✳️ دلگویه " امام حسینِسِّه قرار ندارمی" : محرم بيمو قرار ندارمی به غير از آه و ناله كار ندارمی امه رسمه سيو جمه دپوشيم ونه شه سر وسينه ره بروشيم امه رسمه كه ونه دسّه بوريم دسّه ره هر چی كه رسم هسّه بوريم امه رسمه كه طام پلا بپجيم طام پلا ياد كربلا بپجيم امه رسمه كه جوشی خونی كمّی سينه زنی و همزبونی كمّی قبول دارمی همه رسم و رسومّه خوانی هر کی ره بَوِّی گنه دومّه اگر دومّی چی اينجور بی هوا می؟ چه از اهداف عاشورا جدامی؟ حسين بن علی هكرده قيام ِپرِسّائه برای دين اسلام بديه دارنه دين از دست شونه نمونسّه ديگر از دين نشونه شما فكر كنّی كه دشمن ندونّه چهارشنبه روز نماز جومه خونّه! چه معنا دارنه اين حركت ندومّی؟ دشمنِ نقشه ره آيا نخومّی؟ اميرالمؤمنين بُونه شرابخوار؟ معاويّه بِتّونّه بوئه ديندار؟ يزيد سگ بازه، مثل سگ نجسّه ونه ميمون ونه دم تن دوّسه وه دارنه ادّعای رهبريت گنه من بر حسين دارمه مزيّت حسينی كه از اصحاب كسائه حسينی كه وجود مصطفائه حسينی كه محمّد(ص) ره مثاله سراپا روح تقوا و كماله وه خوانه از حسين بيعت بهيره كه بيعت از همه امّت بهيره خوانه بيعت بهيره دارنه منظور يزيد خوانه حسين بوئه ونه جور كه دين مصطفی بيرنگ بَوِّه كه بر ديندار عرصه تنگ بَوِّه حسين ساكت ننيشته  نينه آروم كه زحمتهای جدّش  بهو وه گوم همه گنّه حسين ،  يزيد پَسته شقيّه ، ظالمه، هميشه مسته يزيدِ جا نكف وه بی حيائه تو حسينی ، وه از نسل زنائه وه مردمّه خرينّه بونی تينار تو تينار مونّی وته كار بونه زار دونّی اما م حسين چی كار هكرده زمسّونّه آقا بهار هكرده قيام هكرده  ، شه خون ره هدائه شه يارون، شه جوانون ره هدائه ونه مال و منال بهيّه غارت بوردنه زن و وچه در اسارت زن وچه اسيرََ نُو عزادار همه در دست نامحرم گرفتار زينب عزادار هسّه يا من وتو؟ كه روزِ دشمنّه هكرد بيه شو به دشمن گنه كه هرچی بديمی خدا جا غير زيبائی نديمی اما پيروزمی ، فردا ره ويمّی فردائی هم دره ،شماره ويمّی دشمنه تنّه لرزه دمبدائه اَره بشناس ، وه زهرای كيجائه عزا داره وليكن خطبه خونّه زبان امر به معروفّه دونّه زينبه دل پره از غصّه و خون عزاداری ره ياد بيريم عزيزون عزاداری ونه بوئه جهت دار جهت كه داشته برمه بونه زار زار عزا گيرمی كه هدف ره بدونيم  امام زندگانی ره بخونّيم ونه راه و روش ره ياد بهيريم ونه جور زنده بوئيم و بميريم محرّم باعث روشنگريه محك برای خوبی و بديه دِ  صف دارنه محرّم ، حقّ و باطل دِ دسّه هسّنه، عاقل و جاهل گروه عقل  با دينه موافق گروه جهل نينه جز منافق مسلمانی كه مؤمن هسّه ديگر  نيارنه حرف روی حرف پيمبر هر کی پيغمبرّه ايمان بيارده مسلّم ايمان به قرآن بيارده امه الگو امه پيغمبر اسّه امين اسّه امه تاج سر اسّه هرچی ره كه بوته حرف خدائه خدای جا محمّد كه(كی) جدائه؟ حسين حرف محمد ره بزوئه كلامات سر آمد ره بزوئه من اگر دوس دارمه امام حسينّه قبول دارمه اما عالمينه ونه مه زندگی حسينی بوئه ونه مه الگو هم خمينی بوئه حسين بن علی ره كه نديمی ولی همه خمينی ره بديمی اسا حيفه اِما بيراهه بوريم بهيم اون راهی  ره كه راهه بوريم خمينی بورده چلچراغ سر اِشته  باغبونی براي باغ سر اِشته باغبون باغ دينّه پاسبونه امين از سوی صاحب الزمونه بهين تا باغبونِ يار بَوِّيم امام حسينِ السّر غمخوار بوّيم زنان اهل حجاب بوئن هميشه مردم پا در ركاب بوئن هميشه دراغ نوويم ريا كاری نداريم ِدرِس بُوئِيم نزول خواری نداريم بهیم تا مردم آزاری نكنيم جدا از كار دين كاری نكنيم خدا جا روزی حلال بخواهيم به جز حلال مال ومنال نخواهيم خدا جا دلِ مهربون بخواهيم دل يكرنگِ با زبون بخواهيم مسلمانونّه شه برار بدونّيم شه رهبر ره شه اعتبار بدونّيم اگر اين جور بوئيم  بومی عزادار وگرنه هسّمی همه گرفتار عزادار حسين مثل حسينه حسينه واری بوئه نور عينه تو هم ای «محسنی» مه حرفه ياد دار  اگر عامل نَوِّی بُونی گرفتار #امام_حسینِسِّه_قرار_ندارمی ⭐️ به کانال #اخبار_لفور بپیوندید 👇👇👇 @akhbarelafoor 📱 رسانه باشید ما را به دوستانتون معرفی کنید. 🏴🏴🏴🏴🏴🏴🏴