✳️ مویه مازندرانی شهادت حضرت زهرا سلام الله علیها: ‍ #نه_سال_پیش_کدبانوی نُه سال پیش کَدبانویِ تِه خِنه بَیمه علی تِه شمع بَعی ومِن پروانه بَیمه نِشتنه مِن و تِه روزِ خِش ره بَوینیم نِشـتنه از بـــاغِ آرزو گــل بچیـنیم غم دَره مَشته مه سینه از مــرد و زنِ مــدینـه مظلوم علی جان(2) بعد پیمبر بَیـّه مــه کـار بـرمه زاری چندماهه خوارخوارنکردمه خنه داری شرمندومه که خوب تِـره یاری نَکِـنّه علی تِـه وَچون نِسّه مـادِری نَکِنّه جان حسین جان حسن علی مـره حـلال هـاکن مظلوم علی جان (2) مِـره تِه چِشِ پیش بَزونه بین اَنـزار حسین وزینب برمه کردنه چه زارزار اونجه بَدیمه کـه علی خَـله غـریبی کسی ره ندارنی و از یار بـی نصـیبی بَیـمه فــدایـیِ وَلــی مِه جان تِه قرون یاعلی مظلوم علی جان (2) دَرمِه شومه دل دارمه پُرخون ای علی جان جانِ تِه وجان مِه وَچُون ای علی جان زینب بدون من علی جان خو نشونه یاد نَکِنی نِصف شو حسین تِشنا بُونه درشومه شاه عالمین جان ته و جان حسین مظلوم علی جان (2) کی بَدیّه زن از شه مَردی رو بهیره؟ کـی بَــدیـّه زَنّـه بَــزِنـِن تــا بَمیره؟ مِــه بــاغ آرزوی لالــه ره بَچـینه مِه وَچُونّه بی مـار بَدینه شادبَهینه اونی که مره لو بزو وَچُــونِ روبـرو بَـزو مظلوم علی جان(2) (زبانحال مولاعلی بافاطمه) بِشنوسّـِمه بَوتی خدا عجل وَفاتی با این دعا زهرا مِره از هَم بِپاتی تِه که بَدی علی غریبه کِجه شُونی فاطمه جان بَمون هنوزخَله جِوونی من بی ته دربدر بومه ته بوری جان به سربومه مظلومه زهرا (2) شاعر : علی اکبر اسفندیارمداح #موری_مازندرانی #ایام_فاطمیه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید