#فطربایرامی‌اُوروجلولاراموبارک #فطربایرامی گلمیش گئنه رحمت یازی ، یاز ایچینده #اُروج‌آیی گچمیش ولی بو بایرام مینگ، راز ایچینده طریقتینگ یولچولاری دین اهلی نینگ یادیگاری یئردن گویه اگر باخانگ یوللاری اعجاز ایچینده تا کی ، گوزو آچدیم، گوردوم ائلکه میزدن ،یاریم گئدمیش بو قوناقلیق باشا گلمیش یانیمدان نگاریم گئدمیش بو گوی باغینگ، گوللارینان تاززا تانیش اولموشدوم گوللاری ایس، چکیردیم کی بیرگوردوم گولزاریم گئدمیش گلدیم اکدیم قرآن بذری آج اُورگیمینگ چولونه بیچمگ چاغی گلدیم بیچم گوردیم ناز بهاریم گئدمیش دعا تیری ، سحر چاغی شیرین جانا کار اِئدیردی کیمه دئیم اُوز دردیمی خبر سیز شکاریم گئدمیش بویالی تاری سفراسی دویمامیش چوخ ، تئز ایغیلدی دردی اوره گه اُوتورموش نه ایچی سفرا داریم گئدمیش نگاریم هر سحر چاغی گورمه گیمه سویوزودو آخ که اولان منیم گونده او چشم انتظاریم گئدمیش بو یاز گلمیش ، اُو یاز گئدمیش بو راز گلمیش اُو راز گئدمیش حیف اُولدو کی گول دیرمه دیم بیر بیلدیم، گولزاریم گئدمیش ✍شعر از خادم الحسین مهندس #حسین‌حیدری‌کشکولی ♨️فطر بایرامی اُوروجلو لارا موبارک #عیدفطر #نوحه‌ترکی‌قشقایی #شعرترکی‌قشقایی #تبلیغ‌عشایری #موکب‌قشقایی‌های‌ایران 🏕جهت اطلاع و مشارکت در برنامه های فرهنگی و مذهبی گروه تبلیغ عشایری عضو کانال #موکب‌قشقایی‌های‌ایران شوید https://eitaa.com/QASHQAImokeb 🙏نشر پیام در فضای حقیقی و مجازی مورد استدعاست