✳️ مویه مازندرانی برای شهدا : #شهید_شهادت_شهدای_گمنام 🇮🇷🥀🇮🇷🥀🇮🇷🥀🇮🇷🥀🇮🇷 دواره لاله بارونِ اَمه شهر پُر ازعطر شهیدونِ اَمه شهر شه نازنین بِرارونِ بلاره من شه عزیز مهمون بلاره مه نازنین برارون خِش بِمونی شمه وفای قروون خش بمونی دل بی درده نواجش دَنیّه نسوزه دل چشه وارش دَنیّه شمه پِر کو بَوینه شه ریکا ره شه پهلوون ریکای هِسّکا ره شما لاله بِینی پرپر بِمونی اکبر بُوردنی و اصغر بِمونی بـرار ، بـراره وِسّه بی قراره ندونه این شهید ونه براره شمه مار کوعه لالایی بَخونه خواخر از درد جدایی بخونه پسر کِمین بیابون دِمّدا بی تِه چندسال آزگار ازمن جدابی ته دیر هاکردی و ته مار بَمرده ته پَر از درد دوری زار بَمرده اِسا جای ته مار شو تاصوایی تِه وِسّه خوندمه پسر لالایی لالا لالا باخس جان،خسه هسی تن مفتلا باخس جا،خسه هسی لالا لالا شهید بی تنِ دور لالا لالا عـزیـز وطـن دور کجه دِمدا بینی این همه سال لالا لالا چتی بَزویی بال بال شمه خشک گَلیِ دور بَگِردم شمه کَش و پَلیِ دور بگردم بَمیرم مثل زهـرا در جـوونی بـا بـال خـونی بَینـی آسمونی شما که بُوردنی، همیشه«مداح» در حسرت شهادت کَشنه آه شاعر : علی اکبراسفندیارمداح #موری_مازندرانی #شهید #شهادت #ایام_فاطمیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید