما یا حسین چرخیده شفق تک قالار بو قان زینت خورِ اَنوریمدی بو سن منیم یولومدا بو سود اَمَر طفلی ایلدون تشنه لب فدا تا که جدّیوین امّتی اولا نار قهریدن حشریده جدا منده بو بالایه بغیشلرم ایتسه لر حسینی لرون خطا شامل ایلرم لطفیمی دیسه هر او کس منه- سروریمدی بو اولمیوبدی اولماز سنون کیمی بیر نفر وفاسین نشان ویره سو یرینه سو اولمیان زمان نخل دین اسلامه قان ویره ساخلاما اَل اوسته چکیده ی جانیوی یره قوی که جان ویره ایچمیوبدی ایچمز فراتیدن، تشنه ی یَمِ کوثریمدی بو ایچمه میشدی سو تشنه کامیدی، غنچه تک سارالمشدی صورتی قانیله بویاندورموسان یوزین قرمزی گُله وار شباهتی منتظردی زهرا گوزَتلوری بو گُلِ ریاض ولایتی پیشوازینه مرتضی چخوب میهمان پیغمبریمدی بو دوتما گوگلره قانلی صورتون، قان یاشیله دولدورما گوزلرون بارگاهیمه سالما ولوله، قوزاما گویه قانلی اَللرون محضریمده اثبات عهدیوه اکبروندن آرتوقدی اصغرون بو مناده اکبر فدادی بو، چوخ دیمه داخی اصغریمدی بو ای حبیب خلّاق لا مَکان، وی شهنشه انبیا غلام من حسینیم سعدی زمان درگهونده مستخدمم مُدام یازسان آدیمی کلبِ آستان کائناته فخر ایلرم تمام تاج و تختیله ایتمرم عوض سن دیسن اگر نوکریمدی بو

#ترکی #امام_حسین #سبک_من_ایرانم_وتوعراقی سنه یا حسین ،سوزوموز وار سوزوموز وار سوزوموز وار او ششگوشه ده گوزوموز وار گوزوموز وار گوزوموز وار باشدا وار شوقِ ،طوافِ نِینوا دردِ عشقه گَل ،کَرَمله قیل دوا بیرده یاز مولا،پیاده کربلا عزیزِ زهرا قلبیمیز دوتدی ، سُراغیوی حسین باشه ویر آخر ، فَراقیوی حسین گویلوم ایستیری ، رَواقیوی حسین عزیزِ زهرا عشقیوین دیلدن ، اَسیرییَم حسین بَزم‌ِ عشقیوین ،حَقیرییَم حسین بابِ اِحسانین ،فَقیرییَم حسین گدایه بیر باخ هر کیم اوز عشقین ،سنه نشان ویرر قلبینه عشقون، ایله توان ویرر هر ئولی جسمه ، دوباره جان ویرر گدایه بیر باخ گول آدون قلبه ،صفا ویرر حسین جانه عشقوندی ،جَلا ویرر حسین هر نه درد اولسا ،شِفا ویرر حسین یارالی ارباب عزّتِ عالَم ، بو آسِتانه ده نوکر اولدوم من ،سنه زمانه ده عمرومون دادی (مَزه) ، بو بیر ترانه ده یارالی ارباب من آقا سَنسیز ،جهاندا (بیکَسم) بَسدی کی آدون ،ئولونجه سَسله سَم وای اگر قبرون ،دوباره گورمه سَم دوزَنمرم من یولداکی موکبون ،دوشوبدی یادیمه روضه ی هر شبون، دوشوبدی یادیمه او سوسوز لَبلرون ،دوشوبدی یادیمه دوزَنمرم من #جلالت #امام_حسین_علیه_السلام التماس دعای فرج الاحقر مهدی عبادی .

درد دل با امام زمان عج😭 سبک یخیلوب عباسیم نهر فرات اوسته🌱🌱 @ ترکی🍃 شعر از مداح پیرزاده@🍃 یا امام زمان حالیمیز یاماندی دنیامیز تالاندی زهرا بالاسی گل آقا شیعه نون هجرانه یوخ طاقت اورکلرده محنت صبریمیز جالاندی ۲ اباصالح مولا هایانداسان گل هایانداسان گل ۲ بند دوم🍃 گوز لروک یولوی بلکه سنی گورک دینجله بو اورک طاقتمیز یوخ بس هایاندا قالدون بو جمعه ده کچدی سنسیز دنیا هیچدی گل تز آماندی🍃 اباصالح مولا هایانداسان هایاندا سان گل ۲ بند سوم🍃 سنی اندی ویروخ آنون زهرا جانی علی اکبر قآنی تز گل آماندی بودنیا سنسیز بیر زنداندی بیزلره چتیندی اللره آه و فغاندی ابا صالح مولا هایانداسان گل هایانداسان گل ۲ بند چهارم 🍃 آقا رحم ایله بو حال پریشانه شیعیه ی نالانه. یوبانما تزگل دونوب قانه گوز یاش گوزلر دولی قان یاش چک شیعیه بیر باش دایانما تز گل اباصالح مولا هایانداسان گل هایانداسان تز گل ۲🍃 بندپنجم🍃 ننه سی زهرانون تقاصینی آلان دشمنین جانینا ولوله سالان محبت اقاجین اورکلرده اکن بیزیم مشگلده دادیمیزه چاتان اباصالح مولا هایانداسان گل هایاندا سان گل ۲🌿

اوخشامالار (آنا فراقینده) قرآن سؤزی یالان اولماز بو دنیادا قالان اولماز بیرده ائویوه گئدنده بیزی یولا سالان اولماز من بالاوام اویانموسان من یانیرام سن یانمیسان نقدری سسلورم سنی اویادیرام اویانمیسان دردون دئنن بیلیم ننه دانیش شیرین دیلیم ننه هایاندا قالدون آی ننه یرون دئنن گلیم ننه زحمتیمی چکن ننه گؤز یاشینی تؤکن ننه بالالارون آغلار قالوب ائویندن ال چکن ننه با نوای: فرزاد عالی #آنا_فراقینده

او گون کی عشقین آدین اورگشوب خطاب الدیم ئوزومی دهریده عشاقیدن حساب الدیم تمام عشق لری بیر به بیر مرور ائتدیم حسینون عشقینی عالمده انتخاب الدیم -------------------- توتوب بو قلبی شور و شین آنام منه دیوب فقط دئیم حسین به عشق بین الحرمین آنام منه دیوب فقط دئیم حسین آقام حسین آقام حسین آقام آقام شهید کربلا حسین -------------------- مست صفای کوثرم آقام حسیندی من او شاهه نوکرم آدین جهانه وئرمرم آقام حسیندی من او شاهه نوکرم آقام حسین آقام حسین آقام آقام شهید کربلا حسین #او_گون_کی_عشقین_آدین #حسین_نادرعلی

حاج محمدباقر تمدن روضه حضرت رقیه(س) (زینب دییر رقییمی آخشاما کیمی نقدر وردولار دینمدی اما اله کی گجه گتدی یوزون قویدی اویارالی سینیه دیدی بابا دویولموشم بابا سویولموشام بابا ) بابا من شمری قویموشام یوخودا دوشموشم یولا قوخدوم گله دالمجا باخردم ساغا صولا بارماقلاریم توخاندی مغیلانداکی کولا دوردوم یخلدم ئولمه میشم زنده گلمیشم فکر ایلدیم گیدیم گجه نین عالمی هارا؟ گزدیم دولاندم تاپدم عجب باغ باصفا ای باغبان یاتوبسان اولوب گلرین فنا بیر بلبلم گلم دیله گلشنده گلمیشم (گونوز نقدری ورسالار دا قیز اوشاقی دینمز گوزلر گجه آتا گله ایوه ) اوت ویردولار گونوز ایویمیز یاندی آی بابا اوت دوتدی دامنیم چوله قاچدیم یانا یانا سوندوردی بیر عرب اوتی ایتدیم اونی دعا گورستمگه یانان یری دامنده گلمیشم

🏴شهادت حضرت علی اکبر (ع) زبانحال امام با برادر 🎤#بانوای_حاج_علی_سیفی_افشار ۱۴۰۳/۱/۳۰ ✍مرحوم معزی اردبیلی . بدنیمدن آیریلوبدور اورگیم پاراسی قارداش سالوب اکبری ایاقدان باشینون یاراسی قارداش . . منیم اوستومه سحردن غم و غصّه تیری یاغدی دولی یاغسا باخماز اصلاً بو چمندی گلدیب اغدی بالاسی جوان ئولنده آتیا اورکده داغدی قوجا وقتی دوشدی الدن الیمون عصاسی قارداش . . غم الیندیم مناده آتام اوغلی بیقرارم باشین آلمیشام دیز اوسته گُله خاطر اشکبارم آناسی دیور چادردا گَله اکبر انتظارم گوزونی یولا تیکوبدور مَلیور آناسی ، قارداش . . کمک ایتسون آل هاشم بالاسی ئولن امامه گلیمی بوکوم عبایه اولار حمل ایده خیامه دیوون آل مصطفانون گونوزی دونوبدی شامه گوره لر گوزل فدانی قورولا عزاسی قارداش . . دانیش حظّ ایدوم ابوالفضل گنه ده شیرین سوزوندن من اوزوم سیلیم بو ساعت گوزوون یاشین یوزوندن داریخوبدی داغلی قلبیم گل اوپوم گوزل گوزوندن ئولوب اکبریم آزالمیش گوزومون ضیاسی قارداش . . بو فلک نچه دقیقه ستمین ایده تلسمز گوزومون آلندی نوری ولی دیزلر ایندی اسمز نقدربوچولده ساغسان باشیمی او شمر کسمز سنی ئولدورر عدولر گورونر جفاسی قارداش . . یخلوب عقابون اوستن یره بو جوان شهلا یارادان آخوبدی قانی دوتولوبدی چشم شهلا باشی اوسته باش آچوبدی اورگی یارالی زهرا پوزوب اهل ما سوانی بالا وای صداسی قارداش . . نجه گور تیکانلار ایتمیش گل احمریمی پاره یاراسی بدنده گلمز گوزل اوغلمون شماره باخورام یوزونده قانه اورگیم چکور شراره بالامون مناده قانه بویانوب لباسی قارداش ✨اَللّهُمَّ عَجِّل لِوَلیِّکَ الفَرَج✨

{{{ بابَ الحَوائِج }}} دردِ اولاده معالجدی آتا برترین سکهء رایجدی آتا بیردعاسی نئچه مین مشکل آچار مطمئن باب الحوائجدی آتا ☆☆¤¤☆☆ نقطهء عطف معارجدی آنا همّ و غمّ عالمی فارجدی آنا سینه سی سینهء سینادن اوجا آیری بیر باب الحوائجدی آنا جمعه ۳۱ فروردین ماه۱۴۰۳ ملک پور تبریز