✳️ شعر مازندرانی ترجیع‌بند "شوسیوئه " : 7⃣1⃣ بند هفدهم مهربونی روز واری بیته شو سوزمه مثل چچیکل کمه سو دین وایمــون پادوی ریشسا پش مردم دل بیــــه ریش دس کهــو یا دره صف نون وســه قنــدِ وِر یاخیابون کنـه حیــــرون دو بدو من نخوامه بسروئم شعروسرود خوامه بوم روزو شو بیـــه سیو اتا گل دارمی همون پهلم تتــی پشترا اینجـــــه ونوشه کرده بو النظافه مال درس و منبـــــــره شهروده، مردمه اسپیج بورده لو کار ره وختی دیگنی ناشی ی دس کنه ناشی شهروده ره گو به گو شوسیوئه گــــوسیووئه جان مار این خنه خوا مس خوئه جان مار خوامه بوم کی به کیه کی به ک انتی دین آرزوئـــــــه جان مار؟ شاعر : حجت‌الله حیدری سوادکوهی‌ 13/7/1373 #شعرمازندرانی #ترجیع‌بند_شوسیوئه #بندهفدهم 🔰 به کانال اخبار #لفور بپیوندید 👇👇 @akhbarelafoor 👆 با ما همراه باشید

✳️ شعر مازندرانی ترجیع‌بند "شوسیوئه " : 8⃣1⃣ بند هجدهم غرسه لس لس بوریه راه نفس این گت دنیا مه وِر بیــــه قفس کی دره بیـــــره فقیر دس و بال کی دره بوه امه فـــــریاد رس این گرونــــی یا شبیخون زمون تا اسا اصلاٌ نداشته تنگ و لس زندگی تل بیه تل، مرگ واری اتا کش نا شور بیـــــه نــا ملس اونقدر سخته خدا دونه که خلق بوردنــــه دزِّ کشه ترس عسس حق گواهسه کـــه سخته زندگی این حکومت هم نماسه دسِ کس ناُ گـــــرونی ناُشبیخون، فاجعه مردم وسه گمونم نیّه وس شوسیوئه گـــــــــوسیوئه جان مار این خنه خوا مس خوئه جان مار خوامه بوم کی به کیه کی به کی انتــــــی دین آرزوئــــه جان مار؟ شاعر : حجت الله حیدری سوادکوهی #شعرمازندرانی #ترجیع‌بند_شوسیوئه #بند_هجدهم 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

✳️ شعر مازندرانی ترجیع‌بند "شوسیوئه " : 6⃣2⃣ بند بیست و ششم با دعــــــــــا بیچاره دله کنه شاد وشنا اشکم، زنه دائم خشک داد ســــــردنه الله اکبــــر پشت بوم زنه ونگِ مرده با دا زنده بــاد آبـــــرو ره خرج هکرده بی ثمر بیه آخــــــر مفلس بــــی اعتقاد چش اگـــــر وا بو فراوونه دوا اسبِ کفته بیـــــــــه دردسه ضماد جان مارمهـــــــــربونی زنّه بو خواهونی ره من ونه جا دارمه یاد بادعا اون روزی ی تنگ وهر ممکنه بوه دَوس نوّه گشــــــاد من شه امرو هون ندارمه خسومه آینه ی جــــــا هم ندارمه اعتماد شوسیوئه گـــــــــوسیوئه جان مار این خنه خوا مس خوئه جان مار خوامه بوم کی به کیه کی به کی انتــــــی دین آرزوئــــه جان مار؟ شاعر : حجت الله حیدری سوادکوهی #شعرمازندرانی #ترجیع‌بند_شوسیوئه #بند_بیست_و_ششم 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

✳️ شعر مازندرانی ترجیع‌بند " شوسیوئه " 8⃣2⃣ بند بیست‌وهشتم ثل لمپا وشتم و سوکــــــردمه عین مردم روزّه من شوکردمه گنم تیم داشتم و لتکـــــــــا دلـه من ندومه ای چراجوکردمه؟! سرخ شاهک داشتم و امس دو گالشی با چنتا منگو کــــردمه سر ره شه جر گیتم وچشه دَوس عمره انتی روزوزوشو اوکردمه وختی نامردونه دیمه کار ســــر هفته هفته سوتمه ، تو کـــردمه چنه بون مشملی کنـــــــــه ولی یک زمونی مثل گل بوکـــردمه هرسواهی زومه سر افتاب جور دیم به مغرب خش خشون روکردمه شوسیوئه گــــــــوسیوئه جان مار این خنه خوا مس خوئه جان مار خوامه بوم کی به کیه کی به کی انتی دین آرزوئــــــــه جان مار؟ 1374/8/18 شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه #بند_بیست_و_هشتم 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند "شوسیوئه " 9⃣2⃣ بند بیست‌ونهم هـــــــرکسی ایمون بیارده بورده لو اون که ایمون ناشته کرده کنگ سو اینّه کـــه دونی ، تره بوّم مگه؟ باتیلندو ننشنــه بیـــــری وضو دنگ چــال اوج وِر پکــی دنه کنــه ورزا ماس وسه دو به دو مشک وعنبر خاره ناُمه بونکن تــــه ونوشه خیل بتّر کنــــه بو کـــــی گنه بیه کناری مه فنـــر؟ پت پتی بیـه ولیکن کنــــــه سو با دتا منگو تــه کلز نانـه مشت عمره مفتی خرج هکردی مش ببو تاشه ایمونــــه نداری مرد نــــی یـــــــرفـــــع الله الــــــــذین آمنوا شوسیوئه گــــوسیوئه جــــان مار  این خنه خوا مس خوئه جان مار خوامّه بوم کی به کیه کی به کی انتی دین آرزوئــــــــه جان مار؟ شاعر :#حجت‌الله_حیدری‌سوادکوهی #شعرمازندرانی #ترجیع‌بند_شوسیوئه #بند_بیست_و_نهم 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند "شوسیوئه " : 6⃣9⃣ بند نود و شش چشمه، جنگل، دشت و کوره کمه ونگ اون تــــلارِ مشت اوره کمـــــــه ونگ نون، پـــــــلا، امیــد واری، آرزو اتا کترا ماس و دوره کمـــه ونگ هــــی تجمّه نون وســه ماه وسال اته خار روز و شوره کمـه ونگ دومه داری نَجمنه اون ملک ســـر من ولی رمضون ببوره کمه ونگ شوسیوئه گـــــــوسیوئه چش دَوس اته لمپا مشت سوره کمـــــه ونگ شهر ور، نا چشمه وینــــی نا چلو من شه سر پیش چلوره کمه ونگ شوسیوئه گوسیوئه جان مار این خنه خـوا مس خــوئه جان مار خــــــوامه بوم کی به کیه کی به کی انتــــــی دین آرزوئـــــه جــــان مار؟ شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه #بندنودوشش 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند "شوسیوئه" : نیشته درون کنه شه کرکونه هیش اینجه ور نانه کسی بپر هنیش تا شه جیف دارنه، نیه محتاج کس اینه که دنیاره هرگز نی نه ریش او ونه پیش،بینج و گنم پشت بوم دشمن دل لاب ولیب وآش ولیش دل بخواهــــه کنه وا روجین ودر دل نخواهه هــــــردتاره کنه پیش دسه این و اون پیش بـــی تن بده تن ره آجیش یارنه نامردون نیش چون که جیف مشتسا آرومه خیال دشمن این آرامش جا خرنه شیش گنه زود تر بند انــه جخت شلاب کی بونه تا خش بگردن ورگ ومیش شوسیوئه گـــــــوسیوئـه جان مار این خنه خوا مس خوئه جان مار خوامه بوم کی به کیه کی به کی انتـــــی دین آرزوئـــــه جان مار؟ 12/6/1381 شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند "شوسیوئه" : آسمون غظ دانـــــه میها کنه لج دیر وارش راهه کم کم کمه کج آدمــــــی سازش پذیره روزگار مثل میوه آدمی هم زنـــــــه پج رسم دنیائـــــه ونه دین ولـــــی تا دری هسی همین عمر په تج مرگ انه هرجا دواشی عاقبت اینجه، لاکوم ، لرزنه یاسنگرج اتا دسگردون جا مشتی اِنـــــه اتا هسه محـــــرم هرساله حج نوم آدم موندنـــــه دمبال ســــر مثل ته انگوس مال، ته دسّ رج دیم به مغرب روهدا آفتاب عمر تا به اینجه عمر حجت نی ته غج شوسیوئه گــــــــوسیوئه جان مار این خنه خوا مس خوئه جان مار خوامه بوم کی به کیه کی به کی انتی دین آرزوئــــــــه جان مار؟ 12/6/1381 شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند "شوسیوئه " : بند 2⃣0⃣1⃣ وختی ویمــــه آشنایون دنـــــه ور دومه راحت، چی گذرنه پشت سر حف که گودینگونه آزادی ی باغ ننشنه دیگر بکوسن شه په خــــــر منزل سر، گالش وماس و کباب؟! تف به ریش گالش نامـــــــرد شر کار ورزا هسا منگــــــوی وشــل کی دکاشته؟ کــــی بَورده باروکر؟ آبرو مثقال به مثقال بیــــــــه جم دانه هرکس این متاع ره شه پکــر اون دتا کل مـــرغنه شت در بمو وسه پلتیک وسه مردم نی نه خر چاج کله وختی بیـــه لاکوم صدا من پل او رد نوونـــــه فیل نــــر! شوسیوئه گـــــــوسیوئه جان مار این خنه خوا مس خوئه جان مار خوامه بوم کی به کیه کی به کی انتــــــــی دین آرزوئه جان مار؟ 20/6/1381 شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند " شوسیوئه " : بند 3⃣0⃣1⃣ من خدا دونه ته جــــــــا خارسمه تا قیامت هم تــــــــه غمخوارسمه این زمونِ قحطی ی خشک سلوم تا سواهـــــــی تسه ویشارسمـــــه سر ره راس دارمه خداره پیش رو انتطــــــار آخــــــــرکـــارسمـــه مهـــــربونی هرکجه دانی نشون مر بئوحتماٌ خــــــریدارسمـــــه اتا قیلون نیمه غافـــــــــل تا اسا فکرشه پـــــر فکر شه مارسمـه ظاهراٌخندونمــــــه باطن ولــــی ناخش و بــی حال وتب دارسمه دل هلاله جاره بیرون سبز دشت جنگل من عین ســــــــردارسمه. شوسیوئه گـــــــوسیوئه جان مار این خنه خوا مس خوئه جان مار خوامه بوم کی به کیه کی به کی انتـــــی دین آرزوئــــه جان مار؟ 21/6/1381 ✍ شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند " شوسیوئه " : بند 6⃣0⃣2⃣ من ته خواهونسمه اما ته نا مرد ایمونسمه اما ته نا من بدو خوب میون کمه گذر خیل انسونسمه اما ته نا گل تتیمه ارکما ، سرما دله شادو خندونسمه اما ته نا سال های ساله که دس زمون مات وحیرونسمه اما ته نا من خدره خوندمه آزاده مرد اهل ایرونسمه اما ته نا بَیمه اسّا روزگار دس بن مشت ارمونسمه اما ته نا شوسیوئه گوسیوئه جان مار این خنه خوا مس خوئه جان مار خوامه بوم کی به کیه کیه کی انتی دین آرزوئه جان مار ✍ شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند " شوسیوئه " : گلببو درشونه لس لس انگلیس دارنه پاسپورت و مدارکّه شه میس مر گنه سختسه ایران زندگی بیّه کشور جای اهل لفت و لیس باُته من دمبال دانش گردمه انگلیسی خوندمه دت، ایز، دیس باُتمه خارسه دانش ، یاد اٍنه؟ کردی شه گسفنّه هی، هی ها و هیس باُته شو مه تا که بوم موندنی اینه کمه این آفیس واون آفیس باتمه سر بشتی شونی گلببو کی ونه کشور ره داره راس وریس؟ با ته لیسن اکسیوزمی مای فرند! این وطن ته خوا دواش اینجه بپیس شوسیوئه گو سیوئه جان مار این خنه خوا مس خوئه جان مار خوامه بوم کی به کیه کی به کی انتی دین آرزوئه جان مار؟ ✍ شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید