#برار_جان_ته_مسافر_برسیه #اربعین_دلگویه_مازنی 🏴🥀🏴🥀🏴🥀🏴🥀 برار جان تِه مسافر بَرسیه اسیری بُورده خواخر برسیه بدون ته سفر بُوردن چه سخته غریبی ره سر هاکردن چه سخته اسیری ره اگه پایان هدامه چهل منزل چهل بار جان هدامه سلام برار مه دل تسّـه کـبابه حسین جان مه سلام چه بی جوابه؟ خواخر بَمیره که ته سر ندارنی از حال و روز من خبر ندارنی من و ته سر گذشت چه برمه داره بـمومه کـربـلا بـرار دواره ندومه چیکار هاکنم خدایی مره که بَکوشته درد جدایی حرمله اَمه دلّـه پاره کرده اِما ره خنده زو ، مسخره کرده برارجان کاش که من نهیبوم عَمه چهل روز بَدیمه دنیای غَمّـه برار چی بَهووم از جان رقیه مه دل که از غم وِه پاره بَیّه ته دشمنون حسین جان بی خدانه ته نازنین دتر ره دق هدانه از درد دوری ته غِصه خرده ته سر ره تا کَشه بَیته بمرده مره ببخش که هیچ کاری نکنّه تِوسه اَمونت داری نکنّـه دعا هاکن برار شفا بهیرم هَمینجه سر بِنه بِلّم بَمیرم چه نَمیرمِه برار ته غم مه سینه بدون تِـه چتی بُـورم مـدینه؟ بنال«مداح» شه دل غم دارنه زینب دیگه اَتـا حسین کم دارنه زینب 🏴🥀🏴🥀🏴🥀🏴🥀 #شعر_علی_اکبر_اسفندیار_مداح. #کانال_نوحه_یازینب_سلام_الله_علیها