✨ #آنوندے_فقط...
ــــــــــــــ
محبّتینده ریا قاتمیان، آنوندی فقط
سنی هوا هَوَسه، ساتمیان، آنوندی فقط
گئجه زمانی گئدنده ائوه، یوبانسون اگر
اویاقدی صبحه کیمین یاتمیان، آنوندی فقط
نه غصّون اولسا، او سندن چوخ آغلیار والله
سنی غمینده هیچ آغلاتمیان، آنوندی فقط
سحرچاقی باتار آی، گون باتار هرآخشاملار
یانوب گجه گونوزی باتمیان، آنوندی فقط
سنی یتورمگه ئوز آرزووَه چوخ چالیشار
ئوز آرِزوسینه هئچ چاتمیان، آنوندی فقط
دولانسا بختون اگر، طایِفون غریبه اولار
سنی غریبیه اوخشاتمیان، آنوندی فقط
یامان گونه قالانی (فیضیا)،آتار یولداش
فنا جهاندا سنی، آتمیان آنوندی فقط
مقام و ثروته خاطر گلوب گئدن چوخ اولار
محبتینده ریا قاتمیان، آنوندی فقط
#رحیم_فیضی_اردبیلی
ـ┅┅❅🍃🌼🍃❅┅┅ـ
♡ ㅤ ❍ㅤ ⎙ㅤ
ˡᶦᵏᵉ ᶜᵒᵐᵐᵉⁿᵗ ˢᵃᵛᵉ
