😄 طنزِ #یلدا_شو ⛄️ 😁 ☃ چند روزِ صَوایی ، مه حال خرابه مه گلیم در بورده ،دِشت زیر آبه چند روزِ شومِ من ، صوایی خوارمه موقعِ شوم، بی وقتی چایی خوارمه خَوِر هادانه ، یلدا در اینه نَئومّه وه کیه ، فردا در اینه شِه چشِ باز کمّه دِریا ره ویمّه تمومه جنّ و پریها ره، ویمّه ندومه پیت کِلِه ، یا کوکّی بَویمه چَپَر مه یا که من ، جوکّی بَویمه اَمه تَرنه مار گو ، پی کت هاکرده خَروک وه گوگِ زاره ، گَت هاکرده روستا ره بدیمه ، محشر بَویئه خواجه حافظ پیلو ، کَرشر دویئه جمال الدّین بورده ، دیها ره داشته ملا نصرالدّین ، کدخدا ره داشته شالک ندونه ، چی بَلا بَویئه کَلاج مهمونِ چلچلا بویئه تیکا سَنگلِ کاکِ سر هنیشته منه پرونده را ، از بر نویشته مه سر گیج بورده ، سر بنده نارمه قَلی چی بیموئه ، نال ونه نارمه صَفرِه بدیمه، سَر تیل دَوَس وه سه تا دستمال ، وه پیشونی دَوَس وه گِته بیچاره مه ، یلدا در اینه غَضنفر با کیجا ریکا در اینه زَنا راهی هاکرده ، بورم بازار مه سر سوت بزوئه، ای جان برار قیمتِ بادوم و ، پسته بدیمه هَتی صد سالِ، دلِ غصّه بدیمه کجه سراغ دارنه ، من گم بواشم بورم چند شو ، اوجه قائم بواشم اَشون خو بدیمه اصحابِ کهف ره کی گته گرونه ، همه چی حرفه مره آدرس هادا ، غاری بواشم ماکسی میلیامه ، دایی بواشم از اون وقت تا حالا، مه حال خرابه مه دل صَفرِ سِه ، بوین کبابه مِن هم خو بدیمه جری بری مه عمو مَشد عزرائیل،ِ مشتری مه گمونم که درسّی،خل بوِیمه بهار مای بیلِ جِنگِل بویمه خیال کمّه کَلاج ، بلبل بویئه کَیی حَلوایی اهل، دل بویئه غَریبه چارویدار نیسون سواره دَم به دَم خَوَره، بی کَس و کاره لمن دَکاشتنه ، گورس و یونجه حَلّاجِ قرن و قرنه، ایمو اوجه صفر اوجه نیشته ، وه دست حنا وه لیور سِل جمع وینه، تَشتِ سَما وه استنگا بومِ سر ، گولا بزونه نهار کَشک آش و ، شوم پیتزا بزونه مردِ کوهستان ، محلّی خونسّه حسن پور، شیونِ نوری خونسّه گته مِلار ما ، شروینِ ما ره برو هیرم بورم ،این پیت کلا ره علی نجی چتی بَلوا بوِیه شبِ یلدا شلم شوروا بوِیه #شمه_یلدا_شو_موارک #شعر_طنز_یلداشو ✍علی نجی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید