📝 شعر تبری مازندرانی: ‍شب شیره بادونه گیرمه ؛ بِره تو قشنگ زلفِ شونه گیرمه بِره تو به جان لیلی که عاشق بَمرده همه ی ور مونه گیرمه بِره تو بیه ای ؛ من تَنیرِ تش کِمّه گَنِّم آردِ ؛ نون پَنجی کَش کِمّه با روح ؛ پرواز تا به عرش کِمّه شه چِشِ ته لینگِ بن ؛ فرش کِمّه هم سراکو ؛ هم آبرو ؛ بره تو هم مه ؛ خو وِزه هم خو ؛ بره تو تو مه دلِ عزیزی ؛ تو مه نازی تو مه دَوَس بوشایی ؛ تو مه رازی تو مه زندگی و مرگِ جوازی جشنِ چَکه سما ؛ قبرِ گِروازی تمنا از خدا کِمّه بِره تو تا بِنی سَر دعا کِمّه بِره تو تِسه دلِ قِلا کِمّه بره تو محبتِ کِپا کِمّه بره تو پاپلی جور ؛ سَما کِمّه بره تو شه دستِ سر ؛ لا کِمّه بره تو سالار مردی ؛ تِنه لالایی خومّه سرشو تا خدِ صوایی خومّه خار خار ؛ ته سرِ می ره بو کَشمه دست از استراحت و خو کَشمه دلِ ویار ؛ قشنگِ یار بِره تو تا کی وو چِش ته انتظار ؛ بره تو ✍ #غضنفر_بالی_لاشک 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید