در مدح حضرت محمد ص خلایق قطره دیر دریا محمد حقیقت لفظینه معنا محمد همای عشقیده عنقا محمد مساواتی ائدیب احیا محمد آدی زینت‌دی هر نه کائناته بیر ارزنده بهادیر بو حیاته اودور مالک کمالات و صفاته صفاسی جنت الماوا محمد جمالِ جلوه سی تاباندی هر آن جلال سوره ی قراندی هر آن جهانه سرور و سلطاندی هر آن بوتون اعلی‌لره اعلی محمد یازیلمیش سینه سینده ختمِ قران کرامت صاحبی دریای احسان زبور و مصحف و تورات و فرقان بضاعت مولکونه دارا محمد چاغئردی جمله حقه ماسوانی معطر ائیلدی کل جهانی وئریب تعلیم دین پیر وجوانی دئدی لات و مناته لا محمد کلامُ الله ازبردیر دیلینده ملائک سجده ائتمیش محفلینده قوناق دیر انبیالر منزلینده ائدر خلاقیلن نجوا محمد وئریب خالق اونا ارزنده عزت اورک‌لر دردینه ائیلر طبابت اولوب دردانه‌سی کانونِ عصمت طریقِ عشقیده یکتا محمد یخیب بتخانه نی ویران قویوبدور بو ایشدن عالمی حیران قویوبدور بیزه قران یولون برهان قویوبدور بوتون وارلیق‌لارا مولا محمد چاغیردی باشینه آل عبانی شریعتده قویوب حیران جهانی یازیب عرشه حدیثِ کربلانی او گونده لیلةُ الاسرا محمد چاتوبدور عرشِ اعلایه صداسی یاییلدی عالمه حقین نواسی قبول اولدو خداونده دعاسی اولوبدور رمزِ کرّمنا محمد تبسم هیچ اوزولمز گول دوداقدان حقیقت اوسته دوشمز ال آیاقدان یورولماز دین یولوندا اشتیاقدان مقامین ائیله‌ییب والا محمد #تبسم_رضازاده«شدتی» #نیلوفرآبی ☘️🌸🌸☘️🌸🌸☘️

یارب منه وئر روح اطاعت رمضاندا بلکه ائلییم یاخجی عبادت رمضاندا احسانیوه محتاجم الیم بوشدی الهی لطف ائیله تاپیم راه سعادت رمضاندا غفران و کرامت آییدیر لطف ائله باری روحوم تاپا تا سنله قرابت رمضاندا یوخدور اومودوم کیمسه دن آرتیق بو جهاندا بو جانی اوزون ائیله صیانت رمضاندا قالدیر آرادان ظلمتی دولدور ایشیقینلا تک جه‌ اوزون اول نور هدایت رمضاندا هر لحظه موفق ائله العفوه الهی سنلندی کریمانه ضیافت رمضاندا محراب عبادتده علی باشی یاریلدی القصه تاپوب فیض شهادت رمضاندا احسان ائله احیا گئجه سی محیی الاموات مسجدده تاپیم منده اقامت رمضاندا لطفون حالیما شامل ائله قاضیِ حاجات تا سنله ائدیم یاخجی تجارت رمضاندا آرتیر دیزیمین طاقتینی سجدهء شکره ذایل اولا مندن بو کسالت رمضاندا رحمت آییدی مرحمت ائیله منه یارب تا دوزگون ائدیم عرض ارادت رمضاندا وئر قدرت توبه منه ای حضرت توّاب تا ائیله ییم اظهار ندامت رمضاندا لطف ائیله دوداقلاردا تبسّم گولو بیتسین احسان ائله بیر وقفه زیارت رمصاندا #تبسم_رضازاده«شدتی» #نیلوفرآبی 🍃🌸🌸🍃🌸🌸🍃

الف آمـــــوختی تا آب ، بــــابـــا را بیاموزم از امروزم سخن گفتی که فردا را بیاموزم گرفتی سخت تا آسان شود دنیای سرسختم دلت می خواست  سختیهای دنیا را بیاموزم به ژرفا برده ای در جان من عمق تماشا را که ملموسانه معنای تماشا را بیاموزم به یاد چوب تعلیمت  بیافتم سینه می سوزد که جان کندی شدی بی جان الفبا را بیاموزم رهاندی کشتی ام را عامدانه در دل دریا که راه و چاره طوفان و بلوا را بیاموزم زدی آهنگ غربت را به کوه و دشت، بی‌پروا مگر راز نهان هر نکیسا را بیاموزم تو در من زنده کردی روح رأفت را که من یک عمر شکوه عشق و احساس نمیرا را بیاموزم به من گفتی: حسین آیینه ی ایمان و ایثاراست که درس مکتب و آیین زهرا را بیاموزم بیاد  آن   تبسمها   تبسم    میکنم   گاهی تو  یادم   داده ای   کوی تولا را  بیاموزم #تبسم_رضازاده«شدتی» #نیلوفرآبی تقدیم به آنانکه که درس ایثار و گذشت را خالصانه یادمان دادند دستبوس تمام فرهنگیان و معلمان و اساتید گل  هستیم 🌸🌸🌸

تبسم رضازاده»شدتی» نیلوفرآبی: ایکی دنیا بیزه رهبر علیدور عزیز و جانِ پیغمبر علیدور، امیر عرصه ی محشر علیدور علی سلطان دین غیرتده دریا غدیر خم علینن تاپدی معنا. جهاندا شیعه لر غرقِ شعفدور بیزه قران سعادتدور شرفدور، هدایت مشعلی،شاه نجفدور ایشیقلاندی بو بایرام کلِ دنیا، غدیر خم علینن تاپدی معنا. قییتدی حجّیدن زوارِ عاشق، ییغیشدی برکه یه دلدارِ عاشق، اولوب رونقلی تا بازارِ عاشق- ائدیبلر قدسیان گویدن تماشا، غدیر خم علینن تاپدی معنا. او یرده منبری برپا اولوندی پیمبر گلدی بیر غوغا اولوندی، حقیقت سؤزلری نجوا اولوندی اولا تا شیعه یه  حلِّ معما، غدیر خم علینن تاپدی معنا. بو برکه خمدی آدی چوخ گؤزلدی، دیرسن شعردور عالی غزلدی، بیزه عشقی بو ماوانین ازلدی، بیزه خُمدور بهشتِ پاک و اعلا، غدیر خم علینن تاپدی معنا. بویوردی بیزلره ختمِ رسالت، ولا اهلینه لازمدور سعادت، علیدور اولین فردِ امامت، علی هر نقصدن پاک و مبرّا، غدیر خم علینن تاپدی معنا. اودم گئتدی ایکی ال آسمانه، کی دین اولسون جهاندا جاودانه، بوله بو مطلبی  اهلِ زمانه، اولوبدورخوش نفس عشقه محیا، غدیر خم علینن تاپدی معنا. علی آلدی اله سکّانِ دینی، هدایت ایلیه دینِ مبینی، اولوب یعنی نبوّت جانشینی، اولا اجرا تولا و تبرا، غدیر خم علینن تاپدی معنا. ائدیر غمگین اورکلر شادمانی، ولایت عطری دولدورموش جهانی، چراغان ایلییون  کون و مکانی، کی دینین گولشنی اولموش شکوفا، غدیر خم علینن تاپدی معنا. علیدور جانشین حضرتِ عشق علیده جلوه لنمیش غیرت عشق علیدن درس آلوبدور ملت عشق علیدور سرور و سالار دنیا، غدیر خم علینن تاپدی معنا. علی فتاح ملک خیبر اولموش علی مظلومه یارو یاور اولموش علی آیینه دار، داور اولموش علیدور شیرمردِ بی مُحابا غدیر خم علینن تاپدی معنا #تبسم_رضازاده«شدتی» #نیلوفرآبی 🍃🌸🌸🍃🌸🌸🍃

مین کؤرپه اوشاق غزه‌ده اودلاندی، الهی! اود ایچره  گوناه‌ سیز بالالار یاندی، الهی! رحم ائیلمدی حرمله مین  دیلسیز اوشاقه باخ گور نئجه  اوز آللهینی   داندی  الهی! موشکلری یاغدئردی یاغیش تک گئجه گوندوز آوارلارین  آلتیندا قالان  جاندی   الهی! ائولر اوچوب القصه  اولوب هاممیسی ویران بونلار هامیسی تابع قراندی الهی! آلمیش  آنا  آغوشینه آغلور بالا  قورخور امنیتی   یوخ  گورنه پریشاندی الهی! غربین  گوجودی  صهیونی بو جنگه چکوبدی دنیانی قاتان بیربیره   شیطاندی    الهی! یارب  نظر   لطفیله   باخ   غزیه   باری بو جنگ و جدل بیر یئکه بحراندی الهی! سو  یوخدی  غذا  یوخدی دوا یوخدی بو یئرده لبلر  قورویوب   چوخلاری   عطشاندی   الهی! بوشدور انا آغوشی اوشاق قبریده یاتمئش هر گون   آنیا    شام    غریباندی    الهی! گیرم کی مسلمان دیی بو معصوم اوشاقلار بو پرپر اولان غنچه لر انساندی الهی! شاه شهدا و علی اصغر یادا دوشموش بیر کورپه سینه مین قوزو قرباندی الهی! #تبسم_رضازاده«شدتی» #نیلوفرآبی تقدیم به کودکان بی گناه غزه 🍃🌸🌸🍃🌸🌸🍃