✳️ دلگویه مازندرانی اربعین ( زبان حال حضرت زینب س ) : من چتی ته کربلاره یاد بکنم آبرار نتّومّه  شام بلا ره یاد بکنم آبرار الهی مه دَم ته وسّه در بوره الهی مدینه مه خبر بوره آبرار ، آبرار خواخر ته وسّه بمیره2 من همینجه بدی بیمه که ته شیشماهه ریکا چتی بال و پر زوئه عاشورا ته دسّ بالا ماهی ی واری ونه لب وابیه دوس بیه بدیمه که حرمله وره چی جوری او هدا چی جوری اون صحنه هاره یاد بکنم آبرار نتّومّه شام بلاره یاد بکنم آبرار الهی مه دَم ته وسّه در بوره الهی مدینه مه خبر بوره آبرار ، آبرارخواخر ته وسّه بمیره2 من شه برار زاره اینجه بدیمه رزو رمون علی اکبرتیکّه پاره بیّه  نازنین جوون تره ونه بالِ سر بدیمه داشتی جان داهی یاد انه چتی ته دوشّه بیتمه دامه تکون من چتی ته ناله هاره یاد بکنم آبرار نتّومّه شام بلاره یاد بکنم آبرار الهی مه دَم ته وسّه در بوره الهی مدینه مه خبر بوره آبرار ، آبرارخواخر ته وسّه بمیره2 من همینجه بدیمه عباس دس بیّه جدا ونه سر  مه جان پره سرِ جور بیّه دتا ونه  تن ته تن واری بهیه رزو رمون علقمه کنار وره سر اشتی خواخر ته فدا من چتی ونه وفاره یاد بکنم آبرار نتّومّه شام بلاره یاد بکنم آبرار الهی مه دَم ته وسّه در بوره الهی مدینه مه خبر بوره آبرار ، آبرارخواخر ته وسّه بمیره2  تره یاد انه که من بیمومه تل بالا دل ته وسّه بیقرار بیه داشته هول وولا شمرِ بدی بیمه که هنیشته ته سینۀسر ته وسّه خون دکته زینب دل کلا کلا چتی اون خاطره هاره یادبکنم آبرار نتّومّه شام بلاره یاد بکنم آبرار الهی مه دَم ته وسّه در بوره الهی مدینه مه خبر بوره آبرار ، آبرارخواخر ته وسّه بمیره2 وقتی مره یاد انه اینجه تو زوئی دسّ و پا تره دور هکردبینه مردم بی شرم وحیا نیزه وشمشیر جا تره زونه من بمیرم ته سر ره جدا هکرده شمر از ته پکفا چتی اونهمه جفا ره یاد بکنم آبرار نتّومّه شام بلاره یاد بکنم آبرار الهی مه دَم ته وسّه در بوره الهی مدینه مه خبر بوره آبرار ، آبرارخواخر ته وسّه بمیره2 تشنا بی و تره او ندانه و بکوشتنه تو مه چراغ سو  بی چتی تره دکوشتنه تره که بکوشتنه خیمه ها غارت بهیه اِما و یتیمونّه شلّاق جا دروشتنه من چتی شلاق جاره یاد بکنم آبرار نتّومّه شام بلاره یاد بکنم آبرار الهی مه دَم ته وسّه در بوره الهی مدینه مه خبر بوره آبرار ، آبرارخواخر ته وسّه بمیره2  همه غمها اتّا ور ته غم مه قاتله حسین دمّه جان ته وسّه و دومّه نا قابلِ حسین دل مه کلّاک دره از بسکه بکشیمه بلا  ته پلی که نیشتمه اینجه مه ساحله حسین چتی تومّه ته صفاره یاد بکنم آبرار نتّومّه شام بلاره یاد بکنم آبرار الهی مه دَم ته وسّه در بوره الهی مدینه مه خبر بوره آبرار ، آبرارخواخر ته وسّه بمیره2 امه رسم نیه که شه نوحه خونّه یاد بکنیم شه عزا دارونّه یا روضه خونّه یاد بکنیم اتّا اتّاره شفاعت کمّی در پیش خدا نتّومّی محسنی خش زبونّه یاد بکنیم نتّومّه اهل ولاره یاد بکنم آبرار نتّومّه شام بلاره یاد بکنم آبرار الهی مه دَم ته وسّه در بوره الهی مدینه مه خبر بوره آبرار ، آبرارخواخر ته وسّه بمیره2 #دلگویه_اربعین_حضرت_زینب ⭐️ به کانال #اخبار_لفور بپیوندید 👇👇👇 @akhbarelafoor 📱 رسانه باشید ما را به دوستانتون معرفی کنید 🏴🏴🏴🏴🏴🏴🏴