✳️ شعر مازندرانی "پاکتی شیر نَنِه مه تلم دو" : برار شهر کنار نَنِه مه آبرو پاکتی شیر نَنه مه تلِم دو شلنگ او ننه مه جان نرو کوچه پس کوچه ننه راس سرکو برار گالش عمر، سر بئیه مختباد آواره شهر بئیه برار دونی مه دل دردچه چیه دیگر ختم تمومِ گالشیه لفور منطقه چه باصفائه ونه کش کو بهشت خدائه ونه صحرا همه ملک خدائه ونه گالشون دل با خدائه لفور منطقه سبزه و لاره ونه چهار تا فصل همش بهاره ونه چشمه او چه خوشگواره ونه سرمست عاشق بِلاره خامه ته سبز دست جاپر بهیرم کهو آسمون جاخبر بهیرم دنیای غم و غصه ره بشنم هر چه خشالی ره شه وَر بهیرم اگر بمردمه امسال بهار مه نَش بِهلین کَهر سربار کَهَر بلاره بوسنی اوسار مه ره بَوره تا لفور روهار مه رِه دفن هاکنین لفور روهار مه سرجابورن کوهی کوچ بار کجه شونی جانه گالش برار خان بمو رَد بزو تِه ملک تلار اِسا خوانی بوری ته شهر کنار ته شهر کنار بونی گرفتار بَواشِم چلچلا پر بزنم پر بورم من لفور رِه سربزنم سر بخونم هاکِنم جِوانی از سر بَخونِم بخونم غم بَواشه سر نما شونه سرا وا دکته دار قلم چکوم آ نَهینِه قرار خرابه نسوم آ چهار کَل تِلار کَتِل دَکِشِم شو بَوه وسار نِما شونِه سَرآ دَمه دَره هواره او دِله شونه کلِک و لَم چوخاره لمر نسوم وِرگ کَل دنه صداره چپون سر دنه هَیرا هیراره چپون لله رِه وا دَکرده برو شوکا سر حِنا دکرده برو تیکا شِه گَلی رِه سِرنا هاکرده بلبل رَختِ سِما دَکردِه بِرو ✍جعفری #شعرمازندرانی #تِلِم #گالِش #لفور #چلچلا #چهارکل_تلار #وِرگ #چَپُون #شوکا #تیکا ⭐️ به کانال #اخبار_لفور بپیوندید 👇👇👇 @akhbarelafoor 📱 رسانه باشید ما را به دوستانتون معرفی کنید 🌾🌾🌾🌾🌾🌾🌾