✳️ شعر محلی مازندرانی "چِشِ شوکا " : سوادکو ته هواره خوانه مه دل نسیم دلگشاره خوانه مه دل مواسّه ته خاک قبله ی سجوده همون سبز قِباره خوانه مه دل ته دیار جای شیران و پلنگه دلیرانِ شجاع ره خوانه مه دل با ته دیّن هسّه مه دلهِ ارمون ملتِ باصفاره خوانه مه دل ته جنگل و مرتع سون بهشته مَسِّ چشِ شوکاره خوانه مه دل ته مرغزار میون تیرنگِ کِلی باز کوکِ ونگ و واره خوانه مه دل مه دل تنگه مثل ابرِ بهاری باز اون وارش و واره خوانه مه دل خوامه بشنوئم امیری و نجما نَغمه ی طالبا ره خوانه مه دل کجه بورم که بی ته غم نوینم دیارِ عاشقاره خوانه مه دل شاعر : کیومرث دهقان - 27 . 8 . 1400 #شعرمازندرانی #چِشِ_شوکا ⭐️ به کانال #اخبارلفور بپیوندید 👇👇👇 @akhbarelafoor 📱 رسانه باشید کانال #اخبارلفور رو به دوستانتون معرفی کنید 👆👆👆👆👆👆👆