((( استغاثه ))) ربّنا ای غفور و ای فاضل منیده ائیله فضلیوه شامل بارالها هدایت ائیله که من دین و قرآنیوه اولوم عامل کرموندن غنی اولوب مخلوق شاکر اولموش قاپوندا هر عاقل بیر ئوزی قاره بندوم یارب گلمیشم آستانیوه سائل مکر شیطانیدن اوزاق ائیله تا که رحمتدن اولمیام غافل میهمانم سنه ، عنایت ائله کرم و بخششه اولوم واصل روز محشرده وار گوزوم سنده حشر و نشره منم اولان قائل رمضاندور خدا عنایت ائله بخشش و لطفیوه ائله نائل امریوه گر اطاعت ایتممیشم اولموشام گرچه بنده کاهل ائیله اسراریمی اوزون پنهان تا که خلق ایچره اولمیوم زائل گل اوزون عفو ائله گناهلاریمی آرامیزدا اگر اولوب حائل بار الها بویور ملکلریوه دفتره یازماسین منی جاهل ملک الموتیوه سفارش ائله جان آلان لحظه اولماسون عاجل بلکه راحت ویروم بوجانیمی من تاپمیوم جان ویرن زمان مشگل مُتَبسم اولوم او حالتده منه گولسون او دمده عزرائیل گوزیاشیمدان صورا یوخوم بیر زاد تحفه د‌ور محضرونده ناقابل درگه شهدن آلماسا پاداش ترک قیلماز بودرگهی سائل بار الها مضاعف احسان ائت اولماسین دوز عمللریم باطل بندوی عفو ایتمسن سن اگر نیلرم بس گلنده عزائیل نه اوزیلن دوروم قیامتده چالینان وقته صور اسرافیل بارالها گناهیمی عفو ائت به مقام عظیم جبراییل واردی سنده فقط گوزوم یارب بذل و بخششده ای اولان کامل سن که یارب عزیز و قاهرسن خادمیندور جناب میکائیل قهر دریاسینی خروشان ائت خوار اولا تا سران اسرائیل لطف ائله صاحب الزمان گلسون اول امامی ئوزون ائله نازل پرچم دینی سر فراز ائلسون که لوای حقه اودور حامل منی سرباز ائله او مولایه اگر اولسام بو خدمته قابل بیرده رحم ایله سن #ملک‌پوره که همیشه اولوب سنه مایل شانلی #رزاقی بیرده #شیدایه که اولوللار قوافیه قاتل لطف قیل عفو ائله ،#وحیدی نیده روز محشرده ایتمه زار و خجل متبسم ائله #تبسمیده زحمتین ائیلمه اونون زایل #کیمیا غائبیدی محفلدن صورا گلدی صفا تاپوب محفل دوشنبه ۲۸ فروردین ماه ۱۴۰۲ شعرا : اساتید ملک پور ، رزاقی ، وحیدی ، تبسم رضازاده ، صادقی شیدا ، کیمیا

💠 طوفانُ الاقصی دن دانیش 💠 ای قلم یاز غزه دن طوفان الاقصی دن دانیش یاز فلسطین نهضتیندن شوروغوغادن دانیش داشلاری موشک ائدن سرداریده یاد ائیله یاز روحینه مینلرجه رحمت مرد برنادن دانیش یاز قلم آزاده انسان ئولمیوب ئولمز یقین دین یولوندا ائیلیین حقیله سودادن دانیش فاتح خیبر علیدن درس آلان سرداریدن عامل فتح و ظفر محبوب دلهادن دانیش ای قلم سر خطیوی قرآن منزلدن گوتور ذات حق مژده وئرن انا فتحنادن دانیش حق و باطل جنگیدی ، انسان و شیطان جنگیدی هم تولادن بو یولدا هم تبّرادن دانیش جنگ اسلامه دوباره گلدی قوم ابرهه حملهء سجیلیله فتحاً مبینادن دانیش ای قلم یاز غیرت و شور و وقار غزه دن دشمنه حمله ائدن مردان والادن دانیش یاز قلم اسرائیلون آز قالدی عمری قورتولا ظالمه ویران اولان دنیا و عقبادن دانیش بی گنه انسانلاری صهیون غاصب ئولدور یاز هامی عالم بوله ایذای اعدان دانیش رحم قیلمور عورت و طفله او سفاک زمان غزه ده قانه باتان طفلان تنهادن دانیش قورتولار هجران قلم یاز صاحب دنیا گلر عدلی برپا ائیلیین اُول حکمفرمادن دانیش قدس دا بر پا اولار وحدت نمازی عشقیلن محور وحدت اولان مهر و مصلادن دانیش تربت کرب و بلائیله یقین معطور اولار سجده گاه عشق اولان کوی تولادن دانیش اولموسان #شیدایه همره شعریده افکاریده آند ایچیب آللّه سنه قرآندا ، معنادن دانیش

《چیلّه》 #چیلّه گلدی دوتموشام یوز حضرت داداره من قیلماسا چاره اوزی قاللام یقین آواره من اولماسا غیبی مدد ، اهل و عیالیمدن بو ائیل بس که بوشدور جیبلریم اوللام خجل بیچاره من "بو فشاراتی که ائیلور حمله هر آن مغزینه وار یئری سکته ائدم چیرپام باشی دیواره من" نه حسابدا پول قالوب نه کارتیدا نه جیبیده چاره سیزلیقدان خانملان گلموشم پیکاره منه هیچ کسه چاتمور گوجوم یارب اوزون آگاهسن یاتماقامجبورم آخشام یوز قویام #انباره منه کیم سوال ائیلور، گلوب #چیلّه نه آلدون بس ائوه یوخ جوابیم سویلورم دئمّه باخوم #اخباره من باشیمی یا #حضرت‌یوسف قاتوب یا کی #جومونگ یا کی مَشغول اولموشام ائوده فقط #مختاره من پول جیبیمده اولمیاندا غم سیخور بو قلبیمی دردیمی تکلیقدا اظهار ائیلورم سیگاره من آز قالور بو غصه دن قلبیم منیم هر آن یاتا گوز یوموب بو فانی دنیادن گئدَم یکباره من دردیمین درمانی #بانک‌ملّی دور بس هاردادور لطف ائدوب وئرسین #دلارلاردان گئدَم بازاره من هم گئدوب اوّل آلام بیر شاد و خرم میوه نی پُسته نی هم قارپیزی تا دولدورام دستاره من بیرده چادر شب آلام یولداشیمه بیر روسری فخریله تقدیم ائدم #چیلّه گونی دلداره من فقر اولوب باعث منیم دردیم دئشیلدی تازه دن یوخسا گلمزدیم بو نوعی شعریلن گفتاره من طنز دور یوخسا ، خدا #شیدایه لطف ائیلوب گرک شکر ائدم درگاهینه بو باره دن همواره من #چیلّه #محمدرضاصادقی‌شیدا

عرض ارادت محضر حضرت زینب (س) سلام ای عرشیده آدین قویان حی مبین زینب سلام ای آدینی ابلاغ ائدن روح الامین زینب سلام ای نور چشم رحمه للعالمین زینب سلام ای دختر ختم النبی سالار دین زینب سلام ای زینت نام امیر المومنین زینب سلام ای جان زهرا دختِ ختم المرسلین زینب سلام ای عصمت کبرای حقّه جانشنین زینب سلام ای خواهر و دلدارِ سبط اولین زینب سلام ای یار بی همتای ،ثارلله حسین زینب سلام ای عمه محبوب زین العابدین زینب سلام ای غیرت و صبر و حیانی ائیلیین معنا جهاندا عصمته معنا وئروبدور عصمتین زینب گله بیرده مثالون عالمه ممکن دگور ، هیهات دوغا مام جهان بیرده سنون تک چوخ چتین زینب سنون شان و مقامون حق یانیندا بس کی والادی یازانماز وصفیوی بیر کیمسه دنیاده یقین زینب مقام صبریده الگو اولوبسان اهل ایمانه سنه گویده ملکلر سسلییلّر آفرین زینب قد و قامتده از بس که قیامت ائیلمیشدون سن سنه چکموشدی اَلحق زادهء ام البنین زینب سنی هر وقت گورسیدی قویاردی سینه اوسته اَل سنه تعظیم ائدردی عشقیله اُول مه جبین زینب عقیله آدلانوبسان بانوان آل هاشمده نه چون بیرکیمسه یوخدور تاسنه اولسون قرین زینب حسین گوزیاشینی توکدی نئچه یرده سنه خاطر بیراُول گون کی گئدوردون اوز ائویندن سن گلین زینب دوتاندا بیرده اول گون قتگهده خنجر شمری او دم کی گوردی ظلمیله کسوب خنجر الین زینب قالاردی کربلاده کربلا گر اولماسیدون سن یاتاردی پرچم اسلام و قران همچنین زینب حسینون پرچمون سن ائتموسن پاینده عالمده بو پرچم یاتمیوب یاتماز الی یوم پسین زینب مخاطب ائیلدون ابن زیادی یابن مرجانه اولوبدور خوار اومجلسده لعین ابن لعین زینب دئدون تا"ما رایت الّا جَمیلا " سن او مجلسده مباهات ائیلدی الحق امام ساجدین زینب پرستار اولموسان شامین یولوندا آل اطهاره ووروب کیم قیزلاری سن اولموسان تنها معین زینب یزیدی ائیلدون رسوای عالم تختیدن سالدون او دم کی باشلادون مجلسده نطق آتشین زینب دیار شامیده باب رجاسن اهل ایمانه سنی عالم تانیر حصن حصین، حبل المتین زینب سوزون سوزدور خطابون آتشیندور مظهر تقوی علی تک حق کلامون نابدور ، دُرّ ثمین زینب پیمبرلر سنه واردور یئری فخر ائیلسین بیر بیر سنون ایثاریویله باروَردور نخل دین ، زینب قویوبسان صبریده ایوبی حیران صبر دریاسی عجب عالمدی عالمده سنون بو عالمین زینب سلام ای جدی پیغمبر ئولندن گوزلری آغلار ئولونجه گورمین خوش گون اولان زار و غمین زینب دخیل درگهون حصن حصینه یوز قویوب الحق علی المرتضا تک ای اولان حصنی حصین زینب یازیبدور مدحیوی ، لطف و عنایت ائیله #شیدایه اولا آدون کیمی نطق و بیانی دلنشین زینب ۲۴ رمضان۱۴۰۳ #محمدرضاصادقی‌شیدا

ورود به محرم و عرض ارادت به امام حسین ( ع ) یا حسین گلدی گینه ماه غمون وورولوب یر گویه قاره علمون گینه دولدی اورگه همّ و غمون سنه من آغلاماسام ئوللم حسین سینمی داغلاماسام ئوللم حسین یا حسین چکدی قرا عرشه خدا عرش و فرش اهلی ائدر آه و نوا یرده باشلاندی گینه درد و بلا سنه من آغلاماسام ئوللم حسین سینمی داغلاماسام ئوللم حسین نئجه بو غمده اورک داغلامیوم یوزه گوز شبنمی باغلامیوم نئجه یاسونده سنون آغلامیوم سنه من آغلاماسام ئوللم حسین سینمی داغلاماسام ئوللم حسین فاطمه سینه سنه داغلار حسین قاره وی ئوز باشینا باغلار حسین دئیر ایوای بالا وای آغلار حسین سنه من آغلاماسام ئوللم حسین سینمی داغلاماسام ئوللم حسین جانیوی دینه فدا ائیلموسن دینیدن رفع بلا ائیلموسن قیدیدن دینی رها ائیلموسن سنه من آغلاماسام ئوللم حسین سینمی داغلاماسام ئوللم حسین حشر اونونجا عَلَمون یاتمیاجاق عشقیوی شیعه لرون آتمیاجاق عالمون سیم و زره ساتمیاجاق سنه من آغلاماسام ئوللم حسین سینمی داغلاماسام ئوللم حسین بو جانیمدا نه قَدَر جان وار حسین دامارایمدا نه قَدَر قان وار حسین اُول قَدَر سینه ده افغان وار حسین سنه من آغلاماسام ئوللم حسین سینمی داغلاماسام ئوللم حسین گلمیشم باشدا قرا یاسیوه من آغلیام تا شرف الناسیوه من دردیمی سویلییَم عباسیوه من سنه من آغلاماسام ئوللم حسین سینمی داغلاماسام ئوللم حسین سنی زهرا منی گل آتما حسین گوزله اغیارلره قاتما حسین بوندان آرتوخ منی آغلاتما حسین سنه من آغلاماسام ئوللم حسین سینمی داغلاماسام ئوللم حسین ای اولان تربتی هر درده دوا ای وئرن قلبیلره عشقی صفا یاز منه تذکره کرب و بلا سنه من آغلاماسام ئوللم حسین سینمی داغلاماسام ئوللم حسین گنبدون دیر و کنشتیمدی منیم مرقدون باغ و بهشتیمدی منیم گوزیاشی ذات و سرشتیمدی منیم سنه من آغلاماسام ئوللم حسین سینمی داغلاماسام ئوللم حسین آند وئرم سنی زهرایه حسین یوخ دئمه گَل بو تمنایه حسین قسمت ائت قبریوی #شیدایه حسین سنه من آغلاماسام ئوللم حسین سینمی داغلاماسام ئوللم حسین #محمدرضاصادقی‌شیدا

عرض ارادت محضر حضرت شمس الشموس آقا علی بن موسی الرضا ( ع ) هشتمین نور خدای لا یُری مشهدده دور قبلهء هفتم وصیّ مصطفی مشهدده دور میوه‌ی قلب بتول و سبط پاک مرتضا چلچراغ نور ایمان منبع جود و سخا معدن صدق و صفا و شهریار ارتضا اُول رئوف و عالِمِ آل عبا مشهدده دور آفتاب هشتم برج ولایتدور رضا جلوه حقدن مسلم یرده آیتدور رضا هیکل تقوا و زهد و استقامتدور رضا دلربای انبیاء و اولیا مشهدده ددور عرشه بنزر بارگاه و گنبد اعلاسی وار روضهء رضوانه اوخشار جنت الاعلاسی وار شیعه نین مولا رضا تک سرور و مولاسی وار افتخار شیعه و اهل ولا مشهدده دور نور باران ائیلیوب اول توپراقی شمس الشموش قوزیوب توپراقلار ایچره عرشه باشین خاک طوس آرزو ائیلر گوره اُول خطه نی هر ذی نفوس چون که نور ذات حیّ کبریا مشهدده دور خاک طوسی ائیلیوب توپراقلار ایچره پر بها لیک خاک کربلادن ایلماق اولماز جدا اوردا الله قانی واردور بوردا وار نور خدا بوی جنت تک شمیم کربلا مشهدده دور ائتمرم باغ بهشتیله بو گلزاری قیاس گوهری تفکیک ایدر چون سنگیدن گوهر شناس چون که نور عرش اعظم یرده تاپمیش انعکاس گوییا عرش خدادور خوش بنا مشهدده دور هر شب جُمعه گلر اجدادی قبر پاکینه نور و عزت آرتیراللار مستند لولاکینه یوز قویا هر کیمسه صدقیله بو مُلکون خاکینه نامید اولماز نه چون باب الرجا مشهدده دی حضرت موسی الرضا ذات حقون ناموسیدور اُول امامون روز و شب حور و ملک پابوسیدور قبلهء حاجتدی مولا نورِ ارضِ طوسیدور چون که مرآت خدای لا یری مشهدده دور کیم گرفتار اولسا درد ناعلاجه بی گمان سَسلَسه گوزیاشلی ای زهرا بالاسی الامان چاره سیز امراضه درمان ائیلییَر بی شک هرآن باب حاجت حضرت مشکل گشا مشهدده دور جانیمیز اولسون فدا گلدسته و ایوانینه گوز تیکوبدور ماسوا الده اولان احسانینه بو کریم اوغلی کریمدور لطف ائدر مهمانینه کان لطف و ملجاء شاه و گدا مشهدده دور مات و حیران قالمیشام بو خلقتون اسرارینه کیم غنی اولسا گئدر بیت خدا دیدارینه ائتمه غصه سنده گئت موسی الرضا گلزارینه چون ثواب کعبه و بیت خدا مشهدده دور ای پناه ماسوا ، باب رجا حبل المتین وه جلال و جاهیوه اولسون هزاران آفرین ائتمسیدون لطف اگر #شیدایه ای حصن حصین جرآت ایتمزدی یازا میر هدی مشهدده دور #محمدرضا‌صادقی‌شیدا