📃 شعر محلی مازندرانی " جان مار " زمسّـون تا دّره، دار، دار نَوونه کلو شل هرچه دَوّه، شار نَوونه کِــــرات ا اّنـــجِلــی اِزّار نَوونه نِخــارِ تَن هَمنتــی خــار نَوونه مه‌وسّه هیچکی‌جانِ‌مار نوونه سیو شـوی دله، سو جانِ ماره پَییـــزِ مـــاه، گلِ بـو جانِ ماره مه‌خسّه‌چش‌چشِ‌خو‌جانِ ماره بَســوتِ سینه گَنِّــم جار نّوونه مِه‌وسّه هیچکی جانِ‌مار نَوونه مِه‌وِر شو تا صِواحی خو نِدارنه مه مار دَوِّه، مِه دَیِّن، شو نِدارنه بِهــار، مِه مـــارِ رنگ و بو نِدارنه هَلـــی هرچی دَوِه، نمـدار نَوونه مِه‌وسّه هیچکی جانِ‌مار نَوونه اگـــر دنیــا ره سَر بَیْــره، ستاره دَگرده ماه، مِه نصف شو دواره مره وَسّه مِه مــــــارِ استــخاره بَپیست ِراش تن، اَلــــوار نّوونه مه‌وسه هیچکی جانِ‌مار نوونه مِه مار نَوِّه مِه بـاغ بِلبِل نِدارنه تِـــلار، مِه بــوردنـسِّ پِل نِدارنه مٍه دلّه غـــم بَوینــِه، دِل نِدارنه نِسوم اِفتاب نَوِه، ویشار نَوونه مه‌وسه هیچکی جانِ‌مار نّوونه #ذبیح‌الله_ذبیحی #شعرمازندرانی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید