✳️ شعر محلی " اهل قبور " : هرپنجشنبه دل شونه سمتِ لفور غروب مَردا زن شینه اهل قبور هرنماشون مِتولی ورده سو ملت شینه زیارت با شوق وشور زیارت شینه تا حاجت بَعیرَن کِردِنه نذر ازما مشکل بَوّه دور از دل و جان ونسّنه قفل ودخیل مه مریض بیره شفاء نشوئه گور با زیارت حالِ خوبی داشتنه چه سبکبال راهی بینه با غرور اون روزا دل خِنه ی خدا بیه صاف و بی ریا بینا بی تکبر اون قدیم اعتقادها قوی بییه ضامن نذر امام زادهِ علی بییه حرف هر دل با زبون اَتا بییه درمونِ درد بی معطلی بییه اونوقت ناشتنه هیچگونه امکانات خدا وشونه ونگِ زود دائه جواب بسکه همه بینه بی شیله پیله صاف و زلال بینه چون آئینه ی ناب یاد قدیم بوی بهشتّه دِنه بوی اجدادِ پاک سرشتِ دِنه اگه اون دوره بازم بوه تکرار من یکی از دل هسّمه خریدار شاعر: کیومرث دهقان #شعرمازندرانی_اهل_قبور #لفوراهل_قبور ⭐️ به کانال #اخبارلفور بپیوندید 👇👇👇 @akhbarelafoor 📱 رسانه باشید کانال کانال رو به دوستانتون معرفی کنید 👆👆👆👆👆👆👆