#یادمانه_های #گالش_و_تلار (منزل سر) و فرهنگ منحصر بفرد آن پوستی کلاه و پشکار جوله قطار به قطار اسب پالون و اوسار اون لوتکی مار مار #دره_توم_بونه_زار_زار گالش پره گوک تلار مرس پاهه و پرغال تلارٍ سرِ مندار اون دیوشته خردخار #دره_توم_بونه_زار_زار زرینه گو تنه مار زاماری بیه شیردار گوک سه ناشته قرار اون ملک و مال و مالدار #دره_توم_بونه_زار_زار ملج و سور و الوار یابو دٍ نعل بیه بار اره موتور قار قار صحرا ره کرده ویشار #دره_توم_بونه_زار_زار نم دار بنام و شیردار انجیلی همه واشار کهلو همه تا وللگ دار اون خٍر و برکت مال #دره_توم_بونه_زار_زار صواحی ساعت چار روز تا افتاب بوره مار فیه و تور دستکار خستگی پر و مار #دره_توم_بونه_زار_زار چشمه و سلکا و نو کلز دیه چشمه لو سورٍ تخته ونه رو کلز کو؟ چشمه کو؟ منز پیش لتار #دره_توم_بونه_زار_زار قشکه ی دم گر هاکرد تفنگ پره پر هاکرد پنیر مایه بزو آ گوک تلاربن جر هاکرد گوک په بّیه نینار #دره_توم_بونه_زار_زار اسب رونکی و تنگ تال و غشو لوه زنگ کله پشت تور سو سنگ گالش اویا و ونگ بورده و نی یه دیار #دره_توم_بونه_زار_زار 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید