✳️ دلگویه حضرت زهرا سلام الله علیها به زبان مازندرانی : #برو_زینب_دتر_مه_یادگاری بِرو زینب دِتِر مِه یادگاری نکن اینجوری مه پیش بی قراری من شه دُومّه دِتر یتیمی سخته تا زنِّـه هَسّمه نکن ته زاری غم و داغ فراوون وینّی زینب دتر جان خَله وِنه صبر داری برو زینب که دیگه دَرمه میرمه گمونم مرگ جا من شفا گیرمه مدینه که مه جا وفا نکرده مه غم و غصه ره دوا نکرده همه مه جا هاکردنه شکایت که چِه بَهیمه حامیِ ولایت نکن برمه مه دِلّـه پاره کِنّی نزن هِق هِق مره بیچاره کِنّی ته جا اَمشو وصیت دارمه زینب اَتا خَله حکایت دارمه زینب جان خدا زهرای زاره هارش چار ساله وَچه ره کِمّه سفارش دیگه از فردا روزگار ندارنی یتیمه بُونی دیگه مار ندارنی اگرچه از همه کچیکتر هَسّی ولی زینب مه جانِ دِتِر هَسّی من بَمردمه نکن بی قراری ازاین به بعد ته مه وَچونه ماری دواره ته سراغ اِنه یتیمی ته وِینّی داغ بابای صمیمی اَتا روز اِنه غریب بونه حسن گرفتار زنِ نانجیب بونه حسن حسن غریبِ وطن بونه زینب ته چشِ پَلی کفن بونه زینب اَتا روز کربلا وینّی دتـر جان بـلا پشت بـلا وِینّی دتر جان زینب جان ته دریای خونِّ وینّی کربـلا داغ بـرارونِّ ویـنّی ته از داغ حسین مفتلا بونی اسیر درد و داغ و بلا بونی زینب جان مه حسینِ هواره دار ته هم وِنِه خواخری هم وِنِه مار اَتا روز کربلا قرار ندارنی غریبی کَفنی برار ندارنی حسینِ خَله لَت وگور کَشنّه عاقبت ته چشِ پَلی کِشنّه اصلا از مسلمونی بو نَدنّه مه حسین ره اَتا تِب اُو نَدنّه زینب کربلا خَله وینّی آزار ته جا جدا بونه ته جانِ برار خوانه میدون بوره ته جان برار ونه گَلی ره خش هاده جای مار قبل از اینکه مه حسین ره بکوشه این کهنه پیرهنه هاده دپوشه جان دِتِر تِه خَله بِلا وینّی حسینِ سر ره نیزه بالا وینّی وِنِه سر نیزه شونه تَن ندارنه وِنِه تَن خاک بِن کَفَن نِدارنه اگه بشنوسّی اُونجه یا بُـنَـیّه بدون که دیگه مه دل پاره بَـیّه مه دردِ سینه خَلِه هسّه جانکاه چـه جانسوزانه بنالِسّـه «مداح» 🏴🌾🏴🌾🏴🌾🏴🌾 شعر:علی اکبراسفندیار«مداح» ⭐️ به کانال اخبار لفور بپیوندید 👇👇👇 https://eitaa.com/akhbarelafoor 🏴🏴🏴🏴🏴🏴🏴