📝 شعر مازندرانی درباره مادر : جان مار من ته سختیِ بلاره قدیمِ داشتی ناشتیِ بلاره ته سفره بییه خالیِ بلاره ته کار خله زیادیِ بلاره ته دَس تنگ و بی هیچیِ بلاره ته زِمسّونِ سردیِ بلاره تیساپه لینگ هماتیِ بلاره نا کلوش نا سرپاییِ بلاره ته خِنه تَش کِله دیِ بلاره ته دور و وَرِ سختیِ بلاره 🌹🌹🌹 ته وچون گَت و کِچیگِ بلاره ته خنه خورد و تاریکِ بلاره ته پِلا اَتّا پِریکِ بلاره سردیِ دله سِتریگِ بلاره 🌹🌹🌹 ته تن بی خارِ پِمِّتی ره بووم اتّا پلا صد تا کَیی ره بووم شو گَره سَرِ ناخِتی ره بووم ته خسته تَن بی را حتیِ ره بووم #براری_خلیلی #ویشار #شعرمحلی_مازندرانی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید