✳️ شعر مازندرانی در وصف لفور سوادکوه: شومه مَحله، دلِ قرار دَنیّه خَله وقته مه جانِ مار دَنیّه مَحله ره اِشِمه، کِمّه غریبی مه سِرپیشِ لوش و کِنار دَنیّه دیگه وَچونِ سَرْ صِدا نِنه گوش گَته کَرْسَنگ، خوردِ روهار دَنیّه مسجدِ بُلَنْدگو نَکِنده صدا یَقِن ضبطِ دِله، نِوار دَنیّه دستگاهِ شالیکوب، نَکِنده تَکتَک بینجِ کیسه و اسبِ بار دَنیّه اودَنگِ سَر، دیگه صدا نِدارنه اودَنگ کَته، دَنکو در کار دَنیّه اَتی اسب و اَتی گو، ویمّه آیِش دوره ره اِشِمه سِوار دَنیّه تور و رَسِن بَدیمه مینا خِنه هیمه کَری، در اون دیار دنیّه تَنیرِسَر، کَته تَنّیرِ گِلی چَنده حیفه که جانِ مار دَنیّه اَمه سِرپیشْ بَیّه ساحلِ دریا خِنه بَمونِسّه، دیفار دَنیّه خِدایا، ته نِگاهی و نظر دار کسی که گوش هاده مه زار دَنیّه ✍ حوا واحدی سوادکوهی (اهل روستای گشنیان سوادکوه) ⚠️ شِه وَچون رِ محلی گپ بَزوئن یاد هادین #شعر_تبری_وصف_لفور #شعرمازندرانی #لفور ⭐️ به کانال #اخبار_لفور بپیوندید 👇👇👇 @akhbarelafoor 📱 رسانه باشید ما را به دوستانتون معرفی کنید 🌱🌿☘🍀🍀☘🌿🌱