🔷 دلگویه مازندرانی برای حضرت رقیه : بابا جان یتیمی درد بَدیّـه مه دل سه ساله سی سال غم بَدیّه بابا خِش بِمویی خرابه منزل تِه کِجه بُوردی پاره بَیّه مِه دل بابا تِه سر وصورت چَنّه خاکه؟ بَمیرم تِه گَلی چه چاک چاکه؟ تِوسّه بِرمه تا که بُونه کِمّه شِه دَسِ جا تِه ریشِ شونه کِمّه ته چَنّه بوی نون تازه دِنی بوی غریبی بی اندازه دِنی بابا تِه تِک اِنه خونِ بِلاره من تِه بشکسّه دَننونِ بلاره ته دَس ندارنی مِره ناز هاکنی اِسا بُونه شه چِشّه باز هاکنی؟ بابا اگه مه چِشِ پشت کهوعه جای مشت خولی و حرملوعه من از کربلا تا شام چو بَخِنّه دم و ساعت بابا جان لُو بَخِنّه تا که بابا گِتمه مره زونه عمه شه خِدّه زو مه یاد نشونه هرکس بَرسیّه مره بَروشته مره درد یتیمی شه بَکوشته مه تن مثل کوره ی تَش وِشنه بابا این درد آخر مره کِشنه بابا اَمشو مره شه همرا بَوِر مه دل تنگه برای علی اصغر هر چی که گلِ درد دَیّه بَچیمه شه عمه جانِ درد سر بَهیمه تا بابا گِتمه مِه وَر اِمونه به بَهونه ی من عمه ره زونه خوامه تِه تِک جا بوسه بهیرم اَتا ناله بَزنم و بمیرم بابا مه غمه «مداح» زار بَزوعه مه غریبی ره با شعر جار بَزوعه #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_رقیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت رقیه : عمه جان بَوین اِماره بَکِته چیکار تماشا دِنّه شهربه شهردیار به دیار مگه عمه جان اِما نِیمی سبط رسول اَمه خنه چه بَهییه خرابه کنار؟ عمه جان پس کو مِه باباجون مه دل بَیـّه وِنِه وِسّه خون خو بَدیمه من عمه شه جانِ بابا ره کَشه بَهیته وِه شه دُردُونه کیجا ره آرزو دارمه بابای کَشه خُو بُورم مه دل بَـیّه مه باباجونِ وسه پاره باباجون که اِنه از سفر سوغاتی ره بیاره مه ور عمه جان بَوین خرابه قَمِربموعه مژده هاده مِه بابا از سفربموعه عمه جان بَدی خدا کَسِ بی کَسونه نصف شو بابا مه وِسّه با سربموعه بابای دِهون پُرِ خون گمونم بابا ره بزونه مه دل خون دَره ازدستِ شامیِ وَچون هر روز غروب اِمونه با شه باباجون همه شه پِر ره مره سراغ دانه بابا تِه که دَنی بی بابا تِره هادم نشون من خَله بَدیمه آزار راه شومه دس گیرمه دیوار بـابـاجـون دیگه مِـره بَـوِر شَـرّ بَهيمه عمه جانِسّه دیگه وِسّه دردسربَهيمه مِره بَزونه بشكسّه مه كَش و پَلى شبيه تِه مار زهراى اَطهَر بَهیمه هم مه کَش بشکسّه و بال مره عمّه ها کن حلال #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_رقیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت رقیه : #سبک_شیر_علی_مردون عمه نداشته کیجا مهربون بِیّه مه جا مثلِ پَروانه مِه دور و ور دَیّه عَمّه الهی نَوینم شه عمه جانِ غَمّه شه درد و دِلّه به عَمّه گِتِمه هر شو وشنا وِنه کَشه ختمه مِن که خُوشیمه تازه عَمّه ناله زو جان برار به داد من بَرس برو اَمان ای دل وای اَمان ای دل وای اَمان ای دل وای اَمان ای دل وای اَی خوانی بُوری سفر مِره شه همرا بَـوِر خَلِه بَد دردیّه بابا درد یتیمی دیگه نَشو مِه جان بابای صمیمی چَنّه چِش داشتمه تِه راه نِمُویی روز بِیه شو دَر اِمو ماه نِمویی مره باباجان بَوِر که عَمّه چوخِرنه مه وسه سپر بُونه همیشه لِو خِرنه اَمان ای دل وای اَمان ای دل وای اَمان ای دل وای اَمان ای دل وای #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_رقیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت رقیه : لالا لالا مِه برار زا عمه قروون آخر بَیتمه تِه عزا عمه قروون لالا لالا مِــه دل خِشی هیچوقتی اینجور خُونَشی چند روزه که ته ناخِتی پِرِه سَرین سَـر باخِتی نَکنه کـه تِـه بَـمردی ازخوشحالی دِق هاکردی چِتی شِـه دل دارم غَمّه الهی نَهــیبُوم عَـمّه تـه که بی مِه دَم و نَفس اِسا دیگه راحت باخِس مه سینه اَی تیر بَـخرده مـه رقیه جـان بَـمرده بِرمِه ره با هِق هِق کردی سه سالگی دِق هاکردی ته این دنیا خِشی نَدی برار زا جان راحت بَعی آخ تِه خَله بَدی آزار راه که شی دَس گیتی دیوار مه یاد دَر نشونه تِه داغ مه چش پیش خِردی شلاق ته غم مه دِلّـه تَش بَـزو دشمن لُو ره تِه کَش بَزو مثل زهرا تِـه دِیم نیلی بَمیرم که خِردی سیلی ته جُرم و گناه چی بِیّـه؟ آخ ته جور مظلوم کی بِیّـه؟ تِه تَن و پِـه هَسّه کَـهو رقــیه بـابـا ره نَـــعو مردم پیش تحقیر بَعی سه ساله بی و پیر بَعی اَتـا غذا سِـر نَـخردی عاقبت وِشـنا بَـمردی رقیه جان دل نارمه من تِه تَـنِّه دَپـوشم کـفن تِه دَرد و بِـلا مِـه سینه بی خواخر بَـیّه سکینه ای همسفر خـدا حافظ خوارِ دِتّر خدا حافظ دَری شونی دل سَروشته ته غم«مداح»ره بَکوشته #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_رقیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 دلگویه مازندرانی برای حضرت رقیه : الهـی مِــن بَمــرده بُـوم رقـیه تِــه بَمــردن ره نَـدیبـوم رقـیه رقـــیه من تـه کَهـو دِیـمِ قـرون بَمیرم ته دِتا چِش کاسه ی خون مِـره تَش بَـزویی بـا این بَمردن من بَمــردمه از تِـه چـو بَخِردن مِـه قشنگِ کُوتِـر چه پَر بَکِشی؟ مِـره چه نَوِردی اِساکه دَی شی تِـه سـر تـا پــا کهـو عمـه بَمیره شِــه بــابـا ره نَعـو عمـه بَمیـره حسینِ پیش مِـره شرمنده نَکِن از ایـن بـدتـر مِـره درمانده نَکِن من اَمانت داری خوار خوار نَکِنّه مـن مـادری جـای تِـه مـار نَکِنّه سه ساله زهرا،نصف شو بَمِردی مِــه دِلّـه تِـه تـا مـدینه بَـوِردی زهــرای مــدینه هـم شـو بَمِرده مِـه مـار مثل تِه چَک و لوبَخِرده تِه کِچکِ دَسّ ولِینـگ کَهوی قِرون تِه شب و روز بَخِـردی چـوی قرون بَمـیرم کـه تِـه هـر شُو وِشنا خِتـی اَنّــه بــابــا بــابــا گِتــی تــا خِـتی تِـه بَمردِن مِـه دلّه کـه بَـزو چـاک تِــره چِتـی بِهـلّم سینـه ی خـاک تِـــه دعـــا مستجـاب بَیّـه رقـیه مِــه دل تِسّــه کبـاب بَیّـه رقـیه رقـیه جان تِـه غـم مِـره بَکـوشته شــلاق بَهـییـه و مِـــره بَـروشته تِـه مِه شیرین زبـون کاروان بی جانِ برار زا مِه تَن ره تِه جان بی الهـی کـه تِـه جـا حاجت بَهیـرم دعــا هـاکِـن بِـرار زا مـن بَمیرم بِرار زاجان ته بی عمه ی غمخوار رقــیه جــان دیگـه خـدا نگـهدار اگـرچــه تِـه مصیبت هَسّه جانکاه تِه سـوز دل ره هِـدایی بـه«مداح» #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی #حضرت_رقیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 نوحه مازندرانی برای امام حسین ع : آ بـرار مهـربون «۲» چه اِشنی آسمون خوندنی اِنّا الیه الراجعون «۲» تره به جان مه مار مـگه قـراره بـرار جدایی دَکِفه من و ته میون(۲) نکنه حکم خدایی بموعه بر ته ابلاغ الهـی بمـوعه ای حسین دلشوره دَکته مه جان نکنه وقت جدایی بموعه جدایی با ته مره نَیّـه گمون «۲»         خوندنی اِنّا اِلیه الراجعون(۲) ای حسین مِه جان مارِ یادگار ته چه اَمشو اَنّه هَسّی بی قرار تِه فـدا بَـوِّم تِـره چیـه حسین بُغض هاکردی بِرمه ره خِرنی برار نکنه فردا بُونی تِه غرق خون(۲)       خوندنی اِنّا اِلیه الراجعون(۲) الهـی کـه تِـه فـدا بَـوّم حسین تا بـه تِه غم مفتلا نَـوّم حسین مِـره یـاد نِنِـه تِه جا دور بَهیبوم پس چتی ته جا جدا بَوّم حسین داغ ته گیرنه برارجان مِه اَمون(۲)        خوندنی اِنّا اِلیه الراجعون(۲) از ازل همیشه مـن تـه یار بِیمه هم ته خواخربِیمه هم ته ماربِیمه اَتّـا روز اگـه تِـره نَدیبیـبوم از دلتنگـی تِـه بـی قـرار بِیمه نَدیمه برار تِـه واری مهربون«۲»        خوندنی اِنّا اِلیه الراجعون(۲) بعد مِـه پِـر و بِـرار و جان مـار دیگه مه دل تِه جا خِش بِیّه برار تِه که بُوری دیگه من میرمه حسین بی ته دیگه من ندارمه روزگار ای حسین هَسی ته مه نام و نشون          خوندنی اِنّا اِلیه الراجعون(۲) #علی_اکبراسفندیارمداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🔷 روضه امام حسین ع برای شب عاشورا : امشبی راخواهرم محض خدا آرام باش می شویم فردا دگر ازهم جدا آرام باش آخرین شب باشدامشب خواهرم که زنده ام بنگری بی سر توفردا شب مرا آرام باش جای مادراین سرم را بر روی دامن بگیر می شودفردا جدا چون از قفا آرام باش بعدازآنی که سرم راکرده اند از تن جدا می رسدازهر طرف سیل بلا آرام باش جدمارفت وپدر،مادر،برادرهم که رفت نوبت من شددگرای خواهرا آرام باش زینبم زخم فراوان می زنند بر پیکرم یابه خنجر یابه نیزه یاعصا آرام باش امشبی بادست خودشانه به مویم میزنی می شودفردا زخون رنگ حناآرام باش صبر بنما ومبادا خواهرم نفرین کنی چونکه بیند ماجراها را خدا آرام باش پیرهن کهنه که مادربافت راهم می برند یک بدن بی سرزمن ماندبجاآرام باش تورگ بُبریده میبوسی بجای صورتم گرچه ناله میزنی هی بی هوا آرام باش بچه های من کسی خاروبیابان راندید مانده اند گر زیر تازیانه ها آرام باش این عزیزانم همه بابایی اندخود شاهدی جان تو جان تمام بچه ها آرام باش تواگرگریه کنی این بچه هادق می کنند پس بجان مادرم زهرا بیا آرام باش درنماز شب فراموشم نکن ای زینبم توفقط درحق من بنما دعا آرام باش سینه هاازروضه«مداح»ماآتش گرفت دختر زهرا به پای روضه ها آرام باش #علی_اکبر_اسفندیار_مداح #محرم #نوحه_مازندرانی #مویه_مازندرانی #موری_مازندرانی #دلگویه_مازندرانی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🖤 دلگویه (مویه) مازندرانی دختر شهید : سلام بـابـا سلام آسمون ماه تِوسّه روز وشوچِش داشتمه راه بابا ته خون آشی چِشِ بـلاره مره هارش تا مه دل نَوّه پاره تِوسّه مه دِتا چِش وارنه وارش مه دل تنگه خوامه هادم نِواجش کِجـه دَیـی بـابـا جون صمیـمی نَدُونّی چَنّه سخت هَسّه یتیمی اگر چه آسمون بَیّـه ته منزل بابا خَله تِـوسّه تنگه مـه دل کی بَدیّه بابا به این قشنگی؟ تِه سر و ریش خون آشی چه رنگی سِیو ریشِ حِنا چَنّه قِشنگه چیکارهاکنم این دل تِسّه تنگه الهـی بـابـا تـه فـدا بَهـووم چِتی ته نعش جا جدا بَهووم شهید اگـه قراره سر نداره خـدا هـاکنه وه دتِـر نـداره روز و شو بَیـّه مه کاربرمه زاری مره بکوشته ته چشم انتظاری اِسا که دِترِه شهید بَهیمه پیش رقیه رو سفید بَهیمه بـابـا جـون ای فداییِ ولایت گـوارای تـه شـربت شهادت مه دل تنگه بابا ازاین جدایی بابا یتیمی سخت هسه خدایی بـابــا دیـگه کـجه تره بَوینِم؟ گل ِ بُوسه ته دیم جا بچینم؟ ته که بُوردی مه همدم جان ماره اگــر چــه از غـم تـه بیـقراره بــدور ازمـن همیشه برمه کِنّه تـه غـم وغصه ره شه سینه کِنّه. ته که بوردی اَما دارمی «ولی» ره خدا حفظ هاکنه «سید علی» ره اَمِه جا وِه خَله هَسّه صمیمی بَهـیـّه مَــرهم زخــم یتـیـمی بـابـاتـر ازبــابــاهـای نـمونه خـدا دونّــه کـه چَنّه مهربونه تِـره بَدیمه مه ور تـازه بَیّه اسیـری و غـریبـیِ رقـیّه اگر چه بابا جون مه دل کبابه ولی اینجه کجه شام خرابه؟ اینجه چون من بِیمه شهیدکیجا همه مهربونی کـردنه مِـه جـا اگرچه سخته ته مصیبت وداغ اینجه هیچکس مره نَزُوعه شلاق مه وسّه اینجه دسّه گُل فراوون بَمیرم کـه رقیـه بَیّـه دلخـون بشنوسّمه چهل منزل روز و شو رقیه زیـر شـلاق دس و پـا زو مِه دردِ دِلّه«مداح» بَخونِسّه انگاری مِه حال و روزه دونِسّه 🌴🥀🌴🥀🌴🥀🌴🥀 #علی_اکبر_اسفندیار_مداح #دلگویه #مویه_مازندرانی #موری_مازندرانی #شهیدوشهادت #دخترشهید 🔰 به کانال اخبار #لفور بپيونديد. 👇👇 @akhbarelafoor 👆 با ما همراه باشید.

🖤 دلگویه(مویه) مازندرانی دختر شهید : روز وشو از نماشون تا طلا ونگ مه چش در انتظار ودل بِیه تنگ سفری هرکه داره چش براهه پر از دلتنگی و تشویش و آهه تا اعلان بَهییه شهید بموعه یتیمـونِ دلِ امیـد بمـوعه بِمونه مرد و زن دسّه به دسّه به استقبال شهیدون خسّه نـاگمون بـا تعجب بـرمه واری تِه عکسه بَدیمه تابوت سواری گمون نکردمه مه جان ته قروون ته باشی یکی از همین شهیدون خسّه تنِ بلاره مرد جنگی بابا کی بَدیّه به این قشنگی؟ مدافع حـرم هسّی بابا جون همه جا محترم هسّی بابا جون بابا خوامبه تِره هادم نِواجش تـره جـان رقیه مـره هارش اگه مه نازنین بابا ته هسّی چه تا مره بَدی چِشّه دوسّی؟ سِیو ریشِ حِنا چَنّه قِشنگه چیکار هاکنم این دل تِسّه تنگه لباس غرق در خون شهادت موارک بر ته سرباز ولایت قسم به سینه ی پُر آه زینب فدا بَیّه بابا در راه زینب«س» ته که بوردی سفر ناشتمه اوقات دِتِر وسّه چی بیاردی سوغات؟ بابا مه دل پُره از درد و نالش شِه زِنّی سر تره دِمبه نواجش تـره تـا بدیمه دل بَیّـه پاره بابا ته خون آشی ریشِ بلاره شب و روزبَیـّه مه کاربرمه زاری مره بکوشته ته چشم انتظاری مه دل تنگه بابا ازاین جدایی بابا غصه نخر دارمی خدایی بابا دیگه کجه تره بَوینِم؟ کجه گلبوسه از ته دیم بچینم؟ ته که بُوردی مه همدم جان ماره اگر چه از غم ته بیـقراره بدور ازمن همیشه برمه کنّه ته غم وغصه ره شه سینه کنّه بابا دونّی مه ور چی تازه بَیّه؟ غم  خرابـه  و  داغ  رقــیه داغ جدایی مه دل ره بزو چنگ ته تابوت ره دیگه نزونه باسنگ مه وسّه اینجه دسّه گُل فراوون ولی اونجه رقیه جانِ دل خون مره که نزونه تن بَهیره تش مثل رقیه که نکردمه غش امان از درد جانسوز رقیه مه دل که وِنه وِسّه پاره بَیّه جان خدای جا بخواه بابا جون که«مداح»بَهووه مثل شهیدون 🌴🥀🌴🥀🌴🥀🌴🥀 #علی_اکبراسفندیار_مداح #دلگویه #مویه_مازندرانی #موری_مازندرانی #شهیدوشهادت #دخترشهید 🔰 به کانال اخبار #لفور بپيونديد. 👇👇 @akhbarelafoor 👆 با ما همراه باشید.

🖤 مویه (موری) مازندرانی برای مرگ جوان : من از این گلزار نشونه دارمه الهی مار بمردبو من از داغ شه جوون ناله دارمه الهی,,, من داغ نوگل نو رسته دارمه الهی,,, چند روزه ونه داغ شه سینه دارمه الهی,,, الهی مار بمردبو ، داغ پسر ندیبو 🖤🖤🖤🖤🖤🖤🖤 مگر ته داغ مره بونه فراموش الهی,,, چند وقته ته صدا ننه منه گوش الهی مار بمردبو... مثل سیر و سرکه مه دل زنده جوش الهی,,,, بدیمه جوون نعش ره سره دوش الهی,, الهی مار بمردبو ، داغ پسر ندیبو 🖤🖤🖤🖤🖤🖤🖤 پنجشنبه نماشون ته قبرپلی الهی,,,, خرما بدست نیشتمبه برمه گلی الهی,,, قبر سر شندمبه چشه جه اصری الهی,,, ته که بوردی بورده منه دل خشی الهی,, الهی مار بمردبو ، داغ پسر ندیبو 🖤🖤🖤🖤🖤🖤🖤 مره یاد انه وا ته گره کنار الهی,,, زمستون شو من نیشبیمه بیدار الهی,,, تره خو کردمه مه دل قرار الهی,,, گتمه بونی شه ماره یادگار الهی,,, الهی مار بمردبو ، داغ پسر ندیبو 🖤🖤🖤🖤🖤🖤🖤 شه دل گتمه من ای جان ریکا الهی,,, سره پیری بونی مه دسته عصا الهی ,,, کی گته جوون مرگ شونی زدنیا الهی,, قبرستونه دله بونه تنه جا الهی ,, الهی مار بمردبو ، داغ پسر ندیبو 🖤🖤🖤🖤🖤🖤🖤 آرزو داشتمه من با دل شاد الهی,,, تره شه دسته جه بسازم داماد الهی,,, اجل مه آرزو ره هدا برباد الهی,,, زیر گل بورده مه گل شمشاد الهی ,,, الهی مار بمردبو ، داغ پسر ندیبو #مویه_مازندرانی #موری_مازندرانی #داغ_جوان 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

🖤 دلگویه مازندرانی برای شهادت حضرت معصومه سلام الله علیها : الهی که رضا ته غم بَمیرم دَنی باشم تِه وِر ماتم بَهیرم الهی که تِه جان فدا بَهووم بدون ته چتی دنیا دَهووم من شه غریب الغربای قروون جان برار امام رضای قروون از مدینه بَهووم با چه احوال مرغ دل زوعه به عشق ته بال بال اَجل مهلت ندا تره بَوینم تا شه گــل آرزو ره بَچینـم ته که بُوردی مه دل قرار نَهیته دم و ساعت ته بَهونه ره گیته جان برار من از شهر مدینه سنگ عشق تره زومه شه سینه بشنوسّمه ته جگر بَیّه پاره تره زهر هدانه من ته بلاره ته وقت جان هداعن زویی پرپر جای ته خواخر خالی بِیّه ته ور برار خواخر توِسّه نازنینه عشق برار و خواخری همینه منزل به منزل کردمه وَنگ وا کجه دری مه جانِ امام رضا؟ کجه دری برار دل تِسّه تنگه رضاجان رضاجان مه دلِ ونگه چه سرنوشتی من وته داشتمی هر دِتا دور از وطن جان هدامی آرزو داشتمه زینب واری ته پَلی هاکنم شیون و زاری خواسّمه تره شه کَشه بَهیرم رضا رضا بَهووم و بَمیرم دعایی کِمّه روز و شو مرتب الهی داغ نَوینی مثل زینب رضاجان تره به موسی بن جعفر شفاعت هاکن از«مداح»به محشر 🏴😭🏴😭🏴😭🏴😭 #علی_اکبراسفندیارمداح #دلگویه #مویه_مازندرانی #موری_مازندرانی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی مویَه : صدای مویَه ای اِینَه با نارَه بَوِه دل هِنتی یه جِل پاره پارَه یکی بوتَه بَگِردَم قّدِ رعناش یکی دیْ بِرمِه کُردَه با اشارَه همه خویشون ببیمونَه مَغفِرستون بَدینَه مردومی حال چِنتی زارَه دِتَر گیسش کَشیَّه هِنتی ساجَه ریکا دیْ مویَه کُردَه با ستاره پییَر دولا بِیَه هِنتی کمونی گُتَه مردوم دلم ابرِ  باهارَه دَوِی یک کَس که رنگش هِنتی گچ بِیْ آخِی مارِش بَگِردَم بیقِرارَه خاخِر مرثیه گو بِیْ گاه و بیگاه بِرار نازش کَشیَّه از دوبارَه جَوونون فکر خاکی سنگ و لونَه بزرگون بیزِن از این دردی چارَه هَلا صاحب عزایَه دل پریشون دَرَه کُلگایی سر حلوای سارَه چه توفیر کُندَه که وقتی بَمردی کفن از اطلسَ یا چیتِ پارَه هاکُن در زنده مونی خیر و نیکی بَمِردِه آدِمِر شیون به کارَه اگِر دست کسی اَمرو بَییری تو دون پِهرا تِنِر دی برقِرارَه بییِن تا هِدیرایی قدر رَ دونیم رفیق بیکسی انگوشت شمارَه ناکَک بیمو بَرِسّییَه گَلی بِن چِتی درمون کنم دل کَشنَه نارَه هزارون درد و درمونش رفیقَه بییِن با هم  دَووییم فکر چارَه رحیم بوتی نوای درد و درمون گمونم مویَه  دل رَ کُندَه پارَه رحیم  اله وردی میگونی برگردان فارسی شعر مویه (شیون) صدای شیونی آمد با نعره دل مانند پارچه ای تکه تکه شد یکی گفت به قربان قد رعنایش بگردم یکی هم با اشاره میگریست همه نزدیکان به گورستان آمدند دیدند که حال مردم چقدر آشفته است دختر موهایش را همچون جارو میکشید پسر هم با ستاره  شیون میکرد پدر همچون کمانی تا شده بود میگفت مردم دلم همچون ابر بهار است یک کسی بود که رنگش همچون گچ بود آخ،مادرش است،برگردم که بیقراری میکند خواهر مرثیه گویی میکرد گاه و بیگاه برادر نازش را میکشید دوباره جوانها به فکر سنگ های داخل گور و بزرگان چهره در هم کشیده از چاره این بلا هنوز که عزا دار دل پریشان است حلوا را بر روی اجاق آماده میکنند چه فرقی میکند آنگاه که مردی کفن از پارچه اطلسی باشد یا از چیت پاره شده در زمان زنده بودنت خیر و نیکی کن برای آدم مرده گریه به راه است اگر دست کسی را امروز بگیری بدان که پس فردا برای تو هم چنین خواهد شد ببیایید تا قدر یکدیگر را بدانیم رفیق دوران سخت انگشت شمار است نفس به سختی تا زیر گلو میرسد چطور درمان کنم؟دل نعره میکشد هزاران درد است که درمانش دوست است بیایید با هم به فکرچاره باشیم رحیم نوای درد و درمان را گفتی گمان میکنم ناله دل را به درد میاورد #شعرمازندرانی #مویه_مازندرانی #موری_مازندرانی #رحیم_اله_وردی_میگونی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید