#غزل_لکی #حضرت_علی_اصغر_علیه‌السلام کتیه نوم دلم داخ گرونِ دره آگرمه مه دنیا چزونِ نمم ئه واحفه ئه کو بیه ری گِ پَل پَل ئی گله ئه یک رزونِ علی کمتر لچل هوشکت تکون ده لچت دل هر چی آوه کل سزونِ هرنگ دل و سونگه داتا گپه به گمونم بن هتیته بی تو زونِ فلک ساز چمر کوک کَ گِ دشمن سر ئر ئی ایل خم‌باره شیوونِ فرات ارزش تکی آوت چنه بی؟ گِ دشمن خوین شش مونگه رشونِ گذشت ئه لشیژت نیرن مزونم ئَه کو بسپارِمِت دشمن نزونِ #علی_گلی_حسین_آبادی

#غزل_لکی #حضرت_رقیه_سلام‌الله‌علیها #شو_تار باوه سر تو چوی هوری مِهمُو شوِ تارِ مِنَ دلخوشی دلْ، پرِ زویخُ بی پلامار مِنَ باوه بَعدژ تو هراسون و خریوم چه بکم نومْ تُونه مُورِی فقط ئِی دنگِ کز دار مِنَ وختِ هوَتِن یِسِره نومِ تو پَرخاشَ مَکَم باوَه نومِت لاوه لاوه نِصمِ شاوارِ مِنَ بوره تا بوینی چَنی جُوره مَکیشم بَعدِ تو بوره تا بُوینی چَنی زویخ و خُصه بارِ مِنَ چاره نویس اَر چاره خَمبار مِنَ ماوه گِری وُنگَ ماریِر اَرا ای دِلِ خمبارِ مِنَ چو گلیکم که ئه دس واحفه پل پل بیسا هرنگم داری بنر ئه لش بیمار منه #علی_گلی_حسین_آبادی https://eitaa.com/ashare_ali_goli