روضه قتلگاه ایوای باشی دالدان کسیلن قارداشم ایوای ایوای یوزی اوسته یخلان قارداشیم ایوای ایوای بالاسی اوخلانان عطشان قوجاقندا ایوای قالان عریان بدنی گون قاباقندا ایوای داغلان پیکری آتلار ایاقندا (آتلارون نعلین عوض اله دیلر دیدی حسین دوزدی ننم ام المصائب آدلانوب اما منیم مصیبتیم اولاردان باش گلدی کربلاده) اگر باشی ننمین کوچه ده بلالره دوشدی یوزونه سیلی دیوب گوشواره سی یره دوشدی ننمین هاردا گوزی شمر الینده خنجره دوشدی؟ گر جوان ئولدی ننم مقتل بلاسین گورمدی بیز باجی قارداشین هجران ماجراسین گورمدی زینبون شامین حسینون کربلاسین گورمدی یاخجی کی زهرا سینونده اوخ یاراسین گورمدی آهسته الین سالدی یردن اوجالاندردی تا آرخاسی اوسته اول نعشی دولاندردی بیردن دیدی وای قارداش عالملری یاندردی بواوخ ورانون الری دوشسون بیلگینن بواوخ باجوون کاش دییدی اورگینن هانسی اورگین قانی چخبدور کورگینن

کوچ از قتلگاه شاعر ؟؟ کچن گئجه ننمین اوغلی سینه داغلامیشام یانان چادیردا رباب آغلییپ من آغلامیشام باشیوی گورسم اگر نیزه ده دانیشدیررام الیوی تاپسام اگر سینمه یاپیشدیررام ﮐﺎﺭﻭﺍﻥ ﮔﯿﺪﻭﺭ ﺷﺎﻣﻪ ﻗﺘﻠﮕﻬﻪ ﻣﺴﯿﺮﯾﻨﺪﻥ ﻗﺎﻟﻤﯿﻮﺏ ﻧﺸﺎﻥ ﺣﺘّﯽ ﺧﯿﻤﻪ‌ﻟﺮ ﺣصیرﯾﻨﺪﻥ ﺭﻭﺯﮔﺎﺭ ﺁﻟﻮﺏ ﻃﺎﻗﺖ ﺁﯾﺮﯾﻠﯿﻖ ﺍﺳﯿﺮﯾﻨﺪﻥ ﻗﺎﻥ ﺁﺧﻮﺏ ﯾﺎﺗﻮﺏ ﺟﺎﻧﺎﻥ ﺍﯾﺴﺘﯽ ﻗﻮﻣﻼ‌ﺭ ﺍﻭﺳﺘﻮﻧﺪﻩ ﺍﻭﻝ ﺟﻨﺎﺯﻩ‌ﻧﯽ ﺯﯾﻨﺐ ﻗﺒﻠﯿﻪ ﺩﻭﻻ‌ﻧﺪﯾﺮﺩﯼ ﺍﯾﻠﺪ‌ﯼ ﮔﻮﻧﻪ ﺷﮑﻮﻩ ﺳﯿﺮﯾﺪﻥ ﺩﺍﯾﺎﻧﺪﯾﺮﺩﯼ ﭼﻮﺥ ﺣﺮﺍﺭﺗﯿﻦ ﺳﺎﻟﻤﺎ ﮔﻮﻥ ﺑﻮ ﺟﺴﻤﯽ ﯾﺎﻧﺪﯾﺮﺩﯼ ﯾﺎﻧﺪﯼ ﺑﻮ ﺳﻮﺳﻮﺯ ﻣﻬﻤﺎﻥ ﺍﯾﺴﺘﯽ ﻗﻮﻣﻼ‌ﺭ ﺍﻭﺳﺘﻮﻧﺪﻩ سوزی دیینده دوشر لرزیه دلیم دوداقیم اسور خزان زده گلبرگ تک الیم ایاقیم آلور فراتیدن عباسیمین سسین قولاقیم اورکده سوز دوشور اول صف شکندن آی قارداش

#روضه_قتلگاه حسین داغلمسان یره گویا سنخ بیر آینه سن شکسته آینیه وار شباهتون یارالی یغم جنازوی یردن ویا بالالاری چولدن بو باره دن منه اولسون حمایتون یارالی اورکده زینبیون دردی گرچه چوخ چوخدی بو قدر دردیله بیر تسلیت ویرن یوخدی منیم ایویمی یخان قلبیوه دین اوخدی خبرون واردی دوشوبدی نجه بیر درده رباب؟ گچن گئجه آنام اوغلی سینه داغلامشام یانان چادردا رباب آغلیوب من آغلامشام خبرون واردی دوشوبدی نجه بیر درده رباب؟ ئوز ئوزوله دانشور اصغر ئولنن

ای آسمان غمون باتان هلالی حسین گیدور باجون سفره اورک یارالی حسین بی غسل وکفنیم  وای صدپاره بدنیم وای الرده ئولنیم وای     حسیــــــــــــنیم وای نجه چمنده گله هزاره نون سوزی وار کسیلمیش الده حسین رقیه نون گوزی وار آیرلدی بوداقوندان    پیشواز ایت قوناقونان قوی اوپسون ایاقونان     حسینیم وای نهال معرفتی بوچولده من اکرم ربابیلن اوتوروب سینوندن اوخ چکرم بودرده حرم آغلار     نهراوسته علم آغلار قولاری قلم آغلار       حسینیم وای من بورا گلمیشیدیم عزتیلن یاوریلن ایندی اما گیدیرم شمر جفا پروریلن باجیوی ایله دعا اوکسیلن الریلن

کوچ از قتلگاه سبک یارالی جان یارالی ای منی درده سالان زینبووی دور یولا سال نعشی میداندا قالان زینبووی دور یولا سال یارالی جان یارالی....جان سنه قربان یارالی هم اورکدن یارالی...همده بیلکدن یارالی بو نه عالمدی حسین...سن یارالی من یارالی 🖤 جبریلاً گور نئجه دوغروبلا حسین گول بدنون غارته هانسی ستمگر آپاروب پیرهنون باشووی هانسی شقی کسدی یوزون اوسته سنون الی باشینده قالان زینبووی دور یولا سال گودیِ قتلگهه خسته دوشوبسن یارالی سالدیلار گور نئجه قارداش  سنی مندن آرالی قوملار اوستی اولا بستر یا تا زهرا مارالی ای گورن داغ جوان زینبووی دور یولا سال اول قدر یاره ویروبلار یارالی گول بدنه نه اولوب دفنوه امکان یارالی نه کفنه نقدر عمر ایلسم آغلیارام بو محنه نعشی میداندا قالان زینبووی  دور یولا سال وئرجاق کوفه لیلر جدیمه نه نوعی جواب نعشیوه باخدوقوجان قلبیم حسین اولدی کباب آلتی آیلیق بالاسین ایندی گزیر غملی رباب گل قوجاقیمده دولان زینبووی دور یولا سال فرصتی وئردی فلک گور نئجه بیگانه لره شعمی سوندوردوله نوبت چاتا پروانه لره حایل اولام من ئوزوم فاطمه دردانه لره قارداش اولما نگران زینبووی دورر یولا سال دوشموسن قوملارین اوستونده سن ای میر امم علقمین اوسته یاتوبدی یارالی صاحب علم آغلیور قارداشیمین غملرینه غملی ننم دئیور عباس جوان زینبووی دور یولا سال من گلنده بو چوله گلمیشیدیم لشگریلن قاسم و اکبر عباس کیمی افسریلن همرهم ایندی ولی دشمن کین پروریلن سن بوغمدن قوجالان زینبووی دور یولا سال بو غم وغصه الینن دئمورم دینجلرم گئدورم شامه حسین اما دوباره گلرم اوندا قارداش گوزومون یاشینی راحت اللرم دئیرم روح و روان زینبووی دور یولا سال یات بو یئرده یارالی ای شرف آل عبا زینبوون چوللره دوشسون قوی حسین دلده نوا نوکروندی بو ثمودی هوسی کرب وبلا کربلا ذکری اولان زینبووی دور یولا سال

🐪 ای ساربان( ترکی )🐪 ای ساربان گَل بیردایان من کارواننان قالمیشام بیرخستیم،یول اوستیم،جسمیله جاننان قالمیشام اِقبالیمی سن پیلوسن هِی بو قطاری هِیلوسن رحم ایله باری بیر دایان من خانماننان قالمیشام بو قافلونده وارکسیم،چاتسا اونا یورقون سسیم منده قوشولام اِئلره ، اول مهرباننان قالمیشام داغلار بویی واردورغمیم، یاهِی لَر اولدی همدمیم ایندی یوواسیز بیر قوشام هر آشیاننان قالمیشام یازسا قلم بوسوزلری آغلار گورنلَر گوزلری گَلمور سسیم دردیم دیم آخر بیاننان قالمیشام گَلم قطارین زَنگینه ، کونلوم یانار آهنگینه بیلمم نجه آیریلمیشام اِئللرده ساننان قالمیشام دنیادی بیر غُربتسرا ، (نادر) اونا وِئرمه بها  ساتدون جَنانی بوغدیا باخ گور هایاننان قالمیشام 🌴🌴🌴🌴🌴🌴🌴🌴 #ای_ساربان_گل_بیر_دایان #راه_شام

#داش_نه_لازمدی #کوفه #منصوری 👆👆

کوفه زبانحال حضرت زینب سلام الله علیها حاج ولی الله کلامی زنجانی ای باشی سرنیزده معراج ایدن کچن گجه خولیه مهمان گیدن سن اوخی قرآن حسین منده دیوم جان حسین آی یری مظلوم آنامین سینه سی معرفتین سینه سی گنجینه سی توزلودی قارداش یوزون آئینه سی ویر سیلیم الان حسین حالی پریشان حسین اُفّ اولا بو کوفه نون اشرارینه ویردیلار اوت فاطمه گلزارینه گوللر اولوب توش ستم خوارینه ای گل رضوان حسین زیب گلستان حسین ای یوزینون جلوه سی نور آیه سی نه فلکی پرچمی پیرایه سی وار باشیم اوسته باشیوون سایه سی سن اوخی قرآن حسین منده دیوم جان حسین اللری ای کاش اولا شل دشمنین خواریله دولدوردولا گول دامنین یوسفیمین سویدولا پیراهنین پیکری عریان حسین سینه سی شان شان حسین #ای_باشی_سر_نیزه-ده_معراج_ائدن #کوفه

#ای_باشی_سر_نیزه-ده_معراج_ائدن #کوفه #منصوری 👆👆

کریمی مراغه ای . قرآن اوخی سن ناطق قرآنسان حسینیم بیلسون هامی قرآنیوه قربانسان حسینیم . . آرامیمی آلدی ستمی اهل نفاقون اما بو کچن شب منه صعب اولدی فراقون چوخ باشیوه مشتاقیدیم افسوس سراقون دوتدوم دئدیلر خولیه مهمانسان حسینیم . . گه نیزه ده قرآن اوخوسان سوره به سوره گه دوندریسن مطبخی موسی کیمی طوره گاهی قویوسان گول یوزیوی کنج تنوره گه نوک جداده مه تابانسان حسینیم . . قول باغلی چکوللر منی هر شهر ودیاره هر یرده ووروللار یارالی قلبیمه یاره چارم کسیلوب ایله حسین دردیمه چاره بیچاره لرین دردینه درمانسان حسینیم . . الله ئوزی رسوا ایلسون ابن زیادی اولاد رسوله قویوری خارجی آدی باشون قاباقیجا چکوری جار منادی قرآن اوخی بُلسونله مسلمانسان حسینیم . . گر وئرسه له باشون ئوپرم بیرده یوزوندن سیللم او تنورین کولونی قانلی گوزوندن خولی ایلین ظلمی خبر آللام اوزوندن احساس ائدرم حالی پریشانسان حسینیم . . قولدا دئمورم وار باجوین بند طنابی یا شمر ووران قمچی لرین چوخدور عزابی اما دئمورم زینبوین یوخدی نقابی سن پیکرۀ غیرت یزدانسان حسینیم . . من شاه ولایت قزیام دخت رسولم عصمتده نمایندۀ زهرای بتولم بو کشف حجابیمدن حسین جانی ملولم من ناقه ده سن نیزه ده عریانسان حسینیم . . تأکید ایلیوب عورته قانون شریعت دوتسون یوزون اغیاریدن ای معدن غیرت سعد اوغلی بو قانونه آچوب دست خیانت فکر ائتمدی سن مظهر ایمانسان حسینیم . . قاطیدی اورک قانی گوزیمده یاشا قارداش باخدوقجا سنون تک یارالی قارداشا قارداش دشمن بوگوزل باشی باسوللار داشا قارداش گورمولَّه مگر قانیله الوانسان حسینیم . . ای کاش آنام فاطمه گلسون بو دیاره ائتسون اوزی اوز بسلدیگی باشه نظاره بیر باشه روادور وورالار بیر بیله یاره گلشنده سولان گول کیمی خندانسان حسینیم . . هیهات گورم مثلیوی قارداشلار ایچینده خلق ایچره اوجاتدون باشیمی باشلار ایچینده نعشون اوچوخور یرده قالوب داشلار ایچینده باشونله منه بوردا نگهبانسان حسینیم . . ای کاش اولیدی الی بو داش آتانون شل داشیله چکوب عارضیوه قرمزی جدول قانیله قویوبسان باشووا تاج مجلل دشمن تانیسون شاه شهیدانسان حسینیم . . باخ گور نجه بیرحالی پریشاندی رقیّم زجر و ستم زجریدن اودلاندی رقیّم هم خسته دی هم آجدی هم عطشاندی رقیّم آل گوگلینی غمخوار یتیمانسان حسینیم . . قارداش بو همان شهریدی زینب سنه قربان هر عورتین حالین سوروشیدیم من نالان بیر عم اولاردی منه فخریله ثنا خوان ایمدی منیم احوالیمه گریانسان حسینیم . . باخدوقجا بو اوضاعه اؤرکدن یانورام من عزتله کچن گونلریمه اودلانورام من بو کول سپن عورتلری بیر بیر تانورام من من شه قزی سن عالمه سلطانسان حسینیم . . عاصیدی «کریمی» الی بوشدور یوزی قاره ایسته گله بیر وقفه او ششگوشه مزاره بلکه گله قبروندن آلا دردینه چاره محشر گونی سن شافع عصیانسان حسینیم . . #کوفه #کریمی_مراغه_ای #قرآن_اوخی_سن_ناطق_قرآنسان_حسینیم .