✳️ طنز تبری "چَک چَکی " : بَتِمه هَسّی مه دلوَر ، ته بَتی نا بَتِمه هَسـی مه سروَر ، ته بَتی نا بَتِمه من تِنه حیدَر ، ته صنمبر ته بَتی نا بَتـْمه کارکِمبه شو و روز جمع کِمبه تِسّه سیم و زَر ته بَتی نا بَتْـمه هرچی ناخِشی دارنی با مه سر ته بَتی نا مازِرون تا به دِماونده ته خاطر لَله پَرچیم کِمبه یکسر ، ته بَتی نا ته واری گپ زمبه ، راه شومبه ، مِجِمبه چوسّی شونی میونِ شه سر و همسر ته بَتی نا. بَتـْمه میم زمبه شه تِکّه هرچی که بَوّی اِلِمبه شه چِشِ سر اَی بَتی نا آ... الهی ته نِنا ره وَچه نَیـْبو ناخِشی بَیره ته تَنّه خر و قاطر بَزِنه لو ته دلِ سر بَوّم آخ جان ته عامی زِن بَمیره ته عامی سرتِر ته بِبا سَک دَکِفه کِر بَسوزه ته هرچی بَدتِر ته نِنا هِم نَشوئه دَر بَوّم آخ جان آ...الهی جای اَسری خون بِواره ته دِتا چش ته ره تَش بَیره بَهووی بَسوته جِل بِلا بَنده ته دلِ سر بَوّم آخ جان مَلکِمیت بَیره ته دلّه ته ره خِشکِ چو بَوینم ته سَرین بَـوّه الهی قبرِسّونِ سیو گِل چَک چَکی هِنیشِم ته سر بَوّم آخ جان #علی_اصغر_وهابی_شیدا #طنزتبری #چَک_چَکی ⭐️ به کانال #اخبار_لفور بپیوندید 👇👇👇 @akhbarelafoor 📱 رسانه باشید کانال ما رو به دوستانتون معرفی کنید 🌹🌹🌹🌹🌹🌹🌹