در مقامات حضرت صدیقه ی طاهره سلام ا... علیها (مِس وجودی قیل طلا ابوالفضل) @Navayebikas 🟩🟧🟩🟧 @Navayebikas شکسته قلبه گول آدون دوادی خانیم وجودون عالَمه صفادی گَدا قاپوندان دَستخالی گیتمز چون آسِتانون درگَهِ عطادی بیر عُمرودور من ، نوکَرم سیزه غمیم اولاندا ، سویلَرَم سیزه آدون فداسی/اورک جَلاسی/ حسین آناسی/ یا زهرا صفایِ جَنّت/خُدادن آیَت/ دلیلِ خِلقت/ یا زهرا زهرا ، خِیرَةً النّساسَن زهرا ، دردیمه دواسن دییَنده زهرا ، دیل تاپور صفا گوزل آدیوا ، شیعه لر فدا @Navayebikas 🟩🟧🟩🟧 @Navayebikas یارالدیب ا... نوریدن جَمالون قَلم قالیبدی ، شَرح ایده خِصالون نِچه یوز ایلدی ، حُسنووی یازیللار یازیلمییبدی ذَرّه جه جَلالون جهانی لطفون ، دوتدی سایه سی سنه گلیبدی ، کوثر آیه سی گُلِ پِیَمبر/ عزیزِ حیدر/ گول اوزلی دلبر/ یا زهرا بهشته زیوَر/ حقیقی کوثر/ جَمالی اَنوَر / یا زهرا زهرا ، خِیرَةً النّساسَن زهرا ، دردیمه دواسن دییَنده زهرا ، دیل تاپور صفا گوزل آدیوا ، شیعه لر فدا @Navayebikas 🟩🟧🟩🟧 @Navayebikas ولایت اَهلی سَندن اَل گوتورمَز سنی سِوَنلَر دوز یولی ایتیرمز اوزون نَه بَلکه فضّه باخسا بَسدی دیمه کَنیزون مَقصده یِتیرمَز اشاره اِیْله ، فضّییه باخا مِسِ وجودی ، ایلیه طلا شَمیمِ رَحمت/ گُلِ رسالت/ بیزه عنایت/ یا زهرا باشیمدا تاجیم / منیم سِراجیم/ وار احتیاجیم / یا زهرا زهرا ، خِیرَةً النّساسَن زهرا ، دردیمه دواسن دییَنده زهرا ، دیل تاپور صفا گوزل آدیوا ، شیعه لر فدا @Navayebikas 🟩🟧🟩🟧 @Navayebikas اولاندا بَرپا عرصَه گاهِ محشر قیامت اهلی راهِ چاره گوزلَر گوره للّه طاها سَسلیور بالاسین شفاعت ایتسون تا بَتولِ اَطهَر اورکده واردی ، چوخ سوزوم خانیم شفاعَتونده ، وار گوزوم خانیم اَلونده رامَم / قَرادی نامَم / سنه غُلامَم /یا زهرا عنایت اِیْله / کرامت اِیْله / شفاعت اِیْله / یا زهرا زهرا ، خِیرَةً النّساسَن زهرا ، دردیمه دواسن دییَنده زهرا ، دیل تاپور صفا گوزل آدیوا ، شیعه لر فدا @Navayebikas 🟩🟧🟩🟧 @Navayebikas #شکسته_قلبه_گول_آدون_دوادی #حضرت_زهرا_س #عرض_ارادت_به_حضرت_زهرا_س #واحد #تک #روز_مادر #فاطمیه التماس دعای فرج الاحقر مهدی عبادی http://eitaa.com/Navayebikas https://t.me/Navaye_bikas