✳️ دلگویه مازندرانی حضرت علی اکبر ع : من علی اکبرمه عبد خدامه تو مه امامی ومن ته جانفدامه   اجازه خوامّه، بورم به میدون2 جانّه هکنم ، ته وسّه قربون 2   بابا مه دل سوزنه خله غریبی غریبِ جا ویمّه  چنّه غم نصیبی نتّومّه ته غم نصیبی ره بوینم  دواشمو ته غریبی ره بوینم اجازه خوامّه ، بورم به میدون2 جانّه هکنم ، ته وسّه قربون 2   بابا نتومه بوینم مبتلائی اجازه خوامّه که بَوِّم کربلائی بابا اجازه  هده بورم به میدون جان ناقابلّه هکنم ته قربون اجازه خوامّه ، بورم به میدون2 جانّه هکنم ، ته وسّه قربون 2 🌺🌺🌺🌺🌺🌺🌺 مه پسر مه چشه سو ای علی اکبر مه گل لاله دومّه که بونی پرپر بُور پسر خیمه همه تره بوینن تا ته گل روی جا خوشه بچینن گته علی جان  مه چشه سوئی مه رنگ وروئی  مه آبروئی خیمه بور تا تره سر بوینه زینب نشوئی سکینۀ  جان انه برلب مه پسر خوانی بوری خدا ته همراه من ته پشت سر ته وسّه کشمّه آه گته علی جان ، مه چشه سوئی مه رنگ وروئی ، مه آبروئی علی اکبر که داشته شیه بمیدون ونه جان پرِه دل کلّاک زوئه خون خدا هیچ پره وسّه اِتی نیاره که شه وچه ره بوینه پاره پاره گته علی جان ،مه چشه سوئی مه رنگ وروئی ، مه آبروئی وقتی که هنیشته پسرِ بال سر بدیه که مثل گل بهیه پرپر پسر سر ره بشته شه لینگ بالا بدیه ونه دل آروم نینه اصلا گته علی جان ، مه چشه سوئی مه رنگ وروئی ، مه آبروئی سر ره شه سینه تن  دماسنیه هی علی علی گته وآه کشیه بدیه ای ونه دل نهیرنه آروم بدینه دلا بیّه امام مظلوم گته علی جان ، مه چشه سوئی مه رنگ وروئی ،مه آبروئی   شه دیمّه بشته علی ی دیم پلی گته بعدک العفا با برمه گلی راس بهیه ونگ هدا بهین جوانون بهین علی ره بوینین غرق در خون گته علی جان ، مه چشه سوئی مه رنگ وروئی ، مه آبروئی بسوزنینه دشمنون مه جیگرره کومک هکنین بورین مه پسر ره وره تیکّه تیکّه هکرده مه دشمن دوننی که چی گذرنه در دل من گته علی جان ، مه چشه سوئی مه رنگ وروئی ، مه آبروئی #دلگویه_مازندرانی_علی_اکبر ⭐️ به کانال #اخبار_لفور بپیوندید 👇👇👇 @akhbarelafoor 📱رسانه باشید ما را به دوستانتون معرفی کنید 🏴🏴🏴🏴🏴🏴🏴🏴